طقني وقصلي تذكرة وقال روحي وخلي عيالج

[مألوفة]

سكر الكويت انا تعبت من ها الطريقة كل ما طقني نزلت تحت ونمت تحت لندة يومين ويخليني لين اطخ واي ياحجيني حجوتين ويبوس راسي وانسى ويرد هم يطقني ونفس الحالة فانا تعبت لاني كرهت عيشتي من الطق اهوا كلما عصب مد ايده ما عنده اسلوب نقاش ولا اسلوب حوار ولا حتى يتغشمر فانا مليت قلت اتطلق وافتك والحل الوحيد اللي ما يخليه يمد ايده علي اهوا الطلاق

 

[بيبسي -]

الله يفرج همج يارب وتنصلح امورج ويهديلج ريلج ياااارب

حطي سجادتج واطلبي رب العالمين وربج كريم

 

[شموووخ اماراتيه]

الله يفرجها علييييييج والله قطعتييي قلبي

وياااااارب يحنن قلب زوجج عليييج فهالليله ياااااارب

 

[مألوفة]

نشيج الروح اهوا قالي قعدي ويا عيالج من قلت له طلقني ويقول شرط ما اقرب صوبج ومالي شغل فيج بس طلاق ما اطلقج فانا حسيت اني ثقيلة عليه اني مو متطلقة وقاعدة معاه جني انطر متى يحاجيني فالطلاق احسه اهوا اللي بيحل المشاكل لانه اهوا من ازعل وانام بالبيت تحت ايي ثاني يوم ويبوس راسي ريعتذر بس هم يرد على سواته

 

[شموووخ اماراتيه]

والله لوووو الأهل موجودين ماصار هذااا كله

انتي بنت ناااااس الله يهدييييييييه بس أهم شي الاستغفااااااار ووودريسالفة الطلاق ولاتحطييينها فبالج لان عيااالج أهم شي عاد اتخيلي اهو يربييهم واسلوووبه جي الله المستعااااان

 

[مألوفة]

اي والله شموخ ما عندي اهل يمي ولا عندي احد اروحله عشان جذي كلما تحجيت طقني وغلط علي بس حسبي الله ونعم الوكيل الله سميع وبصير وقاعد يشوف الظلم واللي قاعد يسويه فيني بس دام الله بقلبي ومعاي بينصرني عليه انشالله

 

[سنفوره8]

الله يهدي سركم لازم يوقف عند حده

 

[[[ عيون جابر ]]]

انا مع فوفووو لا تهدين عيالج باجر تندمين

 

[زوجة عزيز]

ام كوثر انا مصرة على الطلاق وانا قلت له مستعدة اقعد عندك بالبيت عشان كل يوم اتشوف عيالك ولا احد مننا ينرم منهم لا انا او انت بس بشرط انك اتقسم لنا البيت وكل واحد ماله شغل بالثاني قال لا ما اطلقج قلت له عشان العيال مو راح يتمون عندك؟ وبيتك شتبي بعد

قال اتنازلين عن الحضانة؟

اهوا ادري فيه يعطيني الحل الصعب قلت لا الحضانة اظل لي قال لا الحضانة تتنازلين عنها وتعيشين اتربيهم بالبيت ومالي شغل فيج دام انتي تبين ها الشي قلت له مستعدة اتنازل عن الحضانه بس شرط لا تنازلت عليها تكتبلي تعهد اني اقعد عندك بالبيت وما تطردني قال انا لا يمكن اهدج بالشارع انتي ام عيالي بعدين قلت له خلاص اتفقنا وانا مستعدة من باجر اروح معاك المحكمة واتنازل بس اطلقني قال يصير خير وخليني اكلم المحامي يمكن ادورين بكلامج قلت ما راح ادور واسال المحامي ما عندي مانع بس ابيك اطلقني الحين يقول لا ماني مطلقج الا رسمي. شرايج الحين بكلامي لاني مصرة حيل ع الطلاق

امبيه لا لايقص عليج وتتنازلين عن الحضانه والله يقص عليج انا من مساعه بكلمج بس تلفوني معلق عمري احاتيج صبري لا اتروحين باجر او اذا رحتي مثل ماقلت لج لا اتنازلين عن الحضانه او عن اي حق من حقوقج تحملي ترا والله تتحسفين تالي

 

[شموووخ اماراتيه]

ان شاااء الله حبيبتي

 

[زوجة عزيز]

عمرررري لا اتقولين ماعندي اهل وماقدر اوقفه عند حده اكا انا اهلي معاي بالديره ويدرون بكل شي وراضيين وساكتين وانا ريلي كلش ما قط مد يده علي لكن لو لاسمح الله فكر او رفع يده في ويهي مايرده الا المخفر كلشي ولا الطق عاد اهو ريال يده ثقيله وانتي حرمه مااتحملينه باجر لاسمح الله يعورج او يسوي فيج شي من لج قلت لج انا روحي اخذي عليه تعهد ولو مسويه تقرير بالشموخ اللي في ويهج صدقيني بيتأدب

 

[Heart.LesS !!]

