عرسج مطول !!! تعالي شاركينا افكارج ( الجزء الثالث )

[ElRaZaH]

اللي عرسها مطول وعندها مشاكل بالبشره تروح للدكتور احسن

لان مشاكل البشره يبيلها وقت ويبين النتايج واضمن من الخلطات

 

[إيمــآن الكويت]

عرآيس //​

وين اقدر الآقي لوشن الفازلين البنفسجي ؟​

 

[كلي هداوه]

انا استخدم لوشن جونسن الوردي عجيب ..

 

[Ms_f]

-




إيممان الكويت مشكورهه حبيبتي ؛**

بنات ابي اصغر صدري تعبت

 

[إيمــآن الكويت]

^^

ليش حبيبتي الناس ادور الي يكبر الصدر
وانتي تقولين تعبت ليش جم وزنج ؟

السموحه اذا في احراج بس ترى الصدر الكبير
شي من جمآل الجسم :/​

 

[ادمنتك]

فازلين البنفسجي انا اخده من الجمعيه

وبالنسبة للصدر اي والله جمال للجسم تخيلي وحدا سلاتي ماكو صدر شكلها اكس

وبسالكم شرايكم بقنال الصايغ ؟
انا ملعوزتني الحبوب وبنصحكم بشغله اذا عرسج حيل مطول يعني فوق 7شهور اكلي حبوب الروكتان تنشف الحبوب عدل مدل خصوصا اذا بظهرج ووجهج يروحون تماما بس عيبها يقولون لاتحملين اذا تاكلينها تشوه الجنين يعني اكليها 3 شهور وتمي 4 شهور بدون شي بعدها عادي احملي وشكرياا

 

[معزوفة عشق&]

كلي هداوه​

زيت الزيتون مفيد لتساقط الشعر بس لا تكثرين منه يصير العكس

ومشكــورة على الوصفـآت وعسى ربي يوفقــج ..​

ايمااان حبووبه مافهمت قصدك شلون يصير العكس ..؟؟
يعني لو مثلا بسوي خلطه الزيت زيتون والقرنفل مره ف الاسبوع ..يكفي ولا اخليه مره ف الششهرْ..؟

 

[معزوفة عشق&]

.

.​

انا هاليومين ضايق خلقي استغفر الله
لا دوام ولا هم يحزنون سهر ونوم :eh_s(4):​

صبايآ من عنايتي الداخليه كل يوم اشرب عصير فوآكه
واخلط الي موجود سواء تفآح / برتقال / موز / عنب / جزر
والطعم لذيــــذ ..​

والكل يعرف ان اهم شي تكون العناية الداخلية ممتآزه
وكل مره افكر اضيف مع هالعصير خضره بقدونس او كزبره وفص ثومه 1
وليش حطيت فص ثوم 1 علشان تقتل البكتيريا بالعصير واليوم خلطتهم
مع العصير يبوووووووووي الطعم لا يحوشك ..​

ومن يبي الدح ما يقول اح :eh_s(22):
الخضره ضفتها مع العصير لانها اهي وآآآآآآيد تصفي البشرة بشكل واضح
مع الاستمرار وتفيد الشعر وآآيد شغلات مهمه واهي مصدر مهم من مصادر
الكولاجين يعني تدعمه وتساعد على رونق ونضارة البشرة ..​

^^​

صرت دكتورة تغذيه

جربوآ العصير ترى وآآآآآيد مفيد ويغني عن الفيتامينات الي ناكلها ..​

الله يفرج همك حبيبتي ..
بسالك قصدك اخلط الفواكه الطبيعيه اللي عندي ف البيت .. ولا عصير الفواكه الجاهز ..؟

> ي كككثر اسالتها :eh_s(4):

 

[دلال. الحلوة]

^^^

هموووس

حبــيبتي ترا مانسيت سالفه المسكات بس اختي :eh_s(4): عندها اختبارات وكل شي كنت حافظته بجهازها لنو جهازي كان خربان ..

بس تخلص حوسة المذاكرة بجي اسدح لكم المسكات ..

طبعاً بفرد لهم موضوع خاصصص احسن :eh_s(7):​

 

[ά38Ł miήόήά ㋡]

بنـااات مـسوووين قـروب بـالواتـسس اللـي بيدخـل معـانـا حيـااااهـ !!

