عرايس ما بعد الولاده ، تعالي وشدي الهمه معانا

[latkt7as]

انا ماحب الحليب كلش ودي اشتريه بس شلون طعمه

امبيييه وجهي لازززق من التعب والحمل

 

[سماء الاحساء]

مساء الخيرات هلا فيكم الله يتمم عليكم بالخير وتقومون بالسلامه يارب وان شالله تتسهل أموركم وتقضون اللي تبونه

 

[pяiήcєşš]

خل اكتبلكم كريمات العنايه بالشعر والبشره الي باخذهم


باخذ كريم فير اند وايد اللوشن والكريم والصابونه كلههم يطلعون تقريبا اب : ٣٩ دينار


باخذ سورس للشعر مع الشامبو ماله
التونك ب ١٣ ونص والشامبو ب ١١ تقريبا يعني : ٢٤ دينار


باخذ بورده الكولاجين السوبر اب ٢٥ دينار

وقبل لا اطلع من الاربعين باسبوع اطق ابره نضاره ب ٥٠


وابي زيت الخروع للحواجب والرموش

وسنفره كاب

وصابونيه مزيونه وشقرا


هذي عنايه النفاس ال ٤٠ يوم عشان اطلع بيرفكت مالي خلق شي نتيجته شهر وشهرين

وان شااء الله بعد النفااس اجرب خلطات طبيعيه وع الرااحه مابي اسوي زحممه كريمات وتلطييخ اعرف نفسي امل وازهق بسرعه



عاد شوفوا الميزانيه جم ������

 

[pяiήcєşš]

ع طاري الكولاجين في حبوب كنت باديه فيهم قبل لا احمل وبس فحصت قطعتهم


فيهم كولاجين وزهره الربيع يمدحووونهم حيييل اخذهم من صيدليه جمعيه الاندلسس وكل اغراضي من هناك ارخص شوي من بوتس


اخذتهم ب 28 او 24 مو ذاكره عددل بس لازم تاخذين كورس كامل ثلاث شهور تقريبا


ف محتاره اخذهم هم والااا الكولاجين البودره !!؟

 

[.:lady bug :.]

برنسس خوش شَْٓــُِ☝ــِّْٓيٌٍَُ

الترا بوتين طعمه لذيذ ويشبع
اخذي الكاكاو محد يمدح الفراوله
تشربينه بحليب حار او بارد مايضر
او مع ماي
مع الحليب لذيذ

 

[رانس]

تدووورن اني توني بالشهر الثالث بدخل الرابع
ومن الحيييين ادور برنامج حلو اسويه حق الاربعين
عشان ابي تغييييير

 

[.:lady bug :.]

احسن دوري برنامج
تعجبني البنت الي تخطط عشان بعديين ماتتعب
عسى ربي يهون عليج

اليوم رحت سنتر بوينت وشريت تنوره سوده قصيره تينن
وبديين حق بَعَــ♡ـدْ الاربعين وقميص نوم

 

[shayto0oNa]

برنسيس وين بتطقين ابر النضاره ؟؟؟؟ خاطري فيهم بس مو عارفه دكتور سنع

 

[shayto0oNa]

اي قريت من ماجد التقي


انا حمدالله خلصت تجهيز البيبيات وخلصت تجهيز الاستقبال من كفر لي المواعين بس باجي التوزيعات

وتجهيز للنفاس خلصته بس باجي بدلة استقبالي

وتجهيز بعد النفاس تقريبا خالصه اقولكم شنو شريت :


جنطة ال في وكعب ال في
جنطة قوتشي وكعب قوتشي
جنطة جي اف وكعب جي اف

ساعه جي اف ذهبيه
ساعة قوتشي سلفر
ساعة جيفنشي سوده

6 دراريع كشخه من مشاغل ومحلات غالين اقل وحده ب 100
4 دراريع ناعمين لنزلة الظهر من البلوكات فوق

