عذرا قاعة عبدالله السالم

[زهره الخليج]

سموحه ياديرتي الكوويت....


مابقي احد يحبك ~~~~فقط يحبوونك لفلوسك ~~


كل واحد يترس جيبته ويكذب علي شباب يصدقون بكلمه الفزعه ~~



وطبعا بيج كات (القطط كبيره ) لا تستجيب للكلام ولا همها غير ترس البنوووك





ولا همهم امير او شعب او تراااااااااااااااب اجمل بقاع العالم الكويت ~~

 

[زهره الخليج]

حبيبتي اهم مو من اول يوم اهم عطوا الحكومة وقت عشاان تثبت انهاا كفو تتحمل المسؤوولية بس اذا من اولها نهب بالدولة تبينهم يسكتوون لهم لاحبيبتي خليهم يحمروون العيين عليهم وشووفي كم مرة عطووهم فرصة بس يستمروون بالنهب والفساد والنواب عندهم ادلة عليهم ولا ما كاان يستجوبوونهم .. بس في ناس ما تبي الحق يظهر

:rerrerek:




وخرتها احنا ماكلينهاا

 

[Meyyawa]

حسبي الله ونعم الوكيل عليهم ,, أساس خراب الكويت !!! والمشكلة عقب هذا كلة للحين البعض المخدي واقف معاهم !

 

[BubbLe87]

المعارضة خربوها بحركة الدخول لقاعة عبدلله السالم
لكنن في قناة يوتيوب تي في حاطين الفيديو كامل دشو و انشدوا النشيد الوطني و اطلعوا
بعدين مجلس الامة يحرسونه ضباط من الحرس الوطني مو مبينين بالفيديو
يعني دخلتهم للقاعة كانت ممهدة
و الحين في ناس تسب و تلعن بالنواب و المعارضين و تصفهم بابشع الالفاظ
ليش ما نقول نفس الصفات عن الراشين و المرتشين
ليش هذيل مو قاعدين ينهشون بلحم الكويت
ليش ما نسب اللي قاعد ينشر الفتنة و يجتمع بالنواب الشيعة دون السنة
هذا مو قاعد يعزز الطائفية بالبلد
و ليش ما نسب اللي متبرع بمبلغ و قدره حق جهة معروفة و العياذ بالله باللواط
و لما واجهوه ما تكلم و ما نكر و ما طلع بيان ينكر هالشي
اي نعم غلطوا لما دشوا قاعة عبدالله السالم
لكن في قضاء يحاسبهم
مو اطلع عليهم القوات الخاصة يطقونهم برصاص مطاط و لوية
و جلاب بوليسية
وين قاعدين ماكو قانون يحاسبهم
ارتكاب الغلط شي
و ارتكاب الفساد و احنا نطالع و نصفق شي ثاني

 

[جلكسيه اس 3]

انا كويتيه
بصرااااااااااااحه ماعرفت عن السالفه الا من امي و خالاتي
و خالاتي و كل الي معاااااااااي بالواتساب حاطين توبكاااات تدل على انه مو عاجبهم الي صار وانا معاااااااااااااااهم
لانه اسلوب مو حضاري ابد
ما يصير عشان في اقلاط ايحلون القلط بطريقه غلط عشان يخربونها زياده
؟!
وانا مع البنات الي اتقول الحكومه اتبوق والله شي يفشل بس شنو نقدر انسوي
ما بيدنا غير ندعي الله يحفظ الكويت من كل شخص حرامي يبوق خيرها و يقصر بواجباته

 

[الكويت قلبي^]

مو قادره أنام ححدي مقهورة
شنهو قامت القيامه يعني مجاميع غفيره محتجه على الاوضاع المترديه في البلد . وتطالب بحل المجلس والحكومه . يعني المشكله دخول المجلس . صارت كارثه هذي بالنسبه لكم . كل الاخفاقات من هذه الحكومه والتعدي على الحريات والفساد المالي والاداري . وانتهاك لمواد الدستور ولا شي . اللي تهمه مصلحة الكويت هم من تواجدوا بساحة الاراده

 

[كويتيه من قلب]

