{ عبق آلذكريآت وآلصور & من مآليزيا آلجمآل والسحر آغسطس 2012 }

[وصايف الحجاز]

ياعزيزاتي اعذروني صارت لخبطة

نزلت الحلقة الرابعه قبل الثالثه

:eh_s(22):

 

[وصايف الحجاز]

وووواااااااووو بروووح لها ان شاءلله ورا العيد الفطططر


بسالج الرنقت يساوي الريال؟! نفس القيمه


ولنكاوي يمه تهبببل وليش ماسكنتي الاكواخ اللي لونهم اححمر واذا تعرفين اسمهم علميني

تقرييييرج يهبل وانطططر لاتطولين علينا

شهر 12 توقعين جوهم يصير بارد !!

شكلج شاطره بتنسيق الجدول للسفره تكفين ابيج تسوين لي جدول للسفره انطططرج بقعد فيها سبوعين انطرج

ومشكوووره

لا قيمة الرنقت اعلى من الريال 100 ريال تجيب لنا 80 رنقت

الاكواخ قصدك على لنكاوي لاقون اكواخ خشبية والبحر تحتك

جو ماليزيا طول السنة حار لانها تقع على خط الاستواء

افضل جدول 15 يوم

يومين سلانجو

3 ايام لنكاوي ولو تحبين الرومنسية خليها 4 ايام

3 ايام بينانج

يومين جنتنق

باقي الايام خليها كوالالمبور

ححياك الله يالغلا نورتي الموضوع :eh_s(7):

 

[(حكاية قلب )]

لآ عادي فديتج

 

[England Chick]

روعععععععععععععععععععععععه

 

[Q8_QT]

حلو تقريرج ماشاءالله كملي

 

[مـ ع ـزوفة حز*ن]

،،،



وآآآآآآآآآآآآآآآآآآآو تهبببببببببببل مآليزيآ


إحنآ رحنآ أول شي كوآلآ وبعدين صن وآي قعدنآ 3 أيآم وتحسسسفنآ لأنهآ قريبه من كوآلآ وتكفيهآ يوم للصن وآي لآقوون (( القريه المآئيه ))


ويوم سووق نروح لهآ من كوآلآ


بستجرربه وغيرنه السكن سكنآ بصن وآي برآيميد تآور حلووو والفطوور ممتآز



وبعدهآ رحنآ كوآلآ وقعدنآ 3 أيآم بفندق برجآيآ تآيم سكوييير والفطووور ممتآآآز كل شي فييه حلو م مسبح وسوق ومطآعم




وبعدين رحنآ جنتق قعدنآ 3 أيآم وهم تحسفنآ يبيلهآ يوم بس الجوو حللووووو



الملآهي مآعجبتني كلللش سكنآ بفندق الثيم بآرك الفطوور اكس موحلو حتى الفدق عآدي



وبعدين رحنآ كوآآلآلمبور تهببببببببل وسكنآ بنفس فندقنآ برجآيآ تآيم سكوير يهبلللل والأيآم معظمهآ مطر وغيم





والصرآحه تحسفنآ مآرحنآ لنكآوي بس الجدووول مزدحم حيييل قلنآ المره الجآيه إن شآء الله




مع الكآميرون



..............................

............

...

 

[مـ ع ـزوفة حز*ن]

،،


الله يعطيج العآفيه وصآيف //



وبإنتظآآآرج


............

........

..

 

[منوووووله]

وااااااااو بانتظااارج

 

[حبيبه فايز22]

مشكورا ع الرد وانطططر باقي تقريرج!!!!!!