نفانيف للشقه من اتش اند ام و مانقو
شورتات جينز وستان من اتش اند ام و زارا و توب شوب
لقنزات من بول اند بير و توب شوب
بجايم طويله وشورتات وبرمودا من اويشو و فيكتوريا سيكرت وبنك
بجايم ستان من انور

قمصان نوم اللي بالكراتين من ليلى لانجري بسلمان الدبوس و من انور
قميص نوم طلوعي شيفون بيبي بينك من انور مع روبه
ستانات قصيره وطويله مع اروابهم من انور

6 اطقم داخليه من فيكتوريا سيكرت منزلين اطقم ستان بوش اب مع سليباتهم ستان رووووعه
بكينيات بحر من اتش اند ام

كفر مع ستارته من زارا هوم لطلوعي

بدلتين استقبال اذا احد عزمني لما اطلع من نفاس وحده من يوسف و والثانيه من دبي



باجيلي عبي + عطور ومجاميع وبخور

 

[shayto0oNa]

ومكياج نسيت اكتبه للحين ماخلصته


اما بالنفاس بتفضى لجسمي و ويهي :

ابر نضاره لويهي
قشرة هوليود لضروسي
اشتراك حمامات ب هيربل اند هيلث اللي بابوحليفه
خلطات بطلب يا من قراس او مزيونه
بستخدم كريم فير اند وايت للمنطقه الحساسه
بصبغ شعري اشقر واسويه كولاجين او كرستال
ببطل فتحه ثانيه باذني

وبس

 

[ريم خانم]

ماشاء الله تبارك الله تحمست وانا اقرا ههههههه

 

[latkt7as]

ووااي بنات احس ماسويت شي لاربعين

الكريمات افكر اخذ خلطات من ماي ورد الي اهي سنفره الكيكه و كريم المعجزه

وباخذ من مس انجل خلطه الانوثه حق ايديني

وطبعا بشتري شويه زيوت
وبسوي سنفره السنفرات يمدحونها

بس

ابي محلات غير اتش اند ام وسنتر بوينت وماكس

حق بجامات وهالسوالف للبيت

بس طبعا مابي غاليه لان ميزانيتي مو ذيج الميزانيه
لان عندي عرسين ورا بعض بعد الاربعين وبينهم جم يوم

وبعدها بشهر هم فيه عرس

يعني بجهز حق 3 عرووووس

يعني حدددددي مضضضغوطه

 

[.:lady bug :.]

مااااشااااء الله شيطونه
روعه تجهيزج تتهنين ياااارب
الله يهون عليج وتطلعين احلى عروس يارب

 

[shayto0oNa]

ليتك تحس بجايم اويشو حلوين فيها انوثه والحين منزلين بضاعه الالوان الهاديه الافوايت مع مشمشي وسماوي فاتح وبيبي بينك خميت منهم حلوين وخامتهم ماتخرب


ليدي حياتي مشكوره اجمعين يارب

 

[سماء الاحساء]

هلا يصباح الورد ع الورود تجهيزاتكم رووووووعه الله يتمم لكم ع خير يارب وتقومون بالسلامه يارب حبايبي اللي قالت بتسوي كولاجين او كرستال شنو فائدته وكم يظل ع الشعر من مده ؟ وهو يعني نوع من انواع الكيراتين او كيف ؟؟؟الصراحة ابي اسوي محد نصحني مدري لان ما يعرفوا أنواعه وشنو مكوناته او كيف او لأنهم يقصدون الكيراتين بصراحه احترت حيييل من سنه وانا ابي اسوي شعري وقتلني التردد مره اقول إيه ومره ابطل فاياليت تجاربكم بالخصوص واللي عملته وكم بيخلونه عالشعر ؟؟ بصراحه كلشئ الا الشعر ولو بسويه ما افكر اسويه بالسعوديه بس حابه أخذ معلومات وتجارب حيه غير اللي اقرأه وعن تجربه مش بس مجرد تحليل او توقع وخبري خبركم ماروح مشاغل كثير كلشئ اسويه بالبيت من كذا ابي أفادت كم ومشكوووووووراااات يااحلى حبوباااااات

