عاداتنا وتقاليدنا

[C'est La Vie]

قوة بنات شلونكم؟
ودي اسألكم سؤال بس بليز لحد يفهمني غلط
اهو سؤال بسيط وابي الرد عليه




في ناس تتهم تصرفات الغير بأنها مو من عاداتنا وتقاليدنا
وهالشي انا ملاحظته وايد سواءا باليمعات ولا الجرايد وحتى بالمنتدى هني وغيره

بس سؤالي:
اول شي خلنعرف العادات والتقاليد
شنو اهيا عاداتنا وتقاليدنا؟ عشان نقدر نصنف تصرف معين انه منها ولا لأ؟
الحمدالله انا طول عمري عايشة بالكويت عشان محد يسألني
بس حبيت اسمع منكم

وشغلة ثانية
اهو تشبيه بس لا غير
نفرض فرضا ان القمر محد وصل له ليلحين
وواحد من عيالنا قال لأبوه انا ببني سفينة وبروح القمر؟
هل راح يقوله الابو لا يا ولدي هذي مو من عاداتنا وتقاليدنا ولا يشجعه؟
الزبدة من السؤال هل العادات والتقاليد هل تشجع على الاكتشاف والتطوير؟
ولا اي بند ما يندرج تحت بنود العادات والتقاليد يكون مرفوض؟


واخيرا هل العادات والتقاليد تقتصر على المرأة فقط؟
ولا حتى الريال يقال عن تصرفه ان مو من عاداتنا وتقاليدنا؟


شكرا حبايبي :eh_s(6):

 

[هيوونه@]

شنو اللي يمنع التطور
ظلمتوا العادات والتقاليد
لما البنت تحطلها بوي فرند هذا مو من العادات والتقاليد
لما البنت تقعد بالدوانيه مع الشباب هذي مو من العادات والتقاليد
لما يكون في بالبيت ريال والمره اهي اللي تراكض بالمستشفيات والجمعيه ومدارس اليهال
وايد اشياء .. احنا نتكلم عن التربيه مو عن التطور

 

[C'est La Vie]

شنو اللي يمنع التطور
ظلمتوا العادات والتقاليد
لما البنت تحطلها بوي فرند هذا مو من العادات والتقاليد
لما البنت تقعد بالدوانيه مع الشباب هذي مو من العادات والتقاليد
لما يكون في بالبيت ريال والمره اهي اللي تراكض بالمستشفيات والجمعيه ومدارس اليهال
وايد اشياء .. احنا نتكلم عن التربيه مو عن التطور

حبيبتي انا ما قلت انها تمنع
انا سألت هل اهي تمنع او تشجع؟

والامثلة اللي قلتيهم تردج حق سؤالي الثالث
هل اهي مقتصرة على المرأة فقط؟
واتمنى انج تاخذين الموضوع بهداوة لأن انا ما عندي هدف من ورا هالسؤال غير الاستفادة من رايكم
انا مو ياية افرض رايي على احد

 

[هيوونه@]

وي انا مقصدي اللي فهمتيه ولاني معصبه بالعكس
انا اقول وجهة نظري حبيبتي مو قصدي عليج
لان وايد يصادفوني ينتقدون اني اتمسك بعاداتنا وتقاليدنا ويقولون عنها تخلف
بالعكس ما اشوفها تخلف
ومشكورة على الموضوع

 

[C'est La Vie]

العفو يا قلبي
حبيبتي كل شخص يفتخر بعاداته وتقاليده هذا شي اكيد
وانا ما قلت تخلي عنها ولا انها تخلف حشا لله
بس ولا مرة فكرتي شنو اهيا اصلا ؟
خل نعطيها تعريف معين ونحددها عشان نقدرنصنف الامور
عشان اذا احد اتهم شخص ان تصرفه مو من عاداتنا وتقاليدنا
نقدر نعرف هل اهو على حق ولا لأ؟

 

[^وجد قلبي^]

العادات والتقاليد تشجع على التعلم والتطور ..
لدرجه الحين الرجال اذا يبي يتزوج شارط انها موظفه وتسوق ومتعلمه
عاداتنا وتقاليدنا حطت بند بزواج التعليم والوظيفه ..حاليا اذا في شخص مو متعلم مايتوظف وديوان الخدمه المدنيه مايوظف شهادة ثانويه عامه ولا راح يلقى وظيفه لهذه الشهاده وهذا من باب التشجيع ..
والعادات والتقاليد مستمده من الشريعه الاسلاميه بحيث انها ماتتعدى الخطوط الحمرا ..بالنسبه للمراه والرجل الحلال بين والحرام بين ..

