عرسج مطول !!! تعالي شاركينا افكارج ( الجزء الثالث )

[Riema]

بنااات توني طالعه من سنتر بوينت الاوقاف روعه

شريت شغلات واجد

اول شي خلصت علاقات شريت كذا شكل بس كلهم نفس اللون خشب بني غامج وعليهم تنزيلات شريت تقريبا ٤٠ حبه كذا شكل ماكلفني ٢٠ دينار

وشريت صناديق طقم واحد ٣ احجام حق ملابس الداخليه الاطقم والثاني للقمصان القصيره والثالث حجمه اصغر شوي للشموع ومعكرات الشقه من فواحات وغيره

خذييت علبه اكسسوارات شفافه مثل مالت المكياج بس هذي فيها شكلها مربع وفيها ترجين وكله مقسم مربعات صغيره واحلى شي انها مفروشه مثل خام عشان مايصدي الاكسيوارات

وشريت شوي بلايز للشقه وشورتات

شريت اكسسوارات للتواليت مثل قلاص كله شغل ترتر مع لولو لونه ذهبي وعليه شريطه فيونكا عجبتني الفكره حاطين داخلها مشوط وخذيت كبت شكله مثل بيت صغير وكله ترتر ذهبي وفيه درج فوق صغير ودرجبن تحت شوي عراض خذيته لبخوري الشخصي

 

[ي قلبي ابتسم]

صبايا
ابي اسأل عن كريم يكون مبيض ومغذي للبشره لانه مو معقوله بداية الزواج بنظل ع طول كريم اساس
برضو ابي اسم. كريم للجسم كله يوحد اللون ويخفي المسامات
بليمون اذا تعرفون عطوني. رايكم

أولاي بالتوت البري مااستغني عنه اخذت اثنين للتجهيز لاني دايم استخدمه اساس للمكياج وعليه بودرة بما ان بشرتي فاتحه وصافيه غير النضارة اللي تلاحظينها مع الاستمرار وفيه كمان منه للجسم :rerrerek:

 

[ي قلبي ابتسم]

انا خذيت كحل ومسكرا برجواز الجديده وثابته وهم في كحل ثاني شريته من سنتر بوينت بس ناسيه اسمه روعه ثابت حيل وانا بشرتي دهنيه بالعاده ينزل الكحل من استخدمته ارتحت ماحط الا مره وحده الصبح اقعد عليه طول اليوم

اذا رديت للبيت اقولج اسمه

يسلموا ريما

برجواز ماعمري جربتها بس ايش رايك بالمسكرة ماتسبب تساقط مع الاستخدام اليومي !!


وكمان انتظر اسم الكحل بفارغ الصبر يبيله روحه لسنتر ذي اليومين وراحت عن بالي العلاقات الله يذكرك بالشهادة


وعليك بالعافية المشتريات

 

[ي قلبي ابتسم]

عرايس
شرايكم الطرحه تكون طويله ولا قصيره احلى
انا ودى بطرحه طويله
الماايك لكمـ

انا اموت ع الطويلة بس فعلا راحت موضتها

حاليا طرحتي صلحتها عند احمد بدوي ثلاث طبقات قصيرة
منثور فيها الكريستال نفس الصدر
حيل فخمه

 

[معزوفة عشق&]

^^
انا مع ( ي قلبي ابتسم )
اولاي العادي او بالتوت البري روووعه روووعه رووووووعه انا ماستغنى عنه
خاصه كريم النهار يعطي نضارة وتفتيح مع الاستمرار
انا احطه ف الصباح وارسم حواجبي وبلشر خفيف ومرطب لابيلو > مكيآج نهاري يهببل ^_^

 

[ElRaZaH]

ريما عليج. بالعافيه بس الصناديق اي لون؟ خشب؟ ابي صناديق اوفوايت




انا رحت للايوب وشريت جم قميص بس شنو هذا غالي صرفت 250 على ولا شي شووويه وماخذيت قميص اول يوم ولا ثاني يوم

 

[الكلثوم]

كريم العروسة ما اعرفه من وين ؟!
اذا شغل حواج لا يحوشك اخاف لان جلدي بسرعه يحسس
انا استخدم كريم من الصيدلية
ودي اجرب سنفرة الكيكة بس مترددة بسبب سالفة الحساسية
*

 

[Riema]

يسلموا ريما

برجواز ماعمري جربتها بس ايش رايك بالمسكرة ماتسبب تساقط مع الاستخدام اليومي !!


