طفشت الريال ..!!

[Fiori]

ديري بالج حبيبتي ترى لكل فعل ردة فعل
يعني تخيلي زوجج مستانس وصاير جنتل وياي يفتلحج باب السياره
وبالمقابل انتي نفستي عليه ودزيتيه لانج معصبه
تتوقعين بيرد يسويلج نفس الحركه مره ثانيه ؟؟
ولا بيقول صج مو كفو ويحرم يسوي هالشي ؟؟
صدقيني انتي اللي راح تخسرين هالاشياء
بعد العشره بتقعدين تفكرين وتقولين الله يرحم ايام قبل كان يسويلي وكان يحطلي وكان يقولي وانا خربت كل هاذا على نفسي ..

والله كلامج صح وانا لاحظت هالشي صارلي موقف بهالويك اند اللي طاف سويت شي غلط غلط اني خليت اعصابي تتحكم فيني وخليته صج يكش وماحسه راح يسويلي اللي سواه مره ثانيه

قاعده احاول كثر ماقدر اعوضه عن اللي صار وتغير والله يثبتني لان تأنيب الضمير ذابحني بصراحه ... :eh_s(16):​

 

[انا لها شمس]

اب
اب
اب

 

[Patcholli]

والله كلامج صح وانا لاحظت هالشي صارلي موقف بهالويك اند اللي طاف سويت شي غلط غلط اني خليت اعصابي تتحكم فيني وخليته صج يكش وماحسه راح يسويلي اللي سواه مره ثانيه ​

قاعده احاول كثر ماقدر اعوضه عن اللي صار وتغير والله يثبتني لان تأنيب الضمير ذابحني بصراحه ... :eh_s(16):​

حبيبتي والله الله يكون بعونج وصج احنا وايد عصبيات لازم نحاول نسوي كنترول ..
انا الحمدلله هالفتره طخيت عن قبل
كل ما بغيت اعصب اتذكر شي حلو سوالي ياه او اتذكر كلمه حلوه او موقف حلو منه واتعوذ من ابليس
سوي هالطريقه كل مابغيتي تعصبين او تظايقتي تذكري شغله حلوه سوالج ياها وحسيتيه من قلبه
راح تطخين :eh_s(17):
بعد عمري ان شاء الله تتجاوزين هالمسأله باسرع وقت وتقدرين تسوين كنترول عالاعصاب

 

[انت مناي]

:eh_s(15)::eh_s(15)::eh_s(15)::eh_s(15)::eh_s(15)::eh_s(15):

وربي صادقه بكل كلمه قلتيها

 

[إحساس شرقاوية]

واااااااااااو كلامك رهيب

مشكوووووره ع النصيحه

 

[-_-Designer-_-]

يعطيييييييييييييييج الف عافيه حبيبتي خووش موضووع

 

[*Manoush*]

ويييه والله ذكرتيني بوحدة اعرفها وقريبة مني حيل ( من الاهل )
اعصابها فلفل شرار على كل شي تسوي هيصة وصيحة ياساتر
يعني مرة كنا طالعين وياها مطعم ،، افضحتنا وافضحت الجارسون ونادت مدير المطعم واحرجتنا جدام الاوادم على شنو ؟ ليش يبتولي ماي دافي موبارد ؟!
واخذي على هالنمط علاقتها مع زوجها نكد x نكد x نكد
الله يهديها ان شاءالله ويهدي الي مثلها

 

[غدووور الكويت]

يعطيج الف عااافيه

 

[يارب يطيب عبود]

ايه صادقة كلامك عين العقل

 

[يارب يطيب عبود]

نونو شالهزوجه استغفر الله تصيح على كبتشينو


بس تشغلون شريط زواجه الثاني واهي فيه معها حق تعصب
بس خير تمنع اخوك يزوركم واخوك ليه يطاوعها>>> للي مايعرف ليه يسمع كلامها

 

[Ghaima]

صح كلامج ..