 

[وصايف الحجاز]

( الجزء الثاني & الحلقة الثالثة )



اشكر جميع من تواجد في تقريري بالرد والاطراء ,,
الف شكر على الكلام الجميل عساكم على القوة ,,, ان شاء الله القادم عند حسن الظن
:
:
:
نكمل اليوم باقي اللقطات من فندق هيدرو بينانج ,,,
اللوبي كان اجمل مافي الفندق ,,, مساحته كبيرة وفيه جلسات منوعه وبتصاميم منوعة
شاشه ضخمه تعرف عليها المباريات العالمية مثل الدوري الانجليزي والاسباني
وفرقة موسيقية تعزف الى الساعه 11 تقريبآ وتوقف ..
الانترنت مجاني في اللوبي


.
.
.


://img705.imageshack.us/img705/1404/iiiiidscf2825ooooo.jpg[/IMG][/URL]








​

 

[وصايف الحجاز]

وصلنآ الى الرسبشن وكانت اجراءات التشيك ان سهلة وميسرة وبابتسامه جميلة من موظف الاستقبال
طلعنآ غرفتنآ ريحنآ شوي وعلى الساعه 9 نزلنآ للسوق الليلي في الباتو فرينجي
والوسيلة كانت باص رقم 101 ,,
الشئ الحلو كان في الباص مجموعة سعوديين وخليجين من نزلاء فندق نازا والفلامنجو ,,,
طبعآ فندق الهيدرو اقرب للباتو فرينجي من فلامنجو ومن نازا بكثير ,,
تجولنآ في المحلات والاكشاك عندهم بضاعه مميزة وشغلات غريبة لكن مبالغين بالاسعار ..
كاسروهم واخسفوا بالاسعار ..
اثناء تجولنا كنا نمر على المكاتب السياحيه نسأل عن اسعار الباصات الى جنتنق .. ولقيت اسعار مرتفعه
70 و 80 رنقت
بينمآ انا قرأت انها ب 30 رنقت .. بحث كثيرآ دون جدوآ وفيه النهاية اتفقنآ من مكتب يعمل فيه ايراني
التذكرة ب 50 رنقت والتوصيل الى محطة الباصات ب 40 رنقت ...
موعدة انطلاق الباص الساعه 8 صبباحآ
السواق يكون عندنآ 7 لان المحطة بعيدة شوي ... قلنآ على بركة الله ’’
تعشينآ بمطعم عمر الخيام وكآن لا بأس به ,, احلى ما فيه الاجواء والزحمه ,,,
ثم عودة إلى الفندق ايضآ بالباص ونووووووووووووووووووم


************************************************** *******


( اليوم الثاني في بينانج والسابع في ماليزيا )


نزلنا الفطور وتفاجأت من عدد السعوديين والخليجيين فيه ,, توقعت ما اشوف خليجين بحكم ان فندق مغمور ببينانج ,,,
فطرنآ الحمدلله ونزلنآ ندور على تاكسي يعمل لنا جولة 5 ساعات
محاولة اكتشاف البحر في الجهه المقابلة للفندق من خلال عبور الجسر للجهه المقابلة










حاولنآ ننزل للشاطئ لكن شكلة كان غير مشجع ابدآ ,,, وكأن الشاطئ غير مهيئ للنزهه او السباحه ,,
تراجعنآ عن المحاولة وبحثنآ عن تاكسي
اتفقنآ من سائق صيني الساعه ب 25 رنقت ,, ( حديقة الفواكه + الشلالات + القطار )
باقي المناطق ما اقتنعت فيها وحسيتها مضيعه للوقت
غير انها متباعده عن بعضهآ وبيروح وقتنآ ما شفنا شئ ,, وهذا اليوم الاخير في بينانج​

 

[وصايف الحجاز]

في الطريق الى حديقة الفواكه





الدخول كان 35 رنقت ,, يشمل بوفية الفواكة وكأس عصير طازج



















الفواكه لذيذه وعصير المانجو يجنن ,,
حسيتهآ جولة عادية وعكر علينا حرارة الجو .. يعني ما تستاهل ال 35 رنقت
حقهآ 20 رنقت بالكثير ... !!​

 

[وصايف الحجاز]

وبعدهآ الى الشلالات ,,,








الشلال كان رووووووووعه وندمت ما رحت لشلالات لنكاوي ,, الشلالات لها جمال خاص


__________________________________________________ _


إلى قطار بينانج .. وزحمه يادنيآ زحمه .. كان يوم احد وزحمة هنود
طلع عندهم معبد يطلعون له بالقطار ,,,
الشخص 30 رنقت








اطلاله ساحرة من اعلى الجبل على بينانج ,,,








حديقه رائعه وفيها كوفي رهيب لا يفوتكم .. شربنآ عنده كابتشينو مع تشيز كيك ...






