طريقه لو جربتيها ماراح تندمين ابداااا<<<وعلى مسؤوليتي

[AL~ZaSeMa]

يعطيييج العافية وعالفكرة الحلوة وراح نجربها

 

[om-lolo]

مشكوره وماقصرتي خوش فكره والله

 

[&شوارفسكيه&]

انا عندي الاوتي البخار يصير ؟؟؟ ومشكووورة على الطريقة ... وليش ملح الليمون شنو فايدته ؟؟؟

هلا حبيبتي
اوتي البخار ما ينفع لانه صغير
ما اضن بخاره وايد
جربي حطي الخطله في جدر كبير وعلى النار بيطلع بخار احسن من الاوتي
وملح الليمون روعه روعه
هذا لا تستغنين عنه
وفايدته انه ينفظف السراميك ويلمعه ويلمع لج المواعين
يعني تنظيف من الدرجه الاولى

 

[عيون سارة]

صباح الخير بنات

شلونكم عساكم بخيــــــــــر
حبيت اكون اول وحده تعايدكم في عيد الفطر عسى الله يعوده علينا بكل خيــــــــر
اليوم بكتب لكم شغله عجيـــــــــــــــــــــــــــبه شي شي شي
والله صج صج شي​

بس مثل ماعودتكم وعودتوني
ابي اللي تجرب اي شي اذكره وينفع معاها تدعيلي من كل قلبها
ان ربي يسخر لي زوجي وينصرني على كل من ظلمني
وانا مستحيل اكتب شي الى وربي عن تجربه صدقوني​

اهي طريقه والله انا ابتكرتها من حالي وبالي بس وربي انصدمت من نتايجها
المهم بقولكم شنو اهي
السالفه ومافيها
اني غبت عن شقتي مدة اربع شهور
بحكم سفر زوجي للعلاج مع ابوه للخارج
المهم هالفتره هذي مامريت فيها شقتي خير شر
الى قبل لا يوصل باسبوع
رحت شقتي ولا الله لا يوريكم
اللي يشوف الشقه يقول مهجوره لها سنه كامله
المهم ما علينا
مسحت السيراميك ونصفتها انا وخدامتي من فـــــــــــــــــوق الى تحت
وصارت شي تلق لق
الى المطبخ والحمام
هذول الاثنين يبيلهم يوم كامل بروحهم
والله يوم شفت مطبخي صابتني حالة اكتئاب
شي مو طبيعي
كله تراب والبورسلان اللي على الطوفه صاير عليه طبقة دهن وعلى الدهن تراب :eh_s(14):
يغعيت اموت يوم شفته
عاد طرت في بالي فكره
بس لا تطوفكم
الموضوع ومافيه
انا عندي جهاز البخار للجسم ومليت منه عاد قطيت الخيمه مالت وخليت الجهاز عندي
قلت ليش ما استغل الجهاز
شوفو شسويت_03ba:
اخذت لاجهاز وعبيته شوية ماي
وحطيت مع الماي بنسب متساويه
ديتول و كونفوردت وكرولكس وملح الليمون
اللي تبي تجرب الطريقه
لا تستغني عن اي شي ذكرته
حطيته كله في الجهاز مال البخار
وشغلته في المطبخ
وفتحت كبتات المواعين
طبعا ماكو اكل كله قطيته بالزباله حشاكم لانه كله خربان
الكبتات بس فيها مواعين وصحون
والكبتات مغبره والغبار لازق مو راضي يفج
والبورسلان حده مغبر واللي صوب لاغاز كله دهن وتراب :0bee2e8d89:
والغاز يسد النفس كله كتل دهن مستحيل تطلع واللي كمل عليها التراب
المهم شغلت الجهاز
طبعا فصلو الغاز بالاول
المهم
عقب سكرت المطبخ وخليت الجهاز لمدة ساعه الى ربع
دخلت المطبخ
تخيلو شصار
العجــــــــــــــــــــب العجــــــــــــــــــــاب
كله بخار وريحه
يوم مسحت الطوفه بالفوطه والله سوووووده طلعت
مسحت الغاز بلاوي والله بلاوي طلعت
الصحون قمنا نغسلها تلق لق :ggdw::ggdw:
حتى الجدور اللي كان فيها شوية حراق والله راح كــــــــــــــــــــــــــــــــله
خليت خدامتي تمسح المطبخ من فوق الى تحت وطلعنا المواعين والجدور
ومسحت الادراج
ورحت غسلت مواعيني كله
والله لو اراويكم مطبخي قبل وبعد تنصدموووووووووووون شي خيالي
وعقب سويتها بالحمام
يووووووه وربي شي خيالي وينفتح النفس
جربوها وادعولي

وقولو &شوارفسكيه&ماقالت_03ba:​

عاشت ام الافكار _03ba:

 

[بـــطوووطه]

مرحبا يالخطيييييييييييييييييييييييييييييييييييييييييييييرة

بسالج شنو جهاز هالبخار اللي قلتي عنه

لاني جد محتااااااااااجة له

 

[حلوة الروح]

جهاز البخار اهو السونا نفسها الله يخليج حطي صورتها

 

[&شوارفسكيه&]

هلا حبايب قلبي
والله ما اعرف انزل صور توني عليميه
بس تعرفون الجهاز البخار حق الجسم اللي مع خيمة السونا
اهوه نفسه احطه في المطبخ بس من غير الخيمه بروحه واشغله وينترس المطبخ كلـــــــــــــــــــه بخار
عاد شوفي البلاوي اللي بتنزل شي مو طبيعي خاصه اللي على طول تطبخ في مطبخها وتشتغل بتشوف العجب العجاب

 

[بنتq8]

تسلميييين

 

[مسك الغرام]

أووووووووووووووووه شي شي..

يبيـــــــــله مغامره مثلج...

يسلموووووووو على الفكره الجنان...

 

[روحي رياضية]

حلوة الطريقه .. عجبتني وايد ..

ما شاء الله عليج ..

 

[*أم*خالد*]

يزاج الجنه وعسى الله يعطيج على نيتج يارب

 

[قلبي معاك]

يعطيج العافيه وبجربها

 

[اطباق ماي ورد]

يعطيج العافيه على هالتنظيف

وما قصرتى على الطريقه

 

[&شوارفسكيه&]

بالعافيه عليكم حبايب قلبي

 

[@دايمـ اهذريبك@]

والله خووووووووووووووش يبيله انجرب


تسلمين ويعطيج الف عافيه

 

[DKNY]

مشكوره يالغلا

 

[نوووونـــي]

ماشاالله علييييييييييييج

حدج سنعه ياام الافكااااار

 

[غير كل الناس]

ثانكيوووووووووووووووووووو

 

[&شوارفسكيه&]

بعد عمري عليج بالعافيه

 

[^حبيبة الكل^]

مشكورة يا قلبي و ربي ينصرج على من يعاديج يارب و يسخرلج ربي زوجج قولي امين