عرسي بعد ايام وهذي سالفتي ابي مساعده يامتزوجات ومخضرمات بالحياه الزوجيه

[كررزه]

الله يكبر حظك ويسخرلك زوجك ي كريم

 

[الأميرة ديانه]

ويييييه وييييييييييه هوووب هوووب يا بحر هوووب هووووب يا بحر

عاد تدرين ما يحبون المكياج
تعلمي على المسكره و البلاشار وردي
و زبدة كاكاو
مو مهم مكياج المهم نعومه و نظافه و ريحه حلوه

ترى اهما مو حريم اهما ما يحطون شي
فعادي يحبون النااعم

لا تكبيرين الموضوع انا وصلت لي النص و ما كملت
حسيتج مثلي
قبل العرس امبيه اخاف و اخااف
بعدين اكتشفت ان في اشياء عاديه و مو مهمه حييل

 

[ابدا يالغالي مانساك]

المكيااج سهالات انا تزوجت ولا اعرررف للكحل بالعين لوووول

الحين مشالله صرت فناانة مكيااج وكلام مو مبالغ فيه

خليكك دوم عند زوججك متكشخه وكل وقت بشكل وريحه حلوه ونظافة واسلووب حلو

البس نوعي فيه لبسي كل الي ببالكك عروووس حبيبتي


يارب يزينكك بعين زوجكك موفقه
اهم شي الثقه بالنفس

 

[الأميرة ديانه]

اول يوم عرس
انا بليلة الاولى غسلت و تسبحت
و غسلت شعري و كل شي
و حدي ارتحت تخيلي نفسج نايمه بمكياج الصالون شنو بيصير ببشرتج !!
او السؤال الثاني شلون بتمسحينه من جسمج بروحج

و البجايم عادي لبسي لقنز و كل شي

أنا امي قالتلي اذا بتنزلين عند حمولتج اعتبريهم مثل أهلج مو لازم مكيااااج واايد
مسكره و كحل على طرف عيني و بلشر و حمره

يعني الموضوع عادي لا تكبرينها

السواد : خلطة مزيونه و شقره + سنفره هذا لمن تتسبحين
و بعد السبوح كريم مرطب زين

و بعد اللبس نوعي بس اهم شي خامته تكون حلوه

و 3 يوم اتوقع ما راح تقعدون يمكن تطلعين معاه عادي
و اذا قعتي لبسي نفنوف حلو و ناعم

انا حتى يوم الصباحيه
غسلت مكياجي بس خليت شعري لأني كنت مسويته ستريت و بف ناعم
حلو يصير

صدقيني حيل عادي الموضوع

و حمولتج لا يأثرون عليج عادي ما نقوج و اختاروج حق ولدهم
إلا يوم عجبتيهم و ما وافق اهو الا لانج عجبتيه
إذا اهما اووفااار إنتي اختاروج بنعومتج

عادي
كلامي جدا واقعي ترى لا تخلين هالشغلات تأثر عليج

بس سؤال البجايم ضحكني
لوووووووووول حاسه غيج و الله
نصيحه اشتري بجامات أنواع و اشكال
اقصد باللبس و طريقتها انواع و اشكال
بس اهم شي البجامه تريحج و تحبينها

و جم طويل و نص كم و كل الأنواع
و في نفانيف قطن حلوين يصيرون حق البيت
روحي شوفي مارك اسبنسر و 360 و الافنيوز في بجايم حلوه هناك
و ممممم اول شهر لبسي قمصان نوم كل يوم بالليل
و بعد عادي يكون طويل و قصير شوي
و اشتري روب اسود و ابيض و لون ثاني يلوق على الي عندج
عشان اذا استحيتي تلبسينهم و بعدين تقطينهم



مممم مادري شقول بعد
بس يوعانه ابي اكل

 

[صمتها ونه]

حياتي الله يووفقج باقي سبووع امبيببه حدج متحمسيه اكييد الوكاد الله يووفقج وافاددووج الحووات ماقصروو مووفقه

 

[سندس 90]

الله يسسهل لج امورج ويجملج بعين زوجج

 

[طالبة انجلش]

حيااااتي انتي العسسسسل
ماعليج منهم انشالله يشوفج ريلج أحلى وحده

فديتج انا

يارب ولج بالمثل يالغاليه
والله اخر وحده تقولي روحي كرشج بتنط برا نفنوفج مع ان ام هالبن قالت جسم ططالبه حلو تبارك الله
مدري ليش جذي بعض هلناس
الله يسامحها ويهديها ونورتي موضوعي يالغلا .

