عادي عندكم تتزوجون وااااحد فري

[سكوتي بذوقي]

قولي لها مابيه وهاذي حياتي

الله يرزقك بالزوج الصالح يارب

 

[منيرة بنت حمد]

ليش نظرتج سلبيه يعني مافي ولا صفه عدله :eh_s(10):

 

[تحت ظلك]

أستودعج الله الذي لاتضيع ودائعه من أي شي يضرج ويزعجج ومافي خير لج

 

[فوز فواز]

اهم شي يكون الزوج ع دين وخلق ---------------------------------- حبوبه فكري عدل قبل لا تقولين تبينه ع الأقل فكري فيه

 

[مجنونة هع]

انا احم احم عادي ونص احد يلاقي فري ويقول لا

 

[فراشهf]

لا طبعا اذا انتي مو مقتنعه لاتوافقين

 

[ما كو اسم]

مرت ابوج ما قصرت معاج بصراحه من حقها انها تتزوج ومن ناحية ولد اختها هي شايفته مناسب صدقيني انها شايفته زين ويمكن هو معدنه زين بس فيه بعض الاشياء اللي انتي تشوفينها قوية ومن حقج ترفضينه صدقيني راح تتفهم وشوفي قاعده تنطرج تتزوجين وتطمن عليج بعدين تتزوج وهي تحبج حيل ومراعيه الله فيج وعلى كل واضح انهم خوش عايله حليوين وطيبين بغض النظر عن انهم فري

 

[Drama.Queen]

حبيبتي بهالفتره خلج قريبه من رب العالمين

واستخيري بكل امورج

واذا على الحجاب انا مثلج تحجبت بعد صراع طوويل مع نفسييي مو مع احد ثاني والله يثبتني ويثبتج على اختيارنا

وماحطيت احد جدامي لمن اتخذت هالقرار غير رب العالمين ان يكون راضي عني مع انه انا كان متقدميلي اثنين يبون سفور

والمشكله انهم حيييييل ناس زينين ومناصب وعوايل بس قلت من ترك شيئ لوجه الله عوضه الله بافضل منه

قلت يمكن هذول باجر يطلعون عيني ولا تطلع فيهم عيوب مادري شنو اهيا


واستخرررت وااايد والله ماكتب نصيب


لاتخلين احد يختارلج انتي اختاري حياتج ابنفسج يمكن الله يكتبله الهدايه على ايدج

ومرت ابوج ماقصرت رايتها بيضه واذا اهي عندها مبادئ غلط الله يهديها يااارب ترى اهي موقصدها تضرج بس اهيا من وجهه نظرها الي تسسويه صح بس بالواقع غلط


الله يوفقج

 

[Vdieta]

مآلج الا الرفض

 

[كراميلا مرة]

واحد مايصلي ويطعن في الدين شلش فيه
بعدين عيالك يصيرون مثله

 

[البارونـه]

شكـــلج عاقله وملتزمه حبيبتي,, الله يثبتج ان شاء الله
بس لا تصيرين طيبه مع هالاشكال
ترا حتى الام الي هي الام ,, اذا طلبت منج شي يعصي ربج لازم ترفضين!!
يعني ارفضي وانتي مغمضه مايبيلها تفكير
شنو اهم شي يكون فـ الزوج؟ يصلي ويخاف ربه ,, عشان يخاف ربه فيج طبعا
بس هاي فوق شينه قاعد يطعن بالدين ,, يعني مو بس عاصي
فـ انتي تعرفين شتسوين
الله يوفقج

 

[منيرة بنت حمد]

مرت ابوج ما قصرت معاج بصراحه من حقها انها تتزوج ومن ناحية ولد اختها هي شايفته مناسب صدقيني انها شايفته زين ويمكن هو معدنه زين بس فيه بعض الاشياء اللي انتي تشوفينها قوية ومن حقج ترفضينه صدقيني راح تتفهم وشوفي قاعده تنطرج تتزوجين وتطمن عليج بعدين تتزوج وهي تحبج حيل ومراعيه الله فيج وعلى كل واضح انهم خوش عايله حليوين وطيبين بغض النظر عن انهم فري

:rerrerek:

 

[تُخْفِي غَلَاها]

,’
لا اله الا الله ​

 

[عالمي انا غير]

والله شكله مرت ابوج هذي هدفها تدمرج لا تسمعينها وامشي بشي اللي يرضي ربج محد معصوم عن الغلط ولكن الذكي اللي يتعلم من اخطاءه وانتي قده وقدود

