عادي تتزوجين واحد امه......؟؟

[Pepsi Cola]

اذا كانت امه من جنسيه عربيه مو مشكله لان ما اشوف بينا فرق، الدين واحد والعادات والتقاليد حيــــــــــــل قريبه من بعض، راح ارضى بشرط امه مو من النوع الي كل جم شهر رايحه ديرتها ولا جايبه اهلها والعشيره اهني يعني تكون من النوع الي خلاص حاسبه نفسها بنت الديره وتتكلم كويتي وعيالها مو متأثير بخوالهم
وممكن هنديه اوافق بشرط ماتكون خدامه بيت جدهم وبعدين الابو خذاها لانهم بعد الهنود من نفس عاداتنا

اما ان تكون غير عربيه بالنسبه لي شي غير مقبول بالاخص لي كانت اروربيه ولا امريكيه انا حتى صحبتهم ما استحملها اعاشرهم من بعيد لي بعيد

الغزال ما جاوب على موضوعه ؟

 

[القافيهـ الصعبه]

انا اقول ع حسب الجنسيه

يعني الخليج اوك وبعض الدول العربيه اوك وبعضها صراحه لأ

يعني صح الرجال اذا كان ونعم فيه امه مو مشكله بس حتى ولو اخاف بكره بنتي تطلع ع جدتها ولا خوال ابوها

لان فيه جنسيات مشهورين بأشياء ماتتناسب معنا

واذا كان ولدها ونعم فيه الله يعينه هاذا ماجناه عليه ابوه

ومشكوره الموضوع

 

[PO PO22]

هلا قلبي
ما ادري ما احب الرياال اللى ياخذ مو من جنسيته احس انه شاذ بيننااااا كل واحد ياخذ من جنسيته احسن
انتي من صجج اخذ واااحد امه هنديه او سوريه او مصريه
اخااف يشبه امه وخوااله لا لا يبه ههههههههههه

 

[بمبة المفترسة]

ويه وصلتوا لي هني
واذا امه موكويتية شفيهاا يعني كفر
عادي مافيها شي
كاهم تزوجوا امهاتهم كويتيات وبعدين تطلقوا ولاا تكون امه هي السبب وهي اللي تشيشه
ليش يعني الكويتية نازلة بقفة
جارتنا ثنتين عراقيات وعيالهم متزوجين عادي
عم امي مرته مصرية وعيالها كلهم متزوجين عادي شفيهااا
انتوو تعقدون الامور وتالي تقولون محد تقدم لنااا

 

[صباحيه]

اعتقد الناس الحين ماقاموا يهتمون للجنسيه الام او الزوجه او الزوج هذاك اول الحين عادي مافي فرق وكل واحد ياخذ نصيبه بالدنيا يمكن الله كاتب له ياخذ هنديه واتصير امه هنديه بعد شيسوي واكيد انتي راح يكون ان الله كاتب لج تاخذين هذا الي امه هنديه ...لا فرق بين عربي ولا اعجمي الا بالتقوى.... وتقبلي رايي

 

[موت وميلاد]

والله النصيب اذا يا محد يقدر يرده


الله يكتبلنا النصيب الزين الي تقر له الاعين ان شاءالله

 

[كويتيه_1984]

السؤال هل انتي توافقين تاخذين واحد امه موكويتية؟؟

طبعاا لا بحكم عاداتنا وتقاليدنا بس اذا الولد يبي يتزوج من وحده امها مو كويتيه فهذا الشي عادي

ولو رضيتي اهلج بيرضون؟؟

مستحيل

ولاي مدى تختلف تربية الغير كويتية لابنائها عن الكويتية؟؟

تربية الكويتيه اصل وسنع

وهل ترضين ان ولدج يرتبط بوحدة امها موكويتية؟؟

عسى حسب مدى تقبله واقتناعه للبنت

 

[درة أهل الطولات]

السؤال هل انتي توافقين تاخذين واحد امه موكويتية؟؟ أي ليش لا
ولو رضيتي اهلج بيرضون؟؟ اي عادي
ولاي مدى تختلف تربية الغير كويتية لابنائها عن الكويتية؟؟ حتى الكويتيات يختلفون بتربيتهم
وهل ترضين ان ولدج يرتبط بوحدة امها موكويتية؟؟ اذا البنت زينة والأم الحمد لله خوش وحدة بالعكس اسانده
..

 

[أم حيدر]

أهل أول

لما يروحون الغوص

يتزوجون من البحرين - الهند - العراق ........................

وهالعوايل من مؤسسين الكويت وعيالهم من رجالات الكويت


الرسول عليه الصلاة والسلام قال في الحديث الشريف...تخيرو لنطفكم فان العرق دساس...

