عرايس ابيكم كلكم عن صالون العرس

[طالبة انجلش]

حبيباتي انتوا كلكم والله


الحمدالله حجزت وخلصت
واللي تسال عن منار احلى اللي اهيا نفسها اللي كانت عند رشا
...
عنانها السالميه شارع البلاجات
شفتي مستشفى السيف كملي سيده وبتلاقين في عمارات منها عمارة مكتوب عليها بالوردي مع منار احلى
بالتوفيق للكل يارب

وعسى ربي يوفقنا ويرزقنا ويرزق الطموشات ..

 

[طالبة انجلش]

الكحله اللي بتوقيعج اميره تهبل تبارك الله .

 

[اميره^_^بحلآها]

طب طب الحمدالله انج خلصصتي والله يوفقج يارب
اي شفتي شحلاتها ناويهه اسويها بالعيد انشالله

 

[يآحبي آفهم]

حنان دشتي بستكي روعه وع الطلب كافي كريمهم روعه اختاري طبيعي وردي انا حاجزه عند امل وعربيه وترا امل ورانيا نفس المستوى وحسب الطلب

 

[قطعة حلا2]

اممممم تصدقينً خليتيني افكرب منارسامعه عنها وايد بروح واجوف خصوصاانا ابي ناعم حيل

حياتي جم سعرها للعروس قالت لج ومنو بتسويلج منار ولا

 

[طالبة انجلش]

منار اهيا اللي بس اللي تسوي للعرايس

وسعرها 350 شامل كل شي حتى جلسة النضاره

ماشاء الله تبارك الله .

وسامحيني تاخرتت بالرد

وعسى ربي يوفقنا


اي اموره تهبل كحلتج ويارب تطلعين حلاهم وتصكين عالكل


سبحان الله وبحمده سبحان الله العظيم

......

 

[طالبة انجلش]

حبي قطعة حلا تخيلي من تشوفينها ترتاحين


الله يوفقج ويوفقني معاج

 

[قطعة حلا2]

امين قلبي وياج

لاهنتي

 

[بـآربيـآ]

مافي مثل رنا بصاالون بريجيت حطتلي بعرسي طلعت قمممه بشهادة الكل الكل يساال متى تطلع صورج لآ وفوق هذا نفسيتهاا تهبل وحبوبه وتسالج وتاخذ رايج وتقنعح وتسولف وياج ووياج على الخط حبه حبه فنااانه هالانسانه والصالون شي راقي وهادي وكلاسس صراحه رنا بريجيت نمبر ون

 

[cutaaa..]

انا حطيت عند منار سكوب - غدير الشمري
كلمة روعه شويه عليها حددت وجهي وتفخت شفايفي وكبرت عيوني كله بالميك اب وكاان ميكياجي حيل راقي
هذا غير مس منار للشعر روووعه ماشاءلله عليها
روحي عندهم وشوفي ميكياجهم
بس نصيحه لا تقولين انج عروس قولي بحط ميكياج مرافقه لأن دايم العرايس يشدون حيلهم فيهم ويهلقون فيهم حيل على ابو انها عروس

 

[Miss Eteket]

موووفقييينن ..~

 

[حلآآآتي غير]

حناان دشتي حلو وعلي حسب الطلب

 

[طالبة انجلش]

يعطيكم العافيه حبيباتي
صار هالموضوع مرجع للكل كل وحده خلص عرسها تسدح لنا تجربتها تفيد فيها الكل

 

[Angel Of Darkne]

حبيبتي نصيحه سوي شغلج وتوكلي على الله ولا تعلمين احد واذا سالوج قولي للحين ماسويت والله انا جذي وقت تجهيزي لما كنت استشير احد كله يذمون شغلي ويغثوني اخر شي سكتت والحمدلله طلع شغلي كله بيرفكت وانا سويت عند رشا شيك وكان وسط يميل للاوفر مو دفش والحمدلله يهبل مع ان امي ماعجبها لما دخلت الصاله اول مره تشوفني يومها بس بالاخير مشى اليوم وعدى على خير ولا تتعبين عمرج ترا كلها لحظات بتمر وتعدي
والله يوفقج ويتمم عليج على خير يارب

 

[طالبة انجلش]

حبيبتي انتي
مشكوره عالنصيحه
وهو كذلك يالغلا
ياختج بعض ناس تبط الجبد تبي تعرف وين وين
وان قلتتي ويع ويع
ولا الحين طالعيلي وين نفنوفج وبجم حجزتيه
هذيك المره وحده داقه على امي 12 بالليل بليلة العيد تسال حجزتي ولا لا

؟؟
يارب احفظني منهم يارب