عرايس ما بعد الولاده ، تعالي وشدي الهمه معانا

[~LiBrA~]

رد: تجهيزج لطلعة الاربعين ^_^

ام راشد

اسمه biomedic

امس خذيته من صيدلية الغانم بالحمرا مول سعره 17:300

واكيد موجود بالصيدليات الكبيره

 

[~LiBrA~]

رد: تجهيزج لطلعة الاربعين ^_^

عليكم بالعافيه الي بيسافرون

بس سؤال صج شلون تسافرون والبيبي ما كمل عمره شهرين حتى لو عندج احد تخلينه عنده؟؟

الصراحه قلبي ما يطاوعني وكافي حجي الناس الي بياكلوني بكلامهم


بريق
اذا ماتقدرين خليها طلعه من الصبح لي الليل ورجعي بس نصيحه لا تاخذين البيبي معاج لان راح تعفسج

 

[نـعـومـه]

رد: تجهيزج لطلعة الاربعين ^_^

ليبرا

انا رايي معاج احس صعبه البيبي شهرين ثلاث اسافر حتى لو عندي خوات وايد وخصوصا اذا يرضع

واذا اخذه معاي هم صعبه البيبي اخذه معاي بالسفر قبل لايكمل سنه

 

[نـعـومـه]

رد: تجهيزج لطلعة الاربعين ^_^

بناااات


انا رايي عقب النفاس تجهيز عروس بس مصغر

يبيلنا جم بجامه يديده وخصوصا الستن

وجنطه وحده ماركه عالاقل وثانيه عاديه

وصنادل او جواتي يديده

مكياج يديد اذا من زمان موشاريه

 

[حوررريه]

رد: تجهيزج لطلعة الاربعين ^_^

عن نفسي اشتريت من مارك سبنسر كريمات ريحتهم روعه وشريت ترنغات ماركه مع شرابات للبيت والبرد بس هذا للي قدرت عليه لاني بعد الاربعين بروح اتشرى براحتي ع الاقل اعرف قياسي شلون ما اتوهق وبفصل لي عبايه جديده وانعله عزكم الله كل شي على قولتكم تجهيز عروس مصغر حتى طقم الفوط ابي ارد عروس...

 

[!الجادل الصعب!]

رد: تجهيزج لطلعة الاربعين ^_^

بنات
امس اسولف مع ريلي
جان يقولي شلووون نخلي البيبي و نروح فندق..!!!!!
ماعطاه قلبه كللللللللللللش
قلتله عادي كلها جم ساعه قال لااااا شلون و مادري شنو..!!!

عاد هو وايد متعلق بالبيبي .. هذا اول بيبي لنا و هو حده عاشق بنته اللي ليلحين ماطلعت
فشكله مستحيـــــــــــــل نخليها و نروح فندق

انا مو معطيني قلبي بعد بس كلها جم ساعه

عاد مادري فكرت اعفس الخطة
و اخليها طلعة من الظهر و وناسة و غدا برة و عقب الفندق و بالليل نييب البيبي معانا..! مادري اييبها و لا اكنسل سالفة الفندق بكبرها
مع ان حيل بخاطري

لا نصيحه لا تاخذين البيبي للفندق كلش مو وقته
وعادي ليش مازمين الامور كلها ليلة .. انتي باخر10 ايام تغلي عليه ولاتقابلينه
وصدقيني بيقولج امشي بس خل البيبي عند امج ههههههه
لا جد لا تطوفونها كلها ليله والبيبي كله صراخ وبجي :eh_s(7):

 

[Dreams Of a girL]

موضوووع رووعه بصراحه وصلت للصفحه 5 وبكمل طبعآ

مع اني لامخطوبه ولا متزوجه

بس فضول واحب اعرف كل شي :$

 

[Lulu_Perla]

رد: تجهيزج لطلعة الاربعين ^_^

الجادل
انا مقتنعه بكلامج بس هو شيقنعه ><
شكلي بحطه جدام الامر الواقع و بحجز من وراه هههههههههههه

 

[miss_Ba6oOo6a]

رد: تجهيزج لطلعة الاربعين ^_^

هالليله ولا السفرة الي بعد الاربعين احسن لكم
عشان لاتقولون باجر يالييت
كلها يومين ومو عند احد غريب الحين البيبي ٤٠ يوم عند اليدة مافرقت ليلتين زياده
الكل يسوي جذي رفرش للحياة الزوجيه لان رااح تلهوون عدل مع البيبي لا اهتمام ولا شي
وخاصه الي عندهم اكثر من بيبي باجر الريال يمل ويقول جان زين هاليومين ناتدرين شتسوي لازم كل مناسبه جذي *

 

[! Miss.Q8 !]

