عرايس ما بعد الولاده ، تعالي وشدي الهمه معانا

[.:lady bug :.]

الله يعينج ليتك تحس بعد عمري

ماقصرتي ام تروفه ع الرد الوافي
انتي خبيرتنا بهالسوالف

 

[قطعة حلا2]

تسلمين أم تروفه

ماقصرتي. فديتج

 

[.:lady bug :.]

اب اب
رحت خياط عند بيتنا
وشريت خوش خامه من مره
وفصلت عنده دراعه نعومه اتينن للاستقبال
ان شاء الله يضبطها

 

[.:lady bug :.]

وينكم

 

[.:lady bug :.]

شصار ع تجهيزاتكم

 

[قطعة حلا2]

ليدي بسالج عن الخياط

خياطي كان عقد واليوم كأش

يعني انفتقت واخترب خياطي ؤلا عشانها بطيح

حيل ضاق خلقي

 

[Bio_reem]

بنات عندي سؤال
الحين الحلبة تمتن؟!!
وكبسولات للحلبة نفس الحلبة العادية والا فيها اضافات؟ صج مافيها ريحة؟؟

 

[زينه***]

الله يسسسستر انا اول حمل لي وحدي خااايفه ����،،

بنات شنو حل الغازات والامساك ��

 

[.:lady bug :.]

قطعه حلا
كش جسمي ماحب الخياط هههههههههههههه
مادري حبي
روحي دكتورج جيكي
الله يستر عليج

ريم
اي الحلبه اتمتن اما الحبوب ماعرف عنها شي


زينه مبروووك والله يثبته
ديري بالج الامساك موزين لاتتعصرين بالحمام وبيعطيج الدكتور دوا
اما الغازات مادري حبي

 

[.:lady bug :.]

بنات وينكم خل انتكلم عن العنايه اشوي

 

[Bio_reem]

ليدي

ياربي ليش الاشياء اللي تمتن فعالة وبسرعة والاشياء اللي تضعف بالحسرة تلقينها وبالغصب هالنص كيلو ينزل
انا مابعدي ولدت فتكلموا انتو خل نقلدكم متى ماولدنا.. بس عموما انا ناوية ان شاء الله هالمرة اكثر شي اهتم بالاكل
بقطع الدهون نهائيا ، اللهم الا زيت زيتون مع سلطه وزيت السمسم مادري بشنو اقدر احطه عشان الحليب بدل الرهش
لاني ان ذقت رهشه ما ابطل، وهدفي مو نزول وزن الحمد لله ماني متينه وان شاء الله اتم على هالحال، بس لاحظت قبل الحمل
سويت نظام غذائي صحي مافيه دهون بالطبخ ولاحظت فررررق سررررييع بشكل الجسم من ناحية الصفاء والشد حتى كنت كل شوي اطالع بالمنظره
هذا جسمي! هذي بطني.... حسيت صج احنا ندخل بهالخرابيط يوميا على مدى سنوات اكيد بناثر ، حتى فيني بداية سيلولايت بفخوذي والله العظيم
ماكنت افكر انه بيروح... انه وصلت مرحله اقرص اقرص ابي اشوفه وينه
وبعد قررت كل الكربوهيدرات اللي باكلها من القمح الكامل ماكو ابيض، وبخلي الملح والشكر اقل كمية ممكنة

وبكمل التزام مع كريمات التشققات يقولون لازم تستمرين لي بعد الولادة عالاقل شهر لانه يصير فيها نزول سريع للوزن ممكن هم يطلع تشققات
وبحط زيت اللوز ... بس ماعرفنا والله زيت اللوز الحلو والا المر للجسم! انا كنت استخدم مال لوكسيتيان فترة


وبسوي فحص قريت عنه لعضلات البطن اذا مافيها فجوة تقدرين تسوين تمارين خفيفة للبطن وانتي منسدحه بعد الولادة مو لازم تنطرين تخلصين الاربعين، وطبعا كيجل ... وعندي جهاز مشي بسال دكتورتي اذا عادي بمشي من ثاني او ثالث اسبوع ربع ساعه صبح وربع ساعه مساء، وازيدهم شوي شوي

