طلقني بسبه هامورة !

[Mrs Al-Nasser]

كبرتي السالفه حيل على شي كلش كلش مايسوى!
​

 

[كتكات احمر]

ههههههههههههه امبيه انتي من صجج ولا اتغشمرين

كل هاذي غيره ! يمااااا شكلج حااااره ماكو تفاهم

وشكل البنت الي شفتيها حلوووه حيل الي سوت فيج جذي ! ههههه

والله حرام عليج حسافه ع الهاموره الي قطيتيها ب 20 مو شويه

الحين شبترقعين حق عمرج ؟؟

يعني ما عرفتي تنطرين لي ورا الغدا و تشخلينه ع كلمته و تعرفين شالسالفه

مقروووود قط الكلمه مو قاصدها ؟ لانه مستحيل راح يغازل وحده بهالطريقه جدااااامج مستحيييييييييييل

اوكي قالج مشتعي اكل هامور اليوم جان راده عليه حتى انا مشتهييييييه زبييييدييييي امممممم واذا عصب معناها كان قصده مو شريف و لو عادي يعني خلاص


بس صج صج انتي تخرعين و دمج حار

تأسفي من ريلج و شوفيلج اي جذبه و رقعي فيها مع انها ما تترقع !!

ههههههههههههههههههههه حلوة مشتهية زبيدي :krkrkr:

 

[باااربي]

:eh_s(1)::eh_s(1)::eh_s(1):

الله يهديج ويصلح ما بينكم ويعمي عينه عن غيرج يارب

 

[om MaRyooM]

بصراحة من حقه يزعل


شكو تزعلين وتسوين اللي تسوينه

اتوقع البنات لاموج بما فيه الكفاية .. والحين التصرف عليج

 

[Remember-Me]

هاموره ؟ لووول اصلن الكلمه مو حق مغازل جنها سبه بصراحه مااتوقع انه يقصد البنيه

 

[كليـ دلعـ]

شالمطلوب الحيين؟؟


عفستي الدنياا بسبه سمجه!!!

واللي عندهاا الشجاااعه تاخذ النعمه االلي حاسه انها غاليه حيييل

وتقطها بالزبااااله وتركب سيارتهاا وتروح بيت اهلهااا

اظن. اظن. مااايهزهاا شي اسمه طلااااااق!!!

ماظنتي هامج الطلاااق وهذي فعلتج!!

واي ريال طبيعي وسوي ويصير فيه هالمووقف

شي طبيعي بيطللللللللللللللللللللللللللللللق

هذا ريال سليم هذاا ريااال صااااحي. واااعي

شكنتي تنطرين عقب اللي سويتيه؟

يبوس راااسج؟!!

والا يوديج المسمجه!!

انا معاج بالغيييره والزعل بس ماتوصل الامووور

للفتووونه!!

صدقيني لووماطلقج. جان مايطلع ريااال

هيك الرجاااال يااامااا. بلاااااااا

انتي طلبتي الراي

وانا قلت الصرااااااحه

اوكي. معاااج غيري عصبي حقريييه

بس

اللي سويتيه

عـــــــــــيـــــــٓب

ولايترقع كلش

طبخن طبختييييه. يالرفله اكليه

عافسه الريال وقاطه سمجته ورااايحه ومخليته

عقب رااازه العنوااان طلقني عشان هاااامووةره!!

وتبين حل ؟؟؟

الحل خلاص لااااتدقينلاتتسامحين ولاشي

قعدي وسكتي وجان رجع ردي

وان مارجع نصيييب

احس ماكووو عذر للي سويتيه

الله المستعان

الله يفرج همج ويرده لج ردا جميلا

ولاتزعلين حرييتيني والله انقهرت عليج

 

[يا كويتنا]

ترا احنا انلاحظ شغلات والله الرياجيل ما يشوفونها يمكن انتي شفتي هالبنيه اهو ما شافها


وليش انتي تتوقعين الرياجيل ما تعلق علا هالمغنيات والا هالجميلات اكيد بيقط جم حجوه


المهم تعوذي من ابليس واللي سويتيه غلط بغلط

 

[ياروحي مشتاقه]

ياعمري ليش سويتي جذي الله يهديج والله مالج حق
هاموررررررررررره عاد

وزباله

ولاتردينع تليفونه

شلون ماتبينه يعصب ويطلق

هدي وان شاء الله خير

خليه يومين يهديء ودقي عليه تليفونه وطلبي الاعتذار وقوليله الشيطان شاطرر الله يعلنك من ابليس

 

[نسمة بحر]

الله يعينج حبيبتي وربي يصلح بينكم ماالومج لانة الموقف يحر بس هذيل بنات بليس تتضحك ضحكت من سرها ان شالله
وان شالله ربي يهدية ويردلج

 

[* بنت المطر *]

زين يسوي فيج تحررين صراحه يعني سعرها غالي ومشتهيها المسيكين وقطيتيها بالزباله بسبة الغيره الحمدالله والشكر

بس ! حريتيني صراحه ياويلج من الله

 

[ورده الكرستال]

الله يهديج كبرتيها اهي صغيره

 

[وردة الكاميليا]

سبحان الله لا منج ولا منه

 

[ليتني مـآ كبرت]

هههههههههههههههة استغفر الله

الله لايبلانا

?ل هذا عشان بنت شفتوها بالجمعية

مشكلة إذا ماعندج ثقة بنفسج

 

[أتــــراف]

الله يهداج

سويتي سالفة من ولا شي

اعتذري من زوجج وصلحي الموقف

الله ييسر أمرج​

 

[ظل الياسميـن]

عاد انتي غلطانه ونص

الله يهديكم ان شاء الله

 

[NOORALLAH]

بصراحة السالفة ما تسوة كبرتيها وهي صغيرة والخطا منج لان ما تملكتي اعصابج

 

[مألوفة]

الله يهديكم ويردكم حق بعض

 

[أعشقه]

يصراحه انتي غلطانه
السالفه تافهه وانتي الي كبرتيهااا ..
حاولي تعتذرين منه

 

[رحيل المرافيء]

ماقصر والله
صرختي وتخانقتي معاه جدام الناس
قطيتي النعمة بالزبالة وخليتي البيت
شكيتي فيه
قلتي له روح لامك تطبخ لك ولو رايح لامه جان قلتي رايح لامه وفشلني يبي يحسسها اني ما اعرف اطبخ
وان قالولكم طبخوا قلتوا روح لامك احتاروا معاكم الرياييل والله
مدري على شنو شايفة نفسج
ترى البنات ترس البيوت وبدالج يتزوج ألف
ولاهم اللي يعطون الريال مهر ويفتحون لهم بيت بعد
البنات مو لاقين رياييل وانتي عشان سالفة ماتسوى قومتي الدنيااااا
وانتي كبرتيها وطلعتي من البيت خلي دلعج وعنفصتج تنفعج الحين
وخليج تخللين ببيت اهلج
ولو انا من طليقج ما اردج ابد بنات الحلال وايد ويتمنون ظفر ريال


وبعدين مو هذا اللي تبينه شحقة زعلانة الحين

 

[ترف بابا]

سويتي شي من لا شي

وشلون تقلين النعمه بالزباله؟

حريم طاحوا على رياييلهم بالجرم المشهود ما سوواربع اللي سويتيه
!!!
الله يهديكم