عرايس ما بعد الولاده ، تعالي وشدي الهمه معانا

[صمــت_ALsHfaaH]

قوووووه عرايس


شلوونكم وشلون البيبياااات


ليدي مبرؤووك حبيبتي عقبالنا يارب ويفرحونا أزواجنا بردتنا مو ينكدؤون عليناا


هااا بنااات منوو بدت تتسووووق

أنا الحين صارلي 24 يوووووم وان شاء الله أبدا اتسوق من الاسبوع الجاي إذا الله كتب

واااائ أحس بخوووف كل مأقربت ردتي جنه إحساسي أيام زواجي

خاايفه شلوون بكون وقت الشسمه واطلع مو شيء

خايفه ستايلي الجديد مايعجبه

خايفه مايعبرني ويكسررر فيني من أول يوم


وااااائ لاتلووموني من كثر إلي أسمعه والله كل ماتخيل بيصير لي جذي اقعد

أبججججي


ياااااااررررررب كؤووون بعونا > جني داشه حررب

 

[كل الشكر]

مرمر== بعد عمري ربي يطلعج من باجي شروره

مشكووووووووووووووووووووووووووووووووره
بجرب الخلطات واوفيج بالنتايج ان شا الله
بس شنو السفيد اب؟؟؟ اول مره يمرر علي..................


ليدي== عروستنا وعروسة التجمع الف مبرووووووووووووووووك

 

[كل الشكر]

صمت == حبيبتي مو جذي لألألألألألألألأ

سوي الي يعجبج ويعجبه وخلج واثقه وان علق اخذيها بروح مرحه:: - احم احم خنقول حق روحي بالاول -

 

[Mednight Rain]

مبروووك ليدي وماقصرتي

 

[Mednight Rain]

السفيد أب > تحصلينه عند العطار مثل صخرة او طينة بيضا ، اذا خلطتيها مع ماي تذوب شويه وهذا سر جمال الايرانيات .

 

[Mednight Rain]

مرمر >> شكرا ع الخلطات

 

[Laymo0ona]

السلام عليكم شلونكم نفوساااااااااات هذي بعض الخلطات الي ان شاء الله بستخدمها وكلها مجربتها قبل شذيه ونتايجها حلوه
1- لجسم ابيض وناعم مثل الزبده بس مو للوجه:
5-4 ملعقه كبيره طحينه سائله
3 م ك صنفره جسم المشمش
3 م ك حليب نيدو باودر
عصير ليمونه واحده
تخلطونها وتحطون معاها شوي ماي عشان العجن وتحطونها علي جسمكم ربع ساعه الي نص ساعه بعد ما تنشف فركوهها بايدكم بحركه دائريه وبعدها تسبحوا وحطوا شور جل
بصراااااحه هذي انا مجربتها وروعه جسمج يصير ناعم وريحته حلوه

2- قناع للبشره الجافه:
1م ك عسل - 1م ك حليب - نص م ك شاي خميره - صفار بيضه - 3 نقط زيت لوز
3- قناع للبشره الباهته :
1م ك عصير ليمون - صفار بيضه - 2 قطره زيت لوز - يترك علي الوجه نصف ساعه ومن ثم يغسل بماء فاتر

هذا القناع وايد حلو انا جربته:
ماسك للوجه : السفيد آب مطحون + ماء ورد ينعم ويبيض

هم هذا القناع حلو وجربته بس ينشف وهو للتبيض:
ا م ك حليب بودر- 1 م ك نشا - 1م ك عصير ليمون وشوي ماي وبس ينشف علي الوجه يفرك باليد بشكل دائري وتغسلين وجهك بماء فاتر

4- ماسك للرقبه: هم هذا جربته ونتايجه مضمونه
1م ك عسل - بياض بيضه - 8 نقط زيت زيتون - 1م ك عصير ليمون تخلط وتوضع علي الرقبه نصف ساعه ثم تغسل بماء دافئ

5- خلطه لاسمرار المنطقه هذي انا للامانه ما جربتها بس بجربها لان المنطقه ضيم بعد الولاده خخخخخخ :
خلطه للتبيض : علبه جليسوليد + 2 م ك بودره اطفال + ليمون تخلط وتوضع بعلبه وتدهن قبل النوم
6 - سنفره للمنطقه :
1كوب ماء ورد - 3 م ك زيت زيتون - 1 م ك ملح او سكر - قليل من الماء - نصف كوب بودره تلك للاطفال
تخلط المقادير وتوضع قليلا علي النار ثم توضع علي المنطقه وتفرك بلطف

