طهرت ولدي وبسأل جم سؤال

[بيتي بوب بس كويتيه]

السلام عليكم بنات انا طهرت ولدي وما ييت ببالي الاسأله الا لما رديت البيت
يصير استعمل كلينكس جونسون للمنطقه واذا لا شلون انظف الياهل ؟
والسؤال الثاني : عطوني دهان ادهن المنطقه ادهن الحلقه معاها والا ما ادهنها
وشكرا وعفيه جاوبوني بسرعه

 

[الغاليه نونو]

شوفي يمه لا تستعملين الكلنكس المعطر هذا موزين
ولا تحطين بخور ولا عطور اذا انتي مكشفه الولد الله يحفظه
وطريقة التنظيف احسن شى تخلين ريلج اييب لج ماي البحر وايد زين تغسلينه فيه يطيب بسرعه ولي حطيتي الدهن اللي معطيجياه الطبيب دهني الحلقه عادي وانصحج بالليل قبل النوم تحطيله زيت زيتون تنقعين الحلقه بالزيت وايد زين بعد

واذا ماتبين ماي البحر عندج ماي الحنفيه دافي وحطي فيه ملح وغسلي الياهل" اهم شي النظافه يمه عشان مايلتهب

تشوفينه معرس يااارب وربي يبلغج فيه

 

[OmoOma]

مثل ماقالتلج الغاليه نونو بس نصيحة اخت حطي زيت خوا جوا عليه اكيد امج امسويتلج حق النفس حيل زينه للطهاره وانشالله يخليه لج امين

 

[Mmeme]

الخوا جوا ممتازة

 

[nice-girl]

مثل ماقالت الغاليه نونو
واخذي فنيان ولي بال عزج الله غطي ترى البول مطهر
وعليج بالزيت زيتون
وقت الغسيل في غسيل a b c
خففي ابماي وخلي بو 5 دقيايق بلماي

 

[ريم @]

الله يخليه لج ويحفظته

تشوفينه معرس

 

[بيتي بوب بس كويتيه]

تسلمون كلكم حبيباتي

 

[بسبوووسه]

حبيبتي انا كنت استخدم البودره مالت السره عرفتيها اللي كتبلج اياها الدكتور اول ماطعتوا من المستشفى
هذا زين بعد لأن عباره عن انتيبيوتك نشف الجرح بسرعه

 

[عسل هانم]

حبيبتي لا تحطين اي شي عالمنطقه وتكرمين بوله يطهره ويلئم جرحه والحلقه من نفسها بتطيح وبس مسحي بماي

لاتخربطين لولدج لايلتهب