طمنوني سونار داخلي وانا حامل

[ام خدود ورديه]

السلام عليكم


بنااااااات انا يوم الاربعا رحت الطوارى اللي بالصباح لأنه كان حايشني عوار قوي ابمبايضي ماكنت اقدر انام وسوالي سونار داخلي وقالي التهابات وعطاني مضاد حيوي و3 تحميلات وخذيت الدوى يوم الخميس واليمعه

السبت سويت تحليل دم وطلعت حامل اتهقون راح يضرني هالسونار امبيه خاااااايفه اي صح والعوار ردلي اليوم ورديت رحت الطوارئ وقلتله السالفه قطيعه الدكتور منفس جني اطر منه وطلب مني تحليل هرموني بعد 3 ساعات نتيجته

بنات انا وقفت العلاج مال الالتهابات احس متوهقه مادري وين اروح وشسوي

 

[moraje3a]

شوفي الدكتور شيقولج
وقفي العلاج وروحي لدكتور شاطر آمن لج انتي والجنين
الله يطمن قلبج

 

[دانـــه]

انا سويت سونار داخلي وكنت حامل بالرابع الحمدالله كلش
ماضرني مع ان امي عصبت اني خليتهم يسون لي سونار وانا حامل بس لان كان ينزل علي دم وكان بيشيكون
من وين الدم
الي مو زين المضاد الحيوي بما انج حامل راجعي الدكتور لانه اهو افضل يحدد لج

بس حطي في بالج شي واحد مو شرط انه بيصير شي بالحمل ان شاء الله مافيه الا العافيه
ولو لا سمح الله المضاد بيضر البيبي ماراح يستمر الحمل لا تخافين لا من تشوهات ولا هالسوالف

مبروك الحمل والله يتمم عليج على خير بس راجعي الدكتور عشان يعالج لج الالتهاب​

 

[ام فوااز]

ان شاالله ماعليج شر روحي دكتور ثاني بخصوص الالتهابات ولاتخافين من السونار عادي

 

[داناو]

لا تاكلين المضاد موزين للحامل وقفيه فورا
ولاتسوين سونار مره ثانيه داخلي خطر

 

[tho tho]

رد : طمنوني سونار داخلي وانا حامل

السونار الداخلي كلش ما يضر الحامل
انا سويت بداية حملي و الحمد الله
بالعكس اوضح من السونار العادي
حبيبتي الله يتمم عليج يارب

 

[شهرزاااد]

السونار الداخي يضر اذا كنتي اكثر من شهرين
والمضاد مو زين لا تاكلينه في انواع مضاد مخصصة للحوامل اسألي الدكتور

 

[حنين الارض]

رد : طمنوني سونار داخلي وانا حامل

لاتخافي مافي اي مشكلة ابدا اختي بحيث ان الجهاز لايدخل منه في الرحم الا 1 سم ونصف وهو قمة الجهاز المدببة..واغلب النساء يظنوا ان الجهاز كله سيدخل في الداخل؟!!!!

وقناة المهبل طولها 4-5 سم ثم ياتي بعدها عنق الرحم طوله 3-4 سم تم ياتي الرحم الداخلي وهناك حاجز بين عنق الرحم والرحم بعده ياتي كيس الجنين ويكون في اعلى نقطة في جانبي راس الرحم.....

فبعد كل هذه القياسات ...هل تتوقعي 1 سم ونص يأثر.!!!!

هذا الفحص له 50 سنة مستخدم وليس له اي سلبيات ابدا...بل ممتاز في تشخيص
ورؤية نبض الجنين في الاسابيع الاولى من الحمل خصوصا ويوصى اننا نعمله في حالات خاصة في أخر الحمل.....وعن نفسي هذا اكثر فحص افضل اعمله لما له من مميزات ولم اجد مريضة واحدة تأثرت منه

(( منقول عن اخصائية اشعة صوتيه ))


والله يتمملك على خير

 

[Om !L3$l]

عادي مافي شي ...
انا سويت سونار داخلي ثاني شهر لان البيبي ماكان مبين و الدكتور خاف ان مافي بيبي بس مشيمه
بس الحمدلله كل شي زين و مافينا الا العافيه
ووقفي المضاد احسن لج روحي حق دكتور ثاني شوفي شيقولج ... وان شاء الله ما عليج الا العافيه

 

[مناوووي]

ان شاااااااء الله مايصير شي

والله يتمم عليج ياااااارب


ويحفظ جنيينج

 

[ام خدود ورديه]

واي الحمدالله مشكورين بنات طمنتوني
قطيعه على مستشفيات الحكومه اليوم رحت قلت حق الدكتور العوار ذابحني شسوي اكمل العلاج ولا لأ ؟ قالي سوي تحليل دم هرموني سويت وقالولي تعالي بعد 3 ساعات رحتلهم ولا دكتور 2 يقولي ليش سويتي مايبين شي الحين تعالي بعد يومين سوي واي قهروني ابي اعرف الحين الالتهاب شسوي فيه
انا يحوشني عوار مو صج ابمبايضي يروح ويرد وهذوله قطيعه بعرف انا الهرموني حق شنو بالله انا سويت تحليل دم وفي حمل الحمدالله يقول الدكتور هذا حق شي ثاني بس مايعرفون يشرحون قطيعه
اليوم بروح دار الشفا والله كريم
مشكورين بنات مره 2