في وصفه للبقع السوده بالجسم ما جربتها بس بجربها ان شاء الله :
3 م ك من عسل النحل - 1 م ك حنا يخلط ويوضع علي البقع السوده نصف ساعه ثم تغسل بماء دافئ ثم الماء البارد
يكرر صباحا ومساءا يوميا الي ان تختفي الببقع السوده

بس تعبت اذا اعجبتكم الخلطات اكملكم عندي حمام السدر وحمام ايراني مثل الحمام المغربي ما جربتهم بالبنات يمدحون الخلطات هذي

ميرسي اوي ان شاءالله بجرب جم وحده

مشكوووورين كلكم كلكم
ماقصرتوا
اعذروني غبت عن التجمع
الحمدلله الحمدلله رديت لبيتي وخلصت النفاس
باركولي
لهيت بالتنظيف والترتيب
والله يسلمهم عيالي وايد مزعجين
ياحلات بيت الاهل اشتقتلهم لاني مانام من ولدي
وينهم خل ياخذونه عشان انام
هههههههه
امي تقول ماذكرتين الا بهذا
لوووول

والخلطه الصابونيه من العطار اتلاقينها

انا شريتها من العطار الي قبال مكتبه الواضح

بالفحيحيل

واعذروني لاغبت ماشاء الله البنات مو مقصرين
عساهم ع القوة
وانا كل ماشفت تنزيلات او عروض حلوة بقولكم
بنات بليز ممكن تدعون لمرضى السكر
واكون شاكره لكم
هذي امنيتي بالحياه
وحشا مو عشاني عشان اخوي من كان صغير
متعبه السكر الله يستر عليه

عالبركه ليدي وياك الشقا يامدلل :d

 

[صمــت_ALsHfaaH]

كل الشكررر حبيبتي مشكلتي بسرعه اتفشل ويبين علي

وجهي يعطيج 60 ابو ألف لون بالثانيه


لا هذا وأنا بتعلم الرقص على أصووله ودي أرقص له > إذا حجت البقر على قرونها سويتها أعرف نفسي


ووووووااائ والله إحنا نهبل شحلاتنا بس تنقصنا الثقه الزائده بنفسنا عن أزواجنا

ولا رقصات مصر بعضهم الحمد الله والشكر لاتشوفين حاصرتها ولا بطنها ومع هذا ترقص
والي يبط جبدي ترقص بذل كش عليها > مقهوره هههههههههههههه

 

[ليمون ونعناع]

صمت
احنا نرقص بالعروس والحفلات،اذا رقصنا حق ازواجنا فيها اجر كبير انج مليت عين الريال
خصوصا هز الوسط يزيد الغريزة عند الريال
تدربي على جم حركه وتمكيجي ولبسي بدله مزركشه وحطي صبغ اظافر ملون على جلتر ترى الريال حيل يلفت نظرة الوان واللماعي مثل الاطفال
راح على قولتهم تاخذين ماي عيونه ويتسبه مثل الطفل المنبهر

ادعولي بتسهيل الحمل والولادة وللجميع يارب*

 

[صمــت_ALsHfaaH]

ليمون الله يسهل عليج حملج ولادتج ولكل الحوامل يارب


أنا أدري حبيبتي بس استحي ماعندي جراءه جدامه بس بإذن الله بتجرء وإحااوول



أنا عاجبتني فكره ليله مصريه إلي إلاكل حمام محشي وهالسوالف وشيشه

وبالبدايه البس جلبيه مصريه وقت العشا وبعدها البس بدله رقص وأكون مضبطه الجوو

 

[كل الشكر]

ليمون== عسى ربي يسهل ولادتج

بس ما نبيج تنقطعين عنا بعد ولادتج ترى نبي طلتج


صمت== اي والله صاجه ما عندنا جرءه زايده مادري ليش

- تدرين في قمصان نوم من زواجي 2007 ما لبستها عليها السعر- هههههههههههههههههه

 

[ليمون ونعناع]