وهذا الحديث انتي فاهمة تفسيره غلط يا قلبي انتي- وهذا تفسيره من اسلام ويب:

فأما عن الحديث الذي أشرت إليه فقد خرجه ابن ماجة في السنن ولفظه: (تخيروا لنطفكم وأنكحوا الأكفاء وأنكحوا إليهم)، والحديث إسناده لا يثبت عن النبي - صلى الله عليه وسلم – وكذلك لفظ : (العرق دساس) خرجه الديلمي من حديث ابن عباس - رضي الله عنهما – وكلها أحاديث لا يقوم لها سند ولا يحتج بها، ولم تثبت بوجه يصح عن النبي - صلى الله عليه وسلم - . وأيضًا فإن معناها لا يحمل على المعنى الذي يتبادر عند العوام، بل المعنى المقصود أن يطلب الإنسان أصحاب الدين فلا يزوج بناته إلا منهم، وكذلك فلا يتزوج إلا منهنَّ، وكذلك هو لا يتزوج إلا صاحبات الدين، ويختار من الناس أصحاب الدين والمروءة لمصاهرتهم.

والمقصود أن أصح أقوال الأئمة الفقهاء - عليهم جميعًا رحمة الله تعالى – في معنى كفاءة الزوج، هو ما تحقق فيه شرطان اثنان: فالشرط الأول هو الاستقامة في الدين ومعناه أن يكون الخاطب مسلمًا عدلاً غير فاسق، والشرط الثاني: السلامة من العيوب القادحة في البدن وهي التي ترجع إلى الأمور العضوية كالبرص والجنون ونحوها من الأمراض المنفرة. وأما ما سوى ذلك من أمور فليس شرطًا في الكفاءة، وذلك ككون الخاطب من أصل أعجمي يريد أن يخطب فتاة عربية أو فتاة أعجمية يتقدم إليها رجل عربي، أو قبيلة أرفع من قبيلة ونحو ذلك من الاعتبارات، فأصح أقوال أهل العلم - عليهم جميعًا رحمة الله تعالى – أن النسب ليس شرطًا في الكفاءة، وإن كان الحرص على أن تكون المرأة صاحبة دين وصاحبة نسب، هو أمر حسن في نفسه وليس مذمومًا، ولكن لا يقدم النسب على الدين.


وأما ما أشرت إليه من أن بعض الإخوة عند سعيهم في الزواج يسعون للسؤال عن الأب والجد، أي بعبارة مختصرة: يسألون عن النسب، فهذا أمر لا حرج فيه ولا مانع منه، ولكن لا يكون هو المعيار الذي يقوّم فيه الإنسان. قال تعالى: {يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ}. وثبت عن النبي - صلى الله عليه وسلم – أنه قال: (كلكم من آدم وآدم من تراب).

ويشهد ربي ان كل قصدي أفيدج وأفيد البنات وأحاول أغير نظرتكم عن هالموضوع

تقبلي مروري

العرق

 

[سعودية واضحه]

والله على حسب اذا هنديه او سوريه او مصريه بس من زمان بالمنطقه الي انا فيها وماخذين كل عاداتنا وتقاليدنا والولد سمعته زينه مايمنع عادي كثير عندنا هنا عايشين من زمان ويحظرون اعراسنا ويعرفون كل الواجبات وطبخ وكل شي زينا وبعضهم حتى حجاب تحجبو عادي مايمنع ....

 

[داريني]

ما عندي مانع
بس اهم شي تكون سمعتها زينه
والعرج دساس مو شرط لازم كويتي ومو كل كويتي كويتي
وفيه هنود اصل وفصل ومصريين اصل وفصل

 

[katko0ota]

موضوعج حلو حبيبتي

في البدايه اتوقع ما هي قاعده اذا الأم مو من نفس الجنسيه يعني مو زينه دايما في الزين و الشيين و في اعتقادي انه العرق من ناحيه ا؟لأب مو الأم ؟؟

ياما امهات من نفس الجنسيه و ما يتعاشرووون .

و في النهايه تبقى وجهه نظري الشخصيه و تقبلي مروري

 

[غلاي غير]

الحمد الله والشكر في جنسيات تاثر بالشكل والطبع والعادات بغض النظر عن الاخلاق اكيد كل ام تبي الزين لولدها
وفي جنسيات خليجيه ومع هذا مو نفسنا ولا طبعنا ولا شكلنا ولا عاداتنا وفي نفسن وفي عربيه نفسنا وفي لا
الخوات وهم الخوات يفرقون بتربيتهم عن بعض

مع هذا انا ارفض لان بنت ديرتي اولا راي الخاص

 

[قليبي ماركه]

انا عني شخصيا . المهم من الولد جنسيتي.. الام عادي بس بشروط
اذا الولد سعودي من جنسيتي .. وفيه كل المواصفات الي اتمناها . راح اتخذأ رايي بناء على شروط وهي
.. اذا مو عربيه صعبه لان فيه فروقات في العادات والتقاليد حتى لو مسلمه فيه امورتختلف عند العرب عن غيرهم اخاف تناشبني على تربيه اولادي حسب عاداتها ..او تسمي ولدي على اسم ابوها هههههههه يعني اجنبيه مستحيل ..حتى لو كان ولده لقطه هههه

