عرسي شهر عشرة وين اسافر ؟؟؟

[غادة الكاميليا]

قوة بنات شلونكم
انا انشالله زواجي راح يكون شهر عشرة اودي تشورون علي شنو افضل بلد يصلح حق شهر عسل ابهالوقت من السنة .. ابي دولة يكون جوها ربيعي مو جمدة وما ابي دول عربيه
مشكوووورين جدا

 

[غالية22]

غادة الكاميليا يقولون احلى وقت حق ماليزيا شهر عشرة روووووعة لاتطوفج واحسن شي انها دولة اسلامية يعني ماتحاتين الاكل وفيها كل شي طبيعة وشوبينج وانشالله باجي البنات يفيدونج بعد

 

[Layz]

وايد يمدحون أستراليا ..

بس اهما جوهم عكسنا يعني لا صار عندنا شتا عندهم صيف ..


و عندج أوروبا النمسا و سويسرا و فينيسيا حلوة بإيطاليا ..

 

[سمبوسة]

يعتمد انتي شنو تبين ,, بحر ومنتجعات والا طبيعة والا مدينة وتسوق وبعد الميزانية تفرق
اذا تحبين البحر المالديف روعة بس ما تطولين فيها وتطلعين منها لتايلند مثلا أو ماليزيا ,, اذا الطبيعة أوربا عندج النمسا فيينا وزلمسي ,, عندج ايطاليا وعندج باريس أو لندن واسكتلندا وكلهم بشهر عشرة جوهم حلو بارد بس مو برد موت لأ حلو ,,
شخصيا أفضل شهر العسل منتجع أول الأيام بعدين أروح مدينة ,, المنتجع يصير عندج مجال تكشخين وتلبسين وتتدلعين كعروس ما فيه طلعة وحوسة ولا لبسي فلات وتعرفين بهدلة السفر

 

[nouna82]

شهر العسل حلاته دول فيها بحر و وناسة اوروبا لاحقين عليها ____ شهر العسل رحت (بوكيت - بانكوك - سيدني - غولد كوست - سنغافورة )


بس حدة ونااااااسة اصلا ايام ماتنسي روحوا نفس جدولنا و حييييل بتستانسووون

انا كنت مو متحجبة فكان عادي اتسبح بحمام السباحة و البحر

فاذا كنتي متحجبة حجزوا مكان فيه برافيت بول عشان تسبحين بروحج مع ريلج و هالله هالله بالمايوهات السنعة

 

[اوراد العشق]

الــماالــديف واقطع وانا اختج
وهذي تاصور للتحطيم

نبذه





لقضاء شهر العسل

معظم السياح يأتون إلى المالديف في رحلات منظّمة، لزيارة أحد المنتجعات التي يزيد عددها على سبعين منتجعاً، ومعظمها في الجزر المرجانية الثلاث القريبة للعاصمة وهي جزيرة مارلاى الشمالية، جزيرة مارلاى الجنوبية وجزيرة آري، وهناك بضعة منتجعات أخرى في الجزر المرجانية القريبة.

هذه هي باختصار جزر المالديف الدافئة والساحرة، التي تستقطب أعدادا هائلة من السياح من جميع انحاء العالم

للتمتع بشواطئها ومناخها ورونقها المحاط بالشعب المرجانية.مات أكثر من 80 شخصا ودمرت مبان وتأثرت أرزاق أما
كلمة «محظوظة» فليست الكلمة المناسبة لوصف المالديف في أعقاب كارثة تسونامي وربما كان المرء يتوقع الأسوأ بالنسبة
لهذا الأرخبيل الذي يضم 1190 جزيرة وساحلا رمليا، وبالنسبة للمنتجعات التسعين التي يعتمد عليها اقتصادها. وفي ذلك
الحدث نجت البلاد ومنتجعاتها بصورة معينة. وظل الكثير من الفنادق مفتوحا وفتحت فنادق أخرى بعد الحادث بأيام قليلة، ولم
تغلق الا مجموعة صغيرة لفترة زادت على الشهر. وتبقى المالديف مكانا رائعا لقضاء العطلة، حيث أجمل السواحل
والبحيرات الصافية في العالم والناس الذين يتميزون باللطف وحسن الضيافة، فضلا عن الطقس المثالي وسحر الجزر
الصغيرة المطرزة بأشجار النخيل





اهـــئ اهـــئ قــلبـــي عــــووووووورنــي



بحــرهم مثــل بحــرنااا صـــــــــــااااااااااااااافي...!!

 

[غادة الكاميليا]

مشكووورين على التجاوب
وبالنسبة لاوروبا انا شفت درجة حرارة النمسا شهر عشر 14 بالنهار و 6 بليل مو جنها باردة؟؟
وانا مابي رحلة طويلة اتبهدل

 

[انادي]

الله يسهل عليج اذا تبين طبيعه او رحلات من الصبح مالج غير النمسا

 

[روقاء]

زلمسي وأقطع بلاد الرومانسيه تصلح لشهر العسل

 

[84 Miss Chocolate]

اوربا احلى شي حق شهر العسل وخرى عن اسياااا خليها بعدييين .
باريس و روما و فينا ... مبروووووووووووووك

 

[LawYeR NaNo]

جـــــــــــــــــــــزر .. المـــــــــــــالــــــديــــــــــــــــــــــــف

 

[غلاي6]

بصراحه انا صج انصحج انا رحت النمسا مادري ما تصلح شهر عسل روحي سويسرا وبس لاتقولين فرنسا ولا المانيا ولا الجيك ولا ماليزيا ولا سنغافوره روحي سويسرا وايطاليا روحي في سويسرا جنيف,انترلاكن,منترو ,زيورخ شوفي خاصتن منترو وانترلاكن صج لايطوفونج يعني صج حق شهر العسل وفي ايطاليا روحي روما , فنيسيا انا رحتلهم وانصحج في سويسرا وايطاليا

 

[bobo lover]

الله يوفقج ان شاءالله

المالديف حلوة و بوكيت في تايلند حلوة

 

[اوركيدا]

أمريكا روووووووووووووعه حق شهر عسل كلشي فيها .. جزر منتجع مجمعات سوقه طبيعه كل البرامج وجوها اينن

 

[خبيرة في كل شي]

عن نفسي ارووووووح في شهر العسل لحبيبتي الهند رووووعة بلد العجايب


تهبل تهبل تهبل الهند حدها عجييبة

 

[حرير*]

بارااااااريس




​

 

[brettey]

ماليزيا او امريكا لان اوربا بتكون شهر 10 بارده

 

[bombo]

انا عن نفسي احب البحر و الجزر لان مكان رومانسي حق اثنين توهم متزوجين و بسافرون من غير يهال
انا بشهر العسل رحت ماليزيا و بانكوك و بوكيت بس اكثر الاماكن قعدت في فندق يكون نظامه فلل و فيه حوض سباحه بروحي انا و ريلي علشان تلبسين اللي تبييييينه واااي وناسه اذا تبين اعطيج تقرير كامل و مفصل عن الفنادق و الرحلات والله احنالي الحين نتذكر الايام اللي قضيناها في هالاماكن
و تخيلي بعد تاخذين جزيره بروحج انتي وريلج بس تسبحون و تستانسون

 

[Om-3zooz]

استرالياا روعة ورحلات و بحر ووناسة

 

[[..كـــــرك..]]

حبيبتي

مبروك العرس


ماانصحج الا بالمالديف او موريشيوس

واذا تبين اي شي ذكريني بالخاص