عرايس هالوقت مدري شفيهن؟؟؟ فاصخات الحيا

[q8_84]

وانتو لما خطبتوها ماتعرفونها ما عمركم شفتوها

ولا سالفتكم خبط لزق لازم تسالون وتتخبرون عنها قبل ماتاخذونها

 

[!الجادل الصعب!]

رد : عرايس هالوقت مدري شفيهن؟؟؟ فاصخات الحيا

والله الموضوع يونس

لي رجعه بس اصحصح ..!

 

[آلعناآأ]

انا من شهر 5 متزوجه ماتجرأت اقول له عطني تلفونك

القمصان القصار بالموتالبسهم لانه يحبهم

وهاذي عادي امبييييييه

الله يسترنا

والله حمواني ليما اللحين استحي اسلم عليهم بس لانهم عيال عمي هم متجراين معاي وهم اللي يسلمون

 

[أحـلام * ورديـة]

رد : رد: رد : عرايس هالوقت مدري شفيهن؟؟؟ فاصخات الحيا

كلامج صح بالنهاية هذي اللي تمسك الريال وتمشيه بكيفها .. وزوجها يدور رضاها ومايرضى عليها وممكن يقطع رحمه ويخرب علاقات بسبب زوجه جذي وسأليني ...

الزمن تغير والناس تغيرت ... فيه ناس الى الان محتفظه بالحياء .. بس في ناس باعتها
يوم كنت مملوجه وحده من اهلي ملجت بعدي بشهري ... كنت استحي اقول لزوجي عطني لأ، فلوسي خلصت خصوصا ان اهو قال انا مسؤول عنج ... وذيج ثاني اسبوع ملجه توريني قميص نوم تنوره ترتر ميني ميني يعني زين منها انها تغطي والتوب بس من جدام يعني الظهر طالع وتقول لي حطت بودره لمعه وكانت يومها لابسه تنوره ميني والله ما ابالغ البقع كلها واضحه بجسمها ... وكانت بتنزل وسط الحريم ... ووحده ثانيه على بو تنصحنا احنا اللي تونا متزوجين تقول بالدوره لا تعطينه شي ... وي وي تبيني انلعن ؟ ما تدرين ان طاعة الزوج واجبه ؟ ما علموج انج لو كنتي لابسه وعلى ظهر ناقه ( مو حافظه الروايه عدل ) وطلبج تنزلين له وتعطينه ؟ والا تنلعنين..
ام زوجي بعد العرس يوم تسأل انا مو فاهمه شي وبالاخير زوجي انقذني بدخوله للصاله .. بعدين لمحت له وكلم امه ...
وعلى سالفة اتكلم حموانها وهي توها عروس ... بصراحه احس جرأه ... 7 سنين متزوجه ولو ارد على تلفون البيت ويطلع حماي او زوج حماتي انط مثل الياهل من كثر ما اني متوهقه وويهي يقلب خرايط ... وزوجي متشقق من الوناسه ..
وقمصان النوم .. في ناس تضطر تجهز بروحها ... عن نفسي ما سويت ولا دخلت المحلات ماعدا قميص العرس .. لأنه طويل ههههههههه

وحبيبتي اللي تقول زواج التقليدي .. انتي استخدامج للكلمه غلط .. لأن فهمنا قصدج نتزوج عن حب ..
ردج الثاني فهمت المقصود .. شوفي الزواج التقليدي انج تخطبين وحده سمعتي عنها وممكن شفتيها بسفر او شي .. بس بالنهايه لازم نسأل مو بس الولد نسأل عنه حتى البنت .. وبالنهايه التوفيق من الله

خليها على الله شنو نقدر نقول

 

[أحلى الألماس]

والله انج صاااااااجه معاد فيهم حياااااااا
ياااازين البنت ليصارت مستحيه من زوجها
اول الايام ؛؛؛؛؛؛؛؛
والله راح يستانس وبيذكر حياها طول عمره

 

[بالقرآن اسمو]

وي من صجج ما شفتي شي
بنات مو معرسات وكلامهم يشيب الراس
تعرف اكثر من المتزوجه
الله يستر على الجميع

 

[Make Me Happy]

مرت اخوج جريئة صح

والمرة طبيعي تكون حياوية اول شي

وشوي شوي تتجرأ مع زوجها

من غير ما تحس

لكن صراحة تبالغون وايد بسالفة قمصان النوم وزوجي ولي عمر معاه واستحي البس واشتري جريئ

عيل الرياييل يتزوجون عليكم من شوية

املي عين زوجج

وتزيني بالحيا بعد..ما اقولج فصخي الحيا مرة وحدة

خلج مد وجزر

وسوالف الفراش لا العروس ولا الي صار لها 100 سنة متزوجه حلال عليها تسولف عنها

حراااااااام

من ناحية الشرع حرام

 

[شقرديه كيوت]

رد : عرايس هالوقت مدري شفيهن؟؟؟ فاصخات الحيا

الحياء شعبه من شعب الايمان --ماخرب بناتنا غير المسلسلات التركيه لووووووول

 

[غمزه وإبتسامه]

اااااااااااااااااب < مو معرسه
وما اتكلم تقولون بنات هليومين مايستحون
لان مو حلو التعميم

 

[مهفهفة]

ذكرتوني بوحدة

ملجة راحت معاهم الشاليه وباتت اهو وياه بغرفة وحدة وثاني يوم ساحبته البحر مفصخته الفنيلة وتحطله تان وتطب فوقه بالبحر

جدامنا !

