طريقه لو جربتيها ماراح تندمين ابداااا<<<وعلى مسؤوليتي

[&شوارفسكيه&]

صباح الخير بنات
شلونكم عساكم بخيــــــــــر
حبيت اكون اول وحده تعايدكم في عيد الفطر عسى الله يعوده علينا بكل خيــــــــر
اليوم بكتب لكم شغله عجيـــــــــــــــــــــــــــبه شي شي شي
والله صج صج شي

بس مثل ماعودتكم وعودتوني
ابي اللي تجرب اي شي اذكره وينفع معاها تدعيلي من كل قلبها
ان ربي يسخر لي زوجي وينصرني على كل من ظلمني
وانا مستحيل اكتب شي الى وربي عن تجربه صدقوني

اهي طريقه والله انا ابتكرتها من حالي وبالي بس وربي انصدمت من نتايجها
المهم بقولكم شنو اهي
السالفه ومافيها
اني غبت عن شقتي مدة اربع شهور
بحكم سفر زوجي للعلاج مع ابوه للخارج
المهم هالفتره هذي مامريت فيها شقتي خير شر
الى قبل لا يوصل باسبوع
رحت شقتي ولا الله لا يوريكم
اللي يشوف الشقه يقول مهجوره لها سنه كامله
المهم ما علينا
مسحت السيراميك ونصفتها انا وخدامتي من فـــــــــــــــــوق الى تحت
وصارت شي تلق لق
الى المطبخ والحمام
هذول الاثنين يبيلهم يوم كامل بروحهم
والله يوم شفت مطبخي صابتني حالة اكتئاب
شي مو طبيعي
كله تراب والبورسلان اللي على الطوفه صاير عليه طبقة دهن وعلى الدهن تراب :eh_s(14):
يغعيت اموت يوم شفته
عاد طرت في بالي فكره
بس لا تطوفكم
الموضوع ومافيه
انا عندي جهاز البخار للجسم ومليت منه عاد قطيت الخيمه مالت وخليت الجهاز عندي
قلت ليش ما استغل الجهاز
شوفو شسويت_03BA:
اخذت لاجهاز وعبيته شوية ماي
وحطيت مع الماي بنسب متساويه
ديتول و كونفوردت وكرولكس وملح الليمون
اللي تبي تجرب الطريقه
لا تستغني عن اي شي ذكرته
حطيته كله في الجهاز مال البخار
وشغلته في المطبخ
وفتحت كبتات المواعين
طبعا ماكو اكل كله قطيته بالزباله حشاكم لانه كله خربان
الكبتات بس فيها مواعين وصحون
والكبتات مغبره والغبار لازق مو راضي يفج
والبورسلان حده مغبر واللي صوب لاغاز كله دهن وتراب :0bee2e8d89:
والغاز يسد النفس كله كتل دهن مستحيل تطلع واللي كمل عليها التراب
المهم شغلت الجهاز
طبعا فصلو الغاز بالاول
المهم
عقب سكرت المطبخ وخليت الجهاز لمدة ساعه الى ربع
دخلت المطبخ
تخيلو شصار
العجــــــــــــــــــــب العجــــــــــــــــــــاب
كله بخار وريحه
يوم مسحت الطوفه بالفوطه والله سوووووده طلعت
مسحت الغاز بلاوي والله بلاوي طلعت
الصحون قمنا نغسلها تلق لق :ggdw::ggdw:
حتى الجدور اللي كان فيها شوية حراق والله راح كــــــــــــــــــــــــــــــــله
خليت خدامتي تمسح المطبخ من فوق الى تحت وطلعنا المواعين والجدور
ومسحت الادراج
ورحت غسلت مواعيني كله
والله لو اراويكم مطبخي قبل وبعد تنصدموووووووووووون شي خيالي
وعقب سويتها بالحمام
يووووووه وربي شي خيالي وينفتح النفس
جربوها وادعولي
وقولو &شوارفسكيه&ماقالت_03BA:​

 

[عن قريب]

صباح الخير


عساااااااج من العايدين والفايزين الغاليه



مشكوووره عـ هالفكره الجوناااااان


أذكر مره مرة خالي كانت نفاس عند أهلها واتعبت هناك ودخلوها السشتفى المهم المره ماطبت شقتها شهرين