بس ترا في ريايل زعولين ونكودين ونذلين وغير عادلين شتبين البنت تسوي وقتها تصبر اوكي تصبر وتصبر لي متى

لين يطق فيها عرج ؟

ولا تنقمت وتشوف حوالينها الناس مستانسين وزوجها ما درى عن تعبها وياه وحياتها اللي متحملتها

يالله مو بس الحريم فيهم هالطباع الخايسة حتن الريايييييييل


وايد اسمع قصصهم البنت حبيبة ومعروفة قبل زواجها واول زواجها مستانسة تالي شوفي بعدين يطلع الزوج على حقيقته ويكشر

والبنت فقيرة تحاول وتحاول ماكو فايدة الضرب على الميت ما منه فايدة وتتطلق بسبة خراب المخ عنده

وانا جذي ريلي مخه مادري شلون صاير .. بس نصبر والله كرييييم

لازم تكونين عادلة بالموضوع ما تدرين كل وحده من اللي ذكرتيهم شنو بينها وبين ريلها

شنو يعني فاجئها ولا طلعها اصلا اذا ما سوى جذي حق منو بيسوي ما فيه خير والا اهيا منو بيسوي لها

وترا الحريم يسوون لريايلهم اكثر من اللي يسوونه الريايل برايي منها تزينها له وترتيبها لبيته وتربية عياله وتشوف وتسأل عنه وتسوي هالرومانسيات

تونس نفسها الفقيرة وتفكر تونسه

شنو ريال يخاف من السينما ولا واحد مفاجئها بطلعه للبر مادري شاليه وتهاوشوا عشان اهله انت بالضبط حاجز عشان مرتك ولا عشان يتشيحط قدام اهله ان سوى وان شرى وان اجر ان شا الله ما اجرت

قولي وده يشوف اهله وده يعزمهم بس ليش ما سأل زوجته عن السبب اللي خلاها تزعل يمكن تبيه واياها بروحهم يمكن اهله يغثونها يمكن ما ترتاح معاهم مو كل الغلط عليها والصح عند ابو شوارب وهو الفقير المسكين

الريايل ذيابة يخوفون ولا تبررين لهم اذا عرفتي اطباعهم شينة

اما والله الريال زين ومحترم ومقدر وعاز مرته ومكرمها وعارف حقها والمرا باخصته وعارفته فالرحمة اكيد بتكون بينهم
والموده اللي قال عنها ربنا بكتابه العزيز

الموضوع والله حلو والله بس انا ما احب ابرر للرجل واخلي بنت جنسي ماتدرين شنو ظروفها ولا تدرين شنو بينهم فلا تحكمين على الموضوع من ظاهره

المرا اللي تخاف الله في ريلها والريال اللي يخاف الله في مرته بيتبادلون الحب والرحمة والمودة ولابد من المشاكل لابد من الطفش يطفشها وطفشه بعد مستحيل ومن سابع المستحيلات تقعدين انتي وريلج عسل طول حياتكم لازم فيه مشاكل ولا ترا الحب ما يدوم هذا احنا قبل لا نتزوج مع اهلنا مرة مهاوشينا ولا زعلانين علينا بس كاهم يموتون علينا مع ان طفشناهم

فمو مقياس المواضيع اللي قلتيها والمواقف اغلبها يعني من الكماليات من التفاهات سينما مزرعه سفرة مادري شنو هذا غصب طيب يونس مرته بالأشياء هذي يعني بدهيه اصلا ما تتناقش وشنو اذا صار هواش خلاص ماكو روحه ولا طلعه وانثبري بالبيت ولا تكلمين وبروح مع ربعي هذا يبيها من الله يبي يهيت بروحه


موضوع حلو خلاني اشتط ومشكورة وسامحيني اذا اذيتج

 

[عجميه ذوق]

والله كلامش عين العقل خففوا نكد يابنات

 

[Mjnont '3lay]

مشكووره حبيبتي يعطيج العافيه والله كلامج صحيح انا قبل كنت نكديه كله اتهاااوش والسبب انه بالي مو طويل و رجلي بزر نظام يعاند وانا اعصب وتشب بينا
لكن الحين الحمدالله بااااااااااالي حيييييييييل طويل واطوووف واجد عشان الحياة تمشي والله كريم ياارب
ونصيحه بنات دام الرجال عندكم تسنعو قبل لا يروح حق غيركم وتطقون اصبع وقتها ويفوت الفوت وماعاد تقدرون تصلحون شي

 

[** ام ملك **]

مشكوووووووووره ع النصيحه