عرسج مطول !!! تعالي شاركينا افكارج ( الجزء الثالث )

[shosh1993]

الايام تركض وربي لا تحاتووون..

وترى كله خيره ومن حظج بعد ..

على شنو مستعيلين ع المسؤوليه ؟ ع الشقى ههههه
لا اتغشمر الزواج صج مسؤوليه بس متى ماكان الحب موجود ترا تصير سهالات ..


انا باجي
4شهور ترا الايام تركض وترا انا تحدد وتأجل ..

للحين مابديت بشي .

 

[shosh1993]

شسوي بنات ب هالفتره ترا انا ميته هههه..
4شهور احس شوي بس انا ماتحركت..

 

[خجل~]

بنات انا حالياً بتخلصص صابونية مزيونه


لكن بشتري صابونيه ام عبدالله ( قراس ) اللي بالزبده

لانه الحين شتاا

وصابونية مزيونه تنششف حييل

ام قراس مايحتاج لوشن لانه فيها زببد


من اجربهاا اقولكم النتاايج ^_^

 

[خجل~]

شوشو #_#

4 شهور وماسويتي شي

بالعكس ابدي تجهيز تحركي

عشان من يجي شهر العرس تريحين بالج
ونفسيتج ماتتعب !!



ابدي حمام مغربي ،، ابدي ببرامج العروس
شكثر سوي بحث وشوفي

ابدي اشتري قمصان وبجايم وتيشيرتات

موفققه يَ رب
~

 

[shosh1993]

خجل كملي العنايةةة احس لما اقرى ردودج احس تشجعيني خخخ

امبيه انا لاهيه ب دواميي متعب والله ولويه امتحانات ما افضى حق نفسي كلش.

 

[shosh1993]

ببدي ب الذهب بس سعره نار !! شسوي امانه والله شي يزهق يطير المهر ع شبكة بس ..
متى ينزل افف ..

 

[القمر الخجول]

صبايا كيفكم انا مملكه من 8 شهور
ضايق صدري عرسي مطول

 

[يرخصلك كل غالي]

صبايا كيفكم انا مملكه من 8 شهور
ضايق صدري عرسي مطول

عادي انا لي سنتين الا جم شهر ?

 

[شموخ احساسي]

هااااااااااااااااااااااي بنات

انا بنظم لكم عرسي مطول تاريخ عرسي 27\10\2013 ان شاء الله

وحاليا مبلشة جلسات ثوم حق شعري لان مع الرجيم شعري قام يتساقط حيييييييييييل و قاعدة استخدم الخلطة الصابونية

والله يوفق الجميع يارب ونفرح بالكل

 

[قآنون كيفكـ!!]

ياعسل هالاشياء اخلطها مع بعض واشربهم؟
ولا امسح فيهم المنطقة
وكم مرة باليوم
ولمدة كم
لاني بسويها مرة افرزات معاي

اي حبيبتي خلطيهم وشربيهم كل ماحاولتي تخلصينهم افيد لج
اذا خلصتيهم بيوم ردي عبي البطل ماي وبعد كل يومين جددي الخلطة
تكون فوايدها طازجة
..
بعد شوفي الفلفل الابيض يهبل مع الحليب
الحين عشاني اسوي دايت بس اشرب حليب وقت الريوق
كوب كامل مع قفشة صغيرة مالت الجاي فلفل ابيض
سوي سيرج بقوقل شوفي فوايدة عجججججيب

وابدي اهتمي بدورتج والحليب مع الدورة وبدون الدورة
وماعليج الا العافية وان شاء الله تنقطع هالافرازات وترتاحين

 

[قآنون كيفكـ!!]

بنات كم طقم ذهب حاطيين ببالكم
انا مفكرة بواحد يكون نااعم وسلسالين
ومضاعد

الذهب يطير المهر واحنا مو لابسينة

 

[قآنون كيفكـ!!]

حياكم عروساتنا اليدد

 

[شموخ احساسي]

بنات كم طقم ذهب حاطيين ببالكم
انا مفكرة بواحد يكون نااعم وسلسالين
ومضاعد

الذهب يطير المهر واحنا مو لابسينة

انا عن نفسي حاطة في بالي طقمين ان شاء الله ورافعة حق الذهب مبلغ 4000 دينار

 

[قآنون كيفكـ!!]

^^
حلو
انا قاعدة اقنع امي مايحتاج سلسالين
طقم واحد مع طقم الشبكة يكفوني
بس اشتري مضاعد
وامي كلش مو مقتنعة

 

[قآنون كيفكـ!!]