 

[جوري 2007]

حبيبتي مرت ابوج موسهله الله يستر عليها وهالولد مايصلحلج ، انتي فيج خير وهالعايله منتهيه الله المستعان

 

[" ام حمود "]

شخصيتج وايد ضعيفه جدام مرت ابوج
غلطانه تسمعين كلامهاا بكل شيء فكري وقرري انتي تشوفين هالريال يناسبج ؟
مرتاحة معاه ؟ تشوفينه قد مسؤوليه زواج ؟ ولا ماخذ زواج لعب ومصخرة ؟
اللي يريحج سويه وماعليج من أحد
عسى الله يوفقج حبووبة

 

[منيرة بنت حمد]

بنات ليش تشيشونها على مرت أبوها

ها بشرينا زوجتج ولا للحين

 

[ترانيم القصيم]

جوابًا على السؤال الوارد في العنوان :

إذا تقصدين بالرّجال الفري يعني الديّوث آللي ما عندهـ غيرة و يبغاني أطلع من دون عبايا أو حجاب و لا غطا ,, و ما إلى ذلك

فـ أكيد لا و ألف لا ,,

بصراحة و اعذريني على آللي أبقوله ,, الرّجال الديّوث ما أعتبرهـ رجّال أبد ,, و لا فيه ذرّة رجولة ,,

 

[حريتي بحجابي]

حبيبتي احنا مانعرف اخلاقه ولا شئ عنه انتي ايش تشوفين يصلي ؟بار بوالديه؟ شوفي خوالك ولا عمامك قوليلهم ابغاكم تسئلون عنه ومن هالكلام وهم اكيد بيتصرفون
وبعدين اهم شئ اهم شئ اهم شئ (الاستخاره) قومي صلي ركعتين وقولي دعاء الاستخاره


عن جابِرٍ رضيَ اللَّه عنه قال : كانَ رسولُ اللَّه صَلّى اللهُ عَلَيْهِ وسَلَّم يُعَلِّمُنَا الاسْتِخَارَةَ في الأُمُور كُلِّهَا كالسُّورَةِ منَ القُرْآنِ ، يَقُولُ إِذا هَمَّ أَحَدُكُمْ بالأمر ، فَليَركعْ رَكعتَيْنِ مِنْ غَيْرِ الفرِيضَةِ ثم ليقُلْ : اللَّهُم إِني أَسْتَخِيرُكَ بعِلْمِكَ ، وأستقدِرُكَ بقُدْرِتك ، وأَسْأَلُكَ مِنْ فضْلِكَ العَظِيم ، فإِنَّكَ تَقْدِرُ ولا أَقْدِرُ ، وتعْلَمُ ولا أَعْلَمُ ، وَأَنتَ علاَّمُ الغُيُوبِ . اللَّهُمَّ إِنْ كنْتَ تعْلَمُ أَنَّ هذا الأمرَ خَيْرٌ لي في دِيني وَمَعَاشي وَعَاقِبَةِ أَمْرِي » أَوْ قالَ : « عَاجِلِ أَمْرِي وَآجِله ، فاقْدُرْهُ لي وَيَسِّرْهُ لي، ثمَّ بَارِكْ لي فِيهِ ، وَإِن كُنْتَ تعْلمُ أَنَّ هذَا الأَمْرَ شرٌّ لي في دِيني وَمَعاشي وَعَاقبةِ أَمَرِي » أَو قال : « عَاجِل أَمري وآجِلهِ ، فاصْرِفهُ عَني ، وَاصْرفني عَنهُ، وَاقدُرْ لي الخَيْرَ حَيْثُ كانَ ، ثُمَّ رَضِّني بِهِ » قال : ويسمِّي حاجته . رواه البخاري.



وكثري من قيام الليل صلي الساعه 3 او 2 بالليل صومي الاثنين والخميس تصدقي واكثري من قراه القران وصدقيني ربي بيفرج همك


الله يكون بعونك يارب ويفرج همك ويسعدك ويرزقك بالزوج الصالح التقي الي يخاف الله فيكي

لاتنسين استشيري خوالك وعمامك والي يريحك ويريح ضميرك سويه

اهم شئ الرجال يكون اخلاق وديين

 

[Lourdez]

رفضي رفض تاااااااااااااااااااااااااااااااام الولد مو مال زواج الله يهديه
و اللي يطعنون بالدين هذول مشروع الحاد الله يبعدنا عنهم هالاشكال كثروااا هاليومين