عرسج مطول !!! تعالي شاركينا افكارج ( الجزء الثالث )

[كلي هداوه]

تسلمين يالغلا

^
^

 

[كلي هداوه]

لماء الورد فوائدكثيره منها ....

مسح الوجه كل يوم بقطنة يجعل البشرة رائعه.
شربه على الريق يفتح لون البشرة ويصفيها.

يصغر المسام ومفيد لحبوب الشباب.
يزيل الانتفاخات بالعين عن طريق الكمادات.
مفيد للرموش والهالات السوداء.

اذا تعرض الجلد للتسلخات مفيد جدا للاطفال والكبار ايضا،
وذلك بخلطه مع قليل من النشاء
ويعاد استعماله عدة مرات متتاليه

ماءالوردمن خواصه انه مبرد للجلد
وآمن جدا مع الاطفال والكبار ومفيد لمنع الحكه
وتخفيف الاحمرار بالجلد ورفع الجلد الخشن
لبشرة شابة نضرة متألقة
ينصح أطباء التجميل
باستخدام ماء الورديوميا،
ويفضل استخدامه باردا،
لذلك ضعيه في الثلاجة قبل الاستخدام.
أما الطريقة المثالية لاستخدامه فتتمثل في سبع نقاط :

أولا: عند الاستيقاظ من النوم
اغسلي وجهك بالماء والغسول الخاص بنوع بشرتك،
ثم رشي عليه بضع قطرات من ماء الورد
قبل وضعك كريم الشمس.

ثانيا: إذا كنت تعانين من احمرار الوجه
وحساسية مفرطة،
فاخلطي ماء الورد مع سكر ناعم،
وضعيه على بشرتك كقناع مدة ربع ساعة.

ثالثا: للحصول على بشرة نضرة
ابشري خيارة واحدة
وأضيفي إليها ملعقة من ماء الورد


ثم ضعيها قناعا على البشرة.

رابعا: للتخلص من انتفاخ العين والهالات السوداء
استخدمي كمادات ماء الوردالبارد
بعد الاستيقاظ من النوم.

خامسا: إذا كنت تعانين من حب الشباب
فاستخدمي ماء الورد بعد إضافة ملعقة
من عصير الليمون عليه.

سادسا: للتخلص من الكلف
امزجي ملعقة من خل التفاح مع ماء الورد،
وضعي المزيج كقناع مرتين في اليوم.

سابعا: لتبييض البشرة
اشربي صباحا كوبا من الماء
بعد إضافة ملعقة كبيرة من ماء الورد عليه
​

​

 

[حلآوهـ حلوهـ]

بقولكم قصه حفله ملجتي وكيف استعديت ويعتبر عرس مصغر

اول مشكله طحت فيها وهي الرجيم كان عندي مهله 4 شهور عشان اضعف وانا كله كنت اقول
يلا ماعليه بعده في وقت واخربط يومين وامشي ع الرجيم يوم وهكذا لين قرب الموعد وبقى اسبوعين
وصحيت على نفسي !!!!!!:eh_s(11): يالله شو اسوي الحين كيف اضعف ..!!
سرت خذت لي حبوب سد الشهيه وقمت ابلع بهالحبوب ووقفت اكل وشوي رياضه وشوي مشي
وقدرت ارقع عمري وضعفت 4-5 كيلو ,, وبين علي .. بس يبالي زياده ان شاء الله للعرس

طبعا الصبح نشيت وحسييت بحماس ورحت الصالون اسوي اظافري مأجله كل شي لاخر دقيقه
وهاذي غلطه ندمت عليها حتى الطقم ماخذته الا الصبح ! وماكنت احس بأي توتر والامور طيبه :eh_s(15):
بعدين سرت بيت الحرمه اللي راح تمكيجني وكانت نفسسسيه حدها بس معاي كانت اوكي
والمكياج طلع واو واااااااو خفييف وغيييرني صرت اشبه التركيات ( دايما لما اتعدل يقولون فيج جمال تركي)
الموهيم وعقب سويت التسريحه سوتلي تسريحه خيييال ودي احطها اهنيه :eh_s(11): وايد وايد حلوه
وفخمه خصووصا اني كنت لابسه تاااج ,, استويت كأني من حريم السلطان مع اني مااحبهم هههه
كلهم قامو ينادوني السلطانه والسلطانه لووول شعور حلو

خلصت المكياج تقريبا الساعه 4 العصر وهاذا الشي في صالحي ووصلت الفندق الساعه 4 ونص تقريبا
وكنت متفقه مع زوجي ان نتصور قبل الحفله ماتبدأ عشان كل شي يكون مرتب والمكياج فريش
غطيت ويهي وماخليته يشوفني الا لما لبسست كل شي وخلصت .. انبهررر فيني خصوصا اني اول
مره اكشخ بهالمستوى جدامه ..