اعلى الجبل فية مجموعة محلات تبيع تذكارات ومؤكولات خفيفة .. ومناطق خلفية كسلنآ نروح لها ..
كانت الساعه 2 الظهر وحرارة الجو ما تشجع ,,,
بعد انتهاء الجولة رجعنآ الفندق نريح للعصر عشان ننزل للباتو فرينجي ,,,
.
.
.
.
وبرضو بالباص 101 الى الباتو فرينجي ...




​

 

[وصايف الحجاز]

مشينآ على الشاطئ وكل شوي ينط علينا واحد / دباب باراشوت
اسأل عن الاسعار واكاسر
وامشى واطنشهم واقول لهم نرجع لكم بعدين .. لين ما اتفقنآ مع واحد سعره جيد قال لنا
الباراشوت لفه صغيرة ب 130 رنقت
قلنآ احنا لفه صغيرة ويالله الخراج تبيها لفة كبيرة بعد ..
الموهيم إلا شوية نقز علينآ ذاك اللي قلت له نرجع لك بعد شوي ..
طلع لي بطاقتة قال لي انا مسلم ليش تتفقين مع هذا الهندي .. ويقولها بقوة عين قدام الهندي
خخخخخخخخخخخخخخخخخخخـ
انا على بالي اصحاب ويمزحون مع بعض نفس نظامنآ مزحنآ ثقيل
ابتسمت ومشيت ..
إلا الرجال وراانا ما فكنآ .. يقول انا ابغى فلوس ..
نعم ياعيوني ............. ؟؟ !!

وليش اعطيك فلوس .. ؟ انا لقيت عرض بسعر اقل وانا حره اختار اللي ابغآهـ ..
زعلنآ انا وزوجي وقلنآ للاثنين خلاص كنسل ..
بطلنآ باراشوت ...


مشينآ شوي قدام واتفقنآ مع واحد ثاني وبنفس السعر .. قلنا قيداااااااااااااااااااااااااااام ...
على اساس متحمسين واحنا رجل قدام ورجل ورا ...
اقول له متأكد هذا ما يموت .. يقول لا لا لا كل يوم ناس يركب
على فكرة ببينانج يتكلموا عربي تمام ...
هوا يعطي زوجي التعليمات وانا اتشهد ,,, هههههههههههههههههههههههه
وجاني ابليس يوسوس لي ...
وشلون لو انقطع الحبل وانتوا بالجو .. وش بيصير
وكيف ينقذونآ
ولو طحنآ بالبحر كيف نسبح ..
وفجأه ما اسمع ألا صوت يقول اجرررررررى .. وقتهآ صرت عداءه على اساس اني فاهمه اللعبة
لان شفت قبلي وحدهـ تشقلبت لين قالت بس
وفي النهاية تشقلبت برضوا هههههههههههههههههههههههههههههـ ,,,

1 2 3 نلقى نفسنآ طايرين بالجو ..
اجمل لحظه مرت عليآ بماليزيا شئ مو معقول .. وتجربة مجنووووونة ,,,
اللي راح ماليزيا ماجرب الباراشوت فاته نص عمرهـ

لحظة الانطلاق









في الاجواء ,,,










الهبوط الفاشل ... هبوطنآ كان فاشل مدري يمكن ما نفذنآ التعليمات صح
طحت على ركبي مباشرة وجلست يومين الم بظهري بس بسيط يعني لا تخافون ..









