عرايس ما بعد الولاده ، تعالي وشدي الهمه معانا

[ألين90]

قوة بنات
في احد موجود؟

 

[ألين90]

بنات انا وانا عروس انظلمت بالتجهيز كان شي بسيط وماكنت اعرف شنو اخذ ولما توزجت كنت افشل انزل بدراعة بيت ولا اعرف البدل الحين لي سنتين متزوجة وقمت اسنع عمري احسن من قبل الحمدلله ، توني والدة قبل جم شهر بس كلش ما اهتميت ، صج كشخت بجم عطر وعدساتي يديدة وصبغتي كانت حلوة وبدلة طلعتي حلوة بس ما اهتميت بالنواحي الثانية بشرتي صفرا وضروسي تفشل ويبيلي نظارة لان ويهي باهت وضعفت عن قبل بس مو وايد والحين البيبي تم ست شهور وقلت الحين ببدي عناية من الى من كل النواحي ، البشرة قاعده اعالج عند دكتور صارلي اسبوعين وهذا الثالث وقالي اذا تميتي شهر تعالي وشنو بعد مممم ودي اسوي ضروسي بس ماكو ميزانية وناوية اسوي رجيم بس عارفة نفسي ما التزم ، ناوية اجهز تجهيز عروس خفيف لاني بطلعتي صح فصلت بس غلطت بعد غلطة ان ملابسي مومناسبين الا لمناسبات كبيرة ، الحين اعتبؤ نفسي نفاس وقاعده اجهز وبقولكم كل شي بس في احد ولا بروحي ؟​

 

[ألين90]

حاليا قاعده اجهز للشتا ، كان عندي خامة شيفون كريب طايحه بجبدي لونها زيتوني رحت ركبت عليها قطعه حرير الوانها حلوة مع قطعه مخمل للكموم وبدخلها الخياط ان شاءلله تضبط ، وعندي خامة حلوة اوف وابت فبني محروق كانت عندي ركبت عليها مخمل لون سماوي الطافي اللي مايل ع الخضار ههههههه ما ادري اي لون المهم حلو ودخلت جاكار بيج هم بسويها دراعه بس احس يبيلي كلف ، بنات ابي دراريع كشخه للمناسبات والاستقبالات وين؟ ابي نظام معارض بس لاتقولوليي الرقعي ولا العربيد ولا الروضان ابي شي راقي وخام مميز

 

[.:lady bug :.]

الين
نورتي ياقمر
حلو الاهتمام تر انا مثلج تجهيز عرسي ايفشل
تعلمت كل شي من نفسي
عساس جي قلت جهزو من تحملون وصيرو عراايس متعقده ههخهههههههه



حلو الي تسوينه
حاولي اشتري قوالب تبييض من اي عياده يقولون رخيص
او لزقات تبييض كريست بمركز سلطان

او المعجون البنفسجي الي بالصيدليات
هذا للاسنان


البشره انا عشق اهتم فيها

اكتشف صفار ويهي من حساسيه فيني تسبب لي نقص حديد
اشتري غسول ايهبل من ماركه يورياج بالصيدليات كل يوم غسلي فيه

اشتري كريمات ترطيب عقب الغسول
انصحج بسيروم فيتامين سي من ماركه فير اند وايت

ايهبل حطيه ع ويه نظيف

في سيروم للهالات السوده الكل يمدحه بشكل مو طبيعي من ماركه n07 بشتريه باذن الله باجر


انا عندي كريم من البرت دو ارنل ب 44 غالي
بس حسيته عادي زوين قمت احطه قبل النوم
شريت من n07 كريم للتفتيح وفيه حمايه ضد الشمس للصبح

اشتري ماسكارا مافالا او n07 لتكثيف الرموش او مسحيهم بفازلين العادي و مسحي حواجبج بفازلين زبده الكاكو
شفايفج اشتري مقشر من محل الفلبنيات الي فيه بودره دم الغزال
يوردهم وحطي عقب التقشير مرطب او انتي سوي بالبيت
سكر ابيض وبني وزيت زيتون وبودره دم غزال شووويه لانها حمراااااا وفازلين هذي خلطه تقشير وتوريد
عقب رطبيهم


الي صدرها ترهل
انصحها وبقوه بكريم ايفلين الوردي


شربو جاي اعشاب وشفطو بطونكم تختفي الكرش والله العظيم وع طول سمني ظهرج
ولاقعدتي من النوم وانتي بالفراش سوي تمرين شفطي بطنج لي داخل وعدي لي 5 وهدي كذا مره



ممممممممممم


شنو بعد


مكياجج احرصي ان كريمج طبيعي مو ابيض او برونز وايد
طبيعي
روحي الافنيو وفري كله هناك ميك اب جربي كذا كريم وخل ايعلمونج شنو نوع بشرتج وشنو الكريم الي يركب لها



اشتري صبغ اضافر الوان هاديه

ايييي الاظافر اشتري مقوي اظافر مافالا من الصيدليه


اكلي حبوب حديد عشان شعرج وبشرتج

برب بنتي تبجي

 

[.:lady bug :.]

