عرايس ما بعد الولاده ، تعالي وشدي الهمه معانا

[.:lady bug :.]

طيبة الصفران
٦٦٣٣٧٥٥١

بنات بليز المغات وين احصله بالكويت

 

[.:lady bug :.]

وينكم بنات

 

[.:lady bug :.]

وينكم
شصار مع تجهيزاتكم

 

[Laymo0ona]

ياحليلج ليدي واي انا ليلحين مافكرت بهالسوالف كلش امبيه هالحمله احس اني ضايعه وابي من يسنعني

 

[.:lady bug :.]

افا عليج
بس قولي شنو ناقصج واحنا بالشوفه

 

[الغضى]

بنات في بدبنهامز صبغ الاظافر الزيبرا اشحلاته اللون الاسود تحطين تحته صبغ
عادي والزيبرا فوق روعة واستخدامه سهل حيل ب6 دنانير أو 10 شفته على رفيجتي.

 

[شوارفسكيه حمره]

انا الحمدالله من ولدت وانا اربط بطني

وصبغت شعري عند وحده اسمها معصومه يتني لي البيت وسويت كيراتين عند وحده من اهلنا
وانشاءالله عقب باجر بتعيدلي عليه لاني مسويه المركز
وبعد جم يوم بروح انشاءالله صالون الشرقيه اسوي تنظيف بشره وحمام مغربي

 

[.:lady bug :.]

الغضى انا لاقيته بسرداب الشايع اشكال والوان
وبنص دينار
شوارفسكيه شلون الكيراتين زين
وشفطي بطنج ع طول نصيحه تروح الكرش وتختفي
وشلون تجهيزاتج من وين جهزتي
وشرايج تسوين نقش حنا
فكرة مو

 

[Roty]

قوة بنات

ويني عنكم من زمان كنت ابي تجمع جذي وناسه ثنكس ليدي

انا نفاس ٢٠ يوم بعد اسبوع بروح السوق واخر اسبوع شغل صالون
بسوي حمام ملكي بالشرقيه
شوارفسكيه اي شرقيه بتروحين انا بروح جابريه شرايج منو شاطرة هناك بالمغربي؟؟؟

وبسوي قبل حمام ملكي تشقير شرايكم بنات عادي ولا يحسس جسمي ؟؟؟

وبعد يومين شيرة

وبصبغ واقص شعري

ونقش حنه

ومنكير وبدكير

هذا جدولي

ايييي واحف حواجبي

وبسوي سبا بابايا بالمهلب فوق

 

[.:lady bug :.]

شنو سبا بابايا
و حمدالله ع السلامه ومبروك مايبتي
وتر التشقير يشيل السواد الي عقب الولاده
وبث
ووين سويتي دراريعج
وصج بنات في محل يم اج ام الي بالبيرق عندة
دراريع طوال وميدي تينن صج روعه شويه عليهم
و جنه ماكو جم اطويل
بس والله ي بنات قمه روحوله

 

[.:lady bug :.]

بنات شريت عطر ريتشي ريتشي اليدي
واااااي يهبل حدة
و شميت العطورات لكم
عطر ويش اليديد روعه
وفرساتشي اليديد همن روعه قمه قمه لونه ذهبي
و عطر ماريا كاري حلو
وليدي مليون همن حلو بس مو ذاك الزود والناس اذواق
وعطر بلاي من جفنشي ماعجبني مالوف
ذولي اليدد
اما القديمات
الين معروف
وش الازرق رهييييب ومميز
فرساتشي الوردي بو كرستاله عودة بيضه حدة عجيييب
جفنشي البنفسجي روعه
ديور اديكت الوردي يهبل
وبث

 

[.:lady bug :.]

اسوووم بشري عسى لف الياهل
سكتي انا من قالولي الحبو زين
وانا كل ماراح سي السيد قفلت غرفتي وقمت العب
مع ولدي
وشكلي يهبل
لا وولدي ميت من الضحك علي فديته يعرف يتطنز
والحمدلله لف
الفال لج
وام حسوون اكيد ولدتي شخبارج الحين شنو يبتي
وهبوووون وينج
الله يستر عليكم وين ماكنتوا ي رب

وبنات كحل قولدن ليدي الملون يهبل
وعيزت وانا ادور كحل برجوا الملون ابييه

 

[.:lady bug :.]

اليوم بقولكم عن اماكن قمصان النوم الحلوة
عندكم الحمرا مول والعربيد بلازا تحت روعه
عندكم الجميع الي بالدبوس ومحلات الفلبنيات الي يمه
و محل بسرداب الدبوس قمصانه راقيه واسعارها مناسبه
صج صج قمصانها واااو اسم المحل رزان
همن انور والطااهر ماعليهم حجي
واكس فورد
والشاهبندر يابوي حدة عجييب حتى بضاعه اكس فورد عندة
والبيرق تحت محلات قمصانهم عجيييبه الواحد احلا من الثاني
ورد تاغ عجيب قمصانه وسنتر بوينت وماكس
ووووووووو
ليلى لانجري
لاسنزا و وومن سيكرت ومحلات الي بكويت ماجيك
ناعومي والي قبال سنبون حدة روعه
وبث

 

[.:lady bug :.]