رد: تجهيزج لطلعة الاربعين ^_^

انا مفكرة نسافر جم يوم ما حددت وين لي اللحين بس لان بخاطري من مدة اسافر وقلت أجلها لي بعد الاربعين
تكون مناسبه حلوة وبنتي بخليها عند امي ان شاء الله

بالنسبه لي انا مفكره اقص شعري ومشتهيه اصبغه بس خايفه يخترب شعري
وراح اشتري لي قمصان وملابس يديدة

 

[سكرة هانم]

رد: تجهيزج لطلعة الاربعين ^_^

انزين شلون نحدد وقت السفره وانا مادري مته اطهر عدل ومته تنزل اخت النفاس او الدوره ..بجريه وضايعه

مسكين كان بيحجز عمره اول ما اطلع لان صج صج بخاطري قتله لا مادري مته اطهر حسيت كسرت فيه
واذا بحجز فندق هم مشكله اخاف نحجز وتكون علي الدوره


بالنسبه للجهاز عقب تجربتي بعرسي ماراح اكثر ولا اشتري خرابيط بقط على نفسي

عندي جم سؤال..

ابي بجايم ستان الناعم الكشخه مو بوطقه تكون نظام علاق وشورت فرنسي وسيع وين القاهم ؟؟

وشنو الهبات بصبغ الشعر ؟؟

واللي جربت سبا تايم شنو احلى تريتمنت عندهم ؟؟

 

[(أم نونو)]

رد: تجهيزج لطلعة الاربعين ^_^

شلونكم بنات بغت اسال متى اقدر اسوي ليزر جسمي كله بعد ما اولد
امفكره اسوي ليزر جسمي واسوي جلسات توحيد لون وطبعا صبغ شعر وبسوي كيراتين واقصه واشتريلي جم شغله جديده ملابس وبيجامات وغمصان نوم

ومادري بعد اذا في شي اقدر اسويه بعد ابي اطلع من الاربعين نيولوك

 

[سكرة هانم]

رد: تجهيزج لطلعة الاربعين ^_^

ام نونو
الليزر اتوقع عادي ما عدا البكيني سمعت بعد ٣اشهر عشان الخياط

انا والده قيصري وحطيتلي موعدعقب ال٣٠


شنو جلسات توحيد اللون ووين ؟؟؟ *

 

[donutoo]

رد: تجهيزج لطلعة الاربعين ^_^

سكرة هانم
البيجامات الستان عندج الجميع عنده شغلات حلوة وكشخة اسباني وامريكي

ام راشد
الكريم اسمه
atache corporal care ( body lifter
صار لي اكثر من اسبوع تقريبا استخدمه بس الصراحة ما لاحظت شي يمكن لازم اكمل شهر ؟! عندي خط الحمل ببطني للحين غامج

 

[سكرة هانم]

رد: تجهيزج لطلعة الاربعين ^_^

دوناتو

الخط اللي بالبطن تدهنت بزيت اللوزوزيت زيتون ونمت فيهم ساعين ولما سبحت حسيت طبقه انشالت من بطني السواد وااااايد خف للحين مرتين سويتها
جربي وانشالله يخف
وقالو التشقير يوخر السواد

 

[زوجة مقهورة]

ههههههههههه دريمز

اي ترا تلاقين خلطات وشغل ينفع حقج عجييييب الموضوع و ياليت التجمع يرجع بالسوالف و الافكار

 

[ميس:)]

بنات متي تبدي الوحدة تربط بطنها خلال النفاس؟

 

[ميس:)]

رد: تجهيزج لطلعة الاربعين ^_^

بجرب ان شالله زيت الزيتون يمدحونه حق خطوط الحمل

 

[donutoo]

رد: تجهيزج لطلعة الاربعين ^_^

اي والله سكرة ذكرتيني بالتشقير انشالله بجرب

 

[(أم نونو)]

رد: تجهيزج لطلعة الاربعين ^_^

انا سامعه عنها عند دكتوره قنال الصايق تسويها لتفتيح الركب والكواع والجسم كله