طلبتي شي من برا عرضيه لنا بالصور

[أم عبد الله]

أختي سؤال أدري طولت عليكم بخصوص ال ebay يكون العنوان على أرامكس ولا يوصل الكويت
سامحوني

 

[قطوووة]

انا حاطة عنواني ارامكس لان مو الكل يوصل الكويت

 

[بواسم]

عليكم بالعافيه

 

[um khaled]

أختي ام خالد مشكورة على الموقع وانا اتعامل معاه من سنتين حاليا وأنا فيه VIP والحلو فيه دورة الأسبوع الطلب عندج ولله الحمد ماعندي مشاكل معاه مزبزطين بس موقع ebay.com بصراحة ودي اتعامل معاه بس ماعندي فكره طريقته أشلون فإللي تعرف ياليت تتكرم وتفيدني وهل أهو مضمون مثل بقية المواقع المعتمده؟؟؟؟
واختي أم خالد عندج موقع endlles .com ممتاز أرقى من zappos وعندج بعد آوتلت موقع 6pm حلو والله بس يطول مابين ٢-٣ أسابيع
وأنا حاولت أطلب من موقع كينزو بس ماعرف والله إشلون

جميعا شكرا علىالموضوع الشيق والمفيد وعليكم بالعافية لكل طلبياتكم كلبوس العافية

حتى انا بعد vip

حطي لنا المواقع اللي مجربتهم ..

 

[مصممة أزياء]

موفقين

 

[مرايــــــــم]

مرحبا بنات اغراضكم روعه

بالعافيه عليكم

استبرق
شرايج بزبده الشيا
تنصحيني فيها


بنات حيل ودي اتعلم طلب من النت
وتوني طلعت بطاقه الخير مالت بيت التمويل

بس مو عارفه الطريقه

 

[<miss botamba>]

منو جرب يطلب ادويه؟

لان انا اطلب كل شي تقريبا بس ما قط طلبت ادويه او فيتامينات

فالي مجربه ياليت تفيدني

 

[قطوووة]

ان طلبتي ادوية راح يحولونها الرقابة الدوائية بفحصونها ان كانت زينة وصلوها لج ان كان فيها شي راح يوقفونها

 

[<miss botamba>]

ان طلبتي ادوية راح يحولونها الرقابة الدوائية بفحصونها ان كانت زينة وصلوها لج ان كان فيها شي راح يوقفونها

لا اهيا فيتامينات عاديه بس الان الدوا ماكو منه بالكويت

 

[..[ Peach ]..]

من جربت تطلب الالكترونيات من آمآآزوون ؟ لان ودي اطلب عدسه حق كآميي و محتتارره اخاف الجوده تكون مو شيي ؟ شرآييكم ؟​

 

[أم عبد الله]

السلام صبايا وشابات ولله الحمد طلبت حبوب كولاجين وبسرعة وصلت ماحولهم حق وزارة الصحة مثل أخر مره سهالات قلت يمكن رمضان متساهلين فطلبت مره ثانية والله يسهل وبخصوص أللي تسأل عن الأكترونيات أختي انا طلبت جهاز وتوهقت فيه بخصوص الفولت للكهرباء عباله يمين ويسار وكاهو يسمع حسج مع إني طقيت ايدي وريولي بالسما والأرض إلا أبيه ومن يبته قاعد في كرتونه علشان محول الكهرباء دندره
والله أنا ما اعرف انزل صور جان نزلت لكم طلبياتي طلبت خواتم وشنط وجواتي عزكم الله وملابس للبيبيات ووووو ما أخلص

 

[..[ Peach ]..]

السلام صبايا وشابات ولله الحمد طلبت حبوب كولاجين وبسرعة وصلت ماحولهم حق وزارة الصحة مثل أخر مره سهالات قلت يمكن رمضان متساهلين فطلبت مره ثانية والله يسهل وبخصوص أللي تسأل عن الأكترونيات أختي انا طلبت جهاز وتوهقت فيه بخصوص الفولت للكهرباء عباله يمين ويسار وكاهو يسمع حسج مع إني طقيت ايدي وريولي بالسما والأرض إلا أبيه ومن يبته قاعد في كرتونه علشان محول الكهرباء دندره
والله أنا ما اعرف انزل صور جان نزلت لكم طلبياتي طلبت خواتم وشنط وجواتي عزكم الله وملابس للبيبيات ووووو ما أخلص

مشكوووره اختيي ع الررد ..