اكمل لج وللمتابعين
خلي عندج بخاخ ماي ورد وعطول رشي ويهج فيه ايهبل ايهبل يورد ويصفي


ننزل للمنطقه الشسمه
اشتري غسول بالي سيكرت وايد زين وطبي ويضيق
خلي عندج بالحمام وانتو بكرامه بخاخ منقوع المره ولانشفتي بعد كل مره تدخلين الحمام بخي ع المنطقه النتيجه مشدوده ومعقمه ههههههه حلوة معقمه



في سنفره اتهبل والكل مستهين فيها
تبيض وتنعم وتشيل الوصخ
الي اهيا زيت زيتون وشكر
الشكر اكثر من زيت الزيتون
فركي فيها جسمج اتهبل
بليفه بودي شوب

قريبا تجربتي مع صابونيه مزيونه وشقرا ///خفي علينا


نتكلم عن الشعر
اعيد واقول اكلو حبوب حديد
في حبوب اتهبل اتهبل اتهبل تنبت وتكثف الشعر بروتين بالصيدليات
لازم كل بنت عندها منهم

اشتري بخاخ ترزمي للحمايه من الستريت بالجمعيه


اشتري سيروم من بوتس قبل الستريت
او كريم من ام عبدالله تعبت وانا امدح فيه ايهبل
قبل الستريت اتحطين ع شعرج نتفه منه لانه ثقيل
لاكثرتي بيدهن شعرج
وادري كلكم بتدهن شعوركم من اول استخدام هههههههننن
@puinky33 الكريم راهي بمعنى الكلمه رااااهي
قالت لي عندج بنات قلت لها لا قالت لانه وايد راهي يكفي الام وبناتها




ممممممممم بعد شنو من زمان محد تكلم بهالموضوع لازم تصحصحووون

ايوا

ماركه ساب اند غالوري
اتينننننن بنااااات ريحتها قمه للمتزوجات

اشترو صابون حق الريول قمه روعه تبيييض وتنظيف
اشترو كريم الايدين ترطيب وريحه اتهبل
بودي بتر كريم جسم ع صوره وحده لافه ع المنظره علييها فوطه
ريحته قمه

وشكثر يمدحون شامبو شعر هالماركه


ويابنات نصييييحه سوو رياضه
برزو صدوركم فيها والمؤخره
كافي الرياضه تشد الجسم
احنا بزمن يخرع
البنات صارو نمل كلهم الدبه هالكبر ماشاء الله
سووو رياضه تكبييييير

 

[.:lady bug :.]

ايدينج اهتمي فيهم
سوي سنفره الشكر والزيت زيتون
او صابونه من فير اند وايت وقشري ايدج فيها كل يوم
وتالي من بوتس كريم لتبييض اليدين

ايدج لازم اتكون حلوة
وزينها بالاكسسوارات حلات المراه باكسسوارت وسلاسل ناعمه وخواتم


الدراريع
انا وحده انسخ الموديلات من الانستغرام واقلد ههههههههه

 

[سعادة قلبي وياه]

انا حاليا نفاس وابتديت احط كريمات حق بشرتي تفتحها لانها من قبل الولاده صارت بشرتي داكنه ولو اني بيضة
الحين اشتريت كريم يفتح بشرتي ورقبتي وسويت لي خلطة تفتح اباطي وسنفره لجسمي والحين مستمره مع الخلطات
والنتيجة حلوة ومستمره ..

اما بخصوص اللبس خاطري بفساتين حلوة وقصيره للحين ماشتريت وابي قمصان نوم حلوة ومريحة
وماراح اقص شعري بس راح اصبغه زوجي مايحب الشعر القصير

انا اهم شي عندي بشرتي وجسمي يكونون مثل قبل مااحمل ناعمين وبيضة

 

[ألين90]

