ظاهره غريبه بين اليهال

[المحامية هبة السهلي]

اليهال فعلا بالاماكن العامه صاروا عدوانيين حدهم

يعني اعطيج مثال انا ولدي حيل مسالم فالكل يقولي حرام عليج ليش جذي هذا ولد لازم اتعلمينه الشطانه قطيه مع يهال شياطين عشان يستقوي ؟؟؟؟؟؟؟؟

اقوللهم اذا استقوى بيستقوى علي وبيتمرد على تربيتي ليش اتشوفون ان الولد لازم يطلع صوته عالي ويستخدم ايده وشيطان الولد لازم يكون مهذب حاله من حال البنت هذا مو الفارق بينهم

وفعلا ما اروح مكان الا يتحرشون بعيالي اللي ينقز واللي يدز واللي يبوق منهم اغراضهم شي غريب عكس لما رحت لبنان سبحان الله دخل ولدي لعبه نفق واخرها زحلاقيه وكان في ولد لبناني اكبر منه مسك ولدي من ايده وخطوه خطوه لما وصله الزحلاقيه نزله وبعدين تزحلق وراه المهم رد يبي يكرر نفس الحركه فولدي ياهل تضايق لانه يبي ياخذ راحته

ركض ابو الولد اللبناني وقال حق ولده بابا خلي الولد يلعب براحتو ، شاتوقعون الولد اللبناني قال حق ابو ؟؟؟؟؟؟؟؟

قال له بابا انا خايفان عليه لانو بي بيه صغير بخاف يتعور لو تركتو

واي يا السنع من الياهل ومن الابو اللي عينه على ولده واشلون يتصرف

 

[الحب الخالد]

انا عندي اللي قلتي شي عادي في مدرسة اعيالي واهم توهم امهات 7 و8 سنين يسلون انت اصيل والا وانت اي فرع من هذا وانت من وين شالسالف شالحجيهذا اليهال مفاهيمهم وايد تغيرت مو احنا خلف الله علينا والله ما كنا ندري وين الله قاطنا وبراءة اليهال كل مالها وتختفي الله يعين

واللوم اولا واخيرا على التربية وبس

 

[sHa6o0ra]

ذاك اليوم ياهل بالجمعيه سب خدامته مسبه ماتنقال وحجي وصخ حتى
انا ماعرف معناه

بغيت اقوم ازفه بس خفت يقط عليي نفس الكلمه وجدام الرياييل ماتسوى عليي

اهلهم تعبانين ماربوهم وباجر محد بياكلها غير اهلهم لما يتمادون عليهم عيالهم

 

[نووووونا]

انا اقول والله من الاهل اهما ايللى يربون ويعلمونهم هالسوالف

وايلا ياهل اشعرفه بهندى وكويتى !!!!!!!!!!

 

[الغاليه نونو]

المدارس مومقصرين اذا المدرسات يغلطون عاليهال وبره بالساحه اليهال يتعلمون من بعض والسبب الاهل مايعرفون يعلمون عيالهم الصح صح والغلط غلط والتلفزيون حدث ولاحرج

حتي مسرحيات اليهال كلها طنازه وسب وكلام قذر يطلع الياهل من المسرحيه رايحه فلووسه واخلاقه

الحمدلله والشكر الله يستر الاجيال اليايه بيطلعون كلهم مصارعين وفتوات ههههههههههه

 

[قبوطه]

الرك على التربيه لو كل ام وكل ابو غرسوا الاحترام باطفالهم ماكان تجرؤا لكن امهات هالوقت مو فاضيه عساها مو سوق لي استقبال ومن استقبال لي عرس ناهيك عن ماعاملت الخدم جدام العيال فشيء طبيعي الياهل بيقلد اليوم حنا بخير ونعمه لكن محد يعلم الغيب باجر يمكن الله يخفس فينا وتتغير الموازين

 

[al3ethri]

عزيزتي 80% من اليهال يقلدون اهلهم
يعني فالنهايه الرك كله على الاهل تجابلين وتربين عدل
تحصدين الثمار الزينه ام اذا بتهملين وكل شي عالخدامه
شتتوقعين ................ الله لايوريج ما من ولي مصلح
تطلع نتيجتها هالاشكال الله يستر على عيالنا ويحفظهم يا رب

 

[malak_alroo7]

حبيبتى وشرايج بالياهل اللي يسأل انت سنى و الا شيعي!!
امبيه شنو هذا؟

 

[بنت الكويت العسل]

تسلمون خواتي على القصص والمشاركات
بس شنو هذا (اصيل والا ...من اي فرع؟؟....شيعي والا سني ؟...كويتي والا غير كويتي ؟...... ومسبات وقلة ادب ومد ايد شنو باقي بعد !!!!!!!!!
لا بالله البراءه راحت وين ايامنا تلفزيون ولعب ولا ندري عن شي واذا ماصلينا امهاتنا يطقونا وحتى الكذبه يويلج ان كذبتي الحين سب وبلاغة شف وكل شي
يالله سترك

 

[بنت الشمالي]

من قلة التربيه اللي يسوون جذي تلاقين الام او الابو موحريصين بتصرفاتهم وكلامهم جدام عيالهم والياهل يلقط ويخزن ولي كبر ياذي المجتمع باللي فيه

 

[الكريستال]

اي والله قلة ادب
شهالسالفة
وصج بعيني اشوفهم يهال يتحرشون بيهال هني والطريج
يعني يسوون روحهم فتوة
والمساكين اليهال اعيال الاوادم الناس السنعة هم اللي منضرين ومنكسرين

 

[$الـــحـــلاوه$]

الادب يكون على حسب التربيه
اغلب الجهال الحين تربية خدم..

 

[Smarties]

الياهل يتعلم من اللي أكبر منه أكيد يشوف أهله يفرقون بين الجنسيات و يتطنزون عليهم و اهو يقلدهم
و هالظاهرة للأسف منتشره عندنا وايد بالكويت كيفي كويتي !!!
اتمنى من الأهل يعلمون عيالهم إحترام الناس بمختلف جنسياتهم وأصولهم و انهم يكونون لأطفالهم قدوة في تعاملهم مع الناس

 

[أم روعة]

هذا يعتمد عالتربيه واللي يشوفه ويسمعه من اهله بالبيت اللي اهم قدوة له

 

[جورية كويتية]

اكيد سامع من امه وله ابوه
وبعدين الحين اليهال صاروا ملاسين والسبه الاهل
وللاسف في يهال بعالتنا يسبون خدامتهم ويقلون ادبهم عليها
ولما اقول حق امهم ليش جذي يسوون اهي مره كبيره عيب هذيلا كبر اعيالها جذي يسوون فيها
تدرين شتقولي
اتقولي لا تخافين عليها اتعرف اترد عليهم :|
وانتي يا حظي اشلون ساكته اعيالج والخدامه سبني واسبك
الحمدلله والشكر
والله كلا من الاهل
​

 

[رفرف]

والله مو تربية خدم الا تربية أهل بس مايعرفون يربون !!

انا بنتي ام 3 سنين ياويلها ان عاسرت الخدامة والا غلطت عليها اخليها تروحلها وتتأسف ...

ماكو وحدة تحب تكسر عيالها بس شنو هالخدم مو اوادم مالهم كرامة اللي حتى عيالنا ويهالنا بيتيرعون عليهم !!!

 

[SeNyOrA Q8eYa]

والله التربية تلعب دور حده كبير