طريقه شرح الدكتور والبرزنتيشن والواجبات // حياج معاي // اقولج وقوليلي تجاربنا الخاصه

[رويال كلاس]

اب اب اب للرفع
​

 

[الصيدلانيه]

موضوع مفيد
الله يعطيكم العافيه
ولي باك ان شاءالله

 

[ركاز الجنه]

لي عودة مع لكتابة كل الدكاتره اللي مرو علي

مشكوره مشرفتنا على الموضوع

 

[رويال كلاس]

بنات ...لو تبون اى مساعدة بالبريزينتشن قولوليى ...ان شاء الله اقدر اساعدكم ... والله من وراء القصد
​

 

[خجل آلعذارى]

آآب

 

[SeLf^CoNfiDeNce]

العفوو ولو مروركم اسعدني و اتمنى المشاركه

 

[عباتي كالتاج]

السلام عليكم

بنات ساعدوني بطريقه تقرير عند الدكتوره فاطمه الراجحي نحو2 لان حدي ضايعه فييه اللي ماخذه وعارفه الطريقه تساعدني

 

[SeLf^CoNfiDeNce]

اب اب
ان شاء الله يفيدونج
انا اول مره اسمع فيها

 

[اجياد]

السلام عليكم ...موضوع يستحق الشكر لصاحبتة....بما اني اعتبر نفسي مستجده ، لان هذا اول كورس لي ، ان شاء الله بمجرد ماتصير عندي فكره واضحه عن الاساتذه اللي حاليا انا ادرس عندهم ...بكتب انطباعي هني ،،،، وبحياديه تامه.
:eh_s(7):
عساكم على القوه​

 

[عمة الورد]

http://www.q8yat.com/t986441.html

^ شرايكم بدكتوري شملان داوود القناعي

هو احسن ولا نادرة الشايع حق مادة انشاء بالانجليزي؟​

 

[جولي88]

السلام عليكم ...

بقولكم المواد الالي خذيتهم وعند منو يمكن في دكاتره احسن منهم بس بقولكم تجاربي الشخصيه


اصووول تربيه - حمد الرشيد -

الدكتور يهبل يعني عادي شرحه بشكل عام وسوالف و الماده ححيل سهله يعني ما يبيلها
وكان يعتذر بالكورس اللي خذيت عنده يعني ونااسه < هههههههههه

امتحاناته موضوعيه
طبعا يطلب امتحانين و فاينل
ماطلب لا برزنتيشن ولا تقرير ولا بحث
بس عليج تمتحنين وما تاخرين


تاريخ حضاره عربيه اسلاميه - سعوود العصفور -

دكتور في قمه الروعه و الاسلوب عسل والحضور ورقه
يمررها عالبنات و ما يحاسب عالتاخير يعني متى ما دخلتي دخلتي ههههههه
امتحانه موضوعي و جم سؤال مقالي
طلب برزنتيشن

بس طلعت فيها سي +


تعليم اساليب تفكير - عبدالله جراغ -

عسسسسسسسسسسسسسسسسسسسسسسسسل
عععععععسسسسسسسسسسسسسسسسسسسسسسل يهبل مو طبيعي استانس على كلاسه
احسسه ابوووي وسوالفه و يعطي قريدات وبونسات بالهبل و شنو يبووون البنات يسوووي
كله على كيفهم و محترم ححيل و ماكو كتاب وامتحاناته سهله و موضوعيه و يقول شنو بيحط بالامتحان قبلها
روعه صراحة انصحكم فيه

حاسوب في التربيه - فايز الظفيري -

دكتور له اسلوب راقي متفهم امتحاناته سهله وعمليه عالجهاز ويعطي امتحانين من 7 درجات
وعلى شعبتنا قال ماكو فاينل بسيطه الماده وحلوة وسهله والدكتور تعامله راقي ومحترم مع الطلبه