( بنات التصوير لازم لازم يكون قبل ماتطلعين للمعازيم لانج تكونين متحمسسه ومكياجج مرتب وشعرج
مرتب وعندج طاقه والحمد الله اغلب الصور تصورتهم قبل .. طبعا انا جربت التصوير بعد وقبل بحكم ان الطقم اتأخر لين مايوصل .. الموهم يوم
اتصور بعد الحفله كنت معرقه شوي وشعري اتبهدل من تحت وكنت تعبااانه ومالي خلق فعشان جي
قلت فالعرس راح اتصور قبببببل ما ادخل القاعه )

صارت الساعه 7 وابوي ماوصل مع الطقم :eh_s(11): تدرون ليش كل هالحوسسه ؟ لان كان في طقم
الماس فبالي بس غالي واخترت بداله واحد ثاني وابوي عرف بالقصه وبدون لآ ادري راح خذلي الطقم
الالماس اللي كان فبالي .. ووصل وشايل شنطه وناداني قال تعالي شوفي طقمج فتح الشنطه والا
اشوف الطقم اللي اباااااااااااااه :eh_s(16): قال مايغلى عليج حبيبتي دمعت شوي وكانت لحظه حلوه
عمري ماراح انساها ,,

بعد ماخلصت كل شي كلهم نزلو وخلوني بروحي !!!!!!!!! بنات توترت واااااااااايد وقلت شلون راح اطلع
انا استحيي وبطني عورني ويتني لوووووعه وكنت ابا اسير الحمام ومحد عندي !!!!!!!! وفوق هاذا
الفون مافيه جاااارج !!!!!!!!!!!! شسوي بعمري :eh_s(1):
حاولت شوي شوي اسير الحمام وانتو بكرامه وتمت العمليه بنجااااح هههههههه
بس ضروري ضروري لازم حد يكون معااااااج ولا بتاكلين نفسج من التوتر !!!! هاذي ملجه بس جي صار
شلون العرس هههههههههه .!!

وياي الوقت المنتظر اللي راح ادخل فيه على المعازيم !!!!!!
شعورررر فيه رهبببه !! خصوصا لما يتبطل البابب ! بس ما كنت خايفه وايد حطيت عيوني على السبوت لايت وما كنت اشوف حد ف ماتوترررت عادي بالعكس قلت ليش انا خايفه هالكثثر !!
وعقب خلآص كل شي استوا اوكييييه

ويوم دش المعرس العرايس يزيد توترهم انا اختفى توتري يوم شفته وقعدت اسولف معاه وابوسه ههههههه اهلي منصدمين مني يقولون هاذي اللي تستحي @@

اي سؤال من عيوني ^^
وايييد تكلمت لووول :eh_s(7):

 

[حلآوهـ حلوهـ]

هههه نسيت اقولكم

انا يوم دخلت القاعه على المعازيم اخوي كان معاي
يحليله تووتر اكثر عني وقمت انا اسحبه بدال ماهو يسحبني هههه

 

[كلي هداوه]

هههه نسيت اقولكم

انا يوم دخلت القاعه على المعازيم اخوي كان معاي
يحليله تووتر اكثر عني وقمت انا اسحبه بدال ماهو يسحبني هههه

هههههههههههه الله يعينج واهم شي عدت الليله ع خير

 

[Riema]

حلااوه حلوه

الف مبرووووووك ربي يوفقج

ان شاءالله يمر يوم العرس على خييير


والملجه تعتبر برووفه لج

 

[كلي هداوه]

بنات

ابي احلى دهن عود جربتوه للعرايس وتكون ريحته حلوه

يالليت تكتبون مكان الدهن العود+اسمه

 

[ضحكة شفاي]

عدنا من بعد غيبه!! اشتقت لكم حيييييل


موفقين گِـــّل خير عرايسنا الجدد
وعسى التوفيق فالكم

 

[ضحكة شفاي]

عرآآيس بسالكم
منو جربت عشبة الاس تستخدمها كتونيك للشعر ..؟؟

يقولون تطول الششعر بسرعه و ف مدة ششهر تبان النتيجه .؟؟
اللي جربت او تعرف احد قد جربها لاتبخل علينا ..