وكمان انتظر اسم الكحل بفارغ الصبر يبيله روحه لسنتر ذي اليومين وراحت عن بالي العلاقات الله يذكرك بالشهادة


وعليك بالعافية المشتريات

الله يعاافيج ياروحي

لمسكره للامانه ماصارلي شهر فمادري اذا تطيح الرموش او لااا انا كنت استخدم مسكره عروس البحر قبل تقريبا سنتين وانا استخدمهااا

بس هذي حيل تكثف والكل يسالني شنو مسكره الي تستخدمينهاا حيل تكثف عجييبه كانج مركبه رموش


الكحل من ماك فور ايفر الاصليه مو 52 روعه اسود حيل وثابت ماينزل

ناويه اشتري مثله لجهازي :ch12:

 

[Riema]

ريما عليج. بالعافيه بس الصناديق اي لون؟ خشب؟ ابي صناديق اوفوايت




انا رحت للايوب وشريت جم قميص بس شنو هذا غالي صرفت 250 على ولا شي شووويه وماخذيت قميص اول يوم ولا ثاني يوم

الله يعااافيييييج :eh_s(17):


اهو في منه لونين اوفوايت واحمر الغامج انا خذيت احمر. مشجر حلو شكله ناعم لو اعرف احمل صور جان صورته لج صح نسيت اقواج مو خشب كرتون المقوى

معروف الايوب قمصانه غاليه نار دبل السوق انا لقطت من كذا محل من جميع والطاهر وانور والقاسم ومن محلات الي موجوده بالمنار مول عندنا بالجهرا وكله بالتنزيلات الله لايخسر

نصيحه لاتاخذين قمصان غاليه الي تجي اكثر من20 دينار انا اغلى شي خذيته مال ثاني يوم 40 دينار وواحد ثتني فخم 16 والباجي 10 واقل الحين خلصت بس باجي حق اول يوم ابي شي راقي وناعم

 

[عذبـة الاطبآع]

ريما دامج بجهرا

لايطوفج كريولاين مبطلينه باوتادد انا تو اشوفه مبطيه عن السوق

اخذي منهم كريمين فل كفر يمه يهبلوووون حق المناسبات

هذا يعتمدونه الصالونات المعروفه بالتغطيه ويكفي البشره

واحد اسمه سوبر كلر والثاني فيتا كلر واخذي بعد بودرتهم فل كفر اجنن

وانا خذيت كحلهم الابيض وناويه ع البيج يهبلون يخطون بسرعه ولونهم قوي

 

[عذبـة الاطبآع]

بنات خنفيد بعض اهني عن تنزيلات المحلات احسن من موضوع ثاني وو

اللي تشوف اي تنزيلات تقولنا اهني

 

[عذبـة الاطبآع]

اولاي بالتوت قطعوووووه عندنا من زمااااااااااااااااااان


البديل يااااا كلين ان كلير حمايه مع لون خفيف او

بوندس فلاولس الوردي بلون وحمايه

هذي البدائل الرخيصه اما البدائل الغاليه واللي احبــــه حيل حيل حيل ومايخيب ظني

ويخليج منوره طوووول اليوم ومايضر البشره اهوو بيس جفنشي من فيسز او فافافوم او

محلات التجميل عموماااا اهو عباره عن حمايه من كريم الاساس تحطينه قبل كريم الاساس يحمي بشرتج منه

مايخليه يدخل المسام ومنها يثبته بس بلون هوو الوااااان ابيض ، وردي يهبببببببل ، بيج جنه لون الفاونديشن ، برتقالي لـ السمر

بنات لاطوفووووووووووونه بـ 13 دينار بس يسوا يبقى معاج وفوق هذا يثبت الميك اب

وحتى بروحه يخليج منوره واحلى من بعد اولاي


جربووه وادعولي

 

[ببي جونسون]

عطوني نصيحه يابنات خطيبي كندي محترم بس عيبه يتكلم عن ----------- وبس ازفه وينسى ويرد يقول شالحل معاه عصبني

 

[Riema]