 

[Ms_f]

-




شرايكم نسوي قروب لاين او بارنقو ؟؟

 

[إيمــآن الكويت]

همس المشاعر&​

زيت الزيتون للشعر مفيد فقط للتساقط يعني لو تبين تخلطينه
مع زيت ثاني مثال اقولج كوب صغير زيت الزيتون وكوبين بارشوت
لانه زيت الزيتون يستخدمونه علشان دهان يخفف الشعر بالجسم
هذا من كلآم الدكتور ، بس اهو وآآآيد مفيد للتساقط ..​

نصيحة خلطي الجرجير + صبار + الخروع + باراشوت
+ قطعه صغيره من فلفل اخضر حآر وكل 3 ايام دهني شعرج
ولبسي جيس مدة ساعتين وتالي فصخي هالجيس بس هآآآآ
مو تغسلين شعرج على طول لانه مسامات الشعر من الجيس
تكون مفتوحه واذا غسلتي كل شعرج بطيح فـ نطري على الاقل
10 دقايق وغسلي شعرج بماي دافي مايل للبروده هالخلطة عجيبه
والله شعري صار آيينن ولله الحمد والتساقط وقف ..​

اما سالفة العصير لا تقربين صوب الثوم >>>> كارثه ​

الفواكهة الي عندج فالبيت تفآح جزر برتقال موز واذا تبين شعرج
وبشرتج تصير احلى واحلى ضيفي قطع من الشمندر للعصير
شنووووو مفيد والله يغني عن هالفيتامينات ..​

والعصير كل يوم شربي قلاص وخلطي الي موجود
ولا تكثرين من الجزر ترى يسمر ..​

وبس حاضرين للطيبين ​

 

[إيمــآن الكويت]

فازلين البنفسجي انا اخده من الجمعيه

وبالنسبة للصدر اي والله جمال للجسم تخيلي وحدا سلاتي ماكو صدر شكلها اكس

وبسالكم شرايكم بقنال الصايغ ؟
انا ملعوزتني الحبوب وبنصحكم بشغله اذا عرسج حيل مطول يعني فوق 7شهور اكلي حبوب الروكتان تنشف الحبوب عدل مدل خصوصا اذا بظهرج ووجهج يروحون تماما بس عيبها يقولون لاتحملين اذا تاكلينها تشوه الجنين يعني اكليها 3 شهور وتمي 4 شهور بدون شي بعدها عادي احملي وشكرياا

بلييييز وين لقيتي البنفسجي
ما خليت مركز وجمعية ما دورت فيها :/​

 

[silent-girl]

^

إيمان اليوم كنت في الجمعية صوب اللوشنات
وتذكرتج :eh_s(22):
دورت الفازلين البنفسجي بس مالقيته
من كمن شهر وانا ادوره بس ما القاه
اتوقع وقفوا إنتاجه ؟

 

[silent-girl]

،

موضوع وردة سلفر حلوو

حياااج بعطاري وجمعيتي وطلعي منهم (عرووس)

 

[إيمــآن الكويت]

^^

بقسم الاستفسارات الجماليه لقيت موضوع الفازلين البنفسجي
وفي عضوه تقول بجمعية النزهة وحده تقول بجمعية السره
انا ساكنــه باليرموك والجمعية عندنا مو موفرته للاسف​

 

[silent-girl]

^

إن شاء الله تلقينه آمون
آنا من قطر و الظاهر قاطعينه عندنا

 

[انوار مطير]

هالفازلين عندي واحد جديد شاريته قبل اربع شهور مااستخدمته منو تفتح المزاد بكم تشترون هههههههه


الا صج حق شنو يستخدم ؟؟

 

[انوار مطير]

بنات تعالو ويانا بقروب الواتس للبتول فديت خشمها

البنات مايقصرون ويا بعض وكانا خوات فديت لمتهم

 

[دلال. الحلوة]

^^


انوار مطير
ظيفوني ويــااكم :eh_s(2): ارسل لج رقمي

//

بنـــــــــــاات الكويت , بنات قطر



الفازلين البنفسجي عندنا بالسعودية تبون اشتري وارسل لكم

كخخخخ

عاد تدرون عندنا بالبيت بس ماحبه هو مع الفازلين البني بزبدة الكاكاو استخدمتة بس اسبوع بعدين حذفته بغرفه اختي وللحين ماشفته والناس هابين فيه هبة اثاري له فوائد

//

ســـــــــــؤال بنات

مدري منو كتبت خلطة للجسم ( زيت اللـوز المر + زيت الجلسرين + كركم )


وش سالفتهم بالضبط

وهل في زيادة اشياء على هالخلطة ...؟

ترا سويت الخلطة واستعديت بس مدري كيف استخدمهم يعني ادهن جسمي بس..؟؟

او ادهنه واخذ الليفه المغربيه وافرك بروحي ..

وش السالفه :eh_s(10):

<< غشيمة ​