طقوا علينا الباب شركة التركي وقالولنا .......

[* عباية راس *]

السلام عليكم ورحمة الله وبركاته


اليوم طقوا علينا الباب شركة التركي المتحده من غير موعد ولا شي وقالوا لنا احنا شركة لتنقية المياه عطونا قلاصين ماي نبي نوريكم ان الماي اللي تشربونه مو نقي

وحطوا بالقلاصين جهاز وقلب لون الماي اسود وطلع وصخ

وقالولنا كل ماي الكويت مو نقي وفيه طحالب وصدا ومادري شنو

المهم قالولنا ان عندهم جهاز اسمه R-O اتنقية المياه تركيبه ب 200 دينار ويصير اقصاد 30 بالشهر

بس مادري متردده اشتري الجهاز

في احد جرب هالشركه والا احد طق عليهم الباب مندوب الشركه


ناطره رايكم

 

[أغلى حبيبه]

اي والله انا بعد يولي وسوو تجاربهم

قتله يصير خير

ومارديت عليه

 

[* عباية راس *]

أغلى حبيبه

شفتي الماي شلون قلب اسود ! بصراحه شكيت بالجهاز قلت يمكن من جهازهم استغفر الله ماودي اظلم احد بس معقول كل هالسواد طلع من ماي الفلتر اللي نشربه !

وأنا نفسج قلنالهم عطونا رقمكم ويصير خير


عقب هاللي شفته ودي أشتري فلاتر دبل من اليوسفي وأركبهم

مشكورة عالرد لا هنتي

 

[بتبوتااا]

لايبه لاتشترين كلهم نصابين حتى انا يننوني ملوت الشركات ايلج المندوب لابس هالبدله والكرفته وبيده ملف شكبره
وصور ومادري شنو وقالي بنسوي فحص على الغنفات وبتشوفين الجراثيم ما جراثيم قلت له انطر اقعد ريلي
ولما راح له وقاله وين الترخيص والله الريال قال له خلاص مش مشكلله اي وقت ثاني
نصابين وغير حق الكهربا وحق الخدم نصابين معاليج منهم

 

[* عباية راس *]

بتبوتا

جذي السالفه زين نبهتيني والله عاد كنا بنشتري الجهاز بس بآخر لحظه قلنا بعدين مو وقته

مشكورة عالرد يالشيخه

 

[almost a whisper]

@@
وييي توني ادري ان اكو ناس يطقون البيبان ويسوون دعايات!!
لاااا وييي مانخلي احد يدش البيت .. بس نقول مانبي لووووووووول شغل اليهال خخخخخ

شكرن عالتنبييه خواتي

 

[وديان@@@]

الفلتر هذا يسبب الكلى ديرو بالكم

 

[* عباية راس *]

الموست

لووووووووول زين تسوون فيهم

شكرا عالمرور

 

[* عباية راس *]

وديان

جزاج الله خير عالتنبيه مشكووووووووووورة

 

[irresistible]

ما عليج منهم يقصون عليكم خو يدرون ان احنا ينقص علينا بكلمة منج 200 ومني 200 ومنها 200 صار ملياردير على حساب طيبنا

 

[سمو]

نصيحه اللي احسن من الفلاتر...بقولكم على شي

خالتي شافت خدامتها من الصبح تقوم تحط الغوري الكبير عل النار متروس ماي ... قالت لها شتسوين ؟

قالت : ماما انا يغلي ماي بعدين اخليه يصير بارد ..بعدين اشربه.


شوفوا تفكيرها الصحي ..... وهذي احسن طريقه ...واحسن من الفلاتر

 

[زيـنـه]

ما احب اللي يطقون الباب او يدقون تلفون يعلنون عن منتجاتهم !!

و نصيحه لا تشترين منهم .. ليش ما حطوا لهم محل و اعلان عن بضاعتهم و باعوهاا ؟؟

 

[عمري الكويت]

بيت عمي شرينه من فتره وكل مره يجددونه بالاخيرة زوجت عمي صار فيها حصوه معنه يشربون ماي صافي

نصابين

 

[* عباية راس *]

توتا

صاجه حاسبينها عدل من كل بيت 200 دينار

مشكورة عالرد

 

[* عباية راس *]

سمو

بس أنا قاريه ان الماي المغلي مو زين نشربه يمكن يقتل البكتيريا بس الكلور والشغلات الثانيه شلون تروح ؟

تسلمين عالرد




زينه


اي والله ليش ماحطولهم محل لشركتهم أو أعلنوا عنه بالجرايد ملاحظه حلوه

شكرا لج عالرد



عمري الكويت

من صجج الله يشفيها تصدقين عاد كنت شاكه بجازهم أحس حاطين فيه مواد مو زينه


مشكورة عالرد

 

[وديان@@@]

ديرو بالكم لانة المء في معادن واشياء تفيد الجسم

 

[*سكون*]

ما عليج منهم .. مجرد دعايه وتسويق وكله عالفاضي

 

[* عباية راس *]

وديان

عدل كلامج الماي فيه معادن يحتاجها الجسم



سكون

لو صاجين حطولهم دعايه بالجريده بس مايقدرون لان ماعندهم ترخيص

 

[الرشيقه]

اغلب الشركات نصابين ماعليكم منهم عيل احنا يونا شركه عندهم جهاز لتنقيه الهواء ودخلهم ريلي الوانيه علشان يجرب وقعد يشتغل بالآله ويبي يقنع ريلي وريلي مسويله طاف المسكين جان ريلي يقوله عندي شبيهه الآله اللي عندك قاله خلني اشوفها يوم راح اييبها ريلي لقا الريال قاعد يدخن بالدوانيه خخخخخ جان ريلي يعصب ويطرده وقاله انت ياي اتنقي الجو ولا تذبحنا بزقارتك يلاااا اذلف يا..........بس عاد استفدت منه آنا كان يايب ماعون كيك هديه للترويج يعني بيلعب على عقولنا حلايا ويهه

 

[الرشيقه]

:lololoe::lololoe::lololoe::23_asmilies-com::23_asmilies-com::23_asmilies-com:اغلب الشركات نصابين ماعليكم منهم عيل احنا يونا شركه عندهم جهاز لتنقيه الهواء ودخلهم ريلي الوانيه علشان يجرب وقعد يشتغل بالآله ويبي يقنع ريلي وريلي مسويله طاف المسكين جان ريلي يقوله عندي شبيهه الآله اللي عندك قاله خلني اشوفها يوم راح اييبها ريلي لقا الريال قاعد يدخن بالدوانيه خخخخخ جان ريلي يعصب ويطرده وقاله انت ياي اتنقي الجو ولا تذبحنا بزقارتك يلاااا اذلف يا..........بس عاد استفدت منه آنا كان يايب ماعون كيك هديه للترويج يعني بيلعب على عقولنا حلايا ويهه