عازمج زوجج عالعشا..بس ماتعرفين تتصرفين بالمطعم ولاتعرفين اتكيت الاكل؟؟

[eman84]

لوووووووول اما سالفة البطاط تقثني صج

وبقوول شغله مادري احس واايد حريم عندهم هالشي عاادي ولا عمري سويتها ومستحيل اسويها تبوون تعرفون شنو ؟؟


ان اطلب عشا و من اليوع اكله بالسيارررررررررررررره وععععععععععععععع شي مقرف اصلا ووايد حريم اشوفهم رياييلهم يسوقون السيارة واهيا طايحتله همبورجر او شاورما او بطاط استغفر الله

انزين شلون القراطيس وريحة السيارة و غير الدسم اللي بايدج بالله بتعدلين ملفعج او شعرج ؟؟ او بتنزلين عقب تمسكين جنطتج او كشن السيارة

بصراااحه مافيها شي لو تنطرين مسافة الطريج و اوصلي البيت وتالي فرشي ورتبي الاكل وبالعافية

وانا يمكن ضفت هالنقطه لان هذا اتيكيت بحاله وانا (اعوذ بالله من كلمة انا ) دارسه فن الاتيكيت وحبيت اضيف هالشغله لان واااايد حريم يسوونها وبعد اذن صاحبة الموضوع ابي اضيف جم نقطه زيادة في مشاركة ثانية وذلك لاهمية الاتيكيت

 

[حكستار]

موضوع حلو يسلموووو

 

[om MaRyooM]

مشكورييييييييييييين حبايبي



وانا مع الخوات اللي ذكرو سالفة الاكل بالسيارة

بصراحة ايام الجامعة كنت اسويها لووول .. بس بعدين يوم تخرجت وعقلت بطلت هالحركة المليقة

 

[أوكسجين]

يعطيج العافيه

 

[ابتسمامه]

خوووووووش موضوع استفدت منه
بس انا كله اكل بالشوكه اللهم الشوربه بالقفشه لان قفاش المطاعم كبيره حيل اكبر من مالاتنا في البيت ما اعرف اكل فيها

 

[حب وحزن]

هههه صج لاعت جبدي

مشكورة حبوووبه

 

[نكهةالبرتقال]

وااو موضوع حلو مشكورة

بس احس الفرينش فرايز تنوكل بالشوكة أحسن

 

[كارينا]

مشكوووووووووورة

 

[najla86]

يعطيج العاااافيه

 

[addict to me]

اول شي مشكوره عالموضوع

وانا من حزب المتطمشات

بس في شغله على اتيكيت البطاط

يقولج اذا طلبج يلزمج تاكلين بشوكه فالبطاط ينوكل بشكوكه

مثلا:
طالبه ستيك ومعاه بطاط فلازم ينوكل بشوكه

اما اذا طلبج ينوكل بالايد فالبطاط ينوكل بالايد

مثلا:
طالبه نوع من انواع الساندويش او بيرغر فينوكل الفرايز بالابيد



البيتزا:

البيتزا تعتبر اكله مو رسميه فالافضل اكلها بالايد

طبعا لمن تاكلينها لازم تضغطينها وتجفسيتها شوي علشان ماتقطر فهمتو على

ومافي مانع تونكل بشوكه بس الافضل بالايد


الزيتون:

ينوكل بالايد فقط مو تتهاوشون معاه بالشوكه على ابو انه ذرابه
بس البذر الي ممكن نطلعه من حلجنا بالشوكه


الربيان المقلي:

ممكن بالايد وممكن بالشوكه

السوشي:

اذا كان ناشف الاسود العادي ممكن ينوكل بالايد

واتيكيت السوشي انه تاكلين اللقمه كلها مره وحده الا اذا كانت كبييييييييييييييييره
واذا كانت كبيره تعضينها بالنص مو تعضين نتفه وتتفجج وحاله


الريزوتو:

ينوكل يا شوكه يا قفشه عادي


الاسباغيتي:

ينوكل بالشوكه والقفشه

تاخذين كميه بالشوكه وبعدين تلفين بالقفشه بس اللفه مو دار مادارها لا اسنان الشكوكه داخل القفشه وتلفين الشوكه

عرفتو؟


الشوربه:

طبعا القفشه ما تتفول لازم 3\4 بس


السلطه:

اذا فيها خسه كبيره مو تتهاوشون معاها وغصب بالحلج لا لازم تقصونها بالشوكه والسجين


الذره:

اذا كان كامل مو حب عادي ينوكل بالايد



الدجاج مع العظم:

اذا مطعم رسمي لازم شوكه وسجين

اذا مطعم عادي تقدرين تاكلين بالايد



الخبز مع زبده:

الخبز ينوكل بالايد وينقص بالايد

اذا بتحطين الزبده

لازم ماتدهنينها مره وحده

تمسكين الخبزه وتقصينها كبر لقمه وحده وتدهنين تخلصين تعيدين نفس الشي


المقبلات قبل الاكل:

زيتون - مخلل - خبز صغير عليه اي خلطه - مكسرات كلهم بالايد

 

[Q8.4U]

ههههههههههههههههههههه حلوو موضووعج امس عاد كنت بالمطعم واشوووهه كنت ذرربه :nbvppw:

لا انااا بالسوالف هذه عند وجهج اعجبج هههههههههههههههههههههههه بس الناس يغثوون كلااا يخزووون وهوو كلااا روميوو حركااته تجيب لناا العين فدييييييتووو:eh_s(7)::eh_s:

 

[سارووه الاموره]

يعطيج العافيه ..

 

[احساس مرمر]

بكل اللي قلتوه .. معاكم فيه ... الا اني ابقي شيء بصحني ... لاني لازم اكرم النعمه ... لان مصيره تنمى بزباله وهالشيء اسراف

... وياكثر اللي اشوفهم محافظين على طرق اكل الطعام بس وع ياكلوون بطريق وعوووووه
المهم .. الطريقه كانت بيد او بملعقه او شوكه

مشكوره ع موضوعك

 

[! بــدويه وآآيــد !]

،



يعطيــج العآآفيه خووش موضوع صرآآحــه

الله يخلي لج زوجج ويكفيج شر الحسآد والعذآآل

 

[om MaRyooM]

مشكورييييييييييين كلن يااتكم ..


خصوصا الاخت addict to me ماقصرتي على الملاحظات

 

[ohsofrench]

رد : عازمج زوجج عالعشا..بس ماتعرفين تتصرفين بالمطعم ولاتعرفين اتكيت الاكل؟؟

ايييي والله في حريم يسوون سباق عالاكل ههههههههه

 

[om MaRyooM]

مشكورين ع المشاركات


و اب للموضوع

 

[Mazyoona]

addict to me
الاتيكيت و لا عمره فيه
ريزوتو بالقفشة !

أصلاً العيش
ينوكل بالشوكه
تبون لقمة ذربة لازم شوكة
و للهضم أحسن بعد

و بنات عندي إضافة
وايد بنات يغلطون و لا دشت وحده المطعم تقول
حق ريلها هذي هيلقية و تخز هذيج ، و لا طالع هذول
و هذولاك! ترى الريال و الصبيان أطفر ما عندهم
الحش و الذم!

 

[نور الشهري]

يعطيج العافية

 

[درة أهل الطولات]

رد : عازمج زوجج عالعشا..بس ماتعرفين تتصرفين بالمطعم ولاتعرفين اتكيت الاكل؟؟

شدعوه اهو يعرف بالاتكيت !!!

انا عن نفسي احب التصرف بعفوية

شاكرة لج هالمجهود ينفع العرايس