طفشت الريال ..!!

[Patcholli]

:eh_s(17):مساء الخير ..

موضوعي عباره عن نصايح لفئه محدده من البنات ..(( العصبيه والنجريه والنكديه والزعوليه ))

هالكلام دايماً اردده لحديثات الزواج سواء صديقاتي او خواتي او قرايبي ..

لا تخلين زوجج يكش منج ويكره يسويلج شي ..

راح اوضحلكم شلون ..

وحده من صديقاتي صارلها 6 سنين متزوجه او 7 .. مو عادتلها بالظبط

المهم غير شهر العسل ماشافت .. وريلها ماشاء الله بالسنه يسافر 3 او 4 مرات وبكل مناسبه لازم يسافر سواء عيد وطني او عيد فطر او عيد اضحى او راس السنه او عطله الربيع ..
وكل هالسفرات مع ربعه .. يقولها حامض على بوزج تشمين ريحة المطار ..
طبعا بتقولون هالزوج حقير واناني وماستحي على ويهه وبخيل واكيد رايح يخربط .. الخ

وانا اقولكم لأ ..!!

هالزوج انسان طبيعي .. وطبيعي جدا بعد ..!!

تدرون ليش ..!!

لان شهر العسل اللي ساافرو فيه كان من اسوأ ايام حياته اللي مر فيها ..!!

البنت اشتغلت عليه نكد وهواش وغيره وريج ناشف ..!!
على كل كلمه مطنقره .. على كل نظره هوشه .. على كل نفس بوز وطناقر ..!!
كرهت الريال بالسفر معاها .. خلاص خذا انطباع انها نكديه وحرام يقص تذكره وحجز فنادق ويقط جم الف على النكد والهواش ..!!
اهي بعظمة لسانها تقول انا كنت امشي واتزعل .. للاسف حسبالها ان هالاسلوب بيخليه يركظ وراها ويبوس ايدها ويقولها اشفيج حبيبتي ليش معصبه .. ؟؟
غلط يا بنات غلط ..!!
المثل يقول ريلج على ماعودتيه ..!!
اذا عودتيه ان السفر معاج يكون من احلى ايام السنه صدقيني بينطر متى ايي موسم السفر عشان يحجز ويتحمس ويتشوق حق سفرتكم والامكان اللي بتروحونلها وتشوفينه اهو اللي يقترح عليج
اما اذا شاف العكس فشي طبيعي بيشوف ناس غيرج يونسونه ويسافر معاهم بدون نكد لان البني ادم يسافر عشان يستجم مو عشان تطلع روحه ..

وهالكلام ماينطبق بس عالسفر لا على عدة شغلات ..


وحده ثانيه نفس الشي راحت مع زوجها السينما وطلعت الممثله الاجنبيه حلوه ولابسه قصير واستلمت الريال هواش ..!! والمشكله اهي منقيه الفلم واهي حازه تذاكر وعازمته ..!!
انزين ليش تغثين الريال يعني هالانقليزيه خلاص بتطلع من الشاشه وتقعد يم ريلج ..؟؟
ماتهنت لا بالفلم ولا تهنت عقب الفلم ولا تهنت بالطلعه وقطت فلوسها عالفاضي
لو ساحبه ريلج بكل هدوء بدون هواش جان عالاقل رايحين مكان ثاني متعشين ولا متمشين ولا رادين البيت وانتو تظحكون .. كرهت الريال بالطلعه معاها فقير صار يخاف يدش السينما ..

وحده ثالثه ريلها واعليا حاجزلها شاليه ..
ماقصرت طبعا غسلت شراعه ليش قالها باجر الاهل بيون الشاليه عالغدا .. خلته ينام بالصاله واهي نامت بالغرفه من الهواش ..
لييييييييييش ليييييييييييييييش ليييييييييييييييييييش ..!!
يبا قوليله حياهم الله .. قوليله اذا ماوسعهم الشاليه اشيلهم على راسي ليش النكد يعني مو كافي ليله وحده مع ريلج وحتى هالليله الوحده خليتيها هواش ..؟
حرام عليها الصراحه الريال متعني ومافاجئها واهي جذي ردتله الاحسان ..

وحده رابعه رايحه فندق مع زوجها وهم تهاوشو وماصدقو متى يصير الصبح عشان يردون البيت وكل واحد يفتك من ويه الثاني

والامثله وايد وايد وايد ..!!
الصراحه هالفئه من البنات لازم الواحد يوعيهم حرام ..
انتو قاعدين تخربون على روحكم ..!!
قاعدين تنفرون رياييلكم وتخسرون صفات حلوه موجود بشريك حياتكم ..
ترى لكل فعل ردة فعل ..
اليوم يسويلج باجر يقول هاذي مو كفو ..