وبعدهآ جت سكي نص ساعه وب 120 رنقت ..
طبعآ انا توليت القيادة بحكم اني طارهـ ..

سرعتي ما تعدت ال 25 طول الوقت وكل مامر جت سكي شفطني .. وياجبل ما يهزك ريح

لا تزال سرعتي 25 وبالكثير 25 ونص ..
هههههههههههههههه








بعد غروب الشمس صلينآ المغرب والعشاء جمعآ وقصرآ في احد المساجد
وكانت هذي المرة الاولى اللي اسمع فيها صوت الاذان في ماليزيا ..
ثم جولة ايضآ في السوق الليلي وعشاء من كنتاكي
وجبة زي هذي تقريبآ



إضغط على الصورة لتكبيرها ... أبعاد الصورة الأصلية 700x525 وحجمها 106 كيلو بايت .

وكملنآ السهره في لوبي الفندق على اللاب توب .. ومباراة في الدوري الانجليزي



.
.
.

 

[مياسه13]

جميييل , ما شاء الله

 

[وصايف الحجاز]

الف شكر على مروركم العطر يالغاليات
حياكم الله


**

 

[مـ ع ـزوفة حز*ن]

،،


يممممممه أنآ أخآآف من شي اسمه بحررر ومستحييل أركب برآشوت فوق البحر


بس فوق الأرض هههههههههههه



عليييج بالعآفيه حبوبه


بإنتظآر البقيه

...........
.......
...

 

[وصايف الحجاز]

؛؛؛؛ الحلقه الرابعهـ ؛؛؛

سأبدا هذه الحلقه بتقيمي لجزيرة بينانج ,, واهم السلبيات والايجابيات في فندق هيدرو
بينانج جزيرة حديثة تتميز بأبنيتهآ المنتشرهـ وقلت المساحه الخضراء مقارنة بلنكاوي
مزدحمه في اغلب شوارعهآ جوهآ نفس لنكاوي مافي فرق ابدآ
من ابرز واهم المناطق السياحية فيها شاطئ الباتو فرينجي
السوق الليلي في الباتو فرينجي
القطار الجبلي
حديقة الفواكه + حديقة الفراشات + الشلالات + حديقة الزهور
يظهر فيها بشكل واضح اثار الاستعمار الانجليزي بشكل واضح واغلب سكانها من الهنود والصينين

عن نفسي لو تكررت زيارتي لماليزيا راح احذف ايام بينانج واضيفهآ للنكاوي مع تنويع مناطق السكن
مثلا يومين في شاطئ بورا باي او كواه
و3 ايام في شاطئ سينانج
قول لكم ليش

الباتو فرينجي والسوق الليلي راح القاهـ في شاطئ سينانق نفس الفعاليات والاجواء
مع ندرة العرب والخليجين بهذا الشاطئ عكس باتو فرينجي
احتلال خليجي ما شاء الله
حديقة الفواكة ايضآ موجودة بلنكاوي

القطار جميل ولكن يمكن الاستغناء عنه بتلفريك لنكاوي وجنتنق لانهم اجمل بكثير ,,
لنكاوي تتميز عن بينانج بانها اكثر رومنسية وجمال وبساطة ريفية جدآ وهذه اعتبرها ميزة
لذلك لن ترى السائح الاجنبي ( الاوربي + الاسترالي ) في بينانج إلا بعدد الاصابع ..
فكرة ان لنكاوي فقط للهدوء غلط .. بمكن ان تجمع بين الهدوء والفعاليات الجميلة
وهذا لن تجدهـ في بينانج
المنتجعات في لنكاوي اجمل ومتنوعه
لذلك ارى لنكاوي تتفوق كثيرآ على بينانج ...
عمومآ لم اندم على زيارة بينانج ولكن لن اكرر لها الزيارة ...