رفيجتي تستخدم زيت الاس
بس ماشاءالله ڝــچ ڝــچ يكثف الشعر حييييل
تقريبا تستخدمه صار لها شهر بس شهرها بادي يكثر
بشكل ملحوظ !!

 

[عسى الله يهديني]

افضل دهن عود شميته مال القرشي حيل هادي وحلو من قوي ويخنق

 

[عسى الله يهديني]

ببلش اشتري صدوق كبير او شنطه وكل ماشريت شي بقط فيها وبحاول اكتب بورقه عشان ماكرر الاشياء

 

[حلآوهـ حلوهـ]

^

حلوه فكرتج بسوي مثلها ^^"

 

[كلي هداوه]

بس يقولون افضل شي تقسمين الاغراض وتشترين الشناط حسب احتاياجاتج

 

[ضحكة شفاي]

بناات تكفون مّنــو عندنا حل للشعر اللي تحت الجلد حتى لما احف يظل موجود ومرات حتى الشعر اللي انشال يطلع ويبقى كما هو لا هو الطويل اللي اقدر اشيله ولا هو اللي مايبين !!يغثني حييييل ابي حل غير الليزر
اللي عندها شي تنقذني فيه

 

[Riema]

بنات

ابي احلى دهن عود جربتوه للعرايس وتكون ريحته حلوه

يالليت تكتبون مكان الدهن العود+اسمه

تنصحج دهن عوود القرشي اسمه سفاري ريحته روعه ومنعش مو ثقيل

وخذيت دهن عود ارزة لبنان هم بارد حييل لاني ماحب دهن عود المعتق تلوع جبدي اذا شميته

الحقي تنزيلات القرشي قبل ماتخلص

 

[معزوفة عشق&]

^^ ايه انا سويت مثل كذا اشتريت شنطه كبيره وكل ماشتريت شي احطه فيها والحمد لله فادتني كثير
والورقه والقلم ماستغنى عنهم ^_^
والحمد لله اموري ماشيه عال العال مع التجهيز وقربت اخلص مابقى الا القليل ,,

الله يسهل علي وعليكم ونكون اححــلى عرآآيس

 

[ضحكة شفاي]

بنات بالنسبه للمسكه ڜڼـــۆ ناوين تسوون ؟!!.

هل تفضلون المسكات الدارجه


او


تحبون تتفنتكون بالمسكه وتاخذون شي غريب يميزكم؟!.


يـا اللَّــــھ عرايس نبي اراءكم

 

[ضحكة شفاي]

فعلاً فكرة الجنطه حلوووهگِـــّل ماشريتي شي قطيتي فيها واذا خلصتي تجهيز ؏ خير ؏͠ـــااد ترتبين اغراضچ ؏ راحتچ


والنوت بعد تنفع حيييييل وتكتبين گِـــّل ملاحظاتچ فيها وتكون معاچ بكل طلعه للتجهيز!!

 

[معزوفة عشق&]

بنات

ابي احلى دهن عود جربتوه للعرايس وتكون ريحته حلوه

يالليت تكتبون مكان الدهن العود+اسمه

انا احب مسك العروس من العربيه للعود .. والاعواد الملكيه اللي ريحتها قويه
من عبد الصمد القرشي وفي بعد من بودي شوب المسك الابيض حلو مابه ششي
..

 

[معزوفة عشق&]

بنات بالنسبه للمسكه ڜڼـــۆ ناوين تسوون ؟!!.

هل تفضلون المسكات الدارجه


او


تحبون تتفنتكون بالمسكه وتاخذون شي غريب يميزكم؟!.


يـا اللَّــــھ عرايس نبي اراءكم

شوفي حبيبتي تقريبا الاغلب اللي هي المعتاد عليها
انا من رايي احب مسكة العروس تكون جوري احمر احس حلاتها كذا
وانا عن نفسي احتمال كبير اسوي جوري احمر او ابيض اوف وايت
لان تصميم فستاني اوروبي وهادي حيل ..
رحت عرس قبل فتره لقيت العروس عامله مسكتها ورد نازل احمر وابيض ومدخله عليه صورة زوجها حلوة الحركه بس قديمه