طلقني بسبه هامورة !

[الحلوة ريا]

أمس رحت أنا وزوجي الصبح لمركز سلطان في حولي حتى نشترى ماجله البيت وهناك في ركن للسمك مرينا عليه كنت واقفة مع زوجي نطالع الأسعار وأطالع في وحدة لابسه فوق الركبة يمكن متر استغفر الله واقفة جنب زوجي تطالع مثلنا جان يقول زوجي :
أنا مشتهى اليوم أكل هامورة والبنت قاعدة تبوسم أنا مت من الحرة :rgewrg: وأطالع في ويهه بشوف قصده الهامورة اللي جدام عيونا ولا البنت عادى اهوا ما ضحك ولا شيء وأنا ميتة من الحرة والقهر :gr4uu::eh_s(14):
قلته امش الاسعار مرتفعه وغالية ورحنا وحاسبنا عند الكاشيرة وطلعنا وحطينا إغراضنا بالسيارة جان يقول أنا مشتهى أكل هامورة اليوم ونزل من السيارة وخلانى ويا اغراضى وانا قاعدة أصارخ ما يحتاج الأسعار غالية
المهم 5 دقايق وهو راد وياة الهامورة سعرها تقريبا جريب 20 دينار يمكن 4 كيلو أو 5 فقال اليوم طبخيها على الغدا فقلت لوشنو ما راح اطبخها روح لامك تطبخها لك قال حلوة هاذي ولو قالت امى لي وين مرتك ما عندك مرة تطبخلك شنوا قول ؟؟ّّ!!!​

ردينا شقتنا كله هواش وصراخ ونزلت على أساس أنى بساعده بنزلت الأكياس ونزلت الكيس اللي فيه الهامورة ورحت لدرام ا لزباله تكرمون وقطيته فيه ورحت ركبت سيارتى واهوا قاعد معصب يطالع يدق على يدق على ما رديت ورحت بيت أهلي والمغرب يدق على جان يقول كلام ما ينقال ويطلقني ​

ساعدونى

 

[بتبوتااا]

!! كبرتي السالفه حيـــــــــــــل بصراحه انتي الغلطانه !

جان قلتي له حاظر وحتى لو ما تعرفين في بجوجل مليون طريقه شوفي الاسهل وسويها له

واذا كان قصدج انه قال جذي عشان البنت فأكيد غلطانه حبيبتي

 

[ام الدرر]

الله يهديكم​

 

[محتارة وبصيح]

يا بنت الناس يمكن مو قصده

 

[pusy cat]

انتي الغلطانه

لهالدرجه ماتقدرين تسيطرين على اعصابج

الله يهديج بس

الحل انج اتأسفين له وانشالله يردج

 

[simply unique]

واضح انج انتي الغلطانة حبيبتي
شكو تقطين نعمة الله بالزبالة وحسيت من الموقف ان ريلج ما كان يغازل ولا شي

الله يهديج الحين شستفدتي بعد الطلاق
روحج تقولين غالية السمجة واخر شي انتي تقطينها؟ حرام اذا ما خفتي على فلوس ريلج المفروض تخافين من الله تقطين هالنعمة واخواننا ما عندهم اكل ياكلونه

الحل اتوقع تنطرين ليما تصفى النفوس وتحاجين ريلج ان شاء الله لما يهدى تتفقون
وانتي تعلمي تمسكين اعصابج مو زين عليج

 

[جولينار]

مرره غلطانه انتي


احد يرمي هامور بالزباله ؟؟؟؟؟؟؟؟؟؟؟؟؟؟؟؟؟؟؟؟؟؟؟


ما ألومه زعل عليك @@


اعترفي بخطاك واعتذري

ولا عاد تصغرين عقلك

هو ماطلقك عشان هاموره

انتي اللي طلبتي الطلاق بسبة هامورة

 

[آنآقه~]

الله يهديج كبرتي الساااالفه الله يهدي الاموور

 

[عبيطه تستعبط]

امبي امبييييه :| الله يهداج كبرتي السالفه !!
عذريني يعني بس طز فيه وبهالموره مالته ولا انج تطلقين
باجر لي قالو ليش تطلقتي بتقولين عشان ريلي قال مشتهي هامورا ؟
خلاص بلعي لسانج وطبخيله :s سوري ع الاسلوب بس عصبتيني !
شالدلع عاد ؟ هدمتي بيتج بدون اي سبب !​

 

[برنسس كاتي]

ما كام له داعي توصل الامور لهل حد!
والغلط منج انتي اولا واخيرا !
واضح انه هو شكله يقصد سمج بس انتي غصب دخلتي فكرة براسج
وصرختي علية و سويتي سوات مالها دداعي !
الحل انتي تحاولين تبدين الصلح
والله يهديكم

 

[غرأم]

ردة فعل زوجج فيها حفظ لماي وجهه ~~
الماي اللي .. نثرتيه بقطج للهاموره بالزباله ~~
خسارتج ما تنعوض ..فالزوج هذا ~~
خسرتي زوج حار في زمن بارد ~~

 

[دنيتى زوجي M]

من صجج خذيتي النعمه وقطيتيها بالزباله جدامه واهو حرام قالج مشتهي هامور !!

بصراحه تصرفج حيل حيل غبي واناني وبعدين غير جذي شنو روح حق امك خل تطبخ لك !!

