رد: عرسج بعيد !! وما تبين تجهزين الحين ؟ ومحتاره شتسوين بهالفترة "حياج عروستنا "
قوة
بنات بسألكم جلسات الليزر حق الجسم كم تحتاج وقت ؟ و كم جلسة لازم اسويها ؟
انا شعري بصراحه فيه سماكة اشوي و افكر اشيله ليزر بس ماعمري شلته من قبل هل لازم احفه موس بالاول والا ماله داعي ؟
وتبييض الاسنان شنو افضل شي له ؟ مابي يبردون اسناني بس انظفها و ابييضها لاني سامعة انه يأثر ع الاسنان ويخليها اضعف
فشنو الافضل برأيكم ؟؟
اولا حبيبتي مشكورة على مرورج واستفسارج وردّج الروعة
بالنسبه لليزر .. حسب جسمج حبيبتي وهرموناتج .. في ناس يحتاجون 4 جلسات
وفي ناس 7 .. حسب .. بس على كلامج ان شعرتج متينه .. راح يبين معاج الليزر
من اول جلسه ..
والشي الثاني .. تقولين يحتاج وللا ماله داعي .. حسب انتي بسرعه يطلع شعرج ؟
وانا اقول لج المناطق اللي مهمه .. البكيني .. والشنب :krkrkr:
اما .. الايد والارجل .. اذا عندج ميزانيه .. سوي .. واذا ماعندج انا اقول لا تسوينه ماله داعي
لان الشيره يطول الشعر اكثر من اسبوعين ..
وبالنسبه لتبييض الاسنان في ردودي السابقه على البنات ذكرت شنو التبييض الأحسن
وهذا اقتباس على ردّي على الأخت
حبيبتي تبييض الاسنان يتم على طريقتين
الاولى ليزر واللي انا ضدها تماما و عن تجربه .. تضعف مينا الاسنان و تتعب اللثه وانا عالجت سنه كامله بسبب الليزر
الطريقه الثانية اللي اهوه يسمونه التبييض المنزلي ويتم عن طريق قوالب نفس مقاس اسنانج بالضبط
تحطين فيهم الماده وتركبينها على اسنانج مده ساعتين ب اول الايام وبعد اسبوعين تحصلين على بياض نااااااصع نس اللمثلات
بشكل امن و ما يسبب مشاكل وضرر للاسنان
والقوالب في جاهزه بالصيدليات وانا ماةانصح فيها لان ما تكون مقاس ا سنانج ف احتمال تسبب انتفاخ باللثه اثر تلامسها للثه
ووممكن ما تكون مريحة
ف القوالب بكل عيادات الاسنان يسوونعا ب اسعار متغايره كل عياده لها سعر
واتمنى اني فهمتج عدل
ما شالله عليج صج صج صج صج الموضووووع عجبني يعطيج العافيه حسيت بحماسج وانا اقرا الموضوع وحمستيني حيل وانا الحمد لله مبلشه عناية بجسمي ويهي وزني واسناني بس ابي ليزر لويهي وخايفه يقولون يخرب البشره بليز قوليلي عن تجربتج وشلون طريقتهم وبجم اسعارهم ورقم العياده بليييييز والله يعطيج العافيه موضوع روعه وناطره الرد
الله يعافيج يا قلبي .. والحمدلله انج مبلشه بالعناية
بالنسبه لليزر الويه .. حسب بشرتج !! انا بشرتي حساسه وايد !! :eh_s(2): بس الحمدلله الحمدلله
الليزر خلاااااااااااااااااااااااااني اكره شي اسمه حف .. تخيلي صارلي شهرين ما طلعلي شنب
مستانسه .. مع ان انا ماكنت مشعره .. حتى الدكتوره كانت تقول لي ماراح اسويلج حراااااااام
انتي شعرج ناعم .. وما يحتاااااااج .. بس انا كنت مصّره اني اسويه .. والحمدلله ضبط معاي :rerrerek:
انا سويت ويهي .. بدون خشم وجبهه .. طلع علي ب 25 دينار مع فتح ملف .. عيادة الغرشوب
بالسالمية .. مركز الاتحاد الطبي .. الدور الثاني .. مقابل مروش السالمية .. العمارة اللي فيها صيدلية هيلتون
رقمهم 99959996 عيادة شغلها وااايد نظيف ومواعيدهم روووووووووووعة .. :rerrerek:
ويارب اكون فدتج يالغالية .. :ggdw:
صح كلامج يا قلبي وحياج يالغاليه على الموضوع فيه كل من عنايه وسوالف تجهيز
والله يعين من ناحية العنايه الحمدالله بلشت عنايه خفيفه لجسمي ووجهي والنتيجه تمام ولله الحمد
ومن ناحية التجهيز قاعده اجهز الشغلاات الي ماتروح موضتها والله يتم علينا فرحتنا بالخير اللهم امين يارب العالمين
http://www.q8yat.com/t929105.html
صاجه حبيبتي .. الحمدلله الله يتمم عليج حبيبتي دووووم ..