الله كريم انشالله ولاتايسين من رحمة ربج فوق كل شي

 

[مألوفة]

عمري زوجة عزيز تدرين فيني ما عندي سيارة وما اقدر اروح اي مكان بروحي وما اقدر اطلع من البيت الا بمشورته

شلون اسوي تقرير طبي قلبي من ساع دزيتله رسالة قلت له ما رديت علي قال الله يخليج لا تزيدسن علي انا تعبان واللي فيني كافيني يبي يكسر خاطري يعني يدري فيني بسرعه اسامح بس ها المرة غييير انا ما عاد فيني اسامحه خلاص

 

[ام اغلى الناس]

الله يعينج ويهديه
من رأيي لا تتطلقين
احرميه منج واثقلي عليه واكشخي
راح يركض وراج ويقولج سامحيني
تحملي عشان عيالج
اعرف ناس واجد نفسج وبالاخير هم اللي ربحوا وازواجهم ردوا لهم

 

[DALALEY]

الله الهادي انشالله : (

 

[كويتية222]

لا تسااافرين من غير عيااالج وربي يسخره لج يااارب ما ابي اقولج شي اخاااف عليج

هالانسااان مو سوي

 

[سارووونه22]

الله يسخره لج حبيبتي والله عورتي قلبي انا حاسه فيج وبحرقة قلبج ربي يسر امرج ويهدي لج ريلج ماعليه تحملي عشان عيالج احنا منو مخلينه نتحمل كل شي غير عيالنه
اسفه اذا طلعت عن الموضوع بس ممكن اعرف انتي من وين؟؟ ارد واكرر اسفي

 

[سفيره الكويت]

عمري زوجة عزيز تدرين فيني ما عندي سيارة وما اقدر اروح اي مكان بروحي وما اقدر اطلع من البيت الا بمشورته

شلون اسوي تقرير طبي قلبي من ساع دزيتله رسالة قلت له ما رديت علي قال الله يخليج لا تزيدسن علي انا تعبان واللي فيني كافيني يبي يكسر خاطري يعني يدري فيني بسرعه اسامح بس ها المرة غييير انا ما عاد فيني اسامحه خلاص

ان تطلقتي بتصير وايد امور مو حاسبتها وساعتها بتندمين وتتمنين يرد لج فسامحيه وانتي لي قطي

نفسج عليه احسن ماتخسرين بيتج وعيالج

:eh_s(17):

 

[مألوفة]

بنات اهوا ياني من شوي وكلمني وقالي انا كل الي قاعد اسويه عشانج وعشان عيالج وما ابي امر اديني عليج ومن ها الحجي وانا والله ما خنتج ولا ابي اخونج انتي ام عيالي وما اشوف غيرج وتدرين فيني احبج وما ابي اطلقج ولو ابي اطلقج جان اسهل من ها الشي ماكو وباس راسي وهم سامحته بس قلتله والله ها المرة تمد ادينك علي ما يردني الا المخفر قال خلاص حقج علي وباس رراسي وسكتت

مشكورين بنات فديتكم سامحوني فضفضت لكم وخليتكم اتشيلون معاي همي

وبالنسبة لج ساروونة حبيبتي انا مغربية

فديتكم بنات والله سخر ازواجكم لكم ويحفظكم وين ما رحتو

 

[دلؤعة الؤادي]

حبيبتي العني ابليس ولا تنازلين ولا تطلبين الطلاق الحين واضح انج تحبينه ..عندج كذااا حل اذا مد ايده عليج مره ثانيه روحي الطبيب ياخذون تقرير ان مد ايده ..وتقدرين تشتكين للمحكمه او دخلين اهلج وضعج ماينسكت عليه دام حط سكين بوجهج يعني حتي طريقته تخوف ..والحل الثاني انج تسكتين وتسلمين امرج لله عشان عيالج عديه مو موجود ولاجنج تشوفينه ..اسمحيلي زوجج مايخاف الله وتمادي عليج من اول طقه قال هذي نوعيتها ماتروح ديره طيبه وساكته ..وهو يبيج تنازلين عن عيالج عشان ياخذها حجه عليج استخيري وفكري عدل ..البنات ماقصرو كفو وفووو