بصراحه لاتزعلين اسلوبج اكس اكس

حاولى تتاسفين عشان يردج لان انتى غلطانه حيل موشويه

 

[no0o0o0r]

الله يهديج بصراحة كبرتي الموضوع كثير
انا رايي انج تعتذرين لزوجك

 

[فلنتينو]

ليش حبيبتي سويتي جذي ترى والله ماتستاهل
السالفه اوكي زعلي لا تحجينه
بس مو لدرجة اقط الهاموره بالزباله وازعل لبيت اهلي

الله يهديكم لبعض

 

[د. فاطمة]

أول شي
الله يهديج بهدايته يارب

ثاني شي
زوجج من وصفج للقصة ماطالع بالبنت ابد..!!

ثالث شي
حرام حرام رميتي نعمة الله بالزباالة
الله مايرضاها
وحرام زوجج شاريها بملبغ غاالي
وكسرتي خاطره يوم انه يبيج تطبخينها له

رابع شي
انتي اللي بصراحة غلطانة عليه وماتردين عليه لما يدق عليج ..!!

لاتزععلين مني حبيبتي بس هذا الحق
الواجب عليج الحين تاخذ بخاطره وتستمحين مننه لأنج بجد بجد غلطانة في حقه

والله يهديكم يارب
​

 

[PuPa^^SWeeT]

الناس يبون الزفر عالغدا وانتي قطيتي هامورة اب 20 دينار

علشان بنية ماتسوا عبالج يغازلها شكو ؟؟؟ ؟


بالطقاق بالبنية الريال ماكن منتبه لها ولا بفكر فيها


شنو بتقولينله الحين

بتقولين له انته قصدك عن الهامورة اللي يمك ؟؟؟؟

شنو عذرج الحين ؟؟؟؟


كبرتي السالفة


لازم اتفكرين شلون اتصرفين قبل لا تصرفين



واذا على الشوف مسكييين شيسوي اذا البنية لابسة قصير


هم ماتحرك صوبها


اتييك التهايم وانته نايم

 

[MiSS_RJ]

بعد انتي الغلطانة ما ينلام فيج احتريتي من هذيج و حطيتي حرتج فيه هذا انتي كليتيها

 

[Tom ♥ Jerry]

.


آنتي الغلطآنه يمكن الريال مو قصده عن البنت
يمكن صج مشتهي ياكل هآمور :/ !
الصراحه تفكيرج حده غلط ,،
دقي و تأسفي و تعلمي من هالسالفه مو تكبرين السوالف مره ثانيه

 

[صادقة بكلمتي]

امبي امبييييه :| الله يهداج كبرتي السالفه !!

عذريني يعني بس طز فيه وبهالموره مالته ولا انج تطلقين
باجر لي قالو ليش تطلقتي بتقولين عشان ريلي قال مشتهي هامورا ؟
خلاص بلعي لسانج وطبخيله :s سوري ع الاسلوب بس عصبتيني !
شالدلع عاد ؟ هدمتي بيتج بدون اي سبب !​

الله يهديج حبيبيتي ان اهي قبلت تغلطين على ريلها اهي كفيها بس ما يجوز حرررررررررررا يا قلبي تغلطين على نعمه الله استفر الله والله بس ابي انصحج تستغفرين الله على الكلمه اما بالنسبة لصاحبة الموضوععععععععععععع حبيبتي حرام عليج حرمتي النعمة يوم قطيتيها وشي طبيعي ردت فعله مو لي هالدرجة الغيرة انا لو منج اقوله من انتو داخل ما يخالف ياقلبي ناخذ بس مو اليوم و ان كلش كلش ناخذ اي نوع ارخص شويه وان لزم الا هامورة اهو المسؤول عن مصرفكم واهو اللي اختار يقط عشرين وقتها ما عليج شي انتي ليش تخلي السالفه تكبر ويهدج ويرد السلطااااااااان بروحه حتى لو انه بس جذي ما نزل يتعرف على البنيه لان اعوذ بالله ني اتهمه بس ان حاطه ابالج جذي كاهو نزل وراح يااااب والشك لعب فيج والشيطان بعد وقط
يتي نعمه الله شتسوي عليج الله يهديج انا اقول روحي اخذيلج هامورة ثانية وخا امج تساعدج وتسوينله غدا حلو واهو بالدوام وردي بيتج وتعوذي من ابليس واستغفري الله على النعمة اللي قطيتيها عسى الله يتجاوز عنج و لا تخلي مجال للشيطان يفرقكم والله يسخره لج ويهديكم حق بعض ويبعد عيال وبنات الحرام عن كل المسلمممممممممممممممممين:yaaaaaarb::yaaaaaarb:

 

[shak!shoka]

ههههههههههههه امبيه انتي من صجج ولا اتغشمرين

كل هاذي غيره ! يمااااا شكلج حااااره ماكو تفاهم

وشكل البنت الي شفتيها حلوووه حيل الي سوت فيج جذي ! ههههه

والله حرام عليج حسافه ع الهاموره الي قطيتيها ب 20 مو شويه

الحين شبترقعين حق عمرج ؟؟

يعني ما عرفتي تنطرين لي ورا الغدا و تشخلينه ع كلمته و تعرفين شالسالفه

مقروووود قط الكلمه مو قاصدها ؟ لانه مستحيل راح يغازل وحده بهالطريقه جدااااامج مستحيييييييييييل

اوكي قالج مشتعي اكل هامور اليوم جان راده عليه حتى انا مشتهييييييه زبييييدييييي امممممم واذا عصب معناها كان قصده مو شريف و لو عادي يعني خلاص


بس صج صج انتي تخرعين و دمج حار

تأسفي من ريلج و شوفيلج اي جذبه و رقعي فيها مع انها ما تترقع !!