 

[C'est La Vie]

العادات والتقاليد تشجع على التعلم والتطور ..
لدرجه الحين الرجال اذا يبي يتزوج شارط انها موظفه وتسوق ومتعلمه
عاداتنا وتقاليدنا حطت بند بزواج التعليم والوظيفه ..حاليا اذا في شخص مو متعلم مايتوظف وديوان الخدمه المدنيه مايوظف شهادة ثانويه عامه ولا راح يلقى وظيفه لهذه الشهاده وهذا من باب التشجيع ..
والعادات والتقاليد مستمده من الشريعه الاسلاميه بحيث انها ماتتعدى الخطوط الحمرا ..بالنسبه للمراه والرجل الحلال بين والحرام بين ..

ميرسي يا قلبي :68_asmilies-com:

 

[C'est La Vie]

شرفني مرورج بموضوعي يا هيونه
بس جوابج ليلحين شامل ويحتمل اشياء وايد
اتمنى انج تحددين نقاط معينه
شنو اهي الاشياء اللي ورثناها عن الاباء والاجداد وليلحين محافظين عليها؟
سوري اذيتج بأسئلتي بس ابي جواب محدد

 

[حصوووصة]

العادات والتقاليد غير ثابته وتتاثر بالزمن وطبيعة المجتمع
فاغلب العادات والتقاليد مستمدة من الدين مثلا رفع المرا لصوتها تعرضها للنقد وبنفس الوقت الدين ينهي عن هالشى
مع ذلك فى تقاليد ممكن نقول انها سلبية او مضرة او حتى ما تواكب عصرنا مثل تحيير البنت لولد عمها ولكونها مثل ماقلت ما تصلح لوقتنا الحالى فتقريبا انقرض هالتقليد

صدقينى الحديث يطول عن العادات والتقاليد لكن المهم ان كل وحده فينا تلتزم بالدين اولا ثم بالعادات الايجابية واللى تحفظ طبيعة مجتمعنا

وشكرا لج اختى على فتح الموضوع

 

[happy&single]

حلو موضوعج
شوفي ياحلوة العادات هي الامور التي اعتادت مجموعة من الناس على عملها واصبحت صفة خاصة بهم مثل عندنا في الخطبة لازم الحريم اييون بعدين الرياييل يتفقون بعدين تصير الملجة هذي عادة من عاداتنا .
التقاليد شي ماكان موجود لكن ابتدعه شخص ولاقى استحسان من الناس فصار تقليد مثل هم في الزواج اييبون الدزة للبنت تشمل شغلات ثانية غير المهر مثل ذهب ملابس عباة وكلن على حسب استطاعته هذا تقليد يمكن نسويه ويمكن ما نسويه لكنه شي زين والناس حبته وسوته
وطبعا كل شعب له عادات وتقاليد خاصة بمجتمعه ، مثل الهند البنت تعطي المهر للريال من عاداتهم وهذا الشي مستغرب عندنا ولايمكن يصير بس عندهم عااادي .
قصدي تعرفين معنى عادات وتقاليد .. بعدين ليش اتفكرين بالموضوع ريال ومرأة ؟
شوفي الموضوع من ناحية ثانية .. ان عاداتنا الحلوة وتقاليدنا ماهي الا هويتنا الكويتية اللي ميزتنا عن باجي شعوب العالم شي حلو يكون لج هوية خاصة فيج وعادات وتقاليد تنقلينها لعيالج واعيالج ينقلونها للجيل اللي وراه .. صح؟
وانتي حتى تقدرين تبتكرين شغلة نكون تقليد يدوم للأبد اذا كان طبعا ما يطلع عن حدود الاخلاق والدين .
النقصة برمضان ، النافلة ، القرقيعان ، الزوارة عند الجدة ، الدزة ، الجلوة ، كتة النون ، لبس الثوب بالسامري وشغلات واااايد عساها ما تندثر
والله يحفظ الكويت واهلها الطيبين قولوا آميييييييييييين​

