طفل قتل مراهقاً طعناً ووالد الجاني سلم ابنه للمخفر

[عواشه =)]

قريت الخبر بالجريده أليوم .. وصعقت ’زمن يخوف =((

 

[مزاااج]

لاحول ولاقوه الا بالله

مصيبه

والخوات الي تقول مومتربين وقاطينهم ع الخدم

ربج اذا اراد شي يصير يصير

يعني هذا قضاء وقدر من الله تعالى وابتلاء للجاني واهله

والدنيا دار البــــلاااااءيعني ممكن "لاسمح الله يصيرلكم الي صار له"

موكلنا داخلين مخ عيالنا ونعرف شيفكرون فيه وشلون!

وماعتقد ان الطفل كان بيذبحه يمكن تهديد وطق بس اكيد اكيد موقاصد يذبح لأن صغير وماعتقد يفكر بهالطريقه

واذا كان جذي مصيبه الله يطلعه منها ويرحم حال اهله


يعني لاتتشمت بأخيك فيرفع عنه ويبتليــــــــــــــك


الله يعين اهاليهم بس

​

 

[@همس المطر@]

لاحول ولاقوة الابالله


الله يصبر قلب اهله ويرحمه وبواسع رحمته
ويغفر له ..

 

[جوجوو نايس]

صارت عندنا بسعد العبدالله

المقتول كان كل ما شاف الولد القاتل يقط عليه كلمات ويمصخره ويشتمة ..إلخ
بس هالمرة حيل تمادى وصار الي صار
هذا الي عرفتة من بنت جيرانا والله آعلم
الله يلعن الشيطان حلا الفكرة القتل بباله

الله يرحمة ويصبر امهاتهم .
الله يحفظ اخواني وعيالكم من كل شر ..

 

[جوجوو نايس]

بنات بليز لاحد يقول قاطينهم ع الخدم عشان الله لايبلاج
شئ مانعرف عنة شئ لانتكلم
هذا قدر الله وما شاء فعل

 

[قاهره عذالي]

الله يعين اهل القتيل واهل القاتل
لاحول ولا قوة الا بالله

ياربي لا تفجعنا بأحد

 

[ام عبدالقادر]

لاحول ولاقوة الا بالله مصيييييبه الله يعظم اجر اهل القتييل ويعيييين اهل. القاتل

 

[غلا بنت الكويت]

لا حول ولا قوة إلا بالله

وإنا لله وإنا إليه راجعون

الله يصبر اهلهم ويعينهم

 

[ديانا سبنسر]

الله يرحمه برحمته الواسعة

 

[فوق الثريا محلي]

الله يصبر
اهلهم ان شاء الله

 

[ولااء]

الله لايبلانا

 

[امـونه]

االله يرحم المقتول
يارب لاتبلانا وترحمنا برحمتك

 

[داليا السعد]

الله يرحم الاول ويصبر اهله ويعين اهل الثاني

 

[amami al-kuwai]

حبيبتي هذيل يعرفون بعض وجيران لانهم ربع عيال عمتي يقول يضحكون ويتغشمرون وصارت جد بينهم

وبعدين المقتول كان مع ابوه يضبطون اغراضهم بالسياره علشان بيرحون للبر ولما دخل ابوه جا القاتل وقاله تعال ابي اكلمك واول ما صدو عن الناس طعنه على الصدر

يعني اشكرى مبيت النيه الله يهداه

ويرحم المقتول ويصبر اهله وعلى فكره المقتول بكر اهله ومعتمدين عليه وراعي صلاة والكل يمدح فيه حتى المصلين بالمسيد

 

[Rola7ala]

لاحول ولاقوة الا بالله

 

[ام رينـاد]

لاحول ولا قوه الا بالله

 

[رمرم1986]

لا حول ولا قوة الا بالله الله يصبر أهاليهم

 

[ά38Ł miήόήά ㋡]

الله يكوونً بعوونً اهاليهمً

لااحوًل ولا قووةً الا باللهً !

 

[مريميات]

بسم الله الرحمن الرحيم ..

والله شي محزن لما اقرى ردود بعض الخوات اللي اهني الله يهديهم يارب ..


’

حسبي الله ونعم الوكيل .. اول مااقووول
يابنات ياخوات خافوا ربكم , ترا محسوب عليكم كل حرف ينكتب , فــ اكتبوا بضمير وخوف من الله ..

,

انا برد عً الخوات والاخت امامي ..


واتمنى تتقبل الرد .. اول شي يااختي , لابد الواحد لما يكتب شي يكون كتاكد منه لانج تبعثين رساله والكل بيقرآه !! حرام حراااام تاخذين ذنب عَ شي ماتعرفينه ومومتأكده منه واذا بتقولين متاكده ترا كلامج للاسف للاسف غييير واااقع حراااام !!