اذا عربيه مسلمه ومحجبه ومحافظه والولد خلوق ومحترم ومتلعم ومن جنسيتي عادي ارضى فيه

و اذا خليجيه عااااااادي جدا لان العادات ماتتختلف

ملاحظه انا قلت بشرط جنسيته سعودي تجنبا لمشاكل الأطفال والجنسيه وبعد المسافات لوصار انفصال بين الزوجين

ولاي مدى تختلف تربية الغير كويتية لابنائها عن الكويتية؟؟ بجاوب على الام الأجنبيه والعربيه بشكل عام
الام الغير عربيه تختلف عن تربية الام العربيه لولأدها حتى لو كانت مسلمه هناك عادات وتفاصيل بسيطه هي سمات للبلد قد تكون الام الاجنبيه تجهلها يعني راح تربي اولادها على عاداتها صحيح ماتخالف ديننا بس ماتنسجم مع المجتع

وانا رأيي نفس رأي اهلى .. وممكن حتى ولدي اراعي هالشروط قبل اخطب له ..

ودمتي بود .. الف شكر على الموضوع الهادف

 

[غريبه بلا وطن]

حبيبتي لو الرجال على خلق ودين وسمعته طيبه ليش لا؟؟ومايهم جنسية الام انا حياتي بتكون معه ماهي مع امه.!!!

 

[!! شوق !!]

اذا الولد زين وفيه خير ماني رافضته عشان امه .. ونفس الشي اهلي

اختلاف التربيه ,, طبيعي حتا لوو امه كويتيه كل بيت ولهم جوهم ومفاهيمهم للتربيه .. الجين تلاقين خوات من ام وحده بس وحده عيالها غير عن الثانيه بالتربيه يعني مو شرط ..

وبس تسلمين على هالموضوع

 

[الحــــياة]

لا صعبه هنديه خوال عيالي هنوود كدينا خير والله؟؟؟؟سعوديه اوكي مصريه سوريه تنرقع بس هنديه فلبينيه قووووووووووووووووووووووووووووووووويه لاطبعا.

 

[sereen]

>>>> الرجال مخابر مو مناظر , بعدين الرسول عليه الصلاة والسلام لما قال العرق دساس , لان الطفل يورث من امه وابوة الخصال الطيبه او الخصال السيئه , يعنى لو فى جين عند الاب اللى اهو العصبيه المفرطه , اللى توصل ليه الضرب , طبيعى هالولد فى احتمال ان ياخذ هالجين من ابوة , بالتالى احنا نسال الولد عصبى ولالا عشان نطمن ان البنت بتكون فى امان مع الشخص اللى بيزوجها, انا اذكر من خلال دراستى فى سلوكيات متوارثه وفى سلوكيات من البيئه واللى تكون متوارثه هذى محد يسلط عليها ,
بالنسبه للعادات و التقاليد فى ناس حتى باى مكان بالعالم مو بس عند العرب تكون ملتزمه وناس تكون ماخذة راحتها على الاخر , العرب بينهم مابين بعض في منهم الملتزم ومنهم الشريب والسكير والعربيد
من خلال معرفتى بالبنات اللى ماخذين اجانب او اشخاص مختلفين من الجنسيات المذكورة حياتهم مستقرة , لان اصلا بكونون ماخذين بعض عن معرفه سابقه " من خلال البنات اللى اعرفهم وتجاربهم " , فى اتفاق على الحياة مبدئ
بس يظل ماعتقد يعيب الاصل ولا العادات والتقاليد االا فيما ندر, ولكل قاعدة شواذ
تسلمين على الموووضع

 

[sereen]

ويه وصلتوا لي هني
واذا امه موكويتية شفيهاا يعني كفر
عادي مافيها شي
كاهم تزوجوا امهاتهم كويتيات وبعدين تطلقوا ولاا تكون امه هي السبب وهي اللي تشيشه
ليش يعني الكويتية نازلة بقفة
جارتنا ثنتين عراقيات وعيالهم متزوجين عادي
عم امي مرته مصرية وعيالها كلهم متزوجين عادي شفيهااا
انتوو تعقدون الامور وتالي تقولون محد تقدم لنااا

-------
ردج ابدااااااااااااااع صريح , يعطيج العاف:klhfl:يه عمرى

 

[PinkY Dreams]

السلام عليكم بنات شلونكم عادي تتزوجين واحد امه موكويتية... مصرية عراقية يمنية هندية امريكية.. وليش؟؟؟



مستحيييييييييييييييييييل ماأوفق امه مصريه يمكن اوافق بس عراقيه ولا يمنيه ولا هنديه ولا حتى امريكيه قطططططططططططططططططططططططططع لاااااايحووووووووشك