 

[اللوحة الناقصة]

اهو مثل ما ذكرت الاخت Happy & single ان العادات والتقاليد ناتجة عن سلوك او افكار مجموعة افراد ومشو عليها الي بعدهم من الاجيال وممكن يكون هالسلوك او الفكرة صح او غلط لان هالناس عادية ولا هم انبياء ولا شي

ولهالسبب انا اشوف ان العادات والتقاليد ما توقفني ولا تحكمني ووايد منها ما اعترف فيه وما اتبع الا ما ينص عليه ديننا الحنيف

اما والله ناس من سنين الطبعة ياية ومبتدعه شغله وتبي تمشي الكل عليها ،،، لا الصراحة ما يشوفون شر

واذا انا شايفة ان الشي الي ابي اسويه صحيح ومقتنعه فيه ماراح ارد على عادات وتقاليد طالما هالشي ما يغضب الله سبحانه

يعني مثلا بعاداتنا وتقاليدنا يقولون ( الريال شايل عيبه ) يعني بمعنى انه لو يرتكب اكبر الكبائر مافي اي مشكلة وعادي ولو بنت سوت ربع الي سواه تروح بستين داهية

بالله هذا شي يرضي الله سبحانه ؟؟؟

يعني اهو بشر ومحاسب على اعماله رجل كان او امراة

وبالنسبة لسؤالج انها هل تقتصر على المرة دون الريال ،،، انا اشوف انها فعلا مقتصرة فقط على الحريم ومثالي الي قلته قبل

اكبر دليل وغيره وايد

واحسها فعلا ممكن تعيق التقدم والتطور لانها ما تنفع لزمننا هذا والمشكلة انها مو بسهولة تتغير يبيلها قرون

يعني مثلا واايد نااس ما يرضون ان بناتهم المهندسات يطلعون مواقع ويشرفون على كل شي بنفسهم حالهم حال المهندسين

يعني الدنيا الحين تطورت والبلد محتاج لكل هالطاقات الشبابية من بنات وشباب عشان يعمرون البلد مو عشان تتخرج البنت

من كلية الهندسة وتقعد ورى المكتب او في البيت حالها حال الي ما درست




اتمنى انكم تتقبلون رايي بكل رحابة صدر :eh_s(7): وبليز لا ينقلب الموضوع هوشة :dddds: مانبي نخرب موضوع البنية حرام



ومشكورة حبيبتي عالموضوع الحلو واسفة على القرقة الزايدة :eh_s(17):​

​

 

[مطيريه ماركه]

صراحة دخلت هالموضوع عشان أكلمج يالعووبة

بشري تخرجتي ؟؟

نخش بالموضوع

اللي يقول العادت تمنع التطور نعم تمنع التطور الخارج عن الأدب العام كل مايخالف التقاليد ممنوع

وهذا التطور غير مرغوب فيه لأن الانسان تحكمه عدة أمور ضميره دينه عاداته

على بلاطة وبخلي البساط أحمدي :eh_s(6):

الكثير من مًن يتهم التقاليد بالتخلف حتما مايدعي اليه مشين ودون المستوى !

العادات ماهي شي غلط والدين قدّر التقاليد وجعل العرف مصدر من مصـادر التشريع الاسلامي

لكن تدرون متى تكون التقاليد غلط ؟؟

مابي أطبل للتقاليد وأقول مافيها من الغلط شي آنا أرى كل مافي التقاليد من تعارض مع الدين يجب أن نتخلص منه

من عدم استشارة البنت في زواجها الى النظرة الشرعية

هذا على سبيل المثال وليس الحصر الأمور اللي ذكرتها ليست للنقاش ذكرتها فقط خدمة لرأيي

في اجابتي عن الشق الثاني من سؤالج التقاليد على المرأة فقط أم على الرجل والمرأة ؟

أقول التقاليد فيها أمر قبيح وددت لو تتخلص منه وتقطع عرقه وتسيح دمه

عبارة " الرجال شـايل عيبه "

أمقتها هالعبارة لأن تجعل الرجل يتمرد على التقاليد ولربما على الدين أيــضا !!

