عادي عندج تشيلين جنطه تقليد؟؟

[LOVE CHANEL]

لا ما احب مارتاح نفسيا اذا لبست تقليد انا عندي البس جنطه عاديه ولا تقليد بس انا اغلي جنطه شريتها فرساتشي ب300 دك بس اكثر مافكر

 

[كلنا عشاق لكن]

رد : عادي عندج تشيلين جنطه تقليد؟؟

آآب
لي عودة
أقراا الردود
وأقولكم بعد الفطور إن شالله ​

 

[عز النفس يغنيني]

للامـانه ومو هياط .. ما ألبس تقليد .. أوكي أشتري الماركات الرخيصه .. لكن تقليد ما أحب ..

وحتى لو كان درجه أولىى بيكون غالي وبحدود 100 وفوق .. وأتحسف أقط هالفلوس على تقليد ..

على الاقل اشتري من الماركات الرخيصه طقت ( دكني - كارولينا هريرا ) ..

وترى التقليييييييـد يبين خاصه إذا كانت البنت تعرف عدل بالجناط :rerrerek:

 

[ملآمح يوسفيه]

رد : رد: عادي عندج تشيلين جنطه تقليد؟؟

كلششششش ما احبب


يا اشتري جناط ماركه رخيصه

ترى في ماركات مو حيل عالميه على 50 و60

او اشتري جناط عمليه من زاره .. الخ

بس تقلييييييد كلش نفسيا ما ارتاح



​

 

[بدوية موت read]

رد: رد : رد: عادي عندج تشيلين جنطه تقليد؟؟

يعني على جذي كل شي ماركه مكياج وهالخرابيط

السالفه سالفه قناعة وثقه بنفس

 

[Čut!e Quèéи]

طبعا مو كلهم يصرفون 100 و 200 و 300 على جناط كل شهر

حتى المحلات الي يقولون اصليه نصهم شلاخين يبيعون تقليد درجه اولى بسعر الاصليه

بس قبل لا اتكلم عن نفسي

بسألج سؤال واحد

شنو راح ينقص منج اذا لبستي تقليد ؟

1- يقلل من شانج ؟

2- يقلل من كيانج ؟

3- يقلل منج كـ انسانه ؟

بالنهايه كل وحده على قدها والي تستحي من هالشي يعني ماعندها ثقه في نفسها وتستحي من مستواها الاقتصادي

 

[مدام نورا]

رد : رد: عادي عندج تشيلين جنطه تقليد؟؟

شوفي يا حياتي انا عن نفسي الساعات ماركه اما الجناط تقليد ماركه وفـي
بعد ماركه عادي ​

 

[عز النفس يغنيني]

طبعا مو كلهم يصرفون 100 و 200 و 300 على جناط كل شهر

حتى المحلات الي يقولون اصليه نصهم شلاخين يبيعون تقليد درجه اولى بسعر الاصليه

بس قبل لا اتكلم عن نفسي

بسألج سؤال واحد

شنو راح ينقص منج اذا لبستي تقليد ؟

1- يقلل من شانج ؟

2- يقلل من كيانج ؟

3- يقلل منج كـ انسانه ؟

بالنهايه كل وحده على قدها والي تستحي من هالشي يعني ماعندها ثقه في نفسها وتستحي من مستواها الاقتصادي

كـل الاجوبـه .. (لا ) ..

بس يا حبيبتي في ماركات رخيصه مو كل الماركات غاليه ..

يعني لو خيروني بـ تقليد .. وبين ماركه رخيصه أكيد بختار الماركه الرخيصه بالعقل ..

ولا تنسين إن الماركه ما يتغير لونه وكد ومد شالفايده كل مره تشترين تقليد على تقليد ويخترب لونهم ولا يبقعون ..

عندي أجمع كل فلوس التقليد وأطلع لي بـ جنطه ماركه تتم معاي أحسن ..


والحمدالله ما نستحي من مستوانا الاقتصادي .. تجمعين فلوس كل شهر وتطلعين لج بمبلغ حلو مافيها شيء ترى ..

