عرسج مطول !!! تعالي شاركينا افكارج ( الجزء الثالث )

[دلوعة ماماتي 88]

وعليكم السلام والرحمه

خجل

حياتي اعذريني داايم كل مابدخل الصفحه الاخيره ادخل حسابچ بالغلط ههههههه



ايمان الكويت

عرسي قبلچ بيوم الله يتمم للجميع ع خير ان شاءالله

والحلبه خالتي تشربها نفس الچاي وماشاءالله جسمها حلوو





وللحين مالقيت بدل استقبال سنعه كله يااادفش حيييل او بسيييييييط جداً جداً مايصلح
قاعده افتر بس مالقيت

 

[mo0o0n22]

حيااتي ايماااان خلطي الحلبة مع الحليب وان شاءالله طعمها يصير مقبول
بناااات من وين تاخذون بدل الاستقبال ترا كللللش مااعرف
ثااانكس خجل وامووون

 

[حرم آلشيخ]

الحلبة شتسوي ؟
يعني شنو فوايدها ؟؟ :$

 

[alnoori]

الحلبه حطيها بالخلاط مع حليب و سكر و حبة فراوله و نص موزه و نص تفاحه وشربيها


مجربتها خف حيييل من ريحتها و طعمهاا ..


ادعي لي :*

 

[غُروبِكَ]

ما شاء الله كلنا بشهر 5

انا قبلكم 21/5

الله يتمم علينا و يسعدنا ي رب


و الله انا حاليا بشرب حليب الصويا يمكن يمتني للعرس ..

 

[كلي هداوه]

ايمان بدل واغراض رمضان خليهم بوقتهمـ احسن ~
انا بس التجهيز رمضان ماجهزت له ~
انا بعد بشهر :eh_s(22):
5\15

الله يتمم علينا يارب ~

الحلبه زينه بس يقولون تمتن

 

[إيمــآن الكويت]

.
.

كلي هداوه / شريت لي جم قميص لرمضان علشان اخلص وافتك
بعد العرس مالي خلق فراره بالسوق وأدور للرمضان


لانه ٧/١٠ رمضان وعرسي ٥/٢٣ يعني شهر ونص عندي
وين لي خلق فراره


بنات ، على طاري الحلبة شربت امس اول مره مع حليب
يبوووووووووي الطعم يلوع الجبد استغفر الله
خدامتنا الأثيوبية تقولي هذا إثيوبيا كله يشرب يصير قوي


وحدة من صديقاتي أهي نصحتني بالحلبة شربتها قبل عرسها
حق البشرة والشعر والجسم روووووووعة وآخر ٤ بوقفها سبت الريحة

 

[كلي هداوه]

ربي يوفقج يالغلا واشوفكم كلكم بقسم الحوامل يارب
ويسخر رياجيلكم لكم يارب ~
ويرزقكم باللي تتمنونه ادعي لكم بكل صلاه ~
ربي يتمم عليكم وعلي
دعواتكم]~

 

[بنت الكويت90]

مسسسااآآآآآآء الخير















شلوونكم

 

[al_sheikha]

مسآآآآآآآآآآء النوووووور

شخباركم بنات مع التجهيز

انا تحدد عرسي اول تسعه
,, احسههه واايد قريب :eh_s(22):
وماني عارفه متاا أبدأ وبشنو:eh_s(16):

 

[غُروبِكَ]

بنات ..

شنو تنصحوني دي جي ..

غير الليلك !

