طلبتكم هاذي الكلمات وش معناها

[هاجس الغرام]

هلابكم

كنك جالس بعرزالة معنى كلمة عرزالة وهاذي الكلمات
بطيري
معطيني طاف
مسكبني تسكب

 

[dodowa el7elwa]

خخخخخ مااعرف والله حبوووووووووووووبه

 

[كحيلة يام]

عرزاله = ديوانيه مرتفعه عن الارض ومالها سقف
معطيني طاف = يعني مطنشني
مسكبني تسكب = هم يعني معطيني طناش ومو مهتم
بطيري = ماعرف معناها

 

[رائعة القوارير]

العرزالة = يعني مثل مكان مرتفع (نفس السطح تقريبا) وتكونالقعده فيها حلوه
معطيني طاف + مسكبني تسكب = شخص غير مهتم فييج او بالكويتي مطنشج
ما اعرف معنى بطيري يليت تفيدونا

 

[*غرور انثى*]

بطيري يمكن بطران قصدج؟

 

[lavendar-89]

حبيبتي يمكن قصدج بطران الي اعرف ان معناها انسان فاضي وسطحي ومترف اتمنى يكون صح ؟

 

[هاجس الغرام]

مشكورين لي عودة بأذن الله

 

[زهرااا]

معطيني طاف = مطنشني

 

[ام _خلودي]

لووووووول

هذى كلمات كويتيه دراجه وايد

والبنات ماقصروا فسرولج ايااهم

 

[هواي كويتي]

معطيني طاف
مسكبني تسكب

مو معبرني بالعربي

 

[شندوخه]

بطيري يمكن البطران = الفسقان

 

[قماشه]

صح شندوخة

 

["المــبروكـه"]

ماقصروا البنات فسروا لج الكلمات ، ويعطيهم العافيه

 

[هاجس الغرام]

مشكورين بطيري كذاب كذا قالها محمد الصيرفي

 

[* قلبــ أنا ــك *]

بطيري مالها معنى ..يمكن قصدج بوطير ..يقولون فلان بوطير يعني كذاب

 

[Rose Foshee]

العرزالة : هي نفس الدكة بس تكون مرتفعة يعني قعدة بالهواء الطلق...
معطيني طاف ومسكبلي : يعني مطنشني ومو مهمتم فيني...
بطيري: اتوقع بطران يعني واحد مترف ومرفة نفسة والله اعلم...​

 

[Judy abbott]

هلابكم

كنك جالس بعرزالة معنى كلمة عرزالة وهاذي الكلمات
بطيري
معطيني طاف
مسكبني تسكب

العرزاله المكان المرتفع المفتوح وفيه قعده ان قاعده اوصف على عرزالتنا عاد ما يندرى صح ولا غلط لووووووووووول

ثاني وحده ما حصلي الشرف وعرفتها

معطيني طااف ومسكبني تسكب نفس المعنى تقريب يعني مو معطيني وي او مخلينيي اولي

وانشاءالله استفدتي مني شي

 

[catloverq8]

هلابكم

كنك جالس بعرزالة معنى كلمة عرزالة وهاذي الكلمات
بطيري
معطيني طاف
مسكبني تسكب

العرزالة نشوفها على البحر بالأصح بين اليال و البحر
مكان مرتفع مثل البلكونة و مفتوح من كل الجهات للهوا الحلوو القعدة فيها تونس
بطيري جاية من البطر اللي ما يتحمد النعمة
معطيني طاف يعني ما سأل فيني و الكلمة جاية من لعبة كوت بوستة يقولها اللي ماعنده شي و ورقه ما يسوى
مسكبني تسكب نفس طاف بس من الإنجليزي ( سكب ) يعني طاف

 

[حيل احبك]

معطيني طااف
مسكب فيني تسكب يعني زووووووووووووجي

ههههههههههههههههههههههههااااي

 

[علولي]

اول مرة اسمعها