جماليات ادب عربي - وجيه اسماعيل -

الدكتور اسلوبه حلو ويشرح بضمير
بس انا ما احب العربي ما امشي فيه
وهو اسئلته بالامتحان مقاليه طويله بس يعطي 5 اسئله موضوعي
كنت اتخربط بالامتحان بس الدكتور ما عليه كلام التقصير كان مني

لغة عربية واتصال - محمد الظفيري -

دكتور يههبل يغير مود المحاضرات والخمول يضحك شوي مع الطلبه يعني اللي نايم يصحى
محترم اخلاق عاليه
انصحكم فيه
يعني انا حطيت عنده ماكنت سامعة عنه بس الحمدلله طلع يهبل

مقدمه مناهج - صلاح مراد -

كنت ماخذتها صيفي بس الماده ما حبيتها تشلع القلب شلع
وكان صيفي والنفسيه الله لا يوريكم ززززفت
شديد بالحضور والغياب
ينقص درجات للي يتكلم
يعطي برزنتيشن وامتحاناته موضوعيه دقيقه لازم تدرسين عدل
مو نفسي قراءة << هع هع

وانجليزي - زهراء حبيب بارز -
تعاملها حلو تهبل
طبعا كل الانجليزي لازم امتحانات قصيرة اسبوعيا او كل اسبوعين
بس هي احسن من اللي سمعت عنهم باقي الدكاتره
حبوووووبه حححيل وطيبه و تضحك بس ماتحب احد يطلع الفون اهى اهى

وسلامتكم اتمنى اني افدتكم حبايبي​

 

[cba girl : )]

السلام عليكم

بقولكم عند منو خذيت لحد الان ماعديت وايد مواد طبعا انا بالاداريه

خذيت مبادى ابدارة عند احمد ماهر الدكتور عجيييييييب احسن دكتور بالقسم

الامتحان بايدج بس عيبه كلاساته الساعه 8

يحاسب ع الحظور والغياب من ثالث غياب

ويعطي وايد هوموركات

بس الدرجات كلها بايدج

شرحه عادي مو من النوع الي يدخل المعلومة ببالج

بس مبادي ادارة مادة سهله ماتحتاج منج تعطييين وايد

اخر شي البرزنتيشن 3 دقايق مدته بس تظمنين الدرجة كامله فيه

وخذيت محاسبه 111 عند صادق البسام مايفهم كلللللش تحسفت خذيت عنده

يقولون يرفع ان شاء الله يرفع

وخذيت ثقافه اسلاميه عند عبداللطيف العوضي ينننننننن عجيييب ظامنه ال a عنده

اممتحاناته بايدج بس مايغيب كللللش

وخذيت ماث 110 عند محمد كمال حسن بالقريدات زيين بس مايفهم عليج بالتتيوريال

 

[شيخه الغيد]

اب

اب


اب

 

[~حنونة~]

السلام عليكم

جاسم الحمدان- ادارة مدرسية-

الدكتوووووور عسسسسسسل مادته اول شي سهلة
نظاام الدكتووور يشدد الغياااب اهم شي عنده الحضور والغياب يحسب الغيااب باليوم ليه درجتين واذا بعذر درجة
والبرزنتيشن عليه 20 درجة
يقسم البنات الى مجموعااات ويخليهم يشرحون فصل من الكتاب
ويعلمنا طريقة الشرح بالتفصيل انا كل مااقدم موضوع اخاف واتوتر بس معااه ماحسيت بكل هذا لان طريقته عجييبه

وامتحاناته حدها سهلة ويوضح كل شي ومايحب الحفظ حتى بالتعاريف يبي كله من فهمج
و تضمنين الA عنده اذا مشيتو على طريقته

أحمد البستان - علم اتصال تربوي-

الدكتووور عجييب وغشمرجي يمر الوقت بسرعة عنده والماادة بعد حدها سهلة
امتحاناته كلها موضوعية صح وخطأ

ويطلب برزنتيشن عن اي شي يتعلق بالاتصال يخير اذا تبين تطلعين من بره او تشرحين درس

ويعطي بوونسات اذا ماغبتي و حده متسامح

ويعطي 10 بونس بس تحضرين ندوة وتكتبين تقرير عنها وتضمنين الA عنده :eh_s(15):

بس هذا اللي اذكره اذا تذكرت شي رديت مرة ثانيه :eh_s(7):​

 

[..<< ندى الورد >>..]