 

[طالبة انجلش]

أوكي. حبيبتي

الله يوفقج
وأي شي انا حاضره

الله يوفقج

يارب اجمعين يالغلا
بخصوص الكيراتين

ههههههههههههههه تراني مفلسسسسسسسسه عالحديده والله .
بعد العرس اسوي ان ربي كتب .

مشكوره حبي وانتظرني يالغلا . لان عندي دراسه بخلص المتده قبل عرسي ان شاء الله
هاج >>>:eh_s(7):

 

[طالبة انجلش]

الله يوفقج ان شاء الله

امين يارب اجمعين
ولج على هالدعوه الحلوه
تفضلي :eh_s(7):

 

[طالبة انجلش]

روحي ماك وخذي دورة مكياج يعلمونج شنو الحلو عليج انتي وتكفين المكياج شنو يبيله بلبيت حطي كريم فير اند لفلي احبه لان يعطي رونق وفوقه حطي بلشر ومسكره وكحل وحمرة وقلوس وكل شي سهالات..

نصايحج بالنوت ياورده


دوره منو يخليني ولا يوديني دوره
اولا زوجي زين اذا عنه وقت
وانا دوام + دراسه
ههههههههههه الحين كلش ماراح احط مكياج .

لج يالغلا :eh_s(7):

وماقصرتي .

 

[طالبة انجلش]

حبيبتي
انتي متوتره جدا
هدي حالك الموضوع بسيط
ويتلخص بكلمه
الثقه

خليك واثقه من نفسك
ولي عوده

اي والله الثقه بس وين اللي يسمع
ناطرتج يالغلا ..
ماقصرتي حبيتي
لج :eh_s(7):

 

[طالبة انجلش]

ماااينفع انا اجاوب يعني !!


اممممم
بخصوص السوآد انصحك بزيت اللوز المر
أو الجلسوليد
يبي له وقت واستمرآر شووي

وموفقه يآرب ..

ينفع حووبي ينفع

قلب نصيحي لا تسمعين لحد مثلي انا سمعت للصيدليه واحلى وهقه

من الحين اهتمي فيها ..

امين يارب اجمعين
وعسى ربي يرزقج وينولج كل اللي بالج يارب

لج :eh_s(7):

 

[طالبة انجلش]

تصدقين ان عندي بيبي وحامل وليلحيني مااعرف احط مكياج غير الكحلة والمسكرا والحكرة والايلاينر مرة يضبط وعشرة لا والحمدلله ريلي طلع مايحب المكياج الاوفر

ونااااااااااااااااااااااااااااااااااااااااااااااااااااسه في احد مثلي عبالي انا كائن غريب :eh_s(9):

يبا انا ماراح احط غير اللي اعرفه :eh_s(10):

ويارب يطلع نفس ريلج يحب النواعم

يعطيج العافيه عالرد وربي يسخرلج زوجج ويجملج بعينه يارب ..
لج :eh_s(7):

 

[طالبة انجلش]

باختصار عرسي بعد جم يوم وادعولي ان ربي يتمم لي عللى خير

الله يتمم لج على خير يارب

اخاف باجر اتفشل قدامه شلون اتمكيج او يعيب علي ؟

يعني ممكن يخليني لا سمح الله ؟

الريال دايما يحب مرته جميله وكاشخه أول الأيام بس عقب ما يعرف شخصيتج ويختبر طيبتج وأسلوبج الحلو ذيك الساعه لو تقعدين جدامه بخيشه بعد راح يضل يموت فيج.

أهم شي بالمكياج انج تشترين فونديشن خفيف مع كحل سهل استخدامه وماسكرا وبلاشر لونه طبيعي على وردي أو مشمشي وأرواج من انجلوت أو ريفلون رووعه ووبس لا تبالغين أصلن الموضه كحل فرنسي اللي هو خط من فوق ومسكرا مع روج قوي فقط .

يعني شنو احط له الصبح والعصر وبالليل ؟

الصبح نفس ما ذكرت لج فوق بس حطي ع الشفايف قلوس او روج فاتح .
في الليل للتغيير وبالاخص اذا عندكم ضيوف حطي روج قوي أحمر أو عنابي أو فوشي مع شوية قلتر خفيف من ميكاب فور ايفر تنثرينه على جفنج واذا ما عندكم ضيوف مب لازم قليتر .

