طلبتكم ..مت من التفكير .. اللي رايح المانيا او سويسرا او النمسا .. تعالي شوي ضروري ..

[حلمي اكون ام Q8]

السلام عليكم​

بنات حدي محتاره بسافر بالصيف حجزنا 3/7/2011
انا وزوجي وامي وابوي وخواتي ثنتين ​

المشكله ولدي بالسالفه الله يخليه لي باخذه وياي وحدي خايفه ومرتبكه ان معاي ياهل اخاف يضايقني وسفرتي 20 يوم ..​

وامي وخواتي راح يساعدوني عليه ان شالله ويكون عمره 11 شهر ..​

سفرتي المانيا وبعدها ناجر سياره ونروح سويسرا والنمسا وزياره لايطاليا

المدن بادن بادن الالمانيه وانترلاكين السويسريه وفلاخو النمساويه .. كلهم ارياف

ابيكم تطمنوني بالسفر وابي شلون الجو البسه شتوي او صيفي
وشنو الاحتياطات اللي اسويها لولدي قبل السفر علشان لايتغير عليه الجو ...​

بنات تحملوني ولدي اسم الله عليه الله رزقني فيه عقب 4 سنوات من زواجي ..​

وابي وين اشتري ملابس شتويه لولدي واحنا الحين بالصيف ..:bbbiu:​

طلبتكم ردو علي والله مت من التفكير ​

جوهم لو برد يعني برد حيييل او لااااا ...​

لاتقولون خليه عند احد ...
ام زوجي متوفيه الله يرحمها وخواته مو ميانه معاهم واختي q8nina
بتكون وقتها واصله بتولد يالله تتحمل بنتها الله يخليها لها ..​

وسلامتكم​

 

[AJWAN]

امبيه وايد صغير مادري شقولج مابي اضايقج بس بكون واقعيه ترا راح ياذيج حيل وراح تتعبين معاه ولا تنسين تغير الجو والتنقلات واهوه صغير يبي ينام ومايرتاح الياهل بنومه العربانه مادري حاولو تخلونه ديره وحده او انج تاخذين خدامه معاج

 

[الأميرة كيرارا]

حبيبتي لا تحاتين تطمني مدام معاج أمج و خواتج بشيلونج
بس الرحلة فيها وايد تنقلات صراحة اتعب الياهل حراام

هذا الرابط الي تعرفين منه درجات الحرارة في كل مدينة
http://weather.uk.msn.com/

حطي اسم المدينة في خانة find weather for
و بعدين إختاري المدينة ( هو يعطيج اختيارات)
و اختاري averages و الشهر الي بتروحين هناك فيه
و اخذي صيفي و جاكيت عشان اتدفينه و لاتشيلين هم إذا نقصج شي
أسواقهم متروسة
و رحلة موفقة إنشالله

 

[نونة حبيبها]

توكلي على الله وراح تنبسطين بالسفرة ..
اهم شي قبل روحتك روحي لدكتور ولدك علشان يكتب لك الادوية الي تاخذيها معاك

 

[حلم صعب المنال]

وعليكم السلام ورحمة الله وبركاته

لا تحاتين ابدا الموضوع ما يستاهل كل هالقلق بعدين لا تنسين ان امج وخواتج وياج بيساعدونج

استمتعي بسفرتج بس اهم شي تاخذين معاج دراجة نوع جيد للولد تحطينه فيها اذا تمشيتي او تسوقتي وتساعدج تحملين عليها مشترياتج بعد

الجو هناك صيفي عادي اخذي للولد ملابس صيفية بس خلي معاج جاكيت واحد لان احتمال يحوشكم شوية برد بالليل

واي شي تحتاجينه بتلاقينه هناك فلا تشيلين هم شي بالمرة

ان شاء الله تسافرون وتستانسون بسفرتكم وتردون بالسلامة

 

[om_7sin]

حبيبتي لا تحاتين اخذي معاج واهلج انشالله بساعدونج علية نفس حالتي بنتي عمرها سنتين ومحتارة من وين اشتري ملابس شتوية قلت اول مااوصل النمسا بشتري لها من هناك واهم شي اخذي عربانة مريحة وادوية والاكل الي يحبة ولدج وانا عندي اخذعيالي واتلعوز معاهم ولا اهدهم واحاتيهم

 

[دلوعة أبوهآ]

ان شاءالله دام معاك امك واخواتك اكيد راح يساعدونك فيه
اهم شي ثقلي له ملابس .. يعني عشانه طفل وراح يبرد بسرعه ..


بس نصيحه لاتكثرين تنقلات
انتي رايحه 20 يوم بس واشوف تنقلات في 4 دول كثييييييييييير ..
خاصة معاكم طفل ..
يعني سويسرا لحالها يبي لها اقل شي اسبوعين
والنمسا والمانيا يبي لها اقل شي 17 يوم

استقروا ع دولتين احسسن واريح لكم ..

مجرد رأيي ،’

 

[نيلفار]

حبيبتي ان شاء الله مافي الا العافيه روحي واستانسي وونسي ولدج

انا خذيت ولدي يوم عمره سنه لندن وكان كل شي الحمد لله سهالات بس اهم شي اخذي ادويته وعربانه بس تاكدي انها تنسدح حق النوم وهم اذا توكلينه لا تنسين الخلاط والجدر الكهربائي

 

[om_7sin]

صح اهم شي الاكل لاتوكلينة اي شي علشان لا يمرض اخذيلة سرليلاك وتونا انا شارية الجدر الكهربائي وخلاط صغير واخذي من مركز سلطان المميه الي فيها جياس علشان لا تغسلين المميات و تفيدج حق الطيارة بعد ....