مرررحباااا ~~,

بقول لكم عن الدكاتره اللي خذيت عندهم ..!


اصول تربيه >> العنود الرشيدي

عسسسسسسسسسلل عسسسسسسلل عسسسسل

جد هالدكتووره راااقيه واخلاقها حلوه وفرفوشه

اختباراتها >> موضوعيه

التقرير >> تشوفين فلم وثائقي مدته دقايق وتلخصينه

البرزنتيشن >> تسوين بوربوينت وتشرحين جزئيه بسيطه

عندج غيابين هديه + تعطي بونص



###########################################################


مهارات اتصال لغويه >> وضحه المعيان

اممممم حليوه ماتاخذ غيابات واجد لس تتسلط اذا غبت خخخخخ

احتباراتها مو مباشره

الميدي تيرم كان موضوعي

 

[صمتي في كلامي]

سلام بنات

هالكورس خذيت

حاسوب بالتربيه سعاد الفريح :eh_s(2):

طلباااااااااااااااااااااااااااااااااااااااااااااااااااااااااااااااااااااااااااااااااااات ومايعجبها العجب


وستين الف مذكره والامتحان يجي من برا المذكره :eh_s(14)::bbbiu:



سعود العصفور تاريخ حضاره

امدحوه حيل بس للاسف مو على المدح اللي سمعناه


مقدمة مناهج بحث صالح براهيم

لا انصح به اطلقا :eh_s(2):

تربيه بييه صالح الصفار

نفس الشيء امدحوه وللاسف العكس

محاضره ممله وامتحانات صعبه

بيولوجيا انسان

فدوى


انحاااااااااااااااااااااااااااااااااااااااااااااااااااااااااااااااااااااشوا لا احد ياخذ عندها

 

[أم منيـرة]

جـآمعة الكـويت - كـلية العلـوم الإدارية

تطبيقـآت الحـآسب الآلي - زينب القنـآعي
حيييييييييييل حييييييييييل زينه .. كوزاتها سهله وفيها مسـآعده
وتدز لنا سؤال بونص ف الكـوز ع الإيميل ..
وعلى كل فتفوته بونص .. تههههههبل وحدهـآ حليوه ..
عقب المحـآضره تعطي نصـآيح وقصص ..
يعني الي يـآخذ عندها ويشـد حيله قريده رآح يكون حيل حلـو ..

Math 110 - فـايز عبدالسـلام
ف البداية ماعجبني النظـآم وكنت خـآيفة .. وبسحب المـآده
وآخر شي استقريت كـوزاته حلوه اذا كنتي دآرسه ..
يهههههههتم حيل حيل بالغياب .. حدج 9 ايام عقبها FA
طلعت من المـآده بقريد زين ..

نظـأم دستوري في الكـويت- خليفة الحميـده
شقول وشحجي
عجييييييييييييييييييب هالدكتور .. ونظامه سهل ومريح
مايحاسب ع الغياب ، كميته شوي ومريحة لنا بالدراسه
المدتيرم سهل واذا بدعتي يعيده لج .. عشان تحسنين الدرجه ..
والفـآينل اسهل واسهل .. وتضمنون عنده فوق الـبي

إقتصـآد جزئي - مساعد بن عيد
الدكتور حليـو وحبوب وكوزاته سهله .. وماياخذ غياب
بس المدتيرمـآت صعبه وهم الفاينل صعب ..
قريـدي مـآعجبني للأسف

إحصـاء 1 - حسنـي حمدي
برووووفيسووووووووووووووووور بمعنـى الكلمـــه .. دكتور محترررررررم وطيب ونظـامي جدأ .. حتى انه مره نقصني درجه لاني تأخرت بتسليم الورقه :/
بس مع هذا شرحه تـــوب تـــوب تــوب مـآ تحتاجون تتوريـآل حتى .. " ما ياخذ غياب " بس مرات ياخذه بين فتره وفتره ..
كوزاته سهله ومنـآسبة لمستـوانا .. وامتحانات الإحصاء موحده ، اول مدتيرم كـآن سهل .. ثاني واحد لآ .. بس الفاينل سهل حده ..
مـآدري شنو قريدي بس متفـآئله