ويوم اروح لحمولتي لاني ساكنه معاهم شنو احط تكفون فيدوني يعني قولولي شنواحط ؟ وعيوني صغار واحس مو حلو الشدو علي يعني لو ماحطيت عادي
انزين اروح لهم بس العصر لان تستحي منهم وانا حييييييل حياويه ..؟

عادي ألبسي لبس كأنج رايحه زواره لحد يعني جلابيه حلوة مع شيلتها مثلا
وأنا أقول أي وقت تحسين بالملل انزلي عندهم لانهم حسبة أهلج الحين صارو
قعدي مع أم ريلج سولفي معاها قعدي مع خواته صيري اختهم الثانيه عادي يعني :eh_s(17):
وبالنسبه لعيونج الصغار حطي كحل فرنسي اللي هو خط من فوق وحطي كحل أبيض داخل عينج أو بيج يكبر العين

للعلم اهل ريلي دفاااااااشه اوفر اوفر وفي منهم وحده صريحه تقط الحجيبالويه يعني عادي تقولج فلانه شنو هالمكياج .؟

اذا ناعم اكيد ما راح تعلق ! واذا قالت لج شنو هالمكياج قولي لها شرايج انتي تحطين لي يالخبيره لاني بصراحه ماعرف مكياجي على قدي :rerrerek:


ثاني مشكله السواد ؟

السواد يبي له علاج طويل الامد يعني شهور بس حق حل شوي سريع استخدمي حاليا بشكل يومي قبل السبوح بساعه سدر مخلوط مع روب وحطيه ع السواد لين يجف بعدين قشريه بيدج أفركيه وعقب سبحي وحطي كريم ينعم المنطقه ونتيجته روعه صراحه.


وشقوله لو شاف .؟

لو شاف معليه قوليله كنت في المقناص وتوني راده هههههههههه <<<< مادري شاقولج ..

سؤال ثالث يوم الفندق بعد السبوح اروح انشف شعري وبعد مانشفه استشور قدامهولا لا ؟

أول ليله اللي هي الدخله ماراح تسبحين راح تسبحين يوم ثاني الصبح واستشوري عادي مافيها شي ..انا وحده استشورت شعري وشعره بعد

واحنا بنقعد 3 ايام فندق قولوا اوليوم ليلة العرس ثاني يوم مسائيه وبرد بالليل ثالث يوم شنو البس فيه العصر ؟

البسي أي شي مريح قميص النوم لا تلبسينه الا حزة النوم بس !

وعادي اكرر ببجامي ولا مايصير ؟

ايه طبعا عادي أصلن الرياييل ما يتذكرون شي

انا شاريه وعندي بلايز وليقنزاتوبكشخ فيهم وحلوين عادي ولا لا ؟ يعني عادي البس ليقنز وجينزات العصاري ولا لا ؟

شاريه نفانيف قصار وطوال

وفي قصار فوق الركبه وتحت عادي البسهم من ثاني اسبوع ؟

ايه عادي حبيبتي

الحين رديت شقتي اكيد اهله بيعطون صباحيه مادري شنو لو عطاني عمي ولا خالتياقول لا ماراح اخذ وجذي ولا اخذهم ؟

أخذيها وبوسيهم على راسهم واشكريهم


الكلام الحلو حبيبي وحياتي > مستعيله الاخت
لا والله مو مستعيله بس
انا جذي اسلوبي حبي حياتي قلبي جذي انا مع اخواني واهلي متى اقول هالكلام ؟

متى ما حسيتي انه ودج تقولين قولي لاتترددين

شلون ابي اقوله ابي فلوس للصالون استحي فشله مع ان يمكن يكون نزل راتبيويمكن لا ؟

قوليله عادي وهو اذا مانزل راتبه بيقولج


ولا تنسوني بنصيحه تفيدني و تنور لي حياتي وتخلي زوجي يحبني ومتعلق فيني؟
وشنو ااشيا اللي يحبها بالمره ويخليه مايفارقها ومتعلق فيها ؟

الزوج يحب المرأه اللي تهتم فيه بشكل عقلاني غير مبالغ فيه .
خلج طبيعيه لا تتصنعين .
لا تفتشين جولاته ولاب توبه .
خلي كلامج حلو معاه ان شالله ولبيه تامر أمر ...الخ .
عوديه عليج يعني لاتعودينه كله راقده في بيت أهلج أو عندهم أثبتي وجودج عنده .
أهم نقطه ( حبي أمه وخليها تحبج) لأن اذا امه مدحتج وحبتج بتصيرين في عينه احسن مره فالعالم.

