عجبني وابي رايكم ؟؟

[بنت المنصور]

من شوي كنت راجعة البيت وانا بالسيارة كنت اسمع راديو ام بي سي اف ام المهم كانو يتكلمون


عن قضيه انو لو كان شريك حياتج بو عيالج ولا شخص انتي تحبينه وناويين على الزواج ان شاء

الله نفرض انو مقصر في واجباته الدينيه يعني مايصلي ومقصر بجم شغله من الجانب الديني


هل بتقبلين فيه كزوج على امل انج تغيررين العاده بعد الزاوج ولا شلون راح يكون تصرفج ؟؟ ولا راح


ترفضينه على طول ؟؟




ودي اشوف ارائكم

 

[Gulf Spice]

موضوع حلووو.. ورايي

اذا اهو مقصر بحق ربه.. اكيد بيقصر بحقي
مرفوض مقدما

 

[sowsan]

اكيد مرفوض

 

[بنت المنصور]

حتى لو كان كل شي فيه زين ؟ ممكن هو غلطان اكيد هو غلطان بس ماراح تحاولين انج تعدلين فيه هالشي ولا عندج

الموضوع هذا مفيه نقاش؟ وشاكره لج مرورج قلبي

 

[سمسمة كويتية]

اذا كان مقصر في الأركان الساسيه مثل الصلاه و الصوم لأ طبعا بس اذا اشياء ثانيه ادري انها غلط بس مو من الكبائر ارضى فيه وانشا الله مع الوقت يتغير

 

[بنت المنصور]

شاكره لج مرورج سمسمه شاكره لج مرورج قلبي

 

[tolay]

راح انصحه وابين له انه اهم شي فروضه

وافرض عليه يصلي ويسوي فرضه

اذا كان مايصلي وبعدين بدا يصلي اوافق لانه هدايته كانت على ايدي اذا ماكو فايده ارفضه

ينخاف من اللي مايصلي

دام مايصلي اكيد مايسوى شي

 

[بنت المنصور]

تولاي : اممممم ردج منطقي ممكن ليش لا شاكره لج مرورج يا قلبي

 

[الشيهاانة]

بالاول ابين له انه على غلط واحاول انصحه واذا تغير كان بها واذا تم على نفس ماهو اتركه احسن
اللي مايخاف من ربه ينخااف منه

 

[Preity]

لا اذا مايصلي كلش كلش مستحيل اتزوجه
لانو اكيد اهله كانو ناصحينه انه يصلي ولا اقدرو عليه تبين زوجته تغيره اظنها صعبه
تسلم يمينج حبيبتي

 

[فافي الحلوه]

لا انا ما راح ارضى خل يصير سنعه ويصلي ويعرف ربه بعدين يفكر بالزواج

يسلموو حبيبتي على الموضوع الجميل

 

[دانة الخير]

اهم شي الصلاه دامه استهان فيها ما اظن يقدر يكون اسره وبعدين العقد ما يجوز اذا الشخص ما يصلي لان تارك الصلاه كافر وبهذا يبطل العقد

 

[هاناا]

ضروري انه ما يخل باركان الاسلام الخمسه و الا يكون كافر و لا يجوز زواج المسلمة من كافر


ها موضوع مافيه تهاون

 

[بنت المنصور]

تسلموووووووووون على المرور واختي برتي اي وايد شغلات ماقدرو عليها الاهل والزوجات قدرو يغيرونها ماتدرين

 

[النهج الاسمى]

اكيد مرفوض

اهو اصلا مافيه خير حق نفسه>>>>>شلون بيصير فيه خير لي؟!

 

[علولي]

مرفووووووووووووووووووض
الصلاة عماد الدين
واذا ما خاف من ربه ماراح اهمه بشي
اهم شي الخووووووووووف من الله

 

[بنت المنصور]

شاكره لج يا قلبي على مرورج قلبي

 

[غلا الغوالي]

مرفووووووووووووووووووض

اصلا حرام البقاء عند زوج مايصلي لانه يعتبر كافر

 

[louraa]

لا ما اقبل اهم شي يصلي
لان الصلاه من اركان الاسلام والصلاه عماد الدين وبالصلاه زياده في الرزق و تبعد عن المنكرات وو ....... الخ
وهذا اقل شي يسويه المسلم حق ربه وحق نفسه
ولا تنسون
ان الصلاه تنهى عن الفحشاء و المنكر

 

[hello.kitty_85]

والله موضوعج حلو بس اكيد اقدر اغيره الزوج على ما تعودينه اذا كل وقت صلاة قمت وقلتله قوم صلي بيقوم ماراح يخسر شي
اكثر اللي مايصلون يكون مو مهتم ومحد مهتم فيه واذا احبه بعرف شلون اخليه يصلي وترى جربتها وسويتها واللي قالوا ما تقدر المره اتغير الريال اذا اهله ماقدروا يغيرونه انا اقول امبلى تقدر وكلي ثقه بهالشي
انا ريلي كان اربع سنين يدرس ببريطانيا وطبيعي ماكان يصلي نومته غلط وقعدته غلط ولما تزوجنا تغير ويصلي وكل شي واهوا بيتهم يهتمون وكل اهله يصلون
واللي تقول كافر شلون كفرتيه وانتي ماحاولتي تعدلين فيه اشدعوه ؟ الريال على ما تعودينه