طلبتكن ي بنات الكويت ساعدوني

[فراشه بو متعب]

السلام عليكم ورحمة الله وبركاته
حبيباتي بنات الكويت الطيبات .طلبتكم تكفون ساعدوني جزاكم الله خير ... انا يا بنات ناويه افتح محل للجلابيات الكويتية ........ بس المشكله اني من السعوديه وابغي اعرف اسماء المحلات اللي تبيع الجلابيات بالكويت .. انا ابغي جلابيات حلوه مثل جلابيات المصممة انسام الخلف واسعارها مناسبه يعني شي راقي بس يكون سعره معقول ومثل العربيد ... واذا ممكن احد يدلني على وحده من الخياطات اللي يشتغلون بالعربيد علشان اتعامل معاها بالجملة.......... انا ناويه انزل الكويت بعد اسبوعين ان شاء الله ..... لذا حابه اني اروح هناك وانا عارفه وشو اسوي .... ارجوكن يا اخواتي بنات الكويت ساعدني الله يجزاكن خير فالدنيا والآخرة ......

 

[حـريـريـه]

اولا يسعدني اكون اول من رد عليج

ثانيا حبيبتي اذا انتي ناويه تفتحين هالمشروع بقولج معلومه بسيطه , ( القيمه الشرائيه للكويت مرتفعه مقارنه بالسعوديه قيمتها الشرائيه جدا منخفضه ) يعني ,,,

الكويت اغلى بكثير من السعوديه والسلع عندنا سعرها مقارنه فيكم اغلى فا شلون بتحصلين ربح اذا انتي تشرين غالي وتبيعين برخيص

بعطيج حسبه بسيطه انسام الخلف دراريعها من 150 دينار وانتي طالعه

150 دينار = 2046 ريال تتوقعين احد بيشتري بهالمبلغ ؟

انا بنصحج بشي .. اذا جيتي للكويت شوفي الموديلات والكتلوجات وصوري اللي يعجبج

وجيبي خياطه تخيطلج وتبيع جذي راح تحصلين ربح

قرقت واجد سوررري على الاطاله ,, اتمنى اني افدتج بشي

 

[الشيخة@]

الله يوفقش

 

[فراشه بو متعب]

آب
آب
آب

 

[فراشه بو متعب]

حريريه
الله يسلمك ويعطيك الف عافيه
فعلاً الاسعار ما توافق
ماكان عندي معلومه عن اسعار انسام الخلف؟؟؟
بس العربيد اسعارهم مناسبه

الله يجزاك خير
احترامي لكـ

 

[فراشه بو متعب]

up
up
up

 

[أنوار@@]

حبيبتي انا فهمت قصدك .............. حبيبتي عندي لك نصيحه الدراريع عندنا عند المصممات والمشاغل غاليه جدا ...... بس العربيد دراريعهم حلوه وسعرهم مناسب بس هم هالهنود ما يخلون شي يعني الدراعة اللي الموديل فيها ناعم ما راح يعطيك اياها باقل من 11 دينار فكم بتبيعينها .......... بس لازم قبل لا تحددين انك تاخذين شي احسبي كم ممكن تبيعينه هذا اهم شيئ
موفقه يا الغالية