ديرو بالكم حبيباتي وخفو على رياييلكم والله ترى الدنيا ماتسوى والعمر قصير استانسو بحياتكم ووخرو عن النكد ترى مايطفر الريال ولا يبعده عن مرته غير الاخلاق الخايسه والهواش والنكد في بنات للاسف حسبالها اتصير قويه وريلها يحبها ويخاف منها لما تعامله جذي ..
مو مستوعبه ان هاذا بني ادم .. مثل مايحبج ويموت فيج يقدر يكرهج وينفر منج ..
حتى لو كنتي ملكة جمال الكون


تحياتي لكم واتمنى تتقبلون نصيحتي برحابة صدر .. والله ابي مصلحتكم ..:eh_s(17)::eh_s(17)::eh_s(17):

​

 

[عبالي حبيبي]

كلامج صحيح مليون بالاميه

تسلمين حبوبه

 

[Bamya]

:eh_s(15)::rerrerek::eh_s(15)::rerrerek::eh_s(15)::rerrerek::eh_s(15)::rerrerek:


ma3aaach 100% eb kel kelma gelteha

 

[هيفاء 966]

معاج حق. كلامج منطقي وفي محله. الوحده لازم تمسك اعصابها عند ريلها. مو على كل شي نجره

 

[cutee__q8]

درر والله
وايد عجبني الموضوع
اب

 

[أم الفناتك]

صاجه والله يسلمووو

 

[كليـ دلعـ]

وي وي وي

الله يعطيج

ملياااررر و٨ ملايين عافيه

يبتيهاا ع الجرررح

واااااي واااي

ذبحتني بنت اختي بالظبططط بالظبط

اللي قلتيه

لوعت جبدي كل يمعه لنا زعلانه ومبووزه

يديده عييززت واهي تشخط فيهاا

بس ماكوو فاايده

ذبحتني

تصوري حياتهاا متكهربه

قلت روحي فندق سوي جوو لعل وعساا تستانسوون

راحت ااسااعه ٨ دقت علي ااساعه٩

تبجي تبي ترد!!

تخانقت معاااه!'

وااي قلبي

صارلها ٥ سنين ع هالحال

االحين االله وكيلج عايشه مع زوجها

حاقررهاا ولايكلمها الا بهووشه!

طلع الامرر من ايدناا

لما كننا ننصح ماكانت تيسمع الحين خلاص!

 

[عيون مبارك]

في ناس ما عندهم طولة بال
سبحان الله وايد اشوف فيهم هالشي وما امدح نفسي لكن انا بالي طوييييييل ولاخر نفس مع ريلي
يعني في حريم اذا ريلها ما سوالها في نفس اللحظه تقلب الدنيا عليه انزين ليش انشالله الوقت جدامكم لكن هي لا مصره الحين يعني الحين
وطبعا هاي كله يعتمد عالريال اذا كان حازم ما بتصير هالامور
انا اعترف في اول زواجي كنت ابي اقلد امي شوي في عنادها وابوي فديته طيب وحبوب واهم شي رضا امي لكن ريلي لا لانه بعد عنيد و عرفت عقب ان لازم ما اعانده عشان احصل مطلوبي اذا شافني قلت انشالله ورضيت وسكت القى كل شي كان مانعني منه او رافضه يجيني

فنصيحه للبنات طولوا بالكم الدنيا ما راح تطير *

 

[حنان الحربيه]

كلامك روووعه
مدري ليش بعض الحريم يدورون المشاكل

وللي يقهر تلقينها تقول فلانه زوجها مدلعه ويطلعها ويعطيها

موفلانه مريحته وعايشه مع احلا حياه مو انتي كله نكد
<معليش تحمست
بس لان كثير نشوفهم

 

[ريم خانم]

صدقتي والله مشكوره

 

[خوووخه w]

كلااااااااااااامج صحيييح مليييييييون بالميييييييييييييه انا صايره جذي الحييييييين مع زوجي :eh_s(16):بس والله مو مني من الحمااال شسوي بس احس قمت اصيطر على نفسي عقب الوحاااااام بس بعض مرات مااقدر بس اقوله تحملني على مااولد تكفى خخخخخخخخخخخخخ والمسكيييين ينطرني متى اولد علشان ارد نفس اول الللللللللللللله كريم عسى يسخر ازواجنا لنا ويسخرنا لهم يااارب:yaaaaaarb:

 

[الشمال وين]

تسلمين

كلامك عين العقل الف شكر

 

[Reham 84]

اب
حلووو الكلااام

يعطيج العافية

 

[بتول بوشهري]

مشكوره على النصايح

 

[ماني من الناس]

فيه ناسً طبيعتها جي غاويه نكد

يعني لو مانكدت ع نفسها والناسً ماترتاح خخخ

يمكن هم يستمتعون بالنكد

 

[شادن33]

يوم واحد نكد في الاسبوع مايطفش
خخخخ
يوميا الابهج الريال
وخرج ولم يعد

 

[فلسفة جرح]

والله كلامج صح بس الحرمه احيانا ماتقدر تسيطر على نفسها وتتناجر بكل شي ماعندهم طولة البال

 

[AL-DMERA]

صح كلامج ,,
آنا تقثني اللي تقول بخلي زوجي خاتم بصبعي ,, الله يقطع صبعج داشه حرب مو زواج ,,
ثـ,ـآنكــٍس ,,

 

[ام كوثر2007]

مشكله والله بعض الحريم .. اذا مو اكثرهم هذا سلكهم ..

يموتون بشي اسمه نجره وهواش وغسل شراع علي قولتهم ..

ما يدرون انه هالشي يطفش الريااال ويبعده

والريااال مشكله اذا اخذ موقف من زوجته غير عنا احنا الحريم حتي لو ناخذ موقف نعديها ونعطي فرص ثانيه بس اهم عكسنا ,,,

وصاجه حبيبتي بكل كلمه قلتيها الصبر مافيه احلي منه وما يطفش الرياال غير الحنه والرنه ولويه البوز ....

 

[نونو العصله]

يعطيج مليون زيليون و ترليون عافيه على الموضوع الحلوه
معاج حق
مثل مافي زوج نكدي
هم فيه حريم نكيديين
تحسينهم داشين حرب مو زواج


يكفينا شرهم
انا اعرف وحده بلمنتدى جذي
وكلي دلع تعرفها عدل هههههههههههههه