ولا تدشين جمعيه ولا إستقطاع ولا .. ولا ... إلـخ ..

وترى أغلبنا من الطبقه المتوسطه ولا عبالج لا قالوآ ماركه يعني 500 و700 ..

في ماركات أقل من الـ 100 ..

 

[DốǾốDї]

انا ما احب البس التلقيد لانه عن نفسي اعرف افرق بين الاصلي والماركه ويبين فا ما احب البس تقليد واحس ما عندي ثقه بنفسي او يشوفها علي احد ويعرف انها تقليد يعني مثلا اذا كنا بالسوق ونتمشى نطالع الجناط نقول هذي تقليد هذي اصليه وبنت خالتي ما شاءالله حتى الاسعار تعرفهم مثلا تقول هذي اصليه ماخذتها بـ400 وشي وهكذا لوول لانه خبرتها واسعه بهالشغلات
وانا عن نفسي بما اني للحين ما توظفت فما اشتري ماركات الا بالصيف لمن نسافر او احد من اهلي يسافر
لانه برا بامريكا او اوربا وخاصه تلقين بالاوت ليت الماركات وايد ارخص من هني وبعد في ماركات مو معروفه بالكويت يعني تلقينها منتشره هناك ورخيصه والله ما تتعدى ال50 ويهبلون

واذا بشتري اخذلي جناط عمليه من ريفير ايلند او زارا او h&m شحلاتهم يهبلون

واذا توظفت ان شاءالله اكيد مراح ابخل على عمري بس ما يتعدى ال300

 

[شـهـرزاد]

رد : عادي عندج تشيلين جنطه تقليد؟؟

انا مستحيل البس شي تقليد لو ببلاش .. وماتهمني الماركات الغاليه واجد .. لان قيمتي مو بلي البسه .. وهذا شعاااري

 

[Gears]

لووو اموووت ماشيل تقليد

ولاتقولون سوبر ومايبين يبين وانا ا عرف ..


واختي بعض الماركات تعرف اسعارهم ومتا نزلوا واذا ليمتيد ولالا .. واذا من الكويت ولا بره



والسوبر تقليد مادري شسمه يبين يبين .. وبعدين الاصلي جلد حلو ويدووم .. شحقه التقليد ؟؟

انا عندي الي تاخذ من دبنهامز وزارا جناط ولبسها ذرب

احسن بوايد من الي تلبس تقليد ولبسها ذرب


كلششش ماحسها ستايل



هذا رايي ..

 

[ستوؤر :)]

اخذ ماركات بس اسعارهم موووو وايد غاليه

اتحسف على فلوسها لاني امل منهم بسرعه


واخذ من زارا ومانغو ودبنهامز

 

[كلنا عشاق لكن]

رد : عادي عندج تشيلين جنطه تقليد؟؟

الحين شنو الفايدة إذا الجنطة ماركة والصندل موو :cxxxp:
والملفع ميد إن والتنورة إلخ إلخ
ياتلبسين ماركات من طأطأ لسلامو عليكوو
أوشنو وجاهتها بروحهااا الشريب بزة :dddds:
600 والأ 700على شنو
إذا منتي سيدة أعمال أو كذا كذا
يعني بتواجهين كبار ومصممين ميخالف
أما شي ماركة وشي لأ :cxxxp:
إتعبين نفسج وحارقة عمرج إشحقة :gr4uu:
ألبس على ذوقي ولاهمتني نظرة الناس oster_av1:
وهالشي لاحظتة بأغلب الرسامات وهاويات التصميم على قلبي هواكم ههه
تعجبني اللي تشتري الشي اللي يعجبها ماركة مووماركة مايهم
أما اللي تشتريها حق التشيحط لأ والله أحسها مشفوحة وفاقرة روحها بروحها
وإذا ع التقليد ياليتهم يمنعووونة بتاتا بتة :016: أظنة السبب بالأزمة الإقتصادية زي مابيقووولو هع
التقليد فالعلالي والأزمة حاير طايرر
بسييطة يبة شيل دامن دا يرتاح دامن دا :ggdw: قامواا يبيعون شركات بكبرها بسبة هالتقليد :eh_s(3):
تحياتي
​

 

[krkooora]

رد: رد : عادي عندج تشيلين جنطه تقليد؟؟

لا طبعا !

