طلعت لي شريجه من غير زواج

[so_what]

ميخالف حبيبتي تحملي هذي اخته مهما كان و كلمي ريلج خل يقسم وقته والله يعين

 

[مـيـراس]

الله المستعان

 

[cherry kisses]

المفروض تستانسين و تفتخرين بريلج مو تشتكين منه
حبيبتي ريلج هذا ريال بكل معنى الكلمه ووجوده نادر
يارب ان شاء الله اخواني يطلعون مثله باجر
تقبلي رايي

 

[هواجيس الفجر]

الله يعيييييييييين الجميع

 

[طيوفه]

انتو فهمتوني غلط انا ما تذمرت من شغله لها بس مسالة انه كل الوقت لها لا هذا الغلط

وبعدين اهي ما تستاهل لدرجة اذا تجمعوا خواتها عندنا تشتري لعيالهم حتى البرد وعيالي تخليهم لدرجة ولدي يبجي منقهر ومن الحره يبي نفسهم كسر حتى شريطه البلاي ستيشن لما طلبيتله وانا مو
شريرة ترى عمري ما جبت لعيالي شي الا واجيب لعيالها ابي الاجر ولما مرت حماي الكبير طردتها من المطبخ وبيتها على سبة هوشة يهال قلت لها ما عليج منها منتها بالتراب هذا المطبخ والبيت على كيفج وخالتي لما ماتت كانت راضية على ولله الحمد عيالها تروح الدوام وتخليهم عندي ومع هذا انقلب علي عكس انا مالي احد بالديرة ويتجمعون اهي وخواتها كل خميس ولا جني منهم شدعوه عشان عيالكم ما يكرهونكم وتحترم مرت حماي اللي طردتها وداري خاطرها اكثر مني
مع انه المفروض لو انا شينه عشان خاطر اخوها اللي وقته كل لها ولوانا مكانها مثل ما تقولون ما صرت عاله على اخوي جان عنته على هالدنيا خصوصا انها موظفه وانا مابي منها شي قلعتها بس ابي يعطينا حقنا لانه مسؤؤل عنا جدام رب العالمين يوم القيامة وانا اسولف عليكم من باب الفضفضة
لاني ما اسولف لاحد من اهلي ولا اي شخص عشان امي ماتحتر تعرفون في هالمواقف الام تشوف بنتها من الموضوع كله ولا تفهموني غلط للحين اشتكيلكم وانا ماعمري عصبت بوجه احد فيهم

 

[اميره1980]

اذا على مشكلة مجابل اخته ميخالف يكسب فيها اجر و يكون مشغول مع اخته احسن بدل ما ينشغل بشي ثاني

بس على مشكلة المصاريف لازم تشارك ما يصير جذي لازم اخوج يكلمها

 

[كراميلا مرة]

ماعلي اختي تحملي هذي اخته ولازم يساعدها
وحاولي ترتبين وقته بينها وبينك
ومثل ماقالو البنات اللي مافي خير في اهله مايكون خير فيك

 

[قـہۈه فـرنسيـہ™]

من صجج ...


مثل ما انتي زوجته ...ترى هي أخته اللي من لحمه ودمه ...

 

[dob106]

شفيكم المره تفضفض الرجال لاهى عنها وعن بيته ما قالت شى وعلى الاخت الزوج يوم شافت اخوها لاهى فى بيتها تروح وتجيل البيت من اكل واغراض ولا تاكل وتمسح ايدها بالطوفه وتخشخش الاغراض والله ما تستحى وعلى صاحبة الموضوع تصارح زوجها عن متتطلباتها ولج الوفيق

 

[bnt_shyo5]

حبيبتي انتي يعني لو طلبتي من اخوج جذي ما فيها شي
عاادي صبري لا تهدمين بيتج على هالسالفه السخيف ((الصبر مفتاح الفرج))

 

[يوآش يوآش]

الله يعينج

 

[نيولوفر]

حبيبتي اذا تقدرين زوجيها واحد زين و لج الاجر ان شاءالله

 

[دلع العتبان]

هدي بالج حبيبتي

وطولي انتي بالج واحتسبي الاجر حتى ولو اختة الريل راح يردلج وهية راح تنشغل بعيالها

وقوية الكلمة شريجتي مادام بس موفاضيلج وهية مالها شغل فيج وربي حمدالله خوفج من ام لسان الي تتحرش

 

[كيكه توفي]

ما عليه اخته حرام ويمكن مالها غيره .. حطي نفسج مكانها

 

[Mazyoona]

الله يآجرج و يصبرج حبيبتي
مآ عليه إحتسبي الأجر مهمآ كآن أخوهآ هذآ
و حطي نفسج بمكآنهآ الله لا يقوله ~
و عن ريلج كلميه و فهميه أنه مقصر بحقوقكم

 

[حامل يديدة]

في "الصَّحيحين" عن أبي هريرة - رضي الله عنه - عن النبي - صلَّى الله عليه وسلَّم - قال: "الساعي على الأرملة والمسكين، كالمجاهد في سبيل الله، أو القائم الليل، والصائم النهار".

شاركي زوجج الاجر


واذا على تصرفاتها الله يعينج ويصبرج والله حاسة فيج واعرف سوالف الحريم هذي ماتصير الحماة زينة الا مع الناس اللي مورينها نجوم القايلة


الله يعينج وياجرج ازمة ان شاء الله وتعدي ....

 

[فديت من يشبهني]

الله يعيييييييييييييينج