بخصوص البجايم
الكوت الطابق الثاني كله محلات قمصان وبجايم
عندج لاسنزا وانور والطاهر وكالفن كلاين وشكثر
و همن بجايم سنتر بوينت روعه
وبجايم اوشيو
ولاسنزا
وh m و ايس كريم للبجايم والنفانيف
وليلى لانجري
وومن سيكرت
رد تاغ
الشاهبندر بجايم قمه ونفانيف للبيت توب
والجميع بجايمه تهبل
وبث

 

[.:lady bug :.]

بنات وينكم

 

[.:lady bug :.]

وينكم
حبيت اقولكم اني خلصت وبجالي بس اني اولد
لووووووول

 

[H.A.K.W]

قوة ليدي
شلونج حبيبت قلبي؟!

عسي الله يقومج بالسلامة انشغاله يارب.

اسمحيلي بصراحه أنا طلعت من التجمع مو بس بسبب ظروفي
لا السبب الاكبر كان البنات اللي كانوا يشاركون بصراحه غثوني وماقدرت أتحمل
أنا كنت ما اقصر واكتب كل شي بالتفاصيل المكان وشنو خذيت ولستت عطورات ، وماقصرت للأمانة اثريت التجمع ، وأخرتها اييون بارده مبرده يأخذون كل شي عالجاهز ولا حتي في كلمة مشكورة ولا كلمه تجبر الخاطر، واهم بس تخشخش وأتعلم ولا تقول ولا تفيد بولا شي قاعدين أنا وانتي جنا انطر منهم فيدونا فيدونا واهم قاضيين هالكلمه "" رحوا كويت مجك "" "" كويت مجك حلو "".
كلشمحد يقدر ان ي بجريه وبأخذ نفاسي وقاعده اجهز ولأهيه مع البيبي وتعبانه ويلله بالعزره احصل فجه اشبك فيها من الايفون عشان افيدهم بس بصراحه مايستاهلون عشان جذي أنا انسحبت من التجمع كفائه اللي كتبته.
وليدي اعتقد ان انتي ملاحظه هالشغله فالبنات شغله تحر تعطين من قلب وبالاخر حتي ناكو مشكوره .!!!!!
شغله تقهر وتحر بصراحه.
ليديحبيبتي اذا بغيتي اي شي دزيلي عالخاص وانا بالشوفه تستاهلين والله اما الباجي .... لا تعليق !

 

[.:lady bug :.]

انا همن معصبه
بس شسوي ملزومه بالتجمع لاني ماسكته
والا ع قولتج ماكو احد ولا شكرا ولاشي
بس يالله خليها ع الله انا مجربه انه محد يعلمني
قلت خل افيد البنات الي مثلي
وان شاء الله البنات الي فيهم خير مايقصرون
وفي حبيباتنا الي بالتجمع الي ماقصروا وكتبوا
ماننسى هالشي
والله انه نفسج هبون صارلي جم يوم ادخل واجوف التجمع وما الاقي احد واعصب واطلع
ع قولتج شكثر المشاهدات بس ماكو شكرا وحدة
ميخالف بصير احسن منهم وبفيدهم بس شكلي
بخلي شغلي ع الخاص
يعني الي تبي شي اراسلها ع الخاص ههههاي
شرايج
مع اني كتبت كل شي بالعام ابي الاجر من الله
لاني ببجري مريت بمواقف وتوهقت
فقلت خل نستفيد من هالتجمع
وان شاء الله البنات مايقصرون

 

[فجورتي الحلوه]

هاااااي شلونكم انا للحين ماولدت بس حبيت افيدكم بجم شغله
اول شي تسووونه بالنفاس انكم ماتخربون نومكم يعني تعدلونه تقومون الصبح مبجر وتنامون مبجر والبيبي بالليل عطيه لامج او اختج او تخلين الخدامه تسهر معاه
ثاني شي عنايتج بجسمج وشعرج اهم من الفراره بالاسوقه يعني خلطات وتزيت الشعر ورياضه خفيفه
ثالث شي تخصصين يوم للتسوق من الصبح لي الليل تخلصين كل اغراضج عشان ماتكون طلعاتج للسوق وواااايد
رابع شي اعمال الصالون قبل تطلعين من النفاس من صبغ وحف وشيره...........الخ
خامس شي اليوم اللي بتطلعين فيه من النفاس تدلعين نفسج وتتهيئين جسديا اخذي قسط كافي من النوم وبعدين روحي تايم سبا او اي محل مساج واخذيلج مساج يريحج ويريح نفسيتج من فتره النفاس عقبها راح تطلعين مرتاحه نفسيا وكأنج شخص ثاني
وشكرا*

 

[.:lady bug :.]

فجورة حبيبتي مشكورة حياتي
والشغلات هذي اكيد بنسويها
احنا نبي صالونات سنعه محلات
اماكن حلوة للتجهيز وجذي
والا النفاس عارفينه
وحياج ونورتي