صار عندي شبه اقتناع ان اللي يدش ويتكلم عن المزدوجين انه بس داش لاثارة الفتنه
واللي صار بالقاعه غلط بس ارجعوا وشوفوا ليه راحت هيبه القانون بالكويت ومن قبلها هيبتنا
احنا يا اصحاب الارض صارلنا فتره والناس اللي كويتين صج ويبون مصلحه الكويت
يتكلمون ويقولون البلد فيها شي غلط البلد راح تروح الناس تفككت سكروا القنواة المؤجورة
ارجعوا مثل اول خلونا بس نسمع باغانينا الوطنيه ونتغزل بحب الكويت بس منو اللي سمع
ومنو اللي قال صح الكلام0 و اي مواطن كويتي يطلع يشهر باحد ويتكلم انت منين جاي هذا يعاقب
ايه يعاقب موو يندزله بوكسات من السيكار الكوبي ويقول يله اشعل الفتنه يا ولد جويهل ومع
حبربشك اللي والله العظيم ما همتهم الكويت ما همهم الا الدينار وعمامهم اللي توكلهم وتصرف
عليهم سيكارة جويهل اللي يطلع ويشبها ويحرقها ويحرق قلوب الكويتين الصج توكل عائله
يووم بمطعم حسبنا الله ونعم الوكيل حسبنا الله ونعم الوكيل منين له هذا ومنين له هالجراه بالكلام
ان شاء الله يوومكم قريب يلي تدعمونه والله ما يضيع الظلم اللي صاير على الكويت ولنا بالغزو
اكبر قدوه الله رد لنا ديرتنا وسخر لنا دوول عشان ترجع وهذا كله عشان الظلم اللي صار وكله
بسبب خيرات واحسان اهل الكويت
والله العظيم اللي تدخل هنيه وتتكلم عن دول الخليج وخصوصاا السعوديه ما تحب الكويت
شنوو دخلهم الخليج بسوالفنا وفرضاا كان فيه شاب من شباب الخليج يعني احنا مو واحد
يعني احنا الحين يا الكويتين مالنا اهل بدول الخليج مممكن جاي سياحه ولا اي شي احنا
تقريباا شعب واحد 0اف والله حرام اللي يصير الحين عشان السعوديه وقفت مثل الشوكه لايران
نقعد ندخل ونحاول نفتن بين دول الخليح واحنا كلنا نعرف انا في امس الحاجه لبعض الحين
واللي يبي في ديرتنا الشر وفينا ندووسه ونمشي عليه ولكل اللي تتكلم عن البدوو
شووفي شفتي الارض اللي تحتج الحين تراا هذي ارضنا من الجزيره من شمالها لجنوبها
ومن شرقها لغربها هذي يسمونها الجزيره العربيه واجدادي واجداد كل وحده ابدويه
ترى مرت من هنيه جيوش وروحوا اقراوا التاريخ وهذا ديرتنا وما عرفنا غيرها والسعوديه تاج على راس كل وحده
ما تعجبها لان عندي قناعة تامة اذا مافي سعوديه يعني مافي كويت وخلصونا
افهموو عاد خليتوا الواحد يرجع لايام الجدود واحنا الحين بايام انت تحب الكويت
شنوو تسوي لها شنو تنجز عشانها انت كويتي يعني انت تاجي وعزوتي
اه على ايام مضت والله وانت مسافر بس تشوف كويتي من بعيد تدري انه
من ديرتك وقلبك يحن له ما اعرف من اهو بس ادري انه كويتي وشايل اسم
الكويت معه
كلنا نحب الكويت وقاعدين نتألم من زمان مو من امس
انا صراحة اتمنى من ابونا العود انه يوقف اللي قاعد يصير بالبلد
ويشيل الشيخ ناصر ويخليه يستريح يعني كم مجلس انحل وكم سالفه اطلعت
وبعدها يبدا باجراءات الحزم بكل شي اولها الاعلام شنو حرية اعلام ما ابي حرية
اعلام تهين اختي واخوي الكويتي ما ابيها 0حريه تقول انت غلطت عدل هنيه مو
حرية نتدخل هذا امه منو وهذا اخته منو شسالفه احنا والله مو امريكا مو ناقص
الا يصورونا ببيوتنا تقول صاروا اهل الكويت من مشاهير هليوود وهذي الصحافه وراهم
ويطلعون وحالتهم حاله ويفندوون هذا مزدوج وع والله وع من وعينا على الدنيا
واحنا نعرف هذا عنده جنسيه سعوديه وهذا اقطريه وهذي بحرينه وهذا امريكي
وهذا بريطاني وهذا كندي وبعدين يعني انكشف شي جديد بالجره الكونيه ولا اكتشفتوا كوكب جديد
لا تقولون عندي جنسيه ثانيه والله العظيم ما عندي قسماا بالله بس مو هالدرجه
اللي قاعد يصير وبعدين اللي عنده ثانيه وقانون الكويت ما يسمح له شكوو
جويهل يطلع لنا ويعلمنا ان فلان عنده ثانيه ومنو حظرته
عنده ثانيه البلد فيها قانون والله مو محتاجين واحد تافه يدافع عنها وتبطل له قناة
عشان يتكلم عن المزدوجين والله انا صرت احب المزدوجين شفيهم مو كويتيين
لا انا حبيتهم عشان بس هم شماعه اللي ما يحب الكويت يعني اللي يبي يفتن على طوول
يقول مزدوجين ما يقول يا جماعه القانون ماشي والكويتيه سواسيه اللي معه الامريكيه
نفس اللي معه سعوديه فعفيه تعالوا راجعونا وجيبوا الامريكي والبريطاني والسعودي معكم عشان نعدل الوضع
انا بس دخلت السعوديه بالموضوع لاني دائماا اقول من البحر للبحر هذي ديرتنا وما عاش
من يفرقنا وصراحه لو يسمح القانون اني اعمل مزدوجه كنت اخترت السعوديه جنسيتي الثانيه
والاجنبيه بعدين نشووف لا خيروني بالثالثه
يا عمري يا الكويت والله انج دمي اللي يجري بعروقي وفداج نفسي ويفدوونج اللي
قاعديين يخربشوون فيج عساهم الفنا وانتي تكوني لنا البقا لنا ولعيالنا ولاجيالنا اللي
ورانا وان شاء الله فترة ازمه وتعدي اه يا كثر ما قلنا هالكلمه
يارب بكره اقصد اليوم نسمع فيه اخبار مفرحه ويرجع كلشي مثل اول القانون له هيبته
الاعلام متسيد المنطقه بالبرامج الراقيه الرياضه لها هيبتها عند الدول
الكويتي يحب الكويتي واللي عنده نقص يبعد عنا والله تعبنا

