عرسي بعد شهر و عندي مشكله مأرقتني .. هيلب

[طموحه بزياده]

الله يكون بعونج ماعندي خبره

 

[سحايب برنس]

أخذي عادي انا خذيتها وخواتي ثنين بعد ارفعوا الدوره
عادي حملنا من الشهر الثاني الحمدلله لاتلعب بالهرمونات ولاشي هي كلها مره وحده

 

[خلود الزمان]

حبوب رفع الدوره انا جربهتم قبل لا اروح الحج
كان اليوم اللي بنمشي فيه المفروض تجي واكلتهم واخرتها فتره طويله
يمكن بالقليل 10 ايام
والحمدلله تمت حجتي وماضرتني
بس لمن جاتني الدوره بعدها كان العوار قووي
وبعدها عادي عادت المياه الى مجاريها

نصيحه :: اشربي اشياء دافي تساعد تنزل الدوره قبلها
خلي الحبوب اخر حل صح جربتهم وزينين بس كنت مضطره
لاني شخصيا ما احب اجرب واغامر
واذا تحاتين عوارها بيوم العرس اخذي ابره من المستوصف ماراح تحسين بشي ان شاءالله

والله يوفقج يارب

 

[فيونكا 22]

انا نفس مشكلتج بالضببببط

سحايب برنس .. شنو اسم الحبوب اللي اخذتيها ؟

 

[washwoshh]

نصيحه لا تاخذين شي وما ارح اتوقع تييج بيوم عرسج انا خذيتها ويارتني ما خذيتها عفست دورتي فوق تحت

 

[مس جولاي]

مشكووورين كلكم حبايبي ..

انا ماابي ااخرها وااايد بالكثير 5 او 6 ايام

ربي يكتب اللي فيه الخير ان شاء الله ..

فـيونكا 22 .. انا اكثر نوع سمعت عنه اسمه نور

 

[من مثلي يكون]

حبيبتي انا زواجي الشهر الجاي
والمفروض تجيني قبل الزواج بيوم َ!
بس نظمتها من شهر شربت حبوب قبل الوقت الي بتجي لي فيه وقطعتها في الوقت الي ابيها تجي لي فيه
وبتالي تعدلت دورتي
لان بعد ماتجيك الدوره تألم
فاانا عدلتها من هداك الشهر

 

[مس جولاي]

مو شنو المشكله ؟ كانت منتظمه على اساس اخلص قيل العرس بيوم او يومين

بس الدوره اللي قبلها تاخرت وااااايد .. ف شنو صار !! صارت الحين الدوره اليايه اول يوم بيكون يوم العرس او اليوم اللي قبله

يعني غدرت فيني !! فماكو مجااال اعدلها الحين او اني اخليها تجيني ابجر ب اسبووع كامل !

 

[الصـوت الجريـح]

ههههههههههههههههههههه جلبه والله الدورة خخخ دايمن تغدر وتحب تخرب علينا المناسبات
يا يوم العيد تجي يا اول يوم دوام يا يوم عرس او حفلة وبعد بيوم العرس ؟؟؟؟؟:krkrkr:
كش يكشها :eh_s(14):

أقول تراني نفسك تمام واللي تقول خوذوا أبرة ترى ما حالاتنا الأبرة ما تفيد حيل . .
بتظل رجلينا متخدرة ومن السرة وتحت حرررر ومن فوق السره برررررد يعني أم اللخبطة بجسمج
من غير لوعة الجبد كل شوي تحسين بترجعين بالله عليكم بتغامرون بأحسن ليلة بحياتج
والمفروض تستانسين بأن تجيين دورة مثل حقتنا ؟ ؟ ؟ :eh_s(8):

أنا أقول إذا من صجها معزمة تجي بيوم العرس أول قبله بيوم لا والله أخذي الحبوب
وأقري ع نفسج قبل لا تأخذينهم وقولي بسم الله الذي لا يضر مع أسمه شيء
وأن شاء الله مهي ضارتج :eh_s(17):



​

 

[مس جولاي]

هههههههههه (الصوت الجريح) والله انج فاااهمتني

مشكووره يا قلبي على الرد

 

[Miss^NeozZ]

الله يعيينج :/ عادي اخذيها
في بنات ياخذونها حق مثل ظرفج او حق الحج او العمره وجي عرفتي ؟

 

[Nannyberry]

اخذي حبوب عشان لا تتعبين و يضيق خلقج بالعرس

 

[نثيـه]

مبروك والله يتمم عليج
حبيبتي اذا انتي خايفه روحي الصيدليه وساليه لان أهوا ابخص

ونصيحتي لج اخري الدوره 4 ايام يوم عرسج و 3 ايام عقب عرسج لان حرام تحرقين اول يوم !!
فاهمتني !

انا رفعتها برمضان ولا ضرني وبالعكس العوار خف لأني ادري متى يتنزل لبست لبس ثقيل وشربت دارسين وحده بوحده

سوري قرقت وايد بس حبيت افيدج

 

[صدى الوحدانية]

امبيييييييه انتي نفسي بالضضبط كانت تحيني بوقتها او تتاخر ايام الحين قبل عرسي بشششهر تاخرت يمكن اسبوعيييييين او اكثر خخخ

يعني اذا جتني بالعرس بوقتها يصير لي رابع يوم بس بااخرهاااا شوي باكل حبووووب الحج والعمره
انا قبل جربتهم اللعبو بدورتي خربطتهاااا بس شسوووي لاززززم اخذهم

 

[caramella <3]

الله يكون بعونــــــج حبيبتي

 

[مجرد ذكرى]

أكلي حبوب

 

[bobo lover]

الله يعينج
استغفر الله العظيم

 

[♥ SWeeRa ♥]

حبوبه في حبه انا اخذها من المستوصف اكلها بوقت الدوره لما تعورني
والحمدلله





اما علشان الغيار والتبديل الكوتكس وتلعوزج بيوم العرس روحي للصيدليه وقوليلها ابي حبوبه تتاخر الدوره وخليها تشرح لج متى تاكلينها


اكليها بحيث تنزلينها قبل عرسج باسسبوعين وثاني دوره بعد اكليها بنفس الوقت علشان تنتظم


بس شرح الصيدلانيه احسن

 

[أحلى من الخيال]

حبيبتي
أنا نفس حالتج ألم و ترجيع و نفسيه
عاد شللي حادج
أخذي حبوب و أرفعيها أبرك لج أنا اشكثر خذيتهم
الحمد لله ما ضرتني
و في طريقة ثانية إنج اتجدمين موعد الدورة
عن طريق حبوب تنظيم أخذيها جم يوم و بعدين اتريكها
تنزل الدورة و تفتكين قبل العرس
عشان النفسيه اتعدل و الوجه ينور
اسألي صيدلاني فيها
المهم بكل الأحوال لا تكون عليج الدورة بليلة العرس
و بعدها أسبوع على الأقل عشان العزايم
و مبروك​

 

[جنزبيلا]

سهالات

قبل موعدها بعشر ايام كل يوم شربي كوب مرميه وكوب داريسن باخر 3 ايام قبل وقتها وبتنزل مبجر وتخلصين منها مبجر وبس