 

[عيش و مرق]

لاماحب البس تقليد يا اصلى وله مولازم

 

[رايقة1980]

رد: رد : عادي عندج تشيلين جنطه تقليد؟؟

لا عندي مو عادي البس تقليد..

اشتري اللي يناسبني ويناسب امكاناتي اما تقليد لااااااااااااااااااااااا

 

[عاشقة المايسترو]

رد : رد: رد : عادي عندج تشيلين جنطه تقليد؟؟

شنو راح ينقص منج اذا لبستي تقليد ؟

ولا شي

1- يقلل من شانج ؟

أبداً ..

2- يقلل من كيانج ؟

لآء ..

3- يقلل منج كـ انسانه ؟

أكيد لأ ..

بس التقليد غآلي ليش آخذه ؟ دام في ماركه بسعره =)
وأكيد الماركه أفضل وأحسن من التقليد !
ودام ما عندي إلا أصير نفس الناس وأقوم ألبس تقليد !!!
أشتري ماركه رخيصه وخلاص

 

[sara ahmad]

رد : عادي عندج تشيلين جنطه تقليد؟؟

السلام عليكم
بخصوص التقليد سواء جناط ساعات حتا لو بجايم
مستحييييييييل البس شي تقلييييييييييييد
يعني انتي لي شريتي ماركه ماتشترينها للناس تشترينها لنفسج لانه عاجبتج وتبينها مو بس تبي تورين الناس والي يفكر جي صراحة انسان تافهه
وبعدين مافهم شنو الفايده من التقليد ؟ انج تكشخين ؟
بالعكس انتي الي هلقتي بعمرج لانه الكل يعرف التقلييد من الاصلي وباختصار بتصيرين هيلقيه للأمانه يعني
واذا ماعندج مقدره مو لازم كل شي ينزل تشترينه
في جناط carry over يعني كل سنه ينزل منها مع تغيير طفيف سواء ينزل لون يديد او يحطون عليها ورد او شي
اشتري من هذول الي مايتغيرون وراح يظلون معااج طول العمر
بدال لا تشترين تقليد وعبالج نفسج كاشخه
وجناط التقليد مايتمون
واذا نوعج تحبين تلبسين كله نفس ملابسج اشتري من اماكن عاديه ترا يطلع شكلهم حلو لو لبسج مرتب وذرب مافي داعي تقلييد صراحة

 

[بنوتة نجد]

رد : رد: عادي عندج تشيلين جنطه تقليد؟؟

اكثر التقليد ما تفرقينه عن الاصلي اما البعض لالا واضح

انا عادي البس تقليد كل اغراضي تقليد

 

[العيون الحور]

اممممممممممم

اولاً انا عن نفسي اشتري ماركات لان حالتي الماديه تساعد وتسمح وما اضايق احد لما اشتري ولا اضغط على نفسي الحمدلله بس هم ما اخذ جناط اتعدى ال 400 يعني حراام الله ما يرضى وصح انه المقتدر خل يدلع نفسه بس هم حرام المبالغه

وبالنسبه للتقليد في ناس ما تقدر تشتري الماركات الغاليه تاخذ تقليد عادي الناس مو بجناطهم وماركاتهم ومو مقياس يعني الواحد حر واللي واثقه من نفسها ما عليها من احد شنو تقولون شلون تسمحين لنفسج تلبسين تقليد ؟؟؟ شنو كفرت البنت يعني ؟؟ اسغفر الله

ويا كثر التقليد اللي ما يبين وبعض البنات يجذبون يقولون اصلي

ولا اللي تزعل واتهاوش مع زوجها عشان يشتري لها جنطه ماركه . ولا اللي تقط مصروفها بجنطه وباجي الشهر فاجه حلجها