واللي تبي تدخل وترد علي وتقول لي ليه قلت كويتي صج وفيه مو صج

فهذا الشي سوته فعايلهم وانا اللي ما يحط الكويت جدام عيونه ويحاول يفتن

هذا اعتبره مو كويتي وقاعد يخدم لناس ثانيه وهذا راي وانا ما شلت منه الجنسيه

بكلامي بس قلت اللي بخاطري

​

 

[! بــدويه وآآيــد !]

الله وكبر كسروووهااا

لا حبيبتي لا كسروهاا ولا شي

،


هلا حبيبتي ماجبت شي من عندي هذا الفيديو شوفي لما يوصلون للباب شلون يكسرونه بـ التحديد دقيقه 1:18 والي وراها

http://www.youtube.com/watch?v=m0MijuEF5Js

 

[كويتيه من قلب]

،


هلا حبيبتي ماجبت شي من عندي هذا الفيديو شوفي لما يوصلون للباب شلون يكسرونه بـ التحديد دقيقه 1:18 والي وراها

http://www.youtube.com/watch?v=m0mijuef5js

اللي صار غلط واكييد مو عاجب احد بس نقوول ان شاء الله

خييره 0وهنيه يكون الحزم بالديره بكل شي مو تصير ديرة بطيخ

وان شاء الله نشوف اجراءات حاسمه بكل شي ويكون بصالح البلد

 

[طرازنة]

استغفرالله استغفرالله استغفرالله استغفرالله استغفرالله استغفرالله

 

[Pissy Missy]

امبيييه ما اصدق انه في ناس عاجبها الي صار وقاعده تلاقي مبررات
ناس همج هذول وينهم وين الديمقراطيه
ما يحمدون ربهم على النعمه الي اهم فيها ترا النعمه زواله
بس المشكله انه الخير يخص والشر يعم
اذا نزل علينا غضب الله بينزل على الكل
حسبي الله ونعم الوكيل
والله انه ماكو كويتي اصلي شريف ولاءه للكويت وال صباح الله يحفظهم يرضى بلي صار
والله العظيم انه لو احد ثاني من الي معارضهم سوه الي اهم سووه جان قوموا الدنيا ولا قعدوها
وجان صار خروج عن ولي الامر ويعاقبونه اشد عقاب
بس ما يشوفون روحهم شنو سوو
ناس منافقين ومصلحجيين
الله يحفظ الكويت من هل اشكال الغريبه

 

[الغنج والدلع]

معارضه شمعترضين عليه عايشين بخير ونعمه احمدوا ربكم المفروض نسير ايد وحده الاوضاع بالمنطقه مومستقره واهم جذي عسي الله يحفظ اميرنا ويطول بعمره وهذول الهمج لازم ياخذون عقاب عشان يكونون عبره لغيرهم

 

[انا و بس]

