طمنوني انا بالغربة ومالي غيركم ،،

[Bnt-USA]

السلام عليكم بنات شلونكمً


عفية طمنوني انا اليوم موعد دورتي وليلحين ما نزلت و مو حاسه ب اعراضها بس من اسبوع احس ب نغرات بالجانب الايسر بالرحم
و حاسة بلوعة و نفسيةً


ومادري امس رحنا مكان للالعاب و لعبت لعبة خضتني خخخخخض
ماتوقعتها تخض

تهقون لو الله كتب لي وحملت يصير بالبيبي شي؟ او احتمال اجهاض؟

انا اذكر بنت عمي قبل موعد الدورة بيوم لعبت نقازية و ماصارلها شي



خايفة طمنوني انا بغربة وما اعرف احد اساله !!!!!!!


واليوم حلمانه اني ولدت توائم 3 بنت و ولدين بس توفو اثنين و بقالي واحد ،، خوووووفني الحلم طمنوني بليز

 

[أأأميرة الورد]

ان شالله ماكو الا العافيه

والله يرزقج الحمل هذا الشهر وتفرحين فيه ويثبته لج

 

[Mrym]

وعليكم السلام ورحمة الله وبركاته

الله يرزقج الذرية الصالحة

شوفي إذا ما يتلج الدورة حللي

ولا تحاتين فوضي أمرج لله سبحانه

والحلم شوفي هالرابط بإذن الله يفيدج فيه شتسوين إذا شفتي حلم يضايقج

ما ذا يقال عند رؤية حلم مزعج |

 

[الراقيه 81]

لا مايضر ان شاء الله والله الحافظ في بجري كنت بميونخ وكنت ادري والعب وما ضرني الله الحافظ وباجهاضي نايمه وحارصه على نفسي ونزل من نفسه

 

[احساس عروس]

لاتحاتين حبيبتي ماكو الا العافية ان شاء الله
الله يرزقج ان شاء الله وتكونين حامل وتفرحين ولاتفكرين بهالافكار
دايماً حطي في بالج اذا ربج كاتبلج نصيب بالحمل هالشهر وانه يتم ويكمل بيكمل حتى لو تسلقتي جبال افرست ماعليج
توكلي على ربج وخليج واثقة وراضية بقضاءه وقدره وتعوذي من ابليس هالافكار بتعبج لاتفكرين جذي

 

[dalo0oa121]

ماعتقد اللعبة لها تأثير

 

[حشمه]

لاتحاتين سبحان الله اول فتره خاصه قبل التحليل

واول 40 يوم الله حافظ الجنين في ناس تسوي

اشعه وتسافر وتلعب والحمدالله يتم حملهم

هذا اول شي وثاني شي الحين حللي وان شاء الله

تبشرينه بالحمال يارب وتفرحين بالبيبي

 

[حبيبي مالكني]

لا تحاتين حبيبتي هالشي ان شاء الله ماراح ياثر اذا كنتي حامل

 

[سيلينا]

لا تحاتين حبيبتي الله يكتب لج الي فيه خير

يوم كنت حامل ابجري مادري اني حامل كل يوم اشرب دارسين وتسلطت علي الرياضه واللياقه
كل يوم انط الحبل واسوي الدوق بوز

ان شاء الله حامل وتبشرينا

 

[Bnt-USA]

مشكورين بنات و ماراح انسى وقفتكم معاي وكلامكم اللي ريحني

بس نزلت علي الدورة و الحمدلله اني مو خامل لان لو حامل بقعد اوسوس واحاتي


الله يكتب لي ان شاءالله ❤❤❤

 

[حشمه]

الحمدالله على كل حال وان شاء الله

ربي يكتب لج الحمال مستقبلا