صبايا كيفكم انا مملكه من 8 شهور
ضايق صدري عرسي مطول

عادي كلنا بالهواء سواء
اهتمي من الحين بنفسج علشان قبل عرسج ترتاحين

 

[دلال. الحلوة]

؛

السلام عليكم ورحمه الله

كيف حالكم عرايس

؛

قـآآنون كيفـكـ

أحس محد محمسني الا أنتي .؟

مدري ليه

المهم اليوم رحت السوق ^__^

وأخذت لي الآغراض الي قلتي عنهم صورتهم بس للأسف مو راضي يسمح لي احط روابط يمكن عدد مشاركتي للحين قليل يقهر

المهم ببداء فيهم من بكرة

//


أمممم

وشسمة بخصوص الزيت الي قلت لكم عنه امس

بنـــــــــــأأت وقسسم صورت بس موراضي ينزل الصور حق الزيوت

بكتبهم لكم

( زيت الكمال لون العلبه اخضر + زيت كيشور دهني لون العلبه أزرق ومررة صغيره + زيت مرحبا لون العلبه بني وفيها رسمة بنت هندية << كيف الوصف + وزيت ترشوب لون العلبه تيفاني مع اصفر )

تخلطين كل الزيوت مع بعض وترجعينهم بعلبهم وتستخدمينهم أول مررة لمدة 14 يوم

إذا حابه تستخدمينهم كل يوم أو يومين وترك أو يوم ويوم كيفك بس اهم شي تكون المدة 14 يوم

وبعد هيك بتلاحظين الفرق

عن نفسي والله جربتهم من زمان ولاحظت شعري مع الاستشوار يصير احلى وكثف شوي بس انا مشكلتي وقفت مافيني طولت بال عجلللة لوووول

بالتوفيق بنات

ولو قدرت انزل الصور ابشرو

​

 

[م بقئ إلآ القليل !]

خلونا نرد ع مواضيعنا ونسولف وننسى شوي
تفضلون شقة ولا بيت حمولة ؟

ع حسب الاهل ونظامهم بس افضل اذا هم فضوليين اكون براا
وقريت موضوع للدكتوره ناعمه تقول الرجل اذا عاش عند
اهله م راح يحس انه تزوج بس الفرق ان مره زادت بالبيت
ولا راح يقدر يغير مسوؤلياته وراح يراقبونه وان تغير ب شغله بيقولون
اي قدرت له المره لكن اذا بروحه بيحس ب انه صار راعي بيت وبيصير وضعه عند اهله
غير لكن اذا معاهم راح يبقئ مثل م هو المدلل او اللي معتمدين ع ب كل شي وصدق كلامهاا صح
?

 

[شموخ احساسي]

^^
حلو
انا قاعدة اقنع امي مايحتاج سلسالين
طقم واحد مع طقم الشبكة يكفوني
بس اشتري مضاعد
وامي كلش مو مقتنعة

انا مع امج صح الذهب ما نلبسة بس سعرة فية اسمي كلام امج هي اخبر مني ومنج

 

[دلال. الحلوة]

قـآنون كيفكـ​

/​

أنا مثلك بس اميي تقول باخذ لك ذهب بالمهر كله ​

وباقي تجهيزك من ملابس وكماليات من ابوك ​

مهري كله 40 الف شنو اخذ فيه ذهب على اساس البسهم يعني >__>​

اليوم شفت لي كم قطعه ذهب فخمين طقم ب11الف ريال مو دينار لووول ​

وطقم ب 15 الففف هذا جد جد عجبني ​

وأساور بس مرررة غالين الوحدة ب 7800 ارخص شي وفي اسوارة ب10500​

خلصت الاربعين الف ​

الذهب يقطع القلب بس والله حلللو اول مررة احب الذهب لوووول​

أبي اخذ لي ساعه الماس مع خاتم وحلق حق ليله الزواج شلون أقنع اميييي ...؟؟
​

//​

عرايس الي زواجها بيكون بالشتاء او متوقعه انة يتحدد بالشتاء من الحين تنزززززززززززل تجهززز​

قبل لاتطير بضاعه الصيفي لنو لو صار زواجك بالشتاء بتجلسين بس شهر وبعدها بجي الصيف بتضطرين تجهزين من جديد صيفي استغلوووو الوضع لنو في تخفيضات بدات , وراح تبدا في شهر 12 ​

//​

أخذت لي اليوم بجامتين ستــان من لآسنزا مع بيبي دول +بجامة شتوية + وروب شتوي يسمونة الشاميين برنوص لوول اتوقع كذا اسمة ​

وبس تعبت ورجعت البيت << قايله لكم ماكو طولة بال​

 

[دلال. الحلوة]

شموخ آحساسي

أنتي من صجج 40 الف حق طقمين ...؟؟؟

وش طقمينه الله يهديج

لالا حبيبتي الاربعين الف هذا تجيب لك اكثر من طقمين

بتجيب لك طقمين وأساور وطقمين ناعم مررة حق لبسات وزيارات الاهل وخاتمين بعد

لو طقمين ذهب من النوع الكبيررر مرررة اي ممكن انا معاج 40 الف ويالله تلحق


أنا لقيت اليوم طقم مررررة كبيييرة بحدود 55 الف ريال
بس هذا ووععععع مستحيل اللللبسسسسه ولاحتى افكر ههههههههههههه

قهررر مصورة الذهب بس المنتدي مايسمح انزل صور والا كان وريتج

​