عرايس ما بعد الولاده ، تعالي وشدي الهمه معانا

[.:lady bug :.]

ناطرينج حبيبتي

 

[Aloe Vera]

بنات متى تسوون حمامات مغربية بعد الولادة؟

انا وحدة اخاف من البرد لان جسمي وايد يتحسس من البرد


و عندكم علاج حق البرد؟
يعني دايما احس اني بردانة او راح ابرد
معني البس دافي و دلاغات صوف بس جذي كله خايفة من البرد
و ساعات اقوم بنص الليل ميتة برد

فكرت اشرب زنجبيل يقولون يدفي الجسم

 

[كل الحلا فحبيبي]

بنات منو تعرف الرداده ام طالب اهي قصيره بس شاطره ومره فاهمه ضيعت رقمها منو تعرفها

 

[.:lady bug :.]

ماعرفها هالرداده

الو فيرا طبيعي البرد تدقي بلحافج
اكيد تعرقين وايد وهذا الي يخليج تبردين
انا كنت جذي

تر هالعرق سوائل المحتبسه بجسمج


ذكرتيني بنفسي بدايه النفاس



شربي زنجبيل قبل النوم يدفيج
وقصري ع التكييف

 

[86روعـه]

مررحبا
انا بالثامن حاليا وابي اشتري اعشاب النفاس
عمري ماستخدمت شي ولاعندي خلفيه ابدا
وقبل بالدوره ماكنت استخدم هالاشياء
المهم من وين اخذ الاعشاب غير الهاجريه ام خالد
وشنو فايدتها واسمها يعني سامعه
بشي اسمه لهوم ومردود بس شنو اهمه وطريقتهم ماعرف

 

[Aloe Vera]

ليدي بق


مشكوووورة
و ان شاء الله بشرب زنجبيل قبل النوم

 

[.:lady bug :.]

العفو حبي

روعه حبيبتي
انا كنت مثلج


http://www.q8yat.com/t703191.html

اقري هللموضوع سويته ووايد مفيد

ولازم الوحده عقب الولاده تهتم خلاص بكل دوره لازم اهتمام

ادويتي انا من ام خالد وايد مرتاحه معاها
ولادتي هذي والي قبل منها
وادويتها تكفي لي 6 دورات تقريبا

 

[Joury86]

رحت للمعرض خذيت منه بديين واحد ب٢٥ والثاني ب١٥ اشكالهم ذربه بس يبيلهم تنورة ميد ضيجه باخذها من السوق،،،،،

اليوم بالليل بتجيني الردادة ام اسد،،المفروض جايتني قبل اسبوع ولكن قدر الله ان ولدي الكبير يمرض فدخلته مستشفى ونمت معاه يومين وتالي طلعنا،،طبعا الردادة تفهمت الموقف واجلت لي الموعد،،،،بولدي الكبير خذت مني ٥٥ قبل سنه ونص وببنتي الحين طالبه ٦٥ �� شدعوووة كل مالهم يزيدون ليششششش،،،
طبعا انا مجربه ترديدها حيل حلو وترررررررريح العظام وتعطي نصايح من قلبها.....

 

[.:lady bug :.]

سلامته يارب


اي هذول الردادات قامو يزي0ون اسعارهم


وعليج بالعافيه

 

[Mawiya]

بنات بسألكم
انا والدة قيصرية

والحين خلصت الاربعين وما نظفت

رحت الطبيب قال هذا التهاب بالرحم

وعطاني مضادات وقال نطري تييلج دورة طبيعية وبعدين راجعي

انا كنت حامل بتوأم بس قدر الله واحد منهم توفى فبطني ويمكن هالالتهاب منه

الحمدلله على كل حال
أحد فيكم يعرف علاج حق ا لاتهاب غير المضادات

 

[مرت الغلا]

ياسلام ياعرايس
يارب اوصل التاسع واولد وانضم لكم هني

ليدي ماقلتي لنا شلون خياط ناهده!؟
صج ياذي وضيق وايد!؟

 

[.:lady bug :.]

ههههههه لاتضحكين علي
ريلي مسافر اقولج النتيجه بعدين

وانا همن مانظفت بس مارحت للدكتور
قمت اكل مانع عساس يوقف

 

[Joury86]

Mawiya
الله يرحمه بيكون لج طير من طيور الجنه وشفيع بالاخره،،،،،

بالنسبه للنزيف مادري بس اذا طول معاج غيري الدكتور المهم يتوقف النزيف،،،واذا تاكلين حبوب منع حمل اقطعيهم لان ممكن يسببون لج نزيف اذا ماناسبوج،،،،

والله يشفيج ان شاءالله من هالالتهاب

 

[Joury86]

بنات بطلب من غراس مون لايت ولآلئ بس كلش مو قادرة احصلها لا واتساب ولا رقمها مايمسك معاي مادري ليش

مع اني ماخذه رقمها من صفحتها بالانستغرام،،،واشوف حيل مدح عليها بس الصراحة تضايقت كنت حاطه املي عليها

 

[مرت الغلا]

ههههه ليدي اوك ننطرج

جوري قراس وقفت الاسبوع الي طاف طلبات
انا زين لحقت وطلبت مجموعة الزيبرا ولا صج جان توهقت
اهي قايله بوقف فتره لاسباب صحيه الله يشافيها ويشافي الجميع ان شاء الله

 

[Joury86]

الله يشفيها ويعافيها،،،،،
عاد الصراحة حيل محتاجة لخلطاتها،،،،

الله كريم والخيرة فيما يختاره الله

 

[Joury86]

من منطلق حب لاخيك المسلم ماتحب لنفسك،،،

انا ما اعرفكم ولكني اتمنى اساعد الكل باللي اقدر عليه،،،هذا طبعي


انا الردادة اللي جتني قالتلي هالمعلومه وقالت حفظيها حق عمر جدام يمكن تحتاجينها بيوم من الايام،،،،

قالتلي عن هوى الارحام،،،
اتقول اذا فيج هوى ابلعي مرة حجمها بحجم حبة البندول واشربي بعدها ماي بدرجة حرارة الغرفه،،اتقول يطلع الهوى ويريحج،،،
واتكبين بقشور بصل ومرة اتقول ممتاز للهوى،،،،طبعا بفحم طبيعي وابتعدي عن الصناعي،،،

امانة انا ما احتجت هالشغلات لكن لما سالت واستفسرت عن هالموضوع قالولي فعلا صحيح،،،

هي كلها نتفه مرة بلعيها برابع يوم دورة الصبح وبالليل لاخر يوم وراح تلقين نتيجة باذن الله،،،نظافه وتعقيم ،،وبالنسبه للنفاس اخر عشر او عشرين يوم على مدى حاجتج،،،

اسفه عالاطاله

 

[.:lady bug :.]

مشكووووورة حبيبتي ماقصرتي

 

[Mawiya]

mawiya
الله يرحمه بيكون لج طير من طيور الجنه وشفيع بالاخره،،،،،

بالنسبه للنزيف مادري بس اذا طول معاج غيري الدكتور المهم يتوقف النزيف،،،واذا تاكلين حبوب منع حمل اقطعيهم لان ممكن يسببون لج نزيف اذا ماناسبوج،،،،

والله يشفيج ان شاءالله من هالالتهاب

مشكوره جوري
انا ما استعمل مانع
بجرب المره ان شااءالله

 

[86روعـه]

.:lady bug :.
رابط موضوعج قريته مافهمت شي وااايد صعب علي

________________

انزين

يعني شنو رداده ومتى اطلبها او احجزها وشنو تسوي
وهل ضروريه بعد اول بيبي يعني للبجريه