فندق هيدور
الفندق يصنف 4 نجوم وانا اعطية ال 4 نجوم بكل حاجه ما عدآ الغرفة اثاثها قديمة
من ناحية الموكيت ورخام الحمام
لكن النظافة فيه جيدة جدآ
+
الحمام مافيه شطاف وهذا الشئ فاجئني ..

من اكبر سلبيات الفندق انه ماله شاطئ خاص فيه .. حتى الشاطئ في الناحية المقابلة
غير مهيئ للنزهه او السباحه ولا توجد فيه اي فعاليات ...
اجمل شئ في الفندق
سعرهـ الرخيص 200 ريال تقريبآ وبعض الاحيان تصل الى 170 ريال
+
الفطور الصباحي الجيد جدآ
+
قربة من الباتو فرينجي 7 دقائق .. انا ما راح انصح احد فيه او احذر منه
ذكرت الايجابيات والسلبيات
وشوفوا عاد يناسبكم الفندق او لااا ...
<< طلعت نفسهآ من الموضوع ..

​

​

 

[وصايف الحجاز]

اليوم الثامن في ماليزيا ويوم المغادرة الى جنتنق ...
صحينآ على الساعه 6 صباحآ على اساس نلحق نفطر قبل ما يجي سواقنآ
لان موعدنآ معاهـ الساعه 7 ,,,
صلينآ ونزلنا مع شنطنآ عشان نعمل التشيك اوت ونفطر
فطرنآ على السريع كورن فليكس وكوب شاهي .. ورانآ مشوار طويل وطريق جبلي
نبغى نكون خفيفين ...
اتصل السائق الساعه سبعه الا عشر دقائق ... قبل الموعد
وهذا الشئ عجبني في المكاتب السياحية عندهم انضباطية كبيرة في الوقت ...
يعني تحجز وتضبط امورك وانت مرتاح ...


سائقنآ كان ...

نعم نعم ياسادة .. سواقنآ طلع ليدي ..
استقبلتنآ بأبتسامة جميلة وعيون ناعسة .. مسكينة صحيناها بدري ..



سيارتهآ كيوت وكلهآ حركات بنات ..

الطريق الى محطة الباص تقريبا ياخذ ساعه الا ربع ,,,
وكلهآ سواليف مع بوبو .. اللي هيا سواقتنآ الجميلة ,
ما خلينآ شئ الا تكلمنآ عن
من الفرق بين تربية البنات والاولاد إلى افضل انواع الماسكرآ ..
.
.
وصلنآ ولقينا اكثر من باص رايحين لاماكن متعددهـ






هذا المكتب تبع الباص ..
عندهم رحلة الساعه 8 صباحا والساعه 10 ونص صباحا ...
.
.

​

 

[وصايف الحجاز]

زوجي قال خليني اشوف التذكرة من المكتب كم سعرها ...
طلعت ب 35 رنقت فقط .. اخذوا منآ 15 رنقت زيادة .. !!


وصل باصنآآآ ,,







مقعد مريح






فوق جسر بينانج ...






وقفنآ بمحطة صغيرة بعد مرور ساعتين تقريبآ


وانا داخله السوبر ماركت لقيت هالشئ ..

قلت قرب يالمزيون ناخذ لك صورة ..





حجمه كبير جدآ يمكن مو واضح الحجم في الصورة ...
.
.
.
وهذا اللي اشتريتة من السوبر ماركت ..










وصلنا جنتنق بعد 5 ساعات طلعت عيني فيها ... ما توقعت الرحلة طويلة كذا
ولا كنت اخذت طيران وريحت راسي ..
الشئ الايجابي ان الباص توقف في محطة الباصات الملاصقه لفندق الفيرست وورلد


على الرسبشن دوووغري ... تفاجأت من ضخامة الرسبشن وزحمة الناس






طبعآ ما تدخل على الرسبشن مباشرة اول حاجة تاخذ رقم





وتنتظر لين يجي دورك باللوحه الالكترونية مع رقم الكاونتر اللي تتوجه له


​