 

[سماء الاحساء]

علما شعري مش كيري لي عادي بس احبه يتمدد اكثر ورحت صالون اسوي استشوار لمناسبة قالت لي لا مايصلح لك كيرا تين لشعرك اعمل لك تمليس الكراتين للي شعرهم كيرلي واحتار اكثر مدري تقول لي عن خبره او تسوق ليشغلهم والتمليس يقولون مب زين مع أني مااعرف شنو الفرق وللشنو كلاهما

 

[shayto0oNa]

لا سماء الاحساء الكولاجين غير عن الكراتين وانا ماسويت ولا اعرف احد سواه بس بروح على صالون لاليك واشوفهم لان شغلهم نظيف

 

[shayto0oNa]

اما الكيراتين شايلته من بالي بالمررررره

مافكرت ولا ١٪ اسويه

 

[.:lady bug :.]

صاجه الوان اوشيو تينن هاديه
بس ماخذيت لان گـِْ♡̨̐ـِْلِْ بجايمي مٍْْـٍْْ♡̷̴̬̩̃̊ـٍْْنٍْْه
خلاص بجدد

واحس مثل الستايل

 

[Mrs.H]

انا توني داشة التاسع كنت ناوية اروح اشتري خام وادخلهم بس حايشتني صخونة ادعووولي..

بنات نصيحة اللي مو عارفة وزنها شنو بيكون تشتري خام وتدخله عند خياط وتقوله البروفة بعدين علشان تفتكووون نصيحة

وبالنسبة للتجهيز.. بس شريت عباية من البحرين ههههههههه

المهم انا ناوية ان شاء الله اروح حق نورة الصليلي بالاربعين.. وبشتري من تاجرات خلطات للحين ناوية اخذ من ماي ورد سنفرة الكيكة واكيييد يبيلي شي للخطوط الحمرا

بالنسبة لملابس البيت والبجامات ناوية انوع واول بدش المحلات الرخيصة تالي بروح المحلات الغالية لاني مرة شريت بيجامة غاااالية ولقيت نفس طقتها واحلى بمحل عادي بغيت اموووت بس انا ناوية اكثر

بشتري دراريع من العربيد ان شاء الله وبشتريلي من البلوكات جم بدلة بنطلونات ونفانيف

وبالنسبة للمشاغل مادري وين اسوي بدلة طلوعتي ودي افتر قبل الولادة.

وبشتريلي جنطة ماركة يمكن برادا مادري والله وجم كعب ويمكن جنطة ذربة للسفر.. لان اصلا عندي جناط لكن خاطري بجنطة ماركة وحدة

بشتري عدسات كورية وعدسات بيلا وعدسات نونو ياحلوووهم

وبشتري مكياج يديد وفي ماركة اسمها سليك يارب احصل وحدة تبيعها لان الوان الشدو تشوووق

و ودي اشتريلي طقم مواعين حق رمضان نجهزز البيت مرة وحدة

وبدلة البيبي مالت الاربعين حمدلله يتني هدية و وااايد راقية جزاها الله خير صاحبة الهدية لاني توني بجر ومو خبرة فاهيا يابتلي شغل عدل

ودوياتي من ام خالد وناوية اسوي ترديد ان شاء الله عند ام جاسم و مادري بنات المساج الصيني عادي بالاربعين او لا؟؟

وبصبغ شعري لون فاتح وبقصه وبسوي كيراتين او كولاجين عند وحدة لبنانية اتيي البيت،، صج غالية بس شاااااطرة ماشاء الله

وبعد؟؟

والله نسيت

المهم بنات قشر القهوة متى ينشرب وشنو مكوناته الدقيقة؟

وبالنسبة للاكسسوارات الناعمة الماركة.. الحين شنو الهبة؟