7andoosa ياقلبي

الحين احذفوا كرسي يعني اشصار

ماتشوفين مظاهرات العالم يقلبون سيارات الشرطة ويحرقونها ويحرقون التواير

يكسرون زجاج المحلات ويقطعون الشجر ويحطونه بالشوارع ويوقفون حركة المرور

ضرب وعنف واعتداء على رجال الامن

جت على كرسي انحذف ! مايشوف شر

:eh_s(16):ردج عور قلبي تقولين حذفوا كرسي شصار هااا :eh_s(2): يا سبحان الله دخلوا على مجلس الامة وحذفوا الكرسي وخربوا بجذي وصل صوتهم :rgewrg: لما يخربون ويسببون فوضى برمز الديموقراطية :eh_s(10):
واهم شي تقولين ان المظاهرات الي بالدول الثانية تحطيم سيارات مادري شنو ياااا شياب الي ياب تشوفين الغلط والهمجية بمظاهرات الدول الثانية تيين وتقارنينهم بدولتنا
الدول الثانية مالومهم اذا سووا مظاهرات حسبالج هذيلة عايشين نفسنا ؟؟ لعلمج ان في اوروبا حتى واهو عايش ايمع فلوس حق كفنة وجنازتة لأن اذا ماعندة من حق الحكونة تاخذ جثتة للتجارب وللعلماء هاا شرايج :eh_s(10):
حسافة عليج يا كويت من نواب بس همهم دمار الديرة اخخ بس

 

[يمة يادلبي]

آآآآآآآآه ياكويت :eh_s(2)::q8:​

والله قلبي يعورنب على ديرتي
ماتستاهل هالحبيبة
بالله على شنو مسويين مضاهرات ناس مرتاحة جيوبها مليانة بطونها شبعانة على شنو هالتخريب
بالله على شنو هالتفاهه الي صارت اول امس
والي يدافعون عن النواب على شنو ادافعون عنهم ليش الي سووه يشرف
الا خزي وعار علينا كلنا وهذيلا الكوويت متبرية منهم
اهم مايحبون الكويت لان لو يحبونها جان ما صارت هذي سواتهم
واتمنى من سمو الشيخ صباح ان ينزل عليهم اشد العقوبات ويسحب عضويتهم ويرفع الحصانة ويدخلونهم السجن ويعلمونهم ان النبي عربي هالسفلة:eh_s(2)::rerrerek:​

 

[ام كوثر2007]

كانت مدينتنا ذهب والناس لـ النآس




كآن الكرم ويا الوفآ دآيم مآ بين النآس




وكآن الصحيب لمه ينآدي وينتخي




يلقى حواليها الاهل والكل سخي




زمآن يااحلى زمآن




من يوم ماحكم الغريب آه الغريب




غير موازين البشر




والشر على الارض انتشر




آآآه بكت المدينه




والارض الحزينه




آآآآآآآهآآآآآآآآآآآآه




لا الدنيآاهي دنيآ




ولا الاصحآبهم الأصحآب




وعقب الوفآ والعز عشنا كمآ الأغرآب




أغرآآآآآآآآآآآب بين اهالينآ




اغراب في اراضينا






.. .. ..




يا ارض لاتبكين




يا ارض لاتشكين




لنا الله لنا الله




لنا الله انكان ميزان الذهب غشآش




لنا الله والمظلوم آه يا حوبة المظلوم




يا ارض اوعدك انا اوعدك




مهما يطول الجرح و الدمعة تسيل




ما تغيّر وعمر الزمن والله مآ يغيّر أصيل




أوعدك ابقى على باب الصبر طول العمر




وارجع واقول لكل ظآلم نهآيه


عسى الله يحميج يا كويت من مسلم وربعه ..

 

[me and i]

اللي مسكوهم سعوديين مزدوجين و تللي يدافعون عنهم بالمنتدى لهجتهم سعودية هذول مزدوجين

 

[q8dvd2000]

سنه 2011
سنه الهيلق

 

[q8dvd2000]

،


هلا حبيبتي ماجبت شي من عندي هذا الفيديو شوفي لما يوصلون للباب شلون يكسرونه بـ التحديد دقيقه 1:18 والي وراها

http://www.youtube.com/watch?v=m0mijuef5js

اختي الفيديووو مالج وايد يعووور القلب

اللي يشوفهم يقول محررين فلسطين

 

[noorq8]

سنه 2011
سنه الهيلق



أحلى مشاركه قريتها :eh_s(9)::eh_s(9)::eh_s(9)::eh_s(9):

 

[مآمآتي]

فشلوونا والله

اهم يمثلوون نفسهم وهذا رايهم مالهم شغل فينا


همج استغفر الله