 

[للحين ناطره]

من جربت تطلب الالكترونيات من آمآآزوون ؟ لان ودي اطلب عدسه حق كآميي و محتتارره اخاف الجوده تكون مو شيي ؟ شرآييكم ؟​

انا طلبت موبايل
اشزينه
اشتغل وتعرب ويشحن
انتي استفسري عن كل شي

 

[ماكينتـ*زينة*ـوشة]

ابي مواقع اطفال للعيد بس مجربينها بليز ؟

 

[law love]

بنات بالنسبه للاجهزه لازم تنتبهون على الفولت احنا بالكويت ٢٢٠-٢٤٠ يعني اذا الجهاز هذا فولته اوكي اشتروه و شغلوه على كهربتنا

اذا الفولت ١١٠ و اغلب الاجهزه اللي مصنوعه لامريكا يكون فولتها ١١٠ هاذي الاجهزه قبل لا تشغلونها بالكويت اتروحون لوازم العائله و تشترون البلاك اللي يحول الفولت و اتشغلونه عادي

قبل فتره شريت جهاز و ما كنت منتبه لهالشغله و اول ما ركبته احترق الجهاز بس اشوه صلحته عند الكهربجي

 

[law love]

بنات اللي يسئلون عن طريقة فتح صندوق بارامكس ترى بالنت حيييييل سهل و حتى الرسوم تدفعينها بالنت عن طريق الفيزا
تدخلون سايت شوب اند شيب و تفتحون الصندوق لا تدخلون على سايت ارامكس نووو دشو سايت شوب اند شيب واذا صعب عليكم وانتو قاعد تفتحون الصندوق خلكم عالخط مع ارامكس دقو عليهم و يساعدونكم
و راح ايدزونلكم 3 عناوين على ايميلكم واحد حق امريكا و واحد حق بريطانيا و واحد حق الصين

انا صارلي فتره بسيطه متعلمه على الطلب

و عندي شحنه بتوصل قريب ان شاء الله احطها

 

[للحين ناطره]

law love
مشكووووووووووووره
انا لما بطلت صندوقي ماعطوني عنوان للصين
بس امريكا وبريطانيا
اطالبهم بالصيني؟؟

 

[um khaled]

law love
مشكووووووووووووره
انا لما بطلت صندوقي ماعطوني عنوان للصين
بس امريكا وبريطانيا
اطالبهم بالصيني؟؟

حبيبتي لو تدشين عالموقع تلقائي ر اح تلقينه مع عنوان امريكا وبريطانيا
واكيد دازينه على ايميلج

 

[law love]

law love
مشكووووووووووووره
انا لما بطلت صندوقي ماعطوني عنوان للصين
بس امريكا وبريطانيا
اطالبهم بالصيني؟؟

انتي اكيد كنتي فاتحه الصندوق قبل لا يظيفون الصين على الاشترك لانه عنوان الصين صارله فتره من ظافوه

دشي على حسابج بشوب اند شيب اكيد راح تلقين عنوان للصين مظيوفلج

اذا ما لقيتي اتصلي عليهم وسئليهم ليش ما ظافولج اياه :rerrerek:

 

[<miss botamba>]

law love
مشكووووووووووووره
انا لما بطلت صندوقي ماعطوني عنوان للصين
بس امريكا وبريطانيا
اطالبهم بالصيني؟؟

انا صندوقي من 2007 قبل لا يضيفون الصيني

وقبل جم شهر كنت فاتحه الشوب اند شيب و موجود العنوان الثالث


.......


بليز بنات قبل جم يوم طلبت شغلات من امازون وكنت على العنوان القديم مال اراميكس وسويت ابديت لليديد ونسيت اضيف رقم صندوقي وكلمتهم وقالولي ان انشحن بدون رقم الصندوق


منو صار فيها جذي ووصلوا اغراضها؟


المشكله تو يردون علي امازون واراميكس اجازه

اتهقون اتصل عليهم بامريكا اكلمهم والا بس طاف


لان امازون كاتبين لي بالايميل اذا ما استلموهم هناك بسون لي refund و انا مابي refund ابي الاغراض