 

[على مودك]

اهلين عرايس:eh_s(7):

الله يتمم اموركم ع خير ويوفقنا اجمعين

حبيباتي بسالكم فستان الشبكه الخربزي وش يناسبه روج ومسكه ؟؟ ويصلح بالشبكه مناكير فرنسي والا لازم شي بارز

بليز لاتردوني عطوني كذا اقتراح بليز :eh_s(22):

 

[التوق]

مساااء الخير

 

[أميرة-]

انا عرسي تو الناس عليه

بقولكم الشغلات اللي اسويها .. عنايتي خرابيط مرات أشد حيلي وغالبًا أنسى

مادري إذا راده على الموضوع من قبل بس مايمنع أحط لكم ثاني مره

أخذت الخلطة الصابونية من مزيونه وشقرة وفيتامين سي اللوشن للجسم عقب كل ما اتسبح أحطه

أستخدم سدر مره او مرتين بالاسبوع والتساقط ليما الحين موجوده .. الله كريم ان شالله تنحل مشكلتي

قاعده أخذ حبوب فوليك أسد وأوميغا ثري وفيتامين دال لانه عندي نقص

بنات بنصحكم نصيييحة حنا مشتطات نحورف بعمرنا نرقع الشعر والبشرة ونشتري خلاجين ونحوس بالأسواق وفيه شغلات ننساها

أنا من ملجت داومت كثر ماقدر على سورة البقرة يوميًا أحاول أختمها والله مو دايم أقدر بس الحمد لله مرات أقدر باليوم أختمها
وماي زمزم اشربوا منه لما ترتون وخلوا كل شربكم للماي يكون ماي زمزم لأنه فيه بركة وشفاء بإذن الله

جربت اليوم أتدهن بهالخلطة قبل ما اتسبح : عصير ليمون وشوي جلسرين وشوي زيت اللوز للجسم تفركت فيه عدل وعقب خذيت سكر وسويت سكراب للجسم كله تفركت ليما صار جسمي احمر ههههههههههه وعقب تسبحت واستخدمت صابونية مزيونه وشقرة و لما طلعت رطبت جسمي عدل أحس بنظافة بس ماعتقد بسويها على طول أعرف نفسي ههههههههههه

بنات أدعوا لي بالتوفيق والستر ياربي يوفقنا كلنا ويرزق كل بنت ان شالله .. دعوااااااتكم

 

[رسيل المطيري]

يسسسسسسسسسسعد مسسساكم

انا زواجي م بعد تحدد :eh_s(2):

بس :eh_s(15): استخدمت خلطه بياض الثلج مررره حلوه :rerrerek:

وشربت حلبه وحليب :krkrkr: اسبوع ووقفت م قدرت اكمل من الطعم
و لاني نحيفه وابي امتن :eh_s(16):

وبس :eh_s(22):
الله يتتم لكم ولي ع خير












...

 

[kajol18]

مرحبا بنات اشلونكم



انا للحين مستمره بعنايتي بوكس نواعم ولما تخلص صابونيه ودي ارد واطلبها


وبشرتي كان مافيها شي وطلعتلي حبوب بالفتره اللي طافت وقاعده اعالجها بعياده


واسناني بعد مبلشه فيها باجيلي جم شغله وبسوي تنظيف وبعدين بنطر واسوي قوالب التبيض ان شاءالله

وليزر بلشت جلسه وحده مع اني حيل متخوفه منه احس غامرت وانا مو من نوع اللي اي شي اجربه الله كريم

بنات تنصحوني اكمل ليززر ؟!


وبالنسبه للتجهيز قاعده اخفف اي شي يعجبني اخذه


وسلامتكم )


عسى الله يوفق الجميييع

​

 

[إيمــآن الكويت]

.
.

عرايس الأسبوع إلياي معرض العطور والمكياج والي تسأل عن الليزر أنصحج تكملين
عندج عيادة عيسى بشور ومستشفى رويال حياة أحسن شئ
وعلى طارئ الحلبة أنا لايعه جبدي استغفر الله بس أشربها لأن وزني قاعد ينزل
من كثر ما احاتي والتجهيز يهد الحيييل وهم أبي بشره مشرقه


والله يوفق الكل

 

[كلي هداوه]

ليزر ماعندى خبره شوفي بالقسم مواضيع عنه

شدوو حيلكم بالعناايه

 

[كلي هداوه]

على طاري الحلبه
صج تمتن لا حجي

 

[التوق]

^
بس تسوي ريحهه شلون ؟!!! ;o