عباية // وحفل تخرج

[ميس المشاعر]

اختي يزاج الله خير على التفسير خير اللهم اجعله خير...
وهذيلي الحلمين شاغلين بالي ....

اليوم حلمت حلم وقعدت مستانسة
الحلم الاول:::
إن أناا وأختي كنا قاعدين بين الجمهور في حفل تخرج وكان المسرح اللي يكرمون فيه كأن مسرح ثانويه
وقاعدين ينادون اسامي وبعدين فجأة نادوا اسم اختي واسمي معاها وكرمووناااوسلمنا على البنات وانا من الفرحه بعد ما استلمت الدرع وكان معاه هديه حسيت اني اطير يعني نقزت فوق المسرح وبعدين نقزت ونزلت تحت المسرح واختي الثانية تقولي شوي شوي لا تطيحين انا قلت خليني مستانسة .......!!!!


انا مو متزوجه واختي متزوجة وان شاء الله باقيلي سنه واتخرج من الجامعة وهي معاي ان شاء الله احنا كنا نفس الكليه بعدين انا حولت كلية ثانية من زماان

وعندي حلم من زماان يمكن ست اشهر صارله ::

كنت قاعدة بمدرسة وانا لابسه عباة اسلاميه وكان في بنات معااي وبعدين تكرمين رحت الحمام وفصخت عباتي خليتها براا ودخلت الحمام ويوم طلعت ما لقيتهاا وكنت احاتي شلون اطلع من غيرهاا وبعدين رحت اطل من السور كان الدور الاول وشفتها طايحه تحت يوم نزلت باخذهاا ولا في ساحه كبيرة كان فيهاا سيارة شرطة وقعد يمسكون البنات اللي مخطوبات ويدخلونهم بالسيارة ويه شرطي مسكني قلت له انا مو مخطوبه قالي امبله حق (( فلان الفلاني )) وقال الاسم الثلاثي واتذكر الاسم بالحقيقه اذا تبين ارسل لج ع الخاص .....ودخلني بالسيارة وبس قعدت مرتاحة الحمدلله


انا مو متزوجه / ملتزمة الحمدلله /طالبه بالكلية ... والله يوفقج ي الغلااا(عبورة ) انتي ودلع وين ما ترووحوون موفقيييييييين

ويعطيج العافيه

 

[مفسرة الاحلام]

ماشاء الله تبارك الله

ان صدقت الرؤيا الاولى تخرج لك ولا اختك فى نفس الوقت الله يتمم عليكم بالخير


الرؤيا الثانيه ان كنتي تعرفين هذا الرجل ومن قرابتك او معارفكم فقد يكون زوجك وان كنتي لاتعرفين صاحب الاسم خذى اسمه واستخرجي صفاته ان شاء الله بتكون هذى صفاته مثلا اسمه عبد الله ان شاء الله انه من اهل الصلاح والدين

ان كان اسمه انس ان شاء الله انك سوف تانسين به وتفرحين وهكذا والله اعلم واجل اسال الله لك التوفيق والنجاح