 

[روح الدنيا]

صراحة دخلت هالموضوع عشان أكلمج يالعووبة

بشري تخرجتي ؟؟

نخش بالموضوع

اللي يقول العادت تمنع التطور نعم تمنع التطور الخارج عن الأدب العام كل مايخالف التقاليد ممنوع

وهذا التطور غير مرغوب فيه لأن الانسان تحكمه عدة أمور ضميره دينه عاداته

على بلاطة وبخلي البساط أحمدي :eh_s(6):

الكثير من مًن يتهم التقاليد بالتخلف حتما مايدعي اليه مشين ودون المستوى !

العادات ماهي شي غلط والدين قدّر التقاليد وجعل العرف مصدر من مصـادر التشريع الاسلامي

لكن تدرون متى تكون التقاليد غلط ؟؟

مابي أطبل للتقاليد وأقول مافيها من الغلط شي آنا أرى كل مافي التقاليد من تعارض مع الدين يجب أن نتخلص منه

من عدم استشارة البنت في زواجها الى النظرة الشرعية

هذا على سبيل المثال وليس الحصر الأمور اللي ذكرتها ليست للنقاش ذكرتها فقط خدمة لرأيي

في اجابتي عن الشق الثاني من سؤالج التقاليد على المرأة فقط أم على الرجل والمرأة ؟

أقول التقاليد فيها أمر قبيح وددت لو تتخلص منه وتقطع عرقه وتسيح دمه

عبارة " الرجال شـايل عيبه "

أمقتها هالعبارة لأن تجعل الرجل يتمرد على التقاليد ولربما على الدين أيــضا !!

معااج و ابشرج هالعاده بعايلتي انا ساح دمها ان شاء الله و الفال يسيح الى اخر نفس :eh_s(6):

 

[C'est La Vie]

ميرسي يا بنات على النقاش الراقي :gathering:
والاختلاف لا ييفسد للود قضية
نحترم راي كل وحده
واللي يحلي اي نقاش اهو الاختلاف بالآراء :ada:
يعطيكم العافية


ومطمط حبيبتي شلونج؟
لا والله ما تخرجت انشالله نص 8
الفال لج يا قلبي:friends:

 

[UK_Girl]

صباح الخير
برايي هالكلمه استخدامها يختلف على حسب امزجه الناس ..وعندنا اي شيء ما يعجبهم قالوا مو من عاداتنا وتقاليدنا يعني هالكلمه مالها بنود ثابته تحتها ...
كلمه مطاطه يتم تفصيلها على اي موقف حسب المزاج والرغبات والاهواء..
وانا بصراحه اكره ما عندي استخدام مثل هالكلمات ..

تحياتي ع هالموضوع الحلو

 

[puppet]

يمكن من الانفتاح والانترنت

والسفرات وتواجد الاجانب بكثرة انقرضت التقاليد

 

[happy&single]

صباااح الخير على الحلوين
بنات لاحظت وااايد تكررت مقولة " الريال شايل عيبه " معاكم
أولا هذي المقولة لا هي من عاداتنا ولا من تقاليدنا ، من عمر الدنيا والريال الكويتي محسوبه عليه تصرفاته لا حظو انا قلت "الريال" السنع اللي يصرف على بيته وعياله ويكد عليهم الريال السنع اللي ما يتأخر بره بيته ويخلي اهل بيته ، الريال السنع تخيلي ما يشرب تتن وبأيامنا هذي الزقاير اول عندهم العفلنقي اهو اللي يشرب زقاير ويتأخر بره بيته وما يسد حاجة بيته ، لدرجه اللي يطير حمام ماله شهادة ولا كلمة بين الرياييل !! :23_asmilies-com:
هذي المقولة قالها واحد مو سنع وانتشرت ولا لها علاقة لا بعادات ولا بتقاليد يا حبايبي
يا زين زمان أول​

 

[happy&single]

Up
up
up