طمنوني بليز حدي مخترعه

[miss_jamsheer]

اشلونكم بنات
حدي مخترعه ومادري شسوي طمنوني
بنات انا حامل وهذا ثاني واحد لي اليوم رحت راجعت قالتلي انتي متى دورتي وهالحجي
لما سوتلي سونار كل شي كان اوكي النبض والمشيمه الحمدالله
بس قالتلي البيبي حيل صغير شوفي راسه جم حجمه امبيه عيني دمعت اتقولي انتي متاكده من موعد الدوره وكانت بتسويلي سونار داخلي بس خفت لانه سمعت موزين واتحاول اخر شي تذكرت
قتلها صح انا بعد الدوره ب10 ايام نزل علي دم بس بني وشوي وايد جان اتقولي اي يمكن يفرق بس حدي خايفه مادوي شسوي اختي اتقول يعني 10 ايام بيفرق حجمه
بنات الله يخليكم ريحوني طبيعي ولا لا في احد مر نفس حالتي

 

[miss_jamsheer]

اي نسيت اقولكم انا الحين من بعد ماقتلها انه نزل دم وجذي اتقولي يمكن انتي بنص الثالث

 

[عشيقه زوجي]

حبيبتى عادى البيبي بالسونار يصغر او يكبر اسبوعين لايخوفونج الدكاتره
اهم قاعدين للتخرع

تخيلى انا كنت بالاسبوع 35 وبنتى بالاسبوع 29 ومت خووووف والاسبوع اللى بعده كبرت وصارت بالاسبوع 32 يعنى 3 اسابيع كبرت وانا صرت بالاسبوع 36 مدري السونار يلعب على والا اللى قاعد يصير صج
بس بينى وبينج انا طحت باللبن وهذا يمكن اللى كبرها شوى

توكلى على الله ولاتخافين
والله يسهل عليج وعلينا يارب

 

[بدووورة]

الله يسهل وماعندي فكرة

 

[الصعيريه]

رد : طمنوني بليز حدي مخترعه

مآعليج ولاتحاتين السونار مودايم يضبط
وإكلي مووز يكبر حجم الجنين

 

[om la6ofa]

اشاالله ماكو الا العافية

 

[سارونة المملوحة]

الله يطمن قلبج اختي

 

[miss_jamsheer]

بعد عمري بنات ماقصرتوا
بس مادري انا مابي اكل عشان يكبر انا ابيه يكون طبيعي حتى لو كليت موز ماراح يكون طبيعي
مادري الله يستر انشالله اكون متاخره ولايكون فيه شي

 

[eman84]

انزين مو يمكن التبويض كان متاخر علشان جذي البيبي صغير ؟

ماكو الا العاااافيه ان شاء الله لاتحاتين

 

[_ظل الياسمين _]

مافي الا العافيه ان شاء الله هالدكاتره بدال لا يريحونا يابولنا المرض.

 

[miss_jamsheer]

اي ايمان اتوقع التبويض صار متاخر وااي شيصبرني لي موعدي الياي

 

[noo7a]

انشالله مايكون الا كل الخير
و يمكن تبويضج كان متاخر
ترى يفرق

 

[تبارك الرحمن]

رد : طمنوني بليز حدي مخترعه

ويييييييييييييييييييييي خليهم يولون الله يقطع هالدكاترة الخمطة بربع لوعوا جبدي كل يوم حجوة كل يوم سالفة كل يوم قصىة
توكلي على الحي اللذي لا يموت و اكلي موز ليش ماتبين تاكلين موز انتي مو طاقة ابر علشان يكبر بالعكس الموز مغذي وكلع فوايد ويبني جسمه
وشربي كل يوم حليب كي دي كاو كامل الدسم بعد يكبر البيبي
وعادي السونار يختلف بحساباته البيبي رب العالمين العالمين رزقج اياه وربج يتولاه مو الدكاترة صلي على النبي بس و استغفري ربج دااايما و ان شاء الله مافي الا العافية فديت رااااااسه انا رب يحفظه

 

[دلولي]

حبيبتي تعوذي من ابليس ماكو الا العافيه ياقلبي دايم الدكاتره كذا يخرعون مادر ليه انتي الاتعبثين بعمرك وعلى قولت البنات اكلي موز وكثري حليب ومايكون الا كل خير ان شاالله

 

[دلولي]

حبيبتي تعوذي من ابليس ماكو الا العافيه ياقلبي دايم الدكاتره كذا يخرعون مادر ليه انتي الاتعبثين بعمرك وعلى قولت البنات اكلي موز وكثري حليب ومايكون الا كل خير ان شاالله

 

[miss_jamsheer]

بعد عمري صج ماقصرتوا وانشالله بس اروح موعدي اطمنكم

 

[big heart]

رد : طمنوني بليز حدي مخترعه

انشالله مافي الا كل خير

 

[miss_jamsheer]

انشالله الله يسمع منج

 

[كويتيه مذهله 87]

مافيه الا كل عافيه ترى بعض الدكاتره يخوورووونه
,,,

 

[كتكوته22]

انشالله مافيه الا العافيه