طمنوني نفسيتي معدومه

[امـونه]

:eh_s(2):السلام عليكم


شخباركم ياعسولات

ادري غثيتكم بس تحملوني مالي غيركم بعد الله:eh_s(2):

بقولكم شنو معاي الحين طبعا دورتي المفروض تجي امس وصار ينزل مني افراز بني ومسحت بالمنديل دم شوي بس

وعقب كم ساعه لقيت نقطتين على الاندروير وعقب وقف

ورجعت امسح يوم صحيت لقيت افراز بني

بنات ظهري احسه منكسر حيل ومغص يروح ويجي

شسالفه دوره او فيه امل يكون حمل:eh_s(2):

ترا اول مره يصير فيني جذي وانا اجهضت قبل 3شهور

اي وحللت منزلي قبل الدوره بيوم مابين شيء

تهقون توقيتي للتحليل غلط

طمنوني الله يفرجها عليكم من مرت مثلي وصار حمل

واذا دوره ليش ماتنزل:eh_s(2): تعبتني حيل ظهري ذابحني:eh_s(2):

ودي اشرب حوار انزلها بس اخاف حامل

مشكورررررررررررررررررررررين:eh_s(2)::eh_s(2):

 

[fruity]

وعليكم السلام شوفي حبيبتي انا حاسه فيج لان من 3 شهور مريت بنفس الحاله اتوقع حمل وتالي تنزل بس حمدالله المره الرابعه ضبطت وطلعت حامل ولله الحمد .
بس بقولج اللي صارلي ممكن تكونين نفس حالتي وممكن لاء عشان ما ابيج تحطين امل وتالي تتحبطين وخلي املج وثقتج بربج كبيره
انا الشهر اللي قبل الحمل نزل علي دم قبل موعد الدوره بعشر ايام بس نزل علي الصبح اول ما قمت وعقبه ما شفت ولا شي وبعدين في موعد الدوره صار فيني بالضبط نفس اللي صاير معاج الحين دم خفيف ولونه بني وشوي كلش نقط احمر لمدة 3 ايام بس وبعدين وقف وسويت تحليل طلع ماكو حمل
المهم نطرت قبل موعد الدوره اللي بعدها باسبوع ورحت حللت هرموني ماكو شي ونطرت لما طاف على موعدها يومين وسويت تحليل بالبيت وطلع خطين وااااااضح .
الزبده اللي بقوله ان انا شاكه اني حامل مو من هالشهر لاء من الشهر اللي قبله لان كنت احس باعراض غريبه وبعدين كل من يشوفني يقول بطني كبير مع ان على تحليل البيت المفروض توني باول شهر يعني المفروض ماكو بطن.

 

[fruity]

ونصيحه لا تشربين شي الحين نطري لما تتاكدين​

 

[Bnt kuwait]

هلا حبيبتي انشالله يكون حمل انا نفسج الشهر اللي طاف نزل علي شي بني بس ما نزل دم كلش وهمن افرازات صفرا وانا ادري ان اذا افرازات صفرا يعني بعد جم يوم بتيي الدورة بس ما قدرت انطر لان احس اني حامل حللت قبل الموعد بيوم ما طلعلي شي ونطرت الدورة ما يت وخلال هالفترة كنت احس بمغص غريب جنة بتنزل بس لما اروح الحمام ماكو شي والحمداللع عقب ما تأخرت ب 3 ايام حللت مرة ثانية طلعلي خط خفيف يعني الحمل فبدايتة ..

انشالله ربي يرزقج

 

[امـونه]

فروتي ياحياتي عسى ربي يسعدج ويتمم عليج

حيل احاتي ولاادري شسوي

 

[امـونه]

بنت كويت عسى ربي يتمم عليج

ويكتب لي الحمل يارب

او تنزل وارتاح نفسيا

 

[shmoo3 alamal]

ان شاااء الله تكونين حامل واطمنيناا عليج

 

[sharoo_e5]

ان شاء الله تكونين حامل وتحليل الحمل المنزلى تو الناس علية

روحى سوي تحليل دم باقرب مستشفى او مختبر جم بيتج


وبشرينا


والله يرزقج بالذرية الصالحة آآآآآمين

 

[english muffin]

والله يرزقج بالذرية الصالحة

 

[@ام يوسف@]

الله يرزقج الذريه الصالحه

 

[أم عزيـز]

الله يرزقج ان شاء الله

سوي تحليل هرموني ان شاء الله حمل

 

[حظ من عنده انا]

تقريبا الاعراض اللي فيج جتني بحملي الاول

الله يرزقج يارب


عن تجربه تصدقي وانوي ان الله يرزقج

الصدقه مرضاة للرب

 

[كويتيه مذهله 87]

نطري لي باجر احتمال دوره والله يرزقج حبيبتي