وهالمرة بهتم براحتي النفسية، المرة اللي طافت مابين ريلي بغربه مارد الا بعد ولادتي ب٤ اشهر ومابين اخر سنه تخرج جامعة ومابين القيصرية ومابين ان محد يقعد عند ولدي بحكم ان امي موظفة وماعندي خدامه ولا اثق فيهم اصلا، كنت بحالة تعيسه ما استمتعت وكنت كله محتاسه لا عرفت ارضع لاعرفت انام ماكنت اكل.. هالمرة اصلا حتى بديكير ومنيكير بسوي كل جمعة

ان شاء الله بس الله يسهل الولادة بالاول

 

[ريـ’ـآنـهـ‘]

شلونكم بنات شخباركم


احب اطل عليكم بين فتره وفتره واتعلم واستفيد منكم



وباخذ رايكم هالمره بشغلات ابي اسويها ان شاءالله بفتره الاربعين


اول شي
ناويه اطلب من ام خالد برنامج النفاس
واطلب من مرا قبوط

^^^
هذا يكفي للعنايه الداخليه؟؟ للنفاس
ترى انا مااعرف وبجر وعندي خوات كبار وامي بس مو نظامهم يعلموني كل شي اعرفه من نفسي

----

وناويه اطلب ان شاءالله الزيبرا من قراس السنفره والكريم والصابون

وكنت مجربه منها سنفره وصابون وكريم مرطب للوجه ناويه ارد اطلبه ان شاءالله


وشكثر سمعت مدح على هالكريم موجود ببوتس وسعره تقريبا ب١٨

ومن هالماركه بعد ابي اشوف شغلات للفخوذ والاوراك لانه عندي سيلولايت وخطوط بيضا
وابي شي يشد الفخوذ والاوراك

وابي اشترك بحمام مغربي عند صالون لميس حييييل احبه وشغلهم يهبل

هذا لجسمي

بس انا عندي هالات سودا تحت عيني وحييييل تبين فرق عن باجي بشرتي جربت خلطات الي بالنت وجم كريم وحاليا استخدم كريم من لوريال بس هم مااشوف اي نتيجه
الي مجربه شي ينفع تعلمني
---

وابي شغلات بعد للبشره
ابي للخدود
وابي شي يعطي نظاره
ابي بشرتي فيها صحه وحيويه

لانه انا لوطالعه بدون مكياج الكل يسأل شفيج تعبانه او مريضه

----

وعالكورسيه ناويه اطلب هذا عالمعاش سامعه عليه مدح شرايكم فيه

----

وناويه اسوي تنظيف حق اسناني وابي تبييض
كنت مجربه تبييض منزلي قبل العرس قعد بالكثير شهر وردو اسناني ابي شي مفعوله يطول

--

وبنات انا مع الحماله الله يكرمكم فيني امساك مزمن

ماادري احس ماادري وسواس انه ريحة حلجي موحلوه
مع انه افرش اسناني ٣مرات واستخدم الغسول والحلاو والعلج مايطيح من حلجي
بس كله احس جذي

فناويه استخدم حبوب لهشغله
انا سامعه عن حبوب الفحم وحبوب زيت الزيتون بسوي سيرج وبشوف
---

وابي شي للمنطقه الحساسه وبين الفخوذ خصوصا
---

شرايكم بالجدول تحسون ناقصني شغلات ولا لا
بصراحه ابي اطلع من نفاس بستايل حلو وجديد ونفسيه حلوه وابي يصير شكلي للاحسن

وان شاءالله بكتب الشغلات الي ناويه اشتريها بتجهيزي للنفاس وباخذ رايكم فيها

 

[Bio_reem]

ريانه

انا اكل نفاس واعشاب ماعرف ولا اعترف

بالنسبة للسيلولايت ترى كريم بروحه ماراح ينفعج بشي
اذا ما تاكلين خضار وفاكهه طازجه وتكثرين ماي ورياضه وتقلليت او تقطعين الدهون والمقالي