صح الموضوع تابع لهالموضوع .. بس انا حبيت اخليه بروح عشان الكل يلاحظة
ويستفيد .. لان في بنات ما يبطلون صفحه صفحة بالموضوع .. :eh_s(17): نورتيني حبيبتي
كلام ولا أحلى والرياضة مع الدايت مهمة جداً لان فعلا الجسم وترهل والبواسير ما يحبون الجسم الرخو
صح كلامج :rerrerek: نورتي حبيبتي
.
فدييييييييييييييييتج يالسنعه
ومثل نصيحتج بنااات اللي مطول عرسها او عندها وقت لاتقعد جذي وراها شغل للراس ابدوا بسوالف الليزر والعيادات وبعدين تجهيز البجايم والقمصان
والله لا قرررب عررررسج بتحتاااسين مثلي انا مادري شخلي وشخلص من ضيق الوووقت وفكررة كل شي بعديييييييييييين ولا لما يقرب العرس انسيها خلاص شفتي شي واعجبج اخذيه لاترددين
والله يعطيييييييييج العافيه يارورو على هالموووضوع
اممممووووواح لج:d
حبيبتي نووونه :eh_s(7): نورتيني يالغالية
صح كلامججججججججججج اميه بالاميه .. وانشالله يستفيدون خواتنا العرايس
والله يوفقنا كلنا ونففررررررررررررررررح ..
نورتي يالغاليه ..
واموووووووووواح لج بعد :krkrkr:
اروى يعطيج العافيه
الموضوع روعه وراح يفيد العرايس
الله يعافيج يا قلبي .. نورتي يالغالية
حيييااتي ماا تقصصصرين …
< عرووسسه قيد التنفيذ هههع
مششكوره فديتج .،،
انشالله حبيبتي تصيرين عروسه صجيه هههههههههههههههههههههه
وناطرين مشاركاتج اذا صرتي عروس صج
نورتي يالغالية
حبيبتي انتي , ربي يسسسعدك ويتمم لك ع خخخير
كنت بسسوي تبييض اسنان وهيك بس قالو لي قبل زواجك باسبوعين مدري صحح او لا؟
شنو رائك قبل الزواج بكم ابدأ ليزر وتبيضض اسنان؟
حبيبتي .. مادري حسب اسنانج ودرجة بياضهم حاليا
في اسنان ياخذون وقت بالتبيض
ف انصحج قبل العرس ب ثلاث اسابيع جذي ...
انا عن نفسي .. ببلّش من الحين .. عشان وقت عرسي احتاج مره او مرتين احط التبييض وارتاح
ههههههههههه
السلام عليكم
اللهم صل علي محمد وال محمد
ماشاءالله ...موضوعج واايد روعه ....الله يهنيج يارب :eh_s(7):
وعليكم السلام ورحمة الله وبركاته
صلى الله عليه وسلّم ..
عيونج الروعة حبيبتي ..
نورتيني .. والله يهنيج انتي بعد فديتج