والله يوفقج ويوفقنا وياج يارب

هاج بوسه
امووووووووووووووووواه على خشمج

ثاني شي نصايحج ب النوت

وربي يسخرلج زوججج ويجملج بعينه ويصب محبتج في قلبه يارب

قولي امين


وهاج هذي بعد :eh_s(7):

وبعد راح اقرى ردج مره ثانيه

 

[طالبة انجلش]

اي بالنسبه للسباحه ورده انا ماحب ابي اسبح واتعطر واخمد

تدرين شسوي انشف شعري حيل واحاول بالستريت اسويه لو فوقاني واذا قعدت الصبح رتبته وخلاص
حليت السالفه

 

[طالبة انجلش]

الله يكبر حظك ويسخرلك زوجك ي كريم

امين يارب

ولج بالمثل اذا انتي متزوجه اما اذا عازبه ربي يرزقج باحسن الريايل يارب

وينولج كل اللي بالج

هاج :eh_s(7):

 

[طالبة انجلش]

ويييييه وييييييييييه هوووب هوووب يا بحر هوووب هووووب يا بحر

عاد تدرين ما يحبون المكياج
تعلمي على المسكره و البلاشار وردي
و زبدة كاكاو
مو مهم مكياج المهم نعومه و نظافه و ريحه حلوه

ترى اهما مو حريم اهما ما يحطون شي
فعادي يحبون النااعم

لا تكبيرين الموضوع انا وصلت لي النص و ما كملت
حسيتج مثلي
قبل العرس امبيه اخاف و اخااف
بعدين اكتشفت ان في اشياء عاديه و مو مهمه حييل

الحمدالله
الكل يقولي جذي يحبون النواعم
بس ياختج اللي حوالينج يحبطونج
فلانه عينج صغيره
فلانه حطي مكياج
فلانه تعلمي وتعلمي
يبووووووووي لو فنانه بتصيرين ولا شي منهم
حبيبتي ربي يسخر لج زوجج ويجملج بعينه يارب
هاج :eh_s(7):

 

[طالبة انجلش]

الحين خل اروح البس لدوامي وديانا فدتيني وباسالج بالخاص يالغاليه نطرنيي
يمكن ارد عليكم بالليل او باجر لان جامعه عندي وبروفه

دعواتكم لي

وعسى ربي ينول كل وحده رغعت الموضوع ودعتلي ووردت علي مل اللي بالها


ويسخر لكم ازواجكم ياارب

واذا طموشه يرزقج باحسن الريايل

دوام تايم


سبحانك اللهم وبحمدك اشهد ان لا اله الا انت استغفرك واتوب اليك .

 

[al7anona]

اذا عرفتي ريلج عدل واهو نوعه في جرأه بتصيرين جريئة وبتضحكين على عمرج وتقولين شلون صرت جريئة

واذا مع اهل ريلج مع الوقت بتصيرين مثل بنتهم اهم شي توجبينهم وماتقصرين معاهم لانكم اهل خلاص

وعلى المكياج ترا اغلب الرياييل مايحبون المكياج يحبون البنت بنعومتها بس انتي لازم تتعلمين حق العزايم واليمعات مع اهلج واهله

اذا ماتعرفين تحطين تعلمي دشي دورات اذا فاضيه بعد الزواج لو تتعلمين المكياج البسيط اللي اهو خطة كحل وحمرا وكريم اساس مو لازم اوفر اذا اهلج ريلج اوفر مو لازم تكونين مثلهم انتي غير واهما غير كل واحد وطريقته

والله يوفقج ان شاءالله

اخذي معاج استشوار هوا نشفي عن الماي عادي لاتستحين بعد لازم تنشفين شعرج واخذي ستريت مافيه صوت بعد ماينشف من الماي سويه ستريت

 

[orkeda]

اهلا حبيبتي انا متلك متزوجه من فتره قريبه بس بدي قلك شي اذا انت حلوه حطي مكياج خفيف مو لازم تملي وجهك كثير وبالنسبه لسكنك مع اهله اعملي بأصلك وتربيتك خليكي طيبه ومحترمه والشي الثاني هو منطقه فخديكي يعني كيف انت بيضا وبس منطقة الفخدين سمر يعني هدا شي غريب يمكن عندك مرض روحي لطبيبه جلديه وبالتوفيق حياتي