ليدي مآشاءلله عليج نصايحج روعا ، بالنسبة لخلطة مزيونه وشقرا تبيض بعدين تعالي شوفي السواد انا عمري ماكانت ركبتي سودة الا منها لانها تنشف حيل حيل واصابع ايدي كانت متوحده الحين فحم ، جربت صابونية ام عفاف بالمرة حلوة بس خليتها للمناسبات لان كثرة المرة مو زينة بس قبل المناسبات تصفي وحلوة وشنو اي جربت صابونية روعا بالقهوة صج روعا وجربت خلطة نفنوف عادية اللهم تنظف تقريبا نفس خلطة مزيونة وجربت كريم فرح اللي بياض فوري ماحبيته حسيته كريم اساس مخلوط بلوشن وندى بيوتي منتجاتها اقل من عادية وعجبتني مجموعة قراس لالي بس مفعولها بطيء بس هم حلوة وكريم الانوثة لمس انجل حلو ههههههه انا بس قاعده واجرب والحين شفت سارة سيكرت منزلة مجموعه بس ماجربتها انا اتابعها بس ماجربت شغلها اللي جربته تقولنا ، وبس
بالنسبة لكريم الصدر قصدج الوردي اللي من بوتس ؟ انا عندي وقاطته قط احس مايسوي شي بس اذا تنصحين فيه بجربة بس شلون طريقتج ؟

 

[دانة_ دبي]

انا حدي مكتأبة
انا والده قبل 3 شهور
عاد التفتيح و التبيض مو مشكلة مع الخلطات و الحمام المغربي اييب مفعول
بس البطن المترهل و السليووليت شو الحل




تعبت تعبت من الرياضة ما شي نتيجة وما نزلت غير كيلوو :eh_s(2)::eh_s(2)::eh_s(2)::eh_s(2)::eh_s(2)::eh_s(2):
وزني كان 58 قبل الحمل و الحين 70
عفية بنات عندكم حلللللللللل شو نظامكم بالنسبة للوزن شو تشربون شو تاكلون

 

[do0ora]

دانة دبي
ليش الاكتئاب تفاولي بالخير يا قلبي
وان الله لا يغير ما بقوم حتي يغير ما في انفسهم
غير طريقه اكلج غيري مشيتج سوي رياضه
انصحج برجيم طالب الشمري انا سويته وماشاءالله وايد ضعفت حتي الكل يقولي مسويه عمليه مورجيم

 

[دلال.]

عفيه شنو الكريم مال شد الصدرو وين القاه؟
بنات وين تصحون اسوي حمام مغربي ؟

 

[ريـ’ـآنـهـ‘]

^^

تلقينه ببوتس


وعالحمام مغربي عندج لميس حلو والشرقيه

 

[.:lady bug :.]

بنات شفيكم
الاكل وخففو وكثرو جاي اعشاب معاه قشر قهوه وهيل وزنجبيل والله بتضعفوون

شربي ع الريج كمون وليمون


السلوليت مشكلتي

في كريم عنابي من ايفلينن حطيت صورته للبطن
وللمره المليون
للكرش
ع طول شفطيه داخل
ولاقعدتي من النوم شفطيه كذا مره وانتي بالفراش
ولا قعدتي ظهرج سامته مو عاوجته والبطن شفط 24 ساعه
سويت موضوع بسالفه الشد والكل مجرب هالحركه



اليييين
اي خلطه تفتح من الي جربتي
بليز فيديني

 

[دلال.]

مشكورة ريانه حبيبتي

 

[ألين90]

ليش انمسحت ردودنا!!!

 

[.:lady bug :.]

كالعاده اكيد سكرب هالمنتدى


الين ابي خلطه توحيد

نصحوني بصابونيه مزيونه وشقره
واقتنعت فيها وااايد

وقريب باذن الله اكتب تجربتي

 

[ألين90]

ليدي كلش ما انصحج بخلطة مزيونة وشقرا تبيض ومن تهدينها سواد موطبيعي حولين الاظافر والاصابع والركبة

 

[شربـــات لـــوز]

ليدي بق ايصير اخفف اكل بالنفاس عاادي
لان كل مره اقول لامي جي تزفني وتقول تخربين بعدين لازم تاكلين عدل مدل

 

[.:lady bug :.]

صج الين رفايجي حابينها ويمدحونها وايد

شربات حبي
اهم شي اهم شي ماتيوعيييين
لا جعتي انترست معدتج هوا فهمتي
اكلي بس حاولي اول 10 ايام ثقيل
عقب اكلج الطبيعي
بس لاتجوعين
لوحسيتي جنج هه جنج يوعانه اكلي فطيره اي شي عندج

الجوع والبرد تخافين منهم


يعني ماتجوعين سدي جوعج واكلي ادويتج
وتدفي بالدلاغ والسروال

الاكل وايد مهم للنفاس
لاتستهينين فيه
في بنات يسوون ريم وهالسوالف غلط
انتي نفاس ينزل منج دم ونازل بيبي وبلاوي
الجسم يبي شي تعويض
اللاكل بيفيدج ويقويج

 

[شربـــات لـــوز]

مشكوره ليدي
انا باكل بالنفاس بس من اخلص بسوي ريجيم ورياضه