طق طق ممكن سؤال صغير عن شقق فرنسا

[pink.girl]

انا بسافر فرنسا اخر رمضان وبسالك كم سؤال



1)ابي شقق باسعار مناسبه وموغاليه ونظيفه وقريبه من الشانز


2)واذا عندكم رقم واحد هناك يعلمنا بالاسعار


3)وبعرف كم اسعار الكوفيات اهناك يعني انا معاي اربع اشخاص تقريبا كم سعر القهاوي عشان بحدد ميزانيتي لاني بروح 10 ايام


اكون شاكرتلكم

 

[pink.girl]

وينكم

 

[●|أملي بالله كبير |●]

uuuuuuuuuuuuup

 

[Gourges]

السلام عليكم

حبيبتي من ناحية الشقق انا افضل انج تسكنين بشقق لا ديفانس .. تبعد عن الشانز دقايق ...منطقه حلوه حيل ..
فيها سوقه وحلووه كل شي يمج ... جم رقمهم ماعندي فكره بس اسعارهم زينه احسن من الشانز بوايد مع انها منطقه حلوه


اسعار الكافيهات .. حبيبتي على حسب الكافيه الي رايحتله ... مادري ليش سالتي عن الكافيهات مو عن المطاعم لوول استغربت .. المهم
الكافيهات على حسب في كفيهات اسعارها عاااديه وفي كافيهات غاليه يعني ماقدر احددلج ...


بس على المطاعم ولو انج ما سالتي ..
اذا مطعم موو وجبات سريعه تقريبا ايكلف حق الشخصين 35 يورو << هذولا مطاعم بلاديفانس ..
اذا ماكدونالدز الوجبات على 6 يورو فا حسبي وجذي


اتمنى فدتج بشي وتروحين وتردين بسلامه

 

[&بريق ألماس&]

ماقصرو البنات

 

[ام غلا وجنى ودل]

هلا ياحبيبي في شقق فندقيه اسمها سيتيا منتشره في انحاء فرنسا ككل وبعض الدول الاوربيه انا سكنتها اكثر من مره بصراحه نظيفه واسعارها معقوله في لها فرع بالشانزيليزيه بس دائما الغرف كومبليت فكنت احجز بالفرع القريب من برج ايفيل وهو طبعا دقايق عن الشانزيليزيه واقرب بكثير من اللاديفانس وله موفقع بالنتcitea.com وان بغيتي اي استفسار يخص باريس او فرنسا ككل انا مستعده

 

[كبرياء انثى]

حبيبتي انا حاليا بفرنسا وساكنه بشقق فندقيه في لاديفانس انصحج فيها نظيفه وراقيه وكلها كويتيين وفيها سوق وكل شي وعن الاسعار بصراحه فرنسا غاليه وترى مو بعيده عن الشانز وفيها سكيورتي والباب مال الفندق مايتبطل الا بكرت او رقم سري خاص وفيها خدمة تنظيف عندهم شقق غرفتين وعندهم ستديوهات غرفه وحده
اتمنى اكون فدتج واذا تبين اي استفسار عالخاص

 

[بلقيس المغرب]

أنا تحت أمرك لأي بحث على الأنترنت باللغة الفرنسية أو البحث عن حجوزات