مقـدمة في المحـآسبة المـآلية - سعـود الحميـدي ..
أحسن دكتور بقســـم المحـآسبه بالنسبة لي .. شرحـه حلو ويعطي من كـل قلبه ..
وطيـب حييييييل نحســه أبووونا
يهتم بالحضور والغيــآب حيل وكل مره يـآخذه ، ويفيدنا الغيـآب اخر شي لانه يرفعنــآآ ويراعينـآ آخر شي
طلعت منه بي :$


مبـآدىء إداره - احمـد مـآهر
دكتور عجيييييييب شرحه حيل حيل حلـو .. امتحاناته سهـله ، بس انا قفل :/
ولازم في برزنتيشن ويهتم له حيييل
وعنده هـوموركـآت بس سهله حدهـــآآآآ ..
ياخذ الغيـآب ، يعطي بونص بنهاية الكورس للي مـآيغيب ولآ يوم ..
واتوقع عنده تقـدير حلــو ..

مدخـل رعـآية إجتمـآعية - مسعـد شـلآش
هالدكتووووووور عجيب + طيـّب + محترم + يقدر الظرووووف ويراعي الطلبه حيل ويسهـل عليهم
شكثر يعطينـآ اوفــآآت والمدتيرم سهل حده الأغلبيه خذو درجات عاليه ، انا خذيت فيه فل مـآرك لانه محدد 5 مواضيع ويطلب منا نحـل أثنين بالإمتحان ، طبعا الإمتحان مقـآلي ..
ويهتم للغيـآب
والفـآينل كميته وآآآجد بس الإمتحان سهل ومبـآشر .. وبالنهاية اهو يرفع الطلبـه ويراعيهم ..

،

 

[أم منيـرة]

بنــآت خلص الكـورس فيـدونا بتجـآربكم عند الدكـآتره ..

 

[آطمح ترآإضيني]

آلسسلآم عليكم ..

عجبتنـي فكككرة آلموضوع بحيث إنهـآ تفيد آلكـل ,

مع إنتهــآء هـ آلكورس أكتب تجربتـي مـع :

( فقـه 2 ,, د. خـآلد العتيبـي )
كلمةة عججججججججججججججيب شووووووي عليه , ويهتم بالغياااب حيييل , بصراحه مـآدري شقولكم عنه .. بـ إمتحآن آلميدتيرم كـآن الإمتحآن عبآرة عن صفحه وحده
وآللي يصدم أكثر إن إمتحآن الفآينل وبرغم إن آلكميه كبيره وآلماده شوي دسمه .. كآن الإمتحآن صفحه وحده بعد
أخذت عنــده : A

( سره نبويه ,, د. عبدالعزيز المطوع )
حبـوووب .. ويحب يسولف بالمحاضره
مآيهتم بالغياب حيل يخلي وحده من البنات اهي اللي تاخذ الغياب مكانه
إمتحآناته موضوعي وسؤال وآحد مقآلي ,, يطلب بحث سهل ويحدد لج المرآجع
أخذت عنـده : b+

 

[آطمح ترآإضيني]

( مبـآديء تربيه , د. صلآح آلرآشد )

آلممممآده سهله وأهو مآشالله حذف لنـآ ثلآث أربــآع المنهج
يغيييييييب واااااااااااااااااااااايد .. وإذأ حضر مـآيهتم بالغيآآآب
يطلب تقرير عن زيــآره للمدرسه . . ويطلب تلخيص لأحد آلكتب اللي تتعلق بـ آلتربيه
إختبـآراته كلهــآ موضوعي الميدتيرم وآلفاينل .. الفاينل كآن شوي دقيييق
أخذت عنده : b+