عاد خالي ماقدر يعيش مع هالكركبه اللي سواها جان يطلبنا ننضف الشقه له


والله والله بلاوي طلعت معانا بس والله مو شي هين تعبنا لين قلنا بس خصوصا سالفة الدهن والتراب اللي كان على الطووفه وانتي صااجه تعذيييييييييييييييب على مابدى يروح

ياليتني كنت عارفه هالطريقه جان سويتها فديتج


عالعموم تسلم أناملج , ولا ننحرم جديدج يا بعدي


وعسى رب البيت يسخر لج زوجج وينصرج على مظلمج يا رب


حبوبه ماتقصرين

 

[&شوارفسكيه&]

هلا غلاتي بجد اسعدني مرورج
وانا توني راده بيتي وجربت هالطريقه بس بجد لا تعبت ولا شي اقولج بس امسح مسحه خفيفه تطلع بلاوي الدنيا
والحين تعالي شوفي المطبخ والله اللي يشوفه كني مركبته جديد شحلاته يفتح النفس
وانا انصح كل ربة بيت تجرب هالطريقه بعد هالغبار اللي جانا اللهم يا كافي جنه اعصار استغفر الله
واللي تجربها وربي ما تندم
بنتدخل مطبخها كل يوم وبتدعيلي
ولا تحروموني من ردودكم الحلوه

 

[&شوارفسكيه&]

شدعووووووووووه
محد رد علي الى وحده
صج ما تشجعوه الواحد اللي شايفين الموضوع اكثر من 50 عضوه ولا وحده قدرت ترد
مشكورين يا حلوات على التشجيع الحلووووووو

 

[غلاي غير]

ماشاء الله عليج تفكيرج روعه صج ماشاء الله عليج والحمد الله على سلامة ريلج

 

[&شوارفسكيه&]

بعد قلبي الله يسلمج
شدعوه وين باقي الردود
بصراحه زعلت منكم يا بنات منتداي العزيز

 

[رووري]

كل عام وانتي بخيير شوارفسكيه ، صراحه يعطيج العافيه و خوش فكره بس آنا ما عندي الجهاز ، بشتريه ، انتي من وين يايبته ؟

 

[جوزائيه مغروره]

الله يعطيج العافيه يا قلبي

وانشالله بجربها بمطبخي لما اسكن مع ريلي :$

 

[مستحية]

وايد فكرة حلوة يا ام الافكار مشكورة على الافادة

 

[ranh]

فكره حلوه فعلا
انا عندي جهاز البخار مال التنظيف وما استخدمته للحين في التنظيف
بس فعلا البخار فعال في التنظيف بس الديتول والمنظفات الثانيه ما تخربه؟

 

[&شوارفسكيه&]

اهلين خواتي
بالنسبه لسؤالج اخت روري
اهوه بخار للجسم بس انا عندي من زمان ومليت منه وخليته حق تنظيف
وانا شاريته من الوسيط<<<<الجرايد الاعلانيه

الاميره المغروره ان شاء الله تتزوجين وتجربين الطريقه

مستحيه <<<مشكوره لمرورج خيتوووووووو

هلا اختي التاجره
وصدقيني ما يخرب الجهاز بالعكس احس انه يعقم حيل

 

[عاشقة الرشاقة]

يعطيج العاتفية على هالفكرة العبقرية..........وعيدج مبارك

 

[دندووون]

تصدقين فكره حلوه
وبعد في جهاز مقارب له مسوين دعايته على التلفزيون مو ذاكره اي قناه جهاز خاص لتنظيف الغبار والاوساخ العالقه << ركزوا عاللغه
والدهون بس تحطين ماي وشوفي البخار شلون ينظف بس دام عندنا جهاز السونا اسهل واسهل

 

[ليالي نجد]

حركااااااااااااااااااات ماشاء الله

صج لا قالوا الحاجه ام الاختراع

مشكوووووووره عسى ربي يهنيج مع زوجج ويسخره لج ويوفقكم وينصرج على كل من عاداج يااااااااااارب

 

[(كويتيه عسل)]

مشكوره على الفكره تسلم ايديج

 

[^الزين^كله^]

ماقصرتي الله يعطيج العافيه بجرب عندي الجهاز بستفيد منه ولا قعدته جذيه​

 

[تفاحة حمرة]

مشكورة نجرب ان شاء الله

 

[orangeya]

يعطيج الف عافيه

ومشكورة يالغاليه :ggdw:

 

[ريما_الحلوه]

كل عام وانتي بخير ويعطيج العافيه وبيت دايم يارب

 

[القلب الاحمر]

يعطيكي العافية