 

[عبير-الشرق]

حياتي مادام اهلج معاج الله يحفظهم يساعدونج لاتحاتين بس اخذي معاج ادول ومقياس براون ودوا للكحه وشراب فيتامينات طبعاخلي الدكتور يكتبه لج واخذي هدوم قطن جم طويل وجاكيت معاج وشمسيه ودراجه من مذركير بس الخفيفه مو اللي فيها شغلات وايد تصير ثقيله وتعبج واخذي معاج مره نقعيها وعطيهياه اول ماتوصلين الديره عشان مايصير تغير جو ادري بتقولين شالعيوز بس والله انا مجربتها لما سافرت مع عيالي كل قبل الرحله اعطيهم شويه والحمدللخ رحنا وردينا ماصار فيهم شي وبالكويت كل شوي مراضا وبعدين اخذي جنطه اسعافات اوليه فيها البتادين اللي يوقف الدم لاسمح الله استانسي لاتحاتيين انا كنت بروحي مع عيالي وريلي والحمدلله استانسنا ولاتنسين رحله الثلج لاتاخذينه معاج او لاتروحين لها بس باجي الاوقات الجو حلو وبراد ومنعش ولا يمرض جونا احنا اللي يمرض اخذيه واتكلي على الله

 

[ام مهاوش]

عادي بالعكس احسن عشان لاتحاتينه والحمدالله معاج اهلج ومثل ماقالو البنات اخذي عربانه قويه حق السفر واخذيله ملابس ربيعيه وجاكيت خفيف وكبوس بالنمسا بالليل يصير برد واهم شي اخذي العربانه اللي تتغطا من فوق عشان اذا طق مطر مايدمره ولاتنسين الادويه ماشالله انا االسنه اللي فاتت شفت سعوديات وقطريات ماخذين يهال اعمارهم شهرين وثلاث اشهر كنت استغرب منهم ماشالله عليهم

 

[معلمة انجليزي]

حبيبتي قبل لاتركبين الطيارة عطيه اميدرامين عشان ينام
بس ترى بالرحلات الطويله ممنوع تاخذين معاك سوائل فراح تعتمدين غلى الماي الحار من المضيفات واخذي له بساكيت واذا على الطيران الاماراتي بالمطار عندهم عربات اطفال مجانيه يعني اول ماتنزلين من الطيارة وبتدخلين المطار راح تلقينهم مصطرات اخذي وحده بس مرات يكون زحمه وماتلقيين شي والعربانه حرصي عيهم انهم يشحنونها مع الأغراض لوجهتك بعد ماتغلفينها بالبلاستيك اللي بالمطار لأني انا لما رحت ميونيخ اخذتها الطيارة واخذوها مني لأن في مكان لعربات الأطفال بالطيارة ولما نزلت طلعوا ودوها مع الجناط الشحن فضاعت وتوهقت بميونيخ من سوق لي سوق لحد مالقيت وحده بهيرتي و اخذتها بحساب 39 او 36 والعربانة اللي شاريتها كان عليها تنزيلات من مذركير ب 18 وجديدة

 

[om.aboodi]

الاتنسين بنادول البيبي وادول النقط وهالعمر ماياذي بالعكس بينام بروحه وناس اعرفه حق الطيارة زيرتك وتوني اكتشف انه اعلب الامهات يعطون زيرتك علشان ينوم الياهل وصراحه ماحتجته بس شريت من بوتس حق اذون الياهل لاتعورة والعربانه معاج لي الطيارة وسهاله واشوه معاج اهلج وايد اريح وبيساعدونج انشالله شهر 7 تري حر

 

[حلمي اكون ام Q8]

الله يعطيكم الف عافيه ومشكورين وماقصرتوووو

 

[عاشقة النمسا]

اختي حلمي اكون ام
أنا رحت مع عيالي الله يحفظهم لا أمي ولا اختي ولا خدامه واستانست وكانت من امتع الرحلات والسبب أني حسيت بجو العائله فعلا وكانوا صغار اعمارهم8-6-4 سنوات وهالسنه انشالله ناويه اروح اذا ماطلعت حامل لأني أحاول أني احمل واعالج لان اصغر عيالي عمره 6 سنوات وبالنسبة للملابس أخذي ربيعي كم طويل وقطن وجاكيت واخذي كفر وهناك محلات الملابس المعروفه وأسعارها مناسبه وأحلي من اللي عندنا c&a//h&m
بالتوفيج روحي واستانسي وانشالله نشوفكم

 

[غلا ريلي]

هلا حبيبتي الله يخليه حقج انشالله انه برايي اخذيه معاج عشان ما تحاتينه طول السفره يكون قبال عينج احسن انه جربتها اذا هديتي احد من عيالج اتمين طول السفره وانتي على اعصابج بالنسبه للجو بالنهار الجو حلو براد ومن يصير المغرب يبرد الجو فظروري ظروري تخذين معاج كم ويل وعلى فكره النمسا ابرد من المانيا وخاصة تقولين انج راح تقعدين في الريف فراح يكون الجو بارد اخذي صيفي حق النهار واهم شي لاتنسين الادويه وحليبه واخذي معاج غلاية ماي

 

[xcandy]

توكلي غلى الله وراح تنبسطين