يا انه تنحنا يومتها ههههههههههههههههههههههههه

بس رياييل هالزمن غير رياييل اول تغير ذوقهم

يحبون البارع والنزغة والياهل

ما يحبون الحياوية الثقيلة يشوفونها معقدة ويقولون عنها نفسية

الموازين مقلوبة

الله يخلف

 

[njoom1]

رد : عرايس هالوقت مدري شفيهن؟؟؟ فاصخات الحيا

امبييييه مصخره والله ....

 

[أنت الغرام]

كل بنت وتربيتها .... وشنو ازرعت فيها امها وخواتها...

 

[دريم]

رد : عرايس هالوقت مدري شفيهن؟؟؟ فاصخات الحيا

نسآل الله السسلامه
فعلا بنات ذا الزمن تغيرو
اعرف وحدة الله يستر عليها مملجه بس تتكلم فلان وفلان وتدافع عنه وتتكلم عنه اااوب توه ماعرفج بدددري ع ذا الكلام
استغفرالله
فعلا الزمن تغييير

 

[كويتية بروما]

والله بنات اول زواج لي تميت عند الريال شهرين يالله خليته يدخل علي من الحيا وهو زوجي وحلالي والبنت الحين تعرف ع واحد يومين وهو مو حلالها تطلع معاه شقه ويدخل عليها بعد
ريلي الحين استحي احط حمره لون فاقع والقصير بس امط فيه مط واغطي
من مده قريت وحده فاتحه نفسها بمشط ياربي اشلون جدي فصخو الحيا بالمره واللي تكلم عن حركاتها مع ريلها وانها تنام بالمطبخ والممر وطاوله يابنت الحلال صار كل شي عادي وتقولج هدي ثقافه
بس الله يستر علينا بستره

 

[وآحشنــي زمآنـك]

رد : عرايس هالوقت مدري شفيهن؟؟؟ فاصخات الحيا




لووووووووووول



أناا عروس جديده وجهزت لنفسي قمصآن النوم لأني أناا اللي رآح ألبسهم مو أمي ..


في قصآت تعجبني وقصآت لا وبعد الألوآن يعني هالشغله عآديه ..



صج أول الأياام لماا كنت أروح مع أمي أنحرج حيييل بس الحين عآدي ..

 

[بنت العوازم]

لوووووووووووووووووووول
لاوالله انتي عاقله بس مرت اخوج جريئه حبتين حرام مو كل البنات في الجريئات وفيه الخجولات
ذكرتيني اول ماتزوجت خذيت تلفونه بدق على امي وتلفونه سوني مااعرفله توهقت جان اردله اقوله دقلي ما اعرفله للحين يذكره يقولي ياااااو اشهدنج نصابه خخخخخخخخخخخخخخ بس صج والله ماكنت اعرفله

 

[مناير البيت]

رد : عرايس هالوقت مدري شفيهن؟؟؟ فاصخات الحيا


قلة حيا ودين ,,

لان الحيا شعبة من شعب الايمان

 

[بنت العوازم]

والله بنات اول زواج لي تميت عند الريال شهرين يالله خليته يدخل علي من الحيا وهو زوجي وحلالي والبنت الحين تعرف ع واحد يومين وهو مو حلالها تطلع معاه شقه ويدخل عليها بعد
ريلي الحين استحي احط حمره لون فاقع والقصير بس امط فيه مط واغطي
من مده قريت وحده فاتحه نفسها بمشط ياربي اشلون جدي فصخو الحيا بالمره واللي تكلم عن حركاتها مع ريلها وانها تنام بالمطبخ والممر وطاوله يابنت الحلال صار كل شي عادي وتقولج هدي ثقافه
بس الله يستر علينا بستره

لووووووووووول شدعوه شهرين مادخل عليج وين قاعدين مولهدرجه حيا عاااد البنات من اول شهر يحملون وانتي شهرين ما جاج لا حبيبتي اصلن جذي مو زين المره على كثر ما تمنع الرجال منها ماراح يتقبلها راح يمل لانه الرياجيل انواع اصلن في رجال من تقوليله مابي خلاص مايقربلج كلش الا اذا لمحتي انا معاج الحيا موجود بس احنا ماقلنا من اول ليله انسدحيله لا ياقلبي خليج بحياج واهو اللي يجيج حاولي تمنعينه بدلع بانوثه بس اخرتها يجيج مو شهرييييييييييييييين ودي اصدق بس قويه قويه والله لو اقعد عنده شهرين ومايجيني اقول فيه بلااا....
وعاااااااااااااااادي البنت عند رجلها تسوي حركات بس مو من اولها يعني مو العشره تعرف طبعه اذا يحب ولا لا احنا انتكلم عن الجريئه بسوالفها جدام الناس يعني تسوي اللي تبيه مع زوجها بس ماتسولف وانتبهي ان الموضوع عن العرايس مو عنا احنا مومعقوله اقعد مع زوجي 3 سنين واستحي وما اسوي حركات هذا اسمه خباااااااااااااااااااال والرجال راح يزهق



سوري طولت وقرقرت بس ما قدرت اطوف ردج لازم ارد لاني احسج فهمتي غلط

 

[-Bello-]

رد : عرايس هالوقت مدري شفيهن؟؟؟ فاصخات الحيا

انا اللي صادميني اهما االلي يروحون الطبيب ويجيكم على عذريتهم امبيه احس هاذي اكثر سالفه منتشره بهالوقت وايد اشوف الموضوع صاير سعل عند بعض البنات ..

 

[نور مغليها]

رد : عرايس هالوقت مدري شفيهن؟؟؟ فاصخات الحيا

والله حدهم جريئات
خصوصآ ليما تنـسدح عيب وين قاعدهـ بيت ناس مهما كان .. ما يكون بيتج عشان تتسدحين فيهـ في رجال وعيال استحي اشوي..


الجرأهـ لهـا حدوود