,..


اول شي الله يرحم المتوفي والله يفك قيد القاتل ,

انا ماابي اطب بالمقتول لاكن بتكلم عن القاتل اللي تقول انه تربية خدم وعدم تربيه ووو ..

حبيباتي اهو من عايله معروفه والحمدلله , وعايلة متماسكه وملتزمه , وعايش احسن عيشه بظل والدينه ..
نجي ع السمعه الولد والله ع مااقول شهيد ’ انه صوت مايطلعله , مؤدب واخلاق ومتفوق , والدليل المدرسه احزنت عليه والكل مومصدق اللي صار ..


,

الحادثه ’

القاتل كان يبي ينام لانه تو وصل من بعد اختباره بالامتحان , وفجآه شاف الجو كل ماله ويحلا ’ استآذن من امه يما ابي اطلع بره .. قالت له لا نام وراك دراسه للامتحان قال يمه امانه ... الجو بديع والرذاذُ جميـــل >> كانت اخر كلمه لامه ..


قالت له ؤك وبسرعه ترجع .. راح القاتل للفرع اخذله صمونه وبيبسي , وقعد عند اعتبة بيتهم .. واهو ياكل المقتول يحذف عليه صخر !!

قاله القاتل لا تحذف .. والمقتول ماسمع الكلام ’ وكرر الكلاام 5 مراات .. واخر شي المقتول جا لي القاتل لي باب بيته وتحرش فيه بالكلام القذر اللي ماينكتب ..
القاتل كان ماسك بيده ويكتب ع الرمل فيها ,, تعرفون الخنجر السوري مااعرف اسمه !

الموهيم المقتول اللي قاله طق طق فيها وفرد صدره للقاتل .. وقبلها صار بينهم طق لدرجه ان لبس القاتل دشداشته مجرفه من تحت وزرايره مقطعه !!

القاتل والله العظيم واحلف عنه انه مايدري وطقه ! واللي ساعد ان المقتول الله يرحمه ضعيف حيل حيل ووفاته مو طعنه بالقلب وفاته لانه معاه القلب المقتول الله يرحمه فصدمه وجرح ادووا للوفاة .. الله يرحمه ..

,

والقاتل من الهلع راح للمسيد وقعد يبجي فيه , شافة المؤذن والدليل انه القاتل طيب السمعه وهادي وملتزم المؤذن كلمه بالاسم شفيك يافلان قاله انا ماادري شسويت انا اسف انا انا انا ولاتنسون القاتل طفل عمره 12 سنه !!!!!!

وحصل اللي حصل ...


خواتي انا كتبت القصه رد ع الضنون !! لان حرام الظلم !!

,

احنا مانقول ان اهل المقتول مو زينين لا والله , اهل المقتول والنعم فيه ناس اجاويد ويعرفون الاصول , ومابينهم عداوه مع اهل القاتل ,

وانا حرام اتكلم بالمقتول الله يرحمه بس يااخت امامي الله يسامحج كلامج كلش مافيه من الحقيقه , المفروض بس تقولين الله يرحمه ويصبر قلب امه وابوه ع الفاجعه ..

وانا ماابي اتكلم عن السيئات , حرام ولا اتكلم عن شي مااعرفه اكبر حرام ..

والحقيقه بتظهر قريب ان شاءًالله واللي علمج انه يصلي بالمسيد وسمعته طيبه يتحقق من كلامه يااختي ..


,

والحين من الاخر ياخواتي انا مو ضد المقتول ولا مع القاتل لا والله بس شي يحز بالقلب انك تعرف الحقيقه وتسكت وتخلي الكل يتكلم بالظلم , لا ياخواتي ..

وترا الحين اللي كتبته مو علشان انكم تتعاطفون لا والله بس علشان تدعون له بان الله يفك عوقته تراه ولد صغير وماله بهالسوالف والله يكسر القلب , وللعلم للحين مايدري انه قتل الولد ! معناته مو بيت النيه الله واكبر قاله ابي اكلمك واطعنه الله واكبر

والتقارير والتحقيقات كلها معاه مو ضده لان الحقيقه ترا كبيره من نداه وطعنه !! الكلام هذا غيير صحيح ..


,

وبالاخر الله يرحم القاتل ويغفر له , ويصبر قلب امه وابوه , والله يفك عوقة القاتل ويصبر قلب امه وابوه ...


اتمنى اتقبلون كلامي يالغاليات ... والله عً مااقول شهيد ..
وحسبي الله ونعم الوكيل ’​

 

[khawla&tito]

لاحول ولاقوة الابالله