صمت لااااااا طلعتي مو هينه
ماشالله فكرتج حلوة وانا عبالي قطه مغمضه
سووو حق رياييلكم تاخذون اجر والله ترى الريال مخه مثل يتغيب اذا شاف المكياج واللبس المزهلق يعني لاتحاتون ولاشي حتى لو كنتي عليميه بالرقص اهم شي المكياج واللبس المزقرت
كل الشكر
انشالله ياقلبي راح اوافيكم بتحركاتي اول باول
عاد انا احب ادلع روحي بمساجات و باكجات من الكورنيش كلب انشالله ارد على عهدي قبل الحمل والزواج

 

[صمــت_ALsHfaaH]

كل الشكر الحال من بعضه أنا من 2009 كذا واحد مالبسته وخفت يسوفهم وديتهم بيت أهلي هههههههههه



ليمووؤون المشكله مو بالأفكاار المشكله بالتطبيق



حمسسؤوني عشان إذا طلعت أكون جريئه وعندي ثقه زائده

 

[ليمون ونعناع]

على قوله فوزيه دريع المنظرة ماحطوها بس عشان نشوف روحنا وبس لا المنظرة تستخدمينها عشان تتدربين على المواقف
يعني تدربي على الرقص حطي باليوتيوب رقص شرقي وبوقي جم حركه بس وادربي يدام المنظرة
طلعي يدام ريلج باحلى صورة لان الريال بطبيعته بصري يعني املي عين ريلج بالبيت
شوفي البنات بره يلبسون ويتمكيجون انا اقول هذا غلط والصح الوحدة تتزين حق ريلها بس
ترى الريال يبي المره تلبس وتتمكيج وتدلعه حتى لو ماقال ولا عبر لج عقبها او شجعج بس اهو قاعد يخزن كل هالاشياء بعقله
وكل هذا خليه مفاجاه لاتورينه ملابسج ولاتاخذين رايه في المشترى انا اتكلم عن قمصان النوووم والبيت
خليج بهالسوالف باحلى هيئه ولاتطلعين له الا وانتي واثقه من لبسج و صبغج وشعرج يعني كل شي زقرت وبجذي تصيرين كلج ثقه

 

[الغضى]

يعطيكم العافيه بنااااات
اي والله نبي هالحركات نبي نغيررررر شوي
نبي ندلع عمرنا وندلع ازوجنا وناخذ اجر،،،،،
يارب يتمم علينا ونطلع من الاربعين بصحة
وعافيه يارب.
ودي هالمرة اطلع من النفاس واسحرررررر رجلي
بالحلال طبعا.

 

[صمــت_ALsHfaaH]

فديتج ليمونتناا

ودي أجيبج عندي تعطيني دافع بهالكلام الحلووو إلي يشجع

 

[كل الشكر]

اي والله

صمت والغضى انا معاكم

صمت== جنج انا نشتري ونفكر بس ننحرج والتطبيق الله بالخير..... الله يعينا

بس ان شا الله دامنا ناويين نتغير

نخزن افكار ليمونتنا - عساها تقوم بالسلامه ونطبقها -

ترى اسم الله عليها كلامها ذهب

فكرت من الحين اسوي كبي عليه واقراه كل فتره شرايج فيني
لان الكمام احسه مخرب مخي عدل"

 

[صمــت_ALsHfaaH]

كل الشكر حبيبتي والله شحلاتنا نهبببل وتحديدا بنسوي نيولوك

>أرفع لنفسسسي هههههههائ

 

[.:lady bug :.]

حبايبي صارلي يومين اكتب رد ومايطلع
شخباركم مع التجهيز وشخبار الكروشات
وليمونه ونعناعه انتي ذهب ذهب
صح لساااانج
والله يقويكم كلامكم وااايد يونس وانتوا تونسون والله
فدييتكم
وبقوولكم شغله رقبتي فتحت واااااااااايد والكل لاحظ ويسالوني
تدرون من شنو من التشقيييير
اي نعم
التشقيير
لمن شقرت جسمي حطيت ع رقبتي منه وااايد والحمدلله
وهم في كلام كنت بقوله بس نسيت
اخليكم الحين وايد نعسانه والنزغه مصحصح
ههههههههه الله يعين

 

[الغضى]

يالله صمت
شدي حيلج انتي تطلعين قبلنا
الله يوفقج يارب
انا احس الكمام مسح كل ال ٥ سنوات
اللي قبل،،،
اللحين ببدى من جديد جني عروس هههههههههه غصب ادلع روحي