طلب صغيرون :) بليز

[^kloOot^]

قوه بنات شلونكم يعطييييييييكم العافيه


ابي افكار هديه حق بنوته 4 سنوات هديه عيدميلاد مابي لعبه ولا بدله لانه اخاف مايطلع كبرها
تهقون شنو يناسب هالعمر ؟؟؟

ابي فنتق غريب وهديه لانها بنت رفيجتى وعزيزه علي حيل :klhfl:

 

[miss-fofo]

تعرفين فانتنسي وورد الي بالشويخ المبنى الاصفر بالزرق

وفي منه فرع صغيرون بسوق شرق يم السينما

يبيعون في شغلات حلوه حق بنوتات مثلا غلبه داخلها خرز وخيوط تسوي منهم قلاده ومضاعد

او هم علبه ثانيه فيها فخار صغار معا الوان تلونين الفخار الابيض

وسوالف وايد

وهم تلقينهم في مكتبه جرير

 

[^kloOot^]

مشكوره ياقلبي
بس تهقين راح تستانس اهي صغيره

احس هالسوالف حق 8 سنوات يستانسون اكثر


مشكورررررررره حياتى


بنات شدعوه 10 بس وحده راده

 

[miss-fofo]

اي انا قلت 4 سنوات العاب مثلا صوره ويه ملابسها

بس انتي قلتي ما تبين العاب

وحتن قلت ملابس على شخصيات انتي ما تبين ملابس

 

[^kloOot^]

مشكوره ياقلبي

محد معبرنى غيرج

 

[قلبوو انا]

انا كان اخو صديقتي مسوي حفلته استأجرت له نطاطه كبيره مرره انبسط فيها كثييير هو واللي معه

والله الا اللحين يتذكرها

 

[أساور]

اخذيلها كرسي وطاولة ملوت اليهال اللي ايون على شكل اقلام او اي شكل تستانس فيه وتستفيد منه

 

[Pink GirL]

حياتي مايونس الياهل الا القاري اخذيها من مجرب
وعلقي على القاري بالونات ملونه مع كرتج وصدقيني بتكون احلى هدية

 

[Artist81]

ولله فيه شغله شفتها عجبتني و تصلح هديه للياهل
بس يمكن مو كل الاهل يفضلونها لعيالهم

مرره شفت تلفزيون صغير بفيديو (حقيقي طبعا)
كأنه تلفزيون مال باربي وردي و فوقه تاج و كريستال و شغلات تجنن
و سعره 20 دينار..
ممكن تجيبينه لها مع جم شريط افلام باباي

بس مثل ما قلت لج مو كل الاهل يحبون تلفزيونات حق عيالهم

بس كفكره هي جديده و مميزه

 

[أم هـجـرس]

اتوقع اي شي عليه فله راح تستانس عليه

اخذيلها قاري فله او السكوتر ماله وايد حلوين

 

[meen_ana]

اشتري لها ابجورة شغله حق دارها يبيعون في ايكيا سوالف الدوور وايد حلووة ولا منظره للي تعلقها على شكل برنسس

 

[^kloOot^]

مشكورين حبايبي مااااااااقصرتوا

كل اللى قلتوا حلو