ريما دامج بجهرا

لايطوفج كريولاين مبطلينه باوتادد انا تو اشوفه مبطيه عن السوق

اخذي منهم كريمين فل كفر يمه يهبلوووون حق المناسبات

هذا يعتمدونه الصالونات المعروفه بالتغطيه ويكفي البشره

واحد اسمه سوبر كلر والثاني فيتا كلر واخذي بعد بودرتهم فل كفر اجنن

وانا خذيت كحلهم الابيض وناويه ع البيج يهبلون يخطون بسرعه ولونهم قوي

مشكوووره حبيبتي استانست لما دريت ان في وحده معانا بالقروب من الجهرااا:ggdw:

بروح اشوووف المحل

بسالج شفتي محلات الي فتحت عقب الفيصليه واحد تكرمين نعول وجناط وثاني اكسسوارات سغلات ذربه واسعارهم زيينه

 

[كلي هداوه]

انا اموت ع الطويلة بس فعلا راحت موضتها

حاليا طرحتي صلحتها عند احمد بدوي ثلاث طبقات قصيرة
منثور فيها الكريستال نفس الصدر
حيل فخمه

شلون طريقه الصدر كت ولا كوكتيل ولا
علاق انا مايصلح لي اطبقات وجهي ضعيف

ربي يوفقج

 

[كلي هداوه]

ريما عليج. بالعافيه بس الصناديق اي لون؟ خشب؟ ابي صناديق اوفوايت




انا رحت للايوب وشريت جم قميص بس شنو هذا غالي صرفت 250 على ولا شي شووويه وماخذيت قميص اول يوم ولا ثاني يوم

احسن لج شريتي منه اول وثاني ليله منه والباقي مومهم اهم شي تشترين المهم بعدين اللى مومهم عشان تكفي اغراضج
:d

 

[كلي هداوه]

اولاي بالتوت قطعوووووه عندنا من زمااااااااااااااااااان


البديل يااااا كلين ان كلير حمايه مع لون خفيف او

بوندس فلاولس الوردي بلون وحمايه

هذي البدائل الرخيصه اما البدائل الغاليه واللي احبــــه حيل حيل حيل ومايخيب ظني

ويخليج منوره طوووول اليوم ومايضر البشره اهوو بيس جفنشي من فيسز او فافافوم او

محلات التجميل عموماااا اهو عباره عن حمايه من كريم الاساس تحطينه قبل كريم الاساس يحمي بشرتج منه

مايخليه يدخل المسام ومنها يثبته بس بلون هوو الوااااان ابيض ، وردي يهبببببببل ، بيج جنه لون الفاونديشن ، برتقالي لـ السمر

بنات لاطوفووووووووووونه بـ 13 دينار بس يسوا يبقى معاج وفوق هذا يثبت الميك اب

وحتى بروحه يخليج منوره واحلى من بعد اولاي


جربووه وادعولي

فيسز او فافافوم وين القاهم اي مجمع ابي مجمع قريب للممنطقه العاشره

تسلمين يارب يوفقج

 

[ي قلبي ابتسم]

مششكورة ريما بعتمده ان شاء الله جزاك الله خير



كلي هداوة

انا اشوف الطويله هي اللي تضيع الوجه ههههه

انا مثلك وجهي ضعيف وملامحي صغيرة بيبي فيس ^_^

بس حلوة الطرحه اقصر طبقه لحد الكتف تقريبا نفس هذا الستايل بس ثلاث طبقات وأقصر من هيك
والاطراف كريستال ومنثور فيه قطع كريستال معينه نفس الصدر

والصدر قصه سنتيان واطرافها جلد فضي كانو حزام ولها علاقات كريستال
شكل غريب اول مره اشوفه بس طلع حلو باللبس


والفستان نفس هذا الاستايل

ماسك الصدر الى تحت الخصر حزام جلد نفس حركة الصدر وبعدها منفوش شوي
بس كله تحت قماش الساتان نفس الصورة وبالجانب تطريز خفيف بالفضي والذهبي

والحمدالله طلع فخم لما جربته وانشاء الله تكون طلتي حلوة فيه

 

[ElRaZaH]

تحسفت حدي والله رحت له ماافي شي يسوا كله عادي وغالي طارت فلوسي
الحين بشتري لاول يوم وثاني يوم وبكمل من مواقع الحريم والاسواق العاديه طقت الجميع وماكس وهالسوالف

 

[ElRaZaH]

بنات بليز ابي منكم خدمة
ابي البس سردابنا يصير شكله جنه صاله للعرس
تعرفون احد حق هالسوالف واذا شايفينه ببيوت احسن تعرفون شغل البيت يبيله واحد شاطر