الخطوط البيضا مابي احبطج بس ماتروح ممكن الكريمات تخفف شكلها وتساعدج مايطلعولج غيرهم مع نزول وزنج وانا انصحج من الحين تستخدمين كريم للخطوط

بالنسبة لويهج من كريمات وماسكات ليش تنطرين الاربعين؟ خلي نظامج ثابت حامل مو حامل نفاس مو نفاس عشان لايبهت ويهج مثل ماتقولين
ولا يقصون عليج الماركات انا ضايفه دكتور جلديه صدمني قال كريم لابريري الكافيار خربوطه ولايبيض وماكو شي علمي يربط الكافيار بالتبييض، والكريمات اللي بالذهب قال ماكو علاقه بين الذهب والجلديه غير انه يسبب حساسيه عند البعض، ومن اهم الاشياء اللي تحرصين عليها هي الحمايه من الشمس، بالنسبه للهالات السودا فيه كريم كلينك all about eye قاعده احاول اقرا عنه للحين الكل يمدح فافكر اشتريه، هالشغلات نصيحه اخذيها من الحين التزمي فيها اغلب الكريمات يبيلها اقل شي ٣ اشهر عشان تشوفين اثر .

حتى تنظيف الاسنان ينصحون الحامل تسويه على فكره لانه مشاكل الاسنان ممكن تسبب ولاده مبكره، واذا عندج نزيف لو خفيف باللثه هذي اهم اعراض حاجتج للتنظيف حالا ولاتاخذين ابسط شي من غير راي دكتورتج

والله يسهل عليج

 

[ريـ’ـآنـهـ‘]

اهلييين بيو ريم


بالعكس احس اكل النفاس حيييل مهم ومفيد وكله اعشاب وشغلات طبيعيه ومنها تدر الحليب


وبالنسبه للسيلولايت والاكل الصحي
انا احب اشرب الماي بس من حملت مااقدر اشرب وايد وصرت اشرب على فترات لانه كثرته يقعد على جبدي ويغثني فموقادره اشرب ماي
والدهون قليل اذا انا الي طبخت شغلات فيها دهون اغلب اكلي بالفرن او سلطات
الا اذا كان مطاعم


وبالنسبه لويهي انا ماقطعت وللحين استخدم بس بفتره وحامي كنت كله منسدحه وتعبانه انا الحين الحمدلله اوكي ونشيطه
وعندي الصابون الاسود من قراس استخدمه وسنفره من نكتار باملاح طبيعيه
وصابونه بي وايت باحماض الفواكه وتقشير ٣ مرات بالاسبوع ماركةs.t
وصابون ومرطب نهاري نسيت اسم الماركه بس اغلب شغلها بالعرقسوس
ومرطب حوالين العين لوريال
وماسكات طبيعيه الي اسويها بالبيت
وماي ورد بدم الغزال

ولجسمي استخدم بيوتي ماما وكريم للصدر لانه قبل فتره كان جافه الحلمه عندي وصفته لي الدكتوره

وجسمي مرات استخدم من فازلين الي لونه وردي او بيبي اويل واذا لي مزاج عندي لوشن انا مسويته بزبدة الشيا


---
بس ابي شي خاص حق النفاس وشغلات يديده ماجربتها قبل وابيه مثل كورس مكثف واستمر عليه بعدين ان شاءالله
والتنظيف قبل شهرين مسويه اسناني وعلى ولادتي يكون تقريبا صارلي ٦ شهور ؛)

 

[Bio_reem]

ريانه خلاص ممتاز ماشاء الله عليج
المنتجات اللي عاجبتج استمري عليها واللي تحسين تاثيرها ضعيف غيريها
جربي قسم العنايه بالجسم والشعر بس لاتغامرين وايد

انا عكسج بحملي الاول والحين من اصير باخر الاشهر كله عطشانه ما ارتوي
وبالنسبة للحلبة و زيت السميم والاشياء اللي تدر حليب ماعندي مشكله بس فيه شغلات غريبه قاعده اسمعها

 

[.:lady bug :.]

ماشاء الله تبارك الرحمن
اي استمر بالعنايه
والعنايه تبي وقت ع ماتطلع النتيجه
كريم البطن انا للحين استخدمه وبستمر عليه يبيله 3 شهور
سيروم فيتامين سي حسيته عطاني نضاره وللحين عليه وبحطه ع رقبتي جود يبيضها
المشكله
طلعت من النفاس بطني كبير
مع اني كملت 20 اختفى بطني
ولمن وصلت 30 رد مادري ليش
توقعت دوره بس مانزلت
ف قررت اسوي رياضه
ومستمره ع الشفط لي داخل لانه يوخر البطن

اسوي تمارين لبطني ومؤخرتي بلشت اليوم
ادهن صدري بنيفيا ومره عساس يشده

احط ع خدودي سيروم فيولا
صراحه مو ذاك التفخ بس ويهي تدويرته وايد حلوة منه
انصحكم فيه
بس يبيله استمرار انا للحين عليه


احط كريم كرتزون للركب والاكواع


رديت لحزام النصر
انا قطيته لمن صارلي 23
لان ياني مثل عوار الدوره ببطني والمبياض عورني مكانها
ف فصخته عساس ارتاح
والحين برد له

اغسل ويهي مرات بغسول من الصيدليه ومرات بصابونه فير اند وايت بفيتامين سي.

المنطقه ادهنها بسودو كريم
بس قاع ادور خلطه تفتيح مجربه وسهله

 

[ريـ’ـآنـهـ‘]

ماشاءالله ليدي خوش شي


بس بسألج سيرم فيتامين سي و فيولا من وين واذا عندج صورهم ممكن توريني مع الاسعار

انا الصراحه جربت بودره الكولاجين و عسل خاص بالخدود و بودره مع الحليب و حليب الصويا
كلهم من تاجرات مافاد كلش

الي حسيته يفيد بس يصلح للمناسبات لانه يوم بيومه
خميره بيره وزيت الحلبه بس
وصج تبين بس مفعول بو يوم مع اني كنت استمر عليه


وعندي مواضيع مسيفتهم بالايباد جم كريم مخلوط مع بودره الزنجبيل والمره ذكرتيني فيهم ليدي بسويهم بالنفاس ان شاءالله


وامس ادور بالانستقرام عن خلطة و سنفره للشفايف ابي ابلش فيها من الحين
يمكن انا اسويها بالبيت

 

[ريـ’ـآنـهـ‘]

ماشاءالله ليدي خوش شي


بس بسألج سيرم فيتامين سي و فيولا من وين واذا عندج صورهم ممكن توريني مع الاسعار

انا الصراحه جربت بودره الكولاجين و عسل خاص بالخدود و بودره مع الحليب و حليب الصويا
كلهم من تاجرات مافاد كلش

الي حسيته يفيد بس يصلح للمناسبات لانه يوم بيومه
خميره بيره وزيت الحلبه بس
وصج تبين بس مفعول بو يوم مع اني كنت استمر عليه


وعندي مواضيع مسيفتهم بالايباد جم كريم مخلوط مع بودره الزنجبيل والمره ذكرتيني فيهم ليدي بسويهم بالنفاس ان شاءالله


وامس ادور بالانستقرام عن خلطة و سنفره للشفايف ابي ابلش فيها من الحين
يمكن انا اسويها بالبيت

 

[.:lady bug :.]

عندي خلطه للشفايف والرموش من مرة ياتني هديه
بس فيني كسل نصه يكفي


هذول صورهم حبي اسعارهم الواحد ب 15

وتو قربت بالنت عن كريم من فيولا للمنطقه الحساسه وايد يمدحونه
شكلي بروح اخذه

 

[.:lady bug :.]

فيتامين سي ينحط بالليل موزين تتعرضين فيه للشمس
وحسيته